Day 89 平淡的一天
除咗早餐落街食咗蝦子撈麵之外,其本上全日都係到訓,有幾頹廢得幾頹廢,附近就得兩個大商場,冇咩好行嘅地方
日日除咗睇書睇電影,冇其他野做了。想遊水,可惜唔太方便。想健身,但又冇日票呢家野。想去華僑城玩,可惜下個月先開業
開個大眾點評,又搵唔到有咩特色好玩嘅,如果有啲桌遊館,可以去玩boardgame過下日晨。又或者有女僕cafe嘅話,可以去同女僕玩下遊戲
可惜呢度咩都冇。 吖,唔可以講咩都冇,有個咩豬豬俠3D主題樂園同史努比世界,個對象係小朋友,不過睇啲相都係好鳩,唔通去同啲細路生玩具玩咩
仲見到有整陶瓷同埋畫油畫, 陶瓷都有整開,畫油畫未試過,聽日冇嘢做會可以試一試, 麻煩嘅就係畫完唔係幾方便拎返香港
由於聽日姑姐姑丈會去飲,我夜晚嗰餐係自己搞掂。聽日食完晏就就落去租架嘅共享電動車周圍遊車河, 揸到邊食到邊最後如果揸得太遠嘅就打滴滴返屋企
如果你話景點我都諗咗一個嘅, 在之套tvb套水浸都仲係黃雨嘅守業者嘅取景地點, 叫逢簡水鄉。 嗰度嘅風景係唔錯嘅, 但亦都勾起我一段往事
嗰陣時問個係北京讀書嘅女仔fd有冇單身嘅女仔介紹比我識,佢話有個好朋友可以介紹比我識。我問佢個女仔邊到人,佢話順德,我嗰時心諗唔係咁橋麻。之後冇耐暑假佢去順德探嗰女仔嘅時候叫埋我去
去到一見到個女仔,我心裡小鹿亂撞,靚女黎的,而且係氣質型。之後我地四個(我個fd,個女仔,佢個妹)一齊去咗逢簡水鄉,夜晚佢屋企人仲車咗我地去食飯同睇戲。我同auntie仲幾好傾,比個fd笑我係咁快行外母政策
後來我個女仔fd同我講我先知佢個fd屋企好有錢,屋企有泳池,而且係俄羅斯留緊學。作為一個一事無成嘅窮撚,嗰刻真係自卑,因為就好化似兩個世界咁。最後當然係冇下文,將來如果有機會我都想再見佢一面,但係以最好嘅自己出現係佢面
我心裡面一直都好多謝我個女仔fd,介紹個咁高質嘅女仔比我,而且助攻不斷,可惜係我廢,浪費咗佢一翻苦心
以於其他fd,唔好提了,係咁推托,淨係叫我係出面自己識,識到就唔洗叫你介紹啦
夜已深,我一個人獨自坐係廳,靜靜咁食住雞胸,上著連登
這是平淡的一天