Day 49 八一中區醫院
喺醫院冇嘢做,出下post
琴晚阿靖係床底執到條藏族嘅頸鏈
我哋見去幫物嘅路點上係落波, 所以打算晏晝出發。起身食份餃子
跟住執下嘢hea下就食晏晝, 但食緊飯嘅時候阿靖話今日唔齊, 叫我哋踩先, 我哋見佢咁突然問佢點解,佢又唔答, 我哋見佢好似唔想講,所以都唔問
之後我哋就出發踩去呢個波密,其中經過一個打卡景點
點知踩咗三十幾公里就係條畀沙覆蓋網絡好似平路但實質係凹凸路嘅路段抄咗鑊金, 嗰下真係 嗰下痛到身都起唔到, 連個駄包都炒爛埋, 不過有保養,唔驚。 但我膝頭就好似受到重創
本身都仲行得走得嘅, 跟住阿曦就用條繩拉住我架車帶我行咗一段距離,搵咗個陰涼嘅位, 嗰陣時膝頭已經腫到成個手球咁大
之後佢喺路邊等,睇下有冇皮卡車可以順路載我哋一程, 但係等咗一陣都未見到我哋就打咗120, 佢話佢哋喺八一嗰邊出車, 嗰邊呢我哋個地點有成三百公里, 過你要等四個鐘, 我哋問佢有冇啲近啲嘅醫院佢話冇,我哋唯有照等
喺我哋打咗120冇耐之後我哋遇到架藏民嘅皮卡車, 佢哋車咗我哋去佢屋企嗰度休息同等120
藏民小妹妹同我哋傾偈,仲摘咗啲野果畀我食 同埋織咗個樹葉還畀我
等到七點幾架車仲未嚟到, 藏民阿姨煮埋我哋份飯,真係有少少感動
等到差唔多成八點幾九點架車終於開到, 但開返去八一又要四個鐘,基本上係直接跳咗四日嘅行程
途中架車停低食飯
之後我就喺半睡半醒之中大概喺兩點零鐘到達呢個林芝市嘅八一中區醫院, 我真係估唔到自己係咁樣黎到林芝
之後就有職員用輪椅推咗我去照呢個x光同埋磁力共振, 照完醫生話冇明顯嘅但係可能係韌帶傷咗同埋有啲皮下出血要留院觀察, 唔使開都已經係不幸之中嘅大幸
之後我就釣住唔知乜鬼營養液嘅嘢瞓咗晚, 阿希就瞓我隔離床位
好彩有買保險,唔係啲洗費真係幾金
當我聽到救護車嘅費用係每公里五蚊雞, 我當堂嚇左一跳, 來回城600公里咁就三千蚊
對比於車費,其他住院呀照x光呀,呢啲已經係小意思