[踩去西藏]四千公里的單車流浪日記 Live

加油💪🏿

Day 78 鄉下第一日

我朝食完早餐就去咗醫院，醫生睇完片話骨冇事，而家傷嗰邊隻腳明顯瘦咗圈，有萎縮，係韌帶或者神經方面嘅問題，要照個磁力共振先知詳細問題。唉，總知就煩

照個磁力共振都要排到聽日下午。於是先幫我做啲治療。又用光，又用電，又用暖，又用蒸，六個項目，每個20分鐘，做咗2個鐘，一道美味可口嘅菜式就出爐。期間有啲女實習生經常係前面行過





而我嘅拐杖亦升級到3.0


下午返去訓咗晏教，訓醒就食飯。地道嘅廣東家常菜

又去醫院，咪好貴？
點解唔返香港先算

多謝絲打 你都要加油 好好調理返個身體 仲有好多地方等你去

照磁力共振$7xx

物理治療一次2xx

返香港要自己一個處理，睇醫生，拎藥，交錢，行動不便好麻煩，係鄉下呢邊姑丈退咗休可以陪我去睇，有車出入/滴滴方便好多

而我阿媽仲未知我整親

預計要醫幾耐，先好返？

照完磁力共振先知

有無買旅遊保？

有

Keep曬單返香港claim , 依家休養下先啦

今晚等你update

Day 79 鄉下第二日

上午係姑姐屋企食早餐同晏就，下午姑丈帶咗我去做物埋治療同照磁力共振

去到康復部，又見到班女實習生，今日除咗口罩，有幾個真係白衣天使，可惜幫我嘅係男/阿姨

有個護士見我係香港人，又長髮，又傷咗隻腳，以為我係示威者被警察打傷，著草返黎。佢咁講一講，其他人望晒過黎，而姑丈亦好快幫我澄清

照磁力共振同我想像有啲出入，原係就咁訓係到，帶住個耳罩，一路聽部機發出嘅音頻交響樂。啲，啲，啲，嘟，嘟，嘟，嗶，嗶，嗶

差啲恰著。照完聽朝出報告。出到去，表姐已經黎咗，接我地去食飯。當然少不免比佢話一餐

講到呢個表姐，係我表兄弟姐妹之中最大嘅，亦都係最獨立自主既一個，自己開鋪，有車有樓，一個典型嘅女强人。相反，作為表兄弟姐妹人中最細嘅我，一來冇父幹，二來冇才幹，係最渾渾噩噩嘅一個

乳鴿


宵夜


食住宵夜開咗套電影 媽閣是一座城 黎睇，裡面係講疊馬仔同賭仔，幾寫實，劇情唔錯

睇完就訓，聽朝表姐車我去拎結果

Day 80 又留院

今朝落樓下食住雲吞麵等表姐黎


去到醫院拎咗報告，冇大獲野， 就係膝頭位有損傷，等啲瘀血散就無事，但由於我拖太耐，建議我留院，免得再拖落去有後遺症

於是我就住院了


表姐走之前同我傾咗陣計，問我點解會留長頭髮。我時諗咗幾秒，居然答唔出。當初一直想留長試下，但幾次都中途放棄咗，今次終於留成，又唔係好捨得剪，留長就好似種樹，成長要好長時間，但摧毀卻只須一瞬間

而且我好響往古風/武俠風，所以想一直留落去，我應該有中二病

佢唔反對人長頭髮/紋身(我表姪女想紋個可愛嘅公仔係腳到)，但最緊要知自己做緊乜，同會唔會因為咁而影響將來遇到嘅機會。因為係大眾嘅眼中男嘅留長髮比人嘅感覺就係異類，除非你好有料，用實力去證明自己，改變人地嘅睇法

決定留落去，就好好闖一番事業。當你有自己嘅一片天，就可以塞住人把口，點留都冇人話你

下午嘅嗌咗營養餐外賣，我覺得唔錯



晚餐姑丈帶過黎



食完飯又展開kill time時間，唔知仲要住幾日

同房嘅都係班伯父，佢地食完飯就睇抗日神劇，我真係唔識欣賞

巴打喺廣州，睇唔睇到今晚香港發生既事？

831係國殤香港人比黑狗恰得好慘

睇到，太子黑夜

Day 81 留院的日常



朝早嗌咗個牛肉粉加剪蛋，好味又飽肚


隻腳感覺好返啲，腫嘅範圍收窄咗，我想信明天會更好。食完早餐，開咗套動畫電影-白蛇•缘起，整體唔錯，而且畫風幾好

不得不承認，國產嘅動畫係不斷進步緊， 由我睇佢地最初期嘅3D都起哂角， 個畫面一啲都唔順滑， 到而家做出嚟嘅效果都開始可以媲美外國。 好似以哪吒第一步，諗住出一系列圍繞中國神話嘅動畫片， 打造出一個類似marvel一樣嘅神話角色世界觀， 我得呢個諗法係唔錯， 最起碼係承傳返傳統嘅文化

有進步絕對係一件好事， 停濟不前嘅最終只會被淘汰

今日姑丈係晏晝攞飯比我，都係有雞湯飲嘅


食完飯我有我玩手機，佢地都係沉浸在係抗日神劇當中。我其實唔明點解大陸呢邊啲阿叔阿伯咁鍾意睇近代戰鬥片/劇集，可能真係因為佢地經歷過。不過亦都唔需要明，每個人鍾意嘅野都唔同，鍾意往往係唔需要理由


夜晚嗌咗營養餐，但最終都係忍唔住叫宵夜




一邊食宵夜，一邊睇電影。開咗套-最好的我們黎睇。睇親呢啲青春片，我都會有種遺憾，遺憾自己冇一段難忘嘅中學時光， 戀愛同叛逆嘅青春都與自己無關

中學生涯太平淡了，哪怕係一個缺點都冇出現過，好像白過一樣

而且出黎做野之後，就漫漫發覺好難識到交心嘅朋友。最好嘅知己都幾乎係讀書時嘅玩伴。可能經過社會嘅洗禮，大家都學識咗收埋自己，保護自己，而帶上咗面具

戲裡面女主角本身好平凡，但下決心要令自己變得更好，成為長在樹上最頂端嘅果子。希望各位迷惘嘅覺得自己平凡嘅巴絲，唔好消極，唔放棄總會找到自己嘅方向，成功嘅固然可喜可賀，但失敗嘅又有咩所謂，試過跌過痛過，人生也沒白活過

Day 82 留院日常之二

留院第三日，公式化嘅日程。起身>嗌早餐> 敷藥> 姑丈拎晏就過嚟 >敷藥>嗌夜晚>訓教。其餘時間就係用手機




每朝大陸電視新聞都會提下香港，不外乎冠以港獨，暴徒啊呢啲稱號，再搵啲人採訪，講到支威者有幾景響佢地生活，話支持警察，又打下煽情牌， 嘩好多幾十年老鋪都冇生意，面臨困境，隨時執笠

跟住呢到住院嘅阿伯都會話一早要捉晒班暴徒，實係收咗錢出黎做野，搞亂香港。佢地接受單方資訊，加上被洗腦咗咁耐，有咁嘅諗法唔出奇。一個人講嘅係大話，當身邊有一百個人都咁講，你就以為係真的了

其實唔難理解大陸呢邊點解咁強調將香港所發生嘅野扣上港獨嘅帽子。呢邊好多中老年人思想上覺都以前中國比人蝦慣，而家強大就唔再比其他國家欺負，更加唔接受到領土被侵占同分裂。佢聽到港獨義憤填膺， 基本上都唔會深究真正發生啲咩事

睇到有post話香港人太大政治潔癖，我都認為係。打住敵人嘅旗號去打敵人係幾好嘅諗法，黑警可以扮示威者，我哋何嘗唔可以扮愛國人士。 如果電視拍到嘅畫面係示威者，拎住紅旗，打住毛XX/習XX旗號，紅色banner，扮到好愛國。一來黑警夠膽打，再文宣佢地反中亂港，而呢邊嘅國内新聞吹你唔脹。就好似大陸呢邊好多人表面上好撐中央，但私下都係屌晒鬼

下午睇咗套戲叫跳舞吧！大象，女主角為咗自己夢想，哪怕明知失敗，佢都想拼盡全力試一次。盡其一段對白好勵志，希望鼓勵下大家


同埋裡面一首配樂嘅歌幾好意思，歌名叫<姍姍>
https://youtu.be/GP1ErydrxD4

成人後情緒總反著表達

幾杯黃湯以後你說

走著走著怎麼腳步漸漸慢了

忙著忙著怎麼生活變得拖沓

街角的舊樓推倒了

懷舊的人住在熱鬧繁華的大廈