Day 32 雅安(名山停整日二)
一個陽光普照嘅清晨, 終於停雨
瞓到自然醒就同阿靖去一齊食早餐,順便係淘寶睇下啲貨到未。 果然我琴日做嘅決定係非常之明志, 我第一間買外呔嗰間而家件貨先啱啱飛去成都,後買嗰間已經到雅安
有啲店嘅發貨效率也真的是太差了,我早上落咗單, 講咗話急要, 都仲可以下午5點幾先發貨,好彩我多買另一家做保險,人哋都是蘇州發, 仲遲過你發,人哋都係快過你, 真係要檢討下啦
食完早餐我哋就返上房執下嘢, 同埋趁有太陽,將所有要洗嘅都拎曬出嚟洗。 原來阿靖仲帶咗張布地圖,原本佢有個朋友都要一齊去,仲買咗呢張地圖,但係最後去唔成所以就畀咗阿靖, 希望阿靖可以完成佢嘅遺憾
跟住差唔多時間就出去搵嘢食, 大家去留意返係個細路女落單, 除咗落單佢會執碗, 咁細個就幫屋企手,真係叻女
食完飯行商場發覺係死場嚟嘅, 於是阿靖話不如去網吧打機, 點知 我冇大陸身份證連網吧都唔畀我入
由於喺附近有間戲院, 我就同佢講話你繼續喺度打機, 我去睇戲,睇完戲就搵你。 最後我揀咗睇呢齣叫做銀河補習班嘅電影, 佢係講父子情, 真心覺得唔錯,我睇完都有少少掛住我老豆
睇睇下我已經收到啲信息我喺第二間店買嘅外呔到咗, 但嗰間第一間訂嘅店係咪未到, 搞到我要轉運去之後路上會經過地點, 真係好想差評佢
我就同阿靖返去搵捷安特老闆幫我哋整車, 名山捷安特店嘅老闆真係幾好人,同佢合影一張
我哋見時間仲早就直接踩入市中心,等聽日嘅距離可以縮短缺少
是日旅館加晚餐
我哋落樓下買少少嘢, 經過間藥房見到氧氣瓶17蚊一支, 就買咗兩支。 反正好輕,用得著就唔使到時畀人劏, 用唔著嘅都唔影響負重, 就係大支咗少少啫
今晚早啲瞓聽朝早啲出發,直接踩去到瀘定