Day 30 雅安
今日起身發覺出面落大雨,而且天氣預報話落全日。但路仍必須走
之後我地就路在雨中,踩咗50公里去邛崃食晏。叫咗兩餸一湯,幾豐富
食食下老闆比咗張卡我地。而家嘅318嗰然好商業化,食住宿拖包一條龍,咁踩法我坐飛機直飛拉薩唔好
食完我哋就向雅安出發, 踩咗幾十公里我發現我個後呔冇氣,我以為爆呔,但係我就咁泵返氣又冇事喎, 搞到我都唔知其實有冇爆, 唔通嗰陣時切車老闆幫我加咗啲自動補呔液
黑開可能係會有條路, 今次輪到阿靖, 佢無啦啦踩踩下個seat位甩咗出嚟仲唔見咗粒螺絲, 好彩我帶咗啲後備嘅內六角螺絲,幫佢整咗一陣搞返掂
本來以為可以順順利利啦, 點知離雅安剩返十幾公里嘅時候, 佢後呔爆咗。 由於落緊雨, 加上我見到附近有間捷安特, 咁我就同佢講話不如去店換咗佢啦,。點知去到發現關咗門, 於是我哋就打門口個電話畀老闆, 佢話聽日先開, 得返市中心嗰邊間捷安特先有人, 話如果搵人接我哋個去嘅話調度費要60蚊
我同阿靖都覺得有啲貴, 幾時我哋自己落手落腳換,估唔到人生第一次換呔係幫人換
我哋好順利咁換左内呔,但估唔到裝返個轆嘅時候, 非常之唔順利, 個碟片同埋個煞車, 卡得好實搞咗好耐都搞唔到, 所以我哋都決定放棄 , 就喺隔離搵咗間旅館, 等聽朝捷安特開 再去畀人整
咁去到旅館啦, 我就順便睇下個後轆究竟有冇事仔細檢查係咪爆左呔, 唔睇又自可一睇發現大獲, 後轆嘅外呔邊位居然磨到見到外胎, 但係我完全唔知道係喺邊度搞成咁, 我只能推測係喺貴州嗰啲爛路加埋冇洗車各種因素所組成
估唔到原來外呔都要換, 塞翁失馬,焉知非福, 喺雅安發現到都係一件好事嚟嘅, 入咗318先發現想搵都有啲麻煩
不過700c嘅防刺外呔,我得呢邊都未必有, 如果冇嘅就只能靠淘寶順豐過嚟,如果係咁嘅真係要耽誤兩三日
唔理咁多,聽日再算, 食嘢醫下肚先。 不得提佢呢個牛扒飯真係好足料