是咁的，我變左做個細路女，然後嗱左個填色比賽冠軍

小學生功課要寫清楚題解
寫清楚條直式比miss睇
計數好快，但寫字要時間
係建基於“一望就知答案”既前題下，5分鐘寫5題其實差唔多

係
小學計數有87%時間都係執個濕尻格式比miss

　　講起功課，其實我都仲係好不滿。
　　用翻頭先果五題濕尻除數做例子，我地要用尺畫好格式，分清楚邊度係直式，邊度係寫題解；而且直式每條線都要直，每一條都要間好。
　　仲有因為係格仔簿，所以如果數錯格仔間錯線，好有機會由由頭擦過佢再寫過
　　當然，我同梁老師講過Lee個問題。
　　「點解要咁執著個格式？我做你份功課有四份三時間都係間線。」
　　「如果唔叫佢地間清楚Ｄ線，Ｄ同學就會唔識寫直式。」
　　「唔識寫直式仲邊有可能計到條數？ＤＳＥ係要學生計得又快又準，用咁多時間間線有咩意思？」
　　「小學係要黎打好基礎，而唔係一味求快。
　　如果唔自細培養佢地對齊位嘅習慣，第二時佢地寫直式就好有可能對錯位而計錯數。
　　我知道你可能已經好習慣跳步驟，計數寫得好快，不過其他同學仲要幾時間練習。
　　所以你係我份習作唔該亦跟番我個格式寫比我，咁我比人查簿果陣亦有個交代。」
　　所以為同學打好基礎係假，應付科主任查簿係真。
　　所謂格式，其實也只是滿足上面，甚至是街外人對小學生那種崇高又處偽嘅「整潔」嘅要求而已。
　　畢竟而家嘅老師係合約制，所以好驚份工下年無得續約，。
　　果見到有個學生長期唔跟格式咁做，咁科主任就會比壓力個老師叫佢逼學生執正佢，如果執唔正嘅話就係佢「教育無方」。
　　我亦唔想吐糟落去啦，畢竟梁老師幫過我，我又唔想令佢無左份工。

　　當然其他MISS我就唔會理咁多尻做，反正佢地無左份工唔關我事。

樓主個觀念扭曲得好緊要
乜鳩都係DSE

　　我之前講過，我係視藝課畫左半幅美人魚，跟住MISS話下堂再續。
　　然後視藝課同音樂課係隔周上，即係今個禮拜係視藝課，下個禮拜就係音樂課，所謂「下一堂視藝課」已經係兩個禮拜之後嘅事。
　　所以MISS已經唔記得左上堂嘅粉彩畫，叫我地做下件勞作。
　　佢派左堆顏色紙，仲有幾條鐵線同埋竹支，叫我地設計自己嘅風車出黎，靚果Ｄ會擺出走廊貼堂。
　　姑勿論這些顏色紙能否承受風力，以小學生來說他們根本沒有物理知識去設計出可以用風力推動嘅螺旋型風車結構。
　　所以MISS只是想我地做出一堆風車形狀嘅垃圾而已。
　　因此比起做LEE件「勞作」，我更想畫番上一幅畫。

　　「MISS，上堂唔係有幅粉彩未畫曬咩？」
　　「下，比曬分啦wow。」
　　「老師明明話過下堂比我地繼續畫…」我擠下幾滴眼淚，希望佢唔好逼我做LEE份垃圾勞作。
　　「放心啦，你幅畫好靚，有９０分。」
　　「幅畫根本未畫完！」
　　「不過你今堂要交個風車ｗow。」
　　對於老師黎講，藝術只係份功課，畢竟交唔齊料比科主任甚至校長摔亦係好麻煩。
　　「風車啊嘛，好…好！」
　　不過，既然你唔比我畫埋畫，我亦唔會同你客氣。
　　我拿左幾種唔同顏色嘅紙，撕成碎片。
　　無錯，我發緊脾氣，不過我同時亦真係做緊份勞作。

　　「劉倩雯，你冷靜Ｄ！」
　　撕爛曬自已幾張顏色紙之後，我將佢地排列成「風車」兩個字，然後用膠水將碎片一舊舊咁痴翻埋，然後用鐵線將兩個字痴埋一齊。
　　沒錯，我偏係唔做架風車比你，我睇你點交貨。

　　課堂上的確有幾個亂玩顏料同搶人野嘅學生，MISS可以話佢地搗亂秩序所以交唔出作品，但我LEE個拿獎嘅學生，無理由唔交我果份作品出去。
　　所以我果個「風車」絕對會係老師嘅一個難題。

藝術家脾氣

再留個名先

　　今日係禮拜五，放學前果堂好似係叫「課外活動課」，學期頭果陣每個同學都擇左一班去「玩」
　　有唱歌班，有畫畫班，有電腦班，亦有唔同嘅興趣班。
　　但係我阿媽偏偏幫我擇左個趣味英語學習班
　　當然，亦有可能係「我」自己擇嘅，不過Lee個班亦只係上一堂英文堂，最多個老師變左個鬼佬，然後搞一堆連個鬼佬自已本身都覺得On9嘅垃圾活動引大家語英文。
　　原本我嗱左本故仔書係果當「英文堂」繼續讀，點知我比視藝Miss叫左出課室。
　　唔通我佢因為果隻風車，所以想罰我？
　　「校長話希望你轉去我果個繪畫班學畫畫，然後報下繪畫比賽。
　　當然，你想繼續留係趣味英語班亦無問題。」
　　「好，緊係好，畫畫點都比上堂好。」
　　跟住我就執書包去左視藝室。

　　入到視藝室，見到其他同學都對住唔同嘅塑膠水果畫素描畫。
　　終於見到MISS真係教畫啦 ，雖然佢只係落把口話Ｄ學生畫得唔似唔似同唔似
　　跟住佢比張紙，比支２Ｂ素描筆我叫我坐係某個同學隔離，畫佢果張枱上面嘅果件生果。
　　「唔係有比賽玩咩？做咩變左素描練習？」
　　「練一練Ｄ基本功先啦。」
　　「校長係黎叫我玩比賽嗱獎，有Ｄ咩野畫畫比賽，盡管比我報。」
　　「比Ｄ時間我搵搵，下堂答你。」
　　「下堂？你又會唔記得左啦。」
　　就好似上次幅人魚咁，比時間MISS拖佢一定會唔記得左 。
　　跟住佢即刻求其係網上面搵個比賽比黎。
　　「傷健共融創意繪畫比賽，你有無興趣報？」
　　傷健共融…我即刻諗到Ｄ野
　　「無問題，比張水彩紙同埋顏料我。」
　　「我咪比左你囉。」
　　「Lee張係用黎畫鉛筆嘅垃圾紙，用黎玩水彩或者塑膠彩會太簿。」
　　「學校得Lee種紙咋wow，Lee種紙畫塑膠彩都一樣ＯＫ。」
　　「粗粗地都應該有堆百五磅cold press應酬下水彩學生嘛。
　　又要人打比賽又唔準好材料。」
　　「我地得塑膠彩，水彩顏料同紙係水彩班導師自已帶過黎嘅。」
　　算，Lee種垃圾紙用黎畫草稿仲可以接受。

　　傷健共融好多時就係畫一個盲人比人扶過馬路，然後周圍加一堆Details 賣弄一下創意同技巧。
　　不過如果今次係個盲人幫番個正常人呢？
　　我畫左一個坐係地下喊嘅細路。
　　「喂，傷健共融Wow，你有無睇清楚題目？」
　　「我都未畫完。」
　　跟住我畫左一個跪係地上，比緊包紙巾妹妹嘅叔叔，佢戴住太陽眼鏡，地下放左支盲公竹以示佢係個盲人。
　　「邊有盲人扶細路起身嫁。」
　　「傷健公融唔代表傷殘人士永遠都係比人幫果個。」
　　
　　我畫左一半之後，MISS 走過黎同我講，個比賽原來今日就截止。
　　我差Ｄ連粗口都爆埋出黎，上佢嘅堂完全係浪費時間。
　　跟住我見時間就黎放學，即刻孭埋書包走出視藝室，直奔校長室盡求直接對話。

睇到扯扯地

唔計畫功 小學畫作有咁嘅立意已經尾晒機

以數學小學課程來推斷 應該係小四上學期
小學好少會玩一堂VA就去收番張畫俾分 小學雞根本就唔可以用一個鐘都冇既時間用粉彩由0去畫完一張畫 所以叫你番屋企畫埋佢 唔會話玩一堂就要你交張畫上去 而且以13weeks來講 咁va堂咪要交13份野? 而且小四好似係啱啱轉咗用廣告彩 應該成個學期都俾佢地用廣告彩 熟習個個環境

不過睇故都係唔好駁故 自膠定先

留名

好睇

接受意見

因為我太少接觸小學視藝科，好多時都係見到佢地唔知做緊咩
然後有Ｄ作品貼下堂
反而同小學術科接觸多Ｄ
利申：以前係小學做野

個故事會唔會去搵返以前嘅自己家人同朋友?

　　我走去校長室，見到入面無人就敲門。
　　「係，入黎。」校長叫我入去。

　　「劉同學，你有咩野事搵我？」
　　「校長，你係咪叫張老師（視藝MISS姓張）黎調我去畫畫班去參加畫畫比賽？」
　　「沒錯，你的能力在繪畫班更能夠發揮。」
　　「你可不可以派個好一點的人去統籌比賽？她經常遺忘事情，剛剛也叫我去準備一個已經截了止的比賽。」
　　「張主任在統籌比賽方面很有經驗的，這當中一定有誤會。」
　　張主任…原來她是視藝主任，難怪做事那麼老油條。
　　「她根本沒準備讓我報任何比賽，然後臨時找了個比賽叫我畫，然後那個比賽明天就截止根本報不了。
　　上她嘅視藝課她可以忘掉上一課說過「給我們繼續畫」而直接開新一課。」
　　「明白了，可以給我睇睇你頭先畫左Ｄ咩野？」
　　我比左頭先張傷健共融比佢睇。
　　「盲人扶細路…好有創意嘅主題，無法參賽有Ｄ可惜。
　　下次我叫會張主任籌備參加比賽嘅時候準備周詳Ｄ。」
　　跟住校長比左兩份宣傳單張我睇。
　　「童心童德：我們這一家繪畫比賽」
　　「助人為快樂之本繪畫比賽」
　　兩個都係兩個月後截止嘅比賽，都係由堆濕尻協會搞嘅，充滿正能量嘅畫畫比賽。
　　「你去準備一下LEE兩個比賽，我會叫張主任統籌比賽報名嘅野啦。」
　　跟住我就比校長耍左出去。
　　實際上校長都係叫番個MISS統籌個比賽，最多佢認小小低威，以退為進。
　　然後塞兩個比賽我基本上無得Say no。
　　大人嘅政治手腕，就算係小學環境都有唔少。

其實想話主角搵番以前班牌友
不過條牌友線之後搵機會再鋪