是咁的，我變左做個細路女，然後嗱左個填色比賽冠軍

產量唔高，未必叻過細路女

又識畫畫又識寫文已經好勁

睇咗個故，搞到我開始去玩MAGIC
Btw,樓主知唔知邊到有WS買，想玩

油油下，唔經唔覺已經九點半，個肚已經開始餓啦。
　　無錯，今日好似未食夜晚。
　　而家應該係放學嘅時間，有Ｄ同學開始洗筆，亦有Ｄ繼續畫到Cax Sir走為止。
　　而我幅謠精，所有野都油左小小底色，Cax sir叫我下堂返黎逐D處理唔同部位嘅漸變，例如頭髮，塊面，件衫仲有對翼。
　　老豆亦開始控制到漸變嘅水份，下堂可以返黎學溝色。
　　係洗筆之前，我再問阿Sir幅「我們這一家」個背景應該加D咩。
　　「例如相架，飾物櫃之類，總之有Ｄ野唔好咁空。
　　其實又唔一定要由頭畫起，只不過你成個背景都油左一層淺藍色，就咁落水彩可能會溝埋左Ｄ色搞到好污糟。
　　安全起見可以冚一層透明度低嘅廣告彩，不過會搞到成件事好突出。
　　或者你可以試下用木顏色補小小背景。」

　　跟住我就去洗筆啦。
　　水彩（同埋塑膠彩）洗筆好簡單，只需要用清水摔甩Ｄ顏料。
　　但油畫就要用松節水洗，洗完要用番梘洗走Ｄ松節水。
　　不過Ｄ同學通常都懶得用番梘過多次水，所以畫室Ｄ公家畫筆長期被松節水腐蝕而甩毛，特別係０號軟毛細筆，公家筆基本係無一支用到嘅。
　　不過我地係黎學水彩嘅，所以洗兩洗就洗完啦。
　　臨走前，我特登問Jeffery Lee帶邊度有野食，除左真係肚餓之外，仲睇睇會唔會拉到埋一齊食飯。
　　「Lee個鐘數選擇唔多，我知道有間日本野OK好食，一陣我都會過去，介唔介意等埋我洗筆？」
　　我望一望老豆，佢亦話好。
　　係Jeffery洗筆果陣，我望一望佢油畫。
　　佢係跟住一幅相畫緊一隻老鷹，啱啱打完稿有個雛形。
　　不過睇隻雀Ｄ毛應該要搞個幾月啦。

　　佢好快手咁洗完筆出黎。
　　「喂，有無用番梘再洗多次筆架。」我即刻吐糟。
　　「公家筆求其洗下就算，阿Sir借比我果幾支有用番梘洗嘅。」
　　無錯，因應Ｄ同學尻洗筆導致Ｄ細筆用唔到，Cax Sir有一盒私伙筆比我地班同學用嘅，佢千叮萬囑要我地用番梘洗乾淨佢Ｄ筆先好還。
　　「咁我地Ｄ水彩筆洗唔洗都要用番梘洗。」老豆問我。
　　「有時間嘅最好緊係用番梘保養下，但無油畫筆咁需要。」Cax Sir搭嘴。

　　跟進我地就落樓，跟住Jeffery行去食日本野。
　　沿樓上所有工廠茶記都已經閂門，只有遠處接近長沙灣嘅店舖有鐘著。
　　「睇黎下次都係先去家姐度食飯先過黎上堂，早小小六點幾食飯好過餓到而家。」老豆一路行一路吐糟。
　　我地行左半條街，到左一間日本鋪頭門口。
　　如果係以前嘅話，我由荔枝角行去九龍糖都無問題；不過而家我只係一個十歲小妹妹，半條街已經行到腳軟。
　　所以我即刻衝左入去，係最近門口嘅位坐底，伏左係枱上面透大氣。
　　Lee間日本野其實格局係居酒屋，不過因為以港畸形嘅生態，所以被逼提供拉麵同埋壽司刺身Lee D香港人眼中嘅「日本野」。
　　咁居酒屋嘅拉麵同壽司刺身，又邊度會比得上專門嘅拉麵鋪同埋壽司鋪？

　　Lee點我以前同Jeffery黎果陣都吐糟過，所以入到黎都會叫順便多幾個小食——人地應該要主打嘅送酒小食。
　　不過我老豆一於少理，隨便就點了個壽司定食，而我同Jeffery都點左一個拉麵。
　　「三個人嘅話，叫下Ｄ炸蠔，炒年糕，炸薯餅之類嘅野食啦。」我提議，再散叫幾種小食。
　　「喂，小姐好似唔係你比錢Wow。」今次輪到Jeffery吐糟我。
　　「Lee種居酒屋，小食先係人地嘅主打菜式。」
　　「你Ｄ口吻真係似足我個Friend。」
　　「話唔埋我真係佢呢。」
　　「哈哈哈，你真係識講笑。」
　　的確，無人會信。
　　老豆叫左支啤酒，同Jeffery兩個麻甩佬一齊吹下水。
　　老豆係工程師，而Jeffery係畫圖佬，所以地由做野，畫畫，興趣等等由地講到上天，由天講返落地下。
　　至於今晚餐飯，唔想吐糟太多，反而醉翁之意不在酒。
　　拉麵湯底係用粉開嘅味精水，壽司基本上淨係得三文魚同埋吞拿魚。
　　不過Ｄ串燒，炸蠔嘅小食對係好食嘅。
　　「好啦，夜啦，我地要走啦。」老豆比左張信用卡出去埋單。
　　「唔洗你請。」巡例Jeffery都要出句聲，講下客氣說話嘅。
　　「話說，你地畫班係咪有個WhatApp Group，不如拉埋我地入去講下計，交流下畫作？」
　　因為我以前係係個Group入面，我臨走前問Jeffery可唔可以入返去。
　　「可以啊，不過你老豆比唔比先？」Jeffery望一望我老豆。
　　「無問題。」
　　所以我同老豆都比左電話號碼佢，加我地入Group。

　　當然，當我入左Group之後，隨時就可以問Cax Sir野。
　　比賽畫亦有多十幾對眼幫手睇睇，方便好多。

ＷＳ嘅話
你上去天悅應該有幾間鋪做
不過我已經有成年無玩

WS作為入門TCG係OK嘅
不過佢食運氣成份太重，無論你做咩都改變唔到戰果

牌序啱就係神Cancel
牌序唔啱就係橫卡痴手，打七度入七度
Lee個係武士道遊戲嘅通病

今個星期去睇睇

見到標題好奇入咗嚟睇
明明係啲小學瑣碎事, 竟然不自覺咁睇到live
btw已正評, 詛咒巴打加油

pushh

連登唔知發生咩野事，第一段野個空格唔見左
　　就好似咁

＝＝＝＝＝＝＝＝＝＝＝＝＝（求其打Ｄ字食左個第一行）
　　
　　跟住果幾日，我見有時間就繼續畫埋果兩張比賽畫。
　　果張「我們這一家」我無打算重畫，相反我直接用木顏色畫左幾個相架填充一下背景。
　　當然，相架入面嘅相唔洗油得咁清楚，有幾點彩色落去就得。
　　只要油深色小小，層淺藍色就會睇唔到。
　　當然，效果一定無係草稿度畫咁靚，不過我唔想再畫多幅同樣嘅畫。
　　另外果幅助人為快樂之本，我想直接用番之前張出唔到比賽嘅「傷健共融」，即係盲人扶細路囡果張圖，反正都貼題。
　　當然，我唔會係張垃圾畫紙上面油水彩，我將成幅草稿抄左係本水彩簿上面先畫。
　　不過畫畫下諗深一層，助人為快樂之本嘅比賽係想畫細路仔幫人…擦左支盲公竹同埋黑超，跟住畫套小學校服上去…
　　唔對路，我個盲人係大人，咁樣改超怪。
　　所以我連個盲人都擦埋，扶小妹妹嘅人變左個細路；現埸係個公園，小妹妹係公園跌倒，所以背景應該有個遊樂埸，地下係硬膠地毯。
　　好無聊嘅一幅畫，不過大人鐘意睇，畫完有獎囉咁解。
　　今次幅畫我用水彩好快咁油個底色，落幾個漸變，然後再用木顏色補色。
　　我只係想快Ｄ畫完張畫去，唔想玩咁多層水彩。
　　我諗，我短期內都唔想再為比賽畫畫啦…
　　幾日之後，我畫完幅畫，丟上群組問各位意見，Ｄ同學同埋Cax Sir都話我畫得靚。

Live

　　　跟住我就復課啦。
　　返到學校之後，企係門口打緊招呼嘅校長即刻拉我去會議室。
　　閂門之後，坐係櫈上面嘅訓導主任即刻企左係身。
　　無錯，就係說好了的正式道歉，咁我都巡例接受左啦，因為訓導應該要道歉的人並唔係我；跟住訓導就出左去，淨低我同校長兩個人。
　　我都差Ｄ唔記得左ＤLee件事。
　　作為我唔追究真相嘅回報，校長話過會比我特權。

　　「你之前係咪話過，可以比我做少幾樣功課，默少幾次書咁話。」
　　「咁我要你畫嘅畫你畫好左未？」
　　「畫完，放左係屋企。」
　　「聽日帶返黎比我睇睇。」
　　「我影左張相，你要唔要睇睇？」
　　我係裙袋入面囉左部電話比校長睇。
　　「真係你畫嘅？」校長睇到幅畫，都驚嘆入面的技巧。
　　跟住我比佢睇幾張畫緊嘅半成品圖。
　　「比起之前個寶可夢填色比賽，你嘅技巧又進步了。」
　　當然，我最唔鐘意就係用木顏色填大面積——而個填色比賽果張紙偏偏唔落得水。
　　「畫一張要幾耐？」
　　「幾日，每日油幾個鐘。」
　　當然，我係報大數，其實幅「助人為快樂之本」上色只係用左幾個鐘。
　　「跟住你畫下Ｄ聖誕畫啦，跟住應該會有一堆聖誕比賽比你玩。」
　　「而家先十一月炸wow。」
　　「而家畫定先差唔多，可以嘅話我想你教下Ｄ同學點樣畫聖誕節賀卡。」
　　真係使人唔使本…
　　「如果你下次考試平均分七十五分左右，我會叫老師唔記你欠交功課，功課你做又得唔做又得；默書唔會計你分，你鐘意默就默，唔默就唔默。」
　　下次考試係聖誕節之後…咁即係我而家又要準備校長Ｄ比賽，又要做功課同默書…
　　說好了的特權呢？點解好似縮左水。
　　「咁而家點樣先？下次考試都要一兩個月後嘅事。」
　　「你之前係點樣，而家都係點樣。
　　老實講，唔會有其他學校會比學生咁樣玩，係你識曬Ｄ野我先開個咁樣嘅offer。」

Live!

再live 留名

live 留名

live

錢七咁樣

睇故唔好駁故

Push

正live
我知聽故唔好駁故，但我又好想知咁原來既倩雯去左邊，咁畫室既巴打同阿sir對突然消失果個原本既（你）有咩應對？佢地唔會覺得奇怪既咩

想睇主角揾返自己真身

又J又推