是咁的，我變左做個細路女，然後嗱左個填色比賽冠軍

Umm
其實可以去吓博物館
又唔使錢

救命

完全唔識magic既讀者完全可以代入小月角色個心態

散啦

努力溝女啦
我想睇小學生百合
再咁落去小月只會覺得你唔理佢 會唔開心
加甜 push

天悅無星光樂園遊戲機，只有星夢學園遊戲機
但依隻game曾經攪到一個人母，一個有cancer嘅細路女入醫院！

多謝指正，因為我分唔到兩隻game
可唔可以講多D分別

想像到小月頭上面好多黑人問號

星光樂園直mon
星夢學園橫mon

袁生畫果d 又係咩野黎

故事深刻，畫功不提
可能我會試下改寫成粉俠傳小說版，搵貓耳大神畫封面

好少夢會係彩色

樓主寫到小月好似弱智咁
我就睇到好似弱智咁

不過skip咗佢好似又唔影響劇情推進

card game skipped

　　我囉番副野之後自己打左一局，基本上係噤住對面個頭黎砌嘅。
　　我一路打，小月一路攬住我條腰，默默咁望住枱面。
　　前期有一些體質不錯嘅小生物，有幾隻會因為刺探而不停變大，必要時也幾張CounterSpell可以阻止對手行動。
　　只要一直防守，對面基本上打唔過我，所以直落二比零打嬴多一個。

　　雖然我玩得好開心，但睇小月個樣佢似乎不太高興。
　　也許Magic，甚至係其他要睇字嘅卡牌遊戲對於佢黎講有Ｄ太深。
　　不過，就算完全睇唔明遊戲甚至本身就唔想玩都無亂搞其他人，其實已經好唔錯。
　　「好啦，我都係退出好啦，小月睇黎唔係咁開心。」
　　「唔係啊你繼續玩啦，比左錢就繼續打埋去啦。
　　你地唔係打三埸嘅咩？」小月回應。
　　無錯，我地係打三埸瑞士制嘅，所以每個人都會打足三埸，除非有人中途退出。
　　「呃…好啦。」

　　「其實兩個細路囡有Ｄ咩野地方可以去？」打第三埸嘅時候，我問對手。
　　佢係上次果班中學生，睇佢擇左成堆廢牌都知道係個新手。
　　「答你唔到WoW。
　　除左學校，補習社同卡鋪之外，基本上我都好少去其他地方。」
　　Lee個亦係我嘅寫照。
　　以前我除左返工之外，就係去卡鋪玩牌同約人去桌遊鋪玩Board game，仲有去畫班畫畫。
　　我從來無拍過拖，亦唔知道可以帶人去邊度玩。
　　要搵到樣兩個人都有興趣一齊做嘅野其實真係好難。
　　「出去踏下單車囉，或者去下郊野公園行下山囉。
　　不過而家已經成六點幾，你地下次先去啦。」世伯幫我諗埋聽日嘅行程…如果小月仲想同我出街嘅話。
　　係遊戲上，我可以跟從遊戲規則，用最有效嘅方法完成目標；就好似今埸Draft，只要囉最好嘅牌然後殺爆對面就可以贏。
　　但係現實當中，人同人之間嘅相處無固定嘅規則，亦無任何戰略同埋規律…所以我真係好唔識處理同其他人嘅關係。
　　無錯，我可以係生物或者解剖學上面好熟悉女人嘅身理結構同行動模式，但我無實際上同佢地相處過…所以…

　　「你做咩野喊啊，倩雯？
　　明明係你贏左啊！」果個中學生不知所措
　　我諗到我能力不足，就算有三十年人生經驗都做唔到嘅野，眼淚不禁流落黎。
　　「人同人相處無嬴家，好難…」
　　小月即刻開左包紙巾比我抺眼淚，甚至將我成個人攬住。
　　「唔好意思，我諗到我令你覺得無聊，所以就…」
　　「傻豬黎嘅，講Lee D。」

　　「打埋個Draft，我地落去食飯啊。」世伯同我地講，亦同在埸其他玩家講。
　　「好啊。」小月代我回答。

你將一個十歲細路囡推入去大人嘅世界
用「大人嘅標準」黎睇，除非你好似主角咁樣神童，如果唔係個細路都係白痴

做咩無啦啦提果條友

見到打Deck劇情真係會直接飛
MTG真係太過Hardcore 搞唔掂

不過見到Fuck draw呢個字
確實會勾起以前打Deck既回憶

唔係同一類野咩

見到打deck真係飛撚哂
小學生打magic，我個陣小學生玩嘅board game都係killer 矮人，仲要係得啲聰明啲嘅細路先玩得開心

btw 主角冇童年嘅咩？唔通主角一出世就已經打deck咩，諗下細個會做咩，去下公園玩下都開心啦

一口氣追哂