是咁的，我變左做個細路女，然後嗱左個填色比賽冠軍

其實係偷偷玩幾日 Oxygen is not include

係咪要屌文

　　第二日起身，塊Ｍ巾依然有小小血。
　　睇黎我Lee排出街都多左樣換M巾嘅程序啦。
　　個肚開始習慣果種微秒嘅感覺，只要不要太過刺激它就不會太痛。
　　因為今晚會出去打ＦＮＭ(Friday Night Magic)，所以出門口之前我將副Deck放左入書包。

　　返到學校之後，第一件事我就搵校長。
　　「你話我係聽日去水彩班指點學生啦。
　　咁名不正則言不順，如果我就咁著返校服返去，代表我只係同佢地一齊上堂嘅學生，佢地唔會聽我講野。」
　　「無問題，我叫張主任比你著便服返去。」
　　「我需要I Pad比學生搵reference。」
　　「無問題，我叫張主任幫你借，你想借幾多就借幾多。」

　　跟住我返到班房上堂，一如既往上堂做即堂功課。
　　不過今堂中文Miss借左I Pad玩分組搶問答遊戲，平均兩至三個人一部I Pad。
　　平時Lee D分組活動我都缷比其他組員玩，反正我半分專注都知道果堂野做緊咩，到真係要答問題果陣我就比個答案佢地答。
　　不過今堂有I Pad用，我就實地摸下部I Pad，到底有咩功能。
　　係一部I Pad Mini 4，入面裝左一堆智障學習App。
　　「為學習而玩遊戲」本黎就係一件本未倒置嘅野，不過學校鐘意咪比細路玩下啦。　
　　我係入App之前，順手開一開Chrome，確認係可以上Pinterset搵圖嘅。
　　船長坐我前面，所以今堂係我同佢兩個人一組玩問答遊戲，我亦順便同佢講講聽日水彩班嘅野，不過佢話小息先傾。
　　「上堂要專心，玩遊戲要認真。」
　　船長真係個老實嘅乖學生，不過做人太老實就會處處輸蝕。
　　Lee個App有個好低能嘅Bug，只要你答問題果下不斷噤，電腦就會同你計幾次分，也許係外判嘅程式員隨便交貨所遺留落黎嘅Bug。
　　個Bug一直都無比人發現係因為無人試過狂噤，而我間唔中都會Double Click D制。
　　原本船長十七條問題淨係答中十題，得十分。
　　「要認真嘛，好。」
　　跟住我係答最後三題嘅時候，我囉左部I Pad玩Bug，每題答三次。
　　最後我地以十九分成為冠軍，成功食雞。
　　「你…你…」佢見到最後個總積分Ｏ左嘴
　　「出去囉獎啦，船長。」我笑笑口咁推佢出去囉支垃圾獎品鉛筆。

睇來老師都無發現
17條問題點解會有19分

19/20
最後3題主角搶左部pad黎玩bug

我記得好多apps係有tracking,睇下答到幾多條
同埋故事入面班老師同校長已經算係好開明，就算佢地生態係業界通病都好，起碼叫做知自己咩新鮮蘿白皮同做緊啲嘜

現實中嘅學界遠比故事入面嘅老師校長生態去到不想形容嘅地步，排除個別少數例子

再推下

　　佢囉左支筆之後，好錯愕咁坐係自已位，所以我好少有咁傳紙仔比佢點醒佢。
　　＂Lee個社會，大家都只會睇結果，中間做左Ｄ咩其實無所謂。
　　唔好唔記得左我同你係同一組，你而家講出黎亦即係同人講。你Lee個男班長作弊」。
　　出黎社會最重要識得係灰色地帶遊走，利用規則嘅漏洞獲得最大利益。
　　就好似今次咁，個Bug一日唔Fix，我地一日可以繼續玩Bug。＂
　　跟住佢傳返張紙比我，仲寫滿左錯字。
　　＂作幣昰不鄞的，老帥轉換了軟仵的詁，你怎麻辨。＂
　　船長係典型嘅努力型學生，好用心咁講書，好乖但好蠢。
　　＂我本身就識答條問題，如果唔係點玩個Bug？
　　你要問嘅問題應該係「點解我要玩Lee個咁無聊嘅問答比賽？」＂
　　佢無再覆我，我亦無興趣同佢再講Lee個話題。

　　落左堂之後，我問佢聽日係咪會去水彩班，佢話係。
　　「聽日開始我會去你果班做助教，你帶盒廣告彩返去，最好囉埋之前畫起嘅畫比我睇。」
　　「咩意思？你會黎我果班一齊上堂？」
　　「你當我係果度做Miss就得，叫你帶定廣告彩係因為有Ｄ技法需要唔透明嘅水性顏料。」
　　「點解，我同你都係學生，點解你會變左Miss？」
　　「因為我畫畫囉到獎，校長要我指點下Ｄ學生畫聖誕賀卡。」
　　「你Ｄ獎又咪係作弊贏返黎。」
　　佢好明顯拉埋頭先中文堂果件事黎講。
　　「憑你Lee句我可以告你誹謗，我點樣作弊？你講。」
　　「你個Ｄ比賽一定係搵大人幫你畫嘅。」
　　某程度上都算係，因為我將三十年嘅人生經驗濃縮左係一個十歲嘅細路囡上面，不過Lee個位我一定要企硬。
　　「所有畫都係我畫嘅，同你唔同嘅係我有好Ｄ嘅顏料同埋我有更多時間練畫。」
　　「再唔係你聽日帶幅聖誕畫返黎，我同你同一時間開始畫，睇睇我畫成點。」
　　我知道係鬥氣，不過係畫畫方面我必須要擺起大人嘅款。

好有霸氣嘅小妹妹

抽水抽到

好正

push 好好睇

　　食完飯之後，我孭埋書包同張主任出去頒獎禮，亦同張主任確認左聽日可以著便服返去同可以借I Pad。
　　我唔知人地係咩野組織，總之佢租左九展一間房，有幾十個學生囉獎。
　　個比賽有繪畫，國畫同埋書法比賽亦有幾個唔同組別，每個組別嘅冠亞季都被邀請黎到頒獎禮。
　　我最怕Lee D典禮，因為要坐係度咩都唔做得，然後On99咁睇其他人上去囉獎，一做其他野就會比人鬧破壞校風。
　　好心Lee D無聊比賽就直撞郵寄證書咪得囉，洗咩搞咁多野。
　　不過好就好在早左半個鐘放學，可以早小小去天悅卡鋪玩。

　　所以而家咩都唔好理，畫班嘅野聽日先諗，而家打陣Deck先講。
　　老豆話佢收左工過黎，而ＦＮＭ通常都係八點幾先開始（因為通常Ｄ人都係收左工過黎）。
　　所以而家間Magic鋪得個打緊PS4嘅老細。
　　「咁早過黎嘅？」
　　「學校早左放。」
　　「唔洗做功課咩？」
　　「功課係學校做曬。
　　打唔打Deck？我囉左副龍獸出黎。」
　　「好。」老細閂左部PS4，囉左副Deck出黎同我打。

　　今次佢果副係純藍Tempo，利用小型優質生物同埋低費Counter控制遊戲節奏嘅變速牌組；對慢速控制牌可以搶血，對快攻可以防守嘅全能牌組，但對牌手嘅操作需求好高。
　　生物方面，佢有各種小型飛行生物，仲可以用「好奇探索」一邊攻擊一邊抽牌，然後拿著一堆Counter等我。
　　就算我養大隻龍獸，人地出隻大佬（Tempest Djinn）就可以同佢攬炒，然後繼續用側邊堆細怪打頭。
　　加上對面係藍色，可以用Counter唔比我隻龍獸落地。
　　理論上我果副紅藍龍獸可以用紅色嘅Burn黎殺Ｄ細怪，不過我下下都要用兩嘅牌黎殺佢Ｄ一分生物，係法力上輸蝕好多；甚至人地用張Counter去保護隻怪，我連渣都無得剩。
　　所以我要做嘅係，用返藍色嘅Counter阻止佢用「好奇探索」抽牌，同埋唔比佢隻大佬出黎，不過對面同樣都會留法力做Counter。

　　因此對局會演變成，佢第一二個回合出小生物不停打頭給壓力我，然後大家不停抽牌放地過Turn，等待對手做事然後回應Counter或者其他效果。
　　五盤當中我有一盤可以拖到第八九個回合出尼米捷翻盤，不過整體黎講都係大劣勢。
　　因為尼米捷「不能被Counter」，所以必定可以落地，而且雙方用咒語（Instant / Sorcery）我就可以抽卡和Burn；作為一隻六費大生物，係Lee個對局我出到對面同輸左無分別。
　　「比我睇睇你副牌，龍獸唔會咁弱嘅。」
　　「Budget build無計，有一堆Tap land，仲有無鳳凰。」

　　無錯，因為係Budget build，所以我目前所有雙色地都要橫著入埸，（除左上次Draft返黎嘅一張Shock Land），係對法力吃緊嘅對局當中尤其輸蝕。
　　而家標準用得嘅雙色地，除左Tap Land，仲有Shock Land同埋Check Land，所有顏色配對都有相應嘅雙色地＊；
　　Shock Land就係要比兩度血就可以直入；Check Land就係要你操控對應類嘅地先可以直入。
　　雙色地對唔同顏色配對黎講嘅價係完全唔同，因為紅藍比較熱門，所以Shock Land要七八十蚊張，而Check Land就要五六十蚊，每張比其他顏色貴十幾廿蚊。
　　要玩落去嘅話，Lee兩種地都係需要「每樣四張」，計計埋埋其實差唔多五百幾。
　　當然對於我Lee個小學生黎講，儲零用錢黎買嘅話，儲到張卡退標準都應該未買到
　　不過收地有個好處唔會點樣點跌，因為就算退左標準都係要繼續用D地玩摩登，不過摩登需要用Ｄ更貴嘅卡去玩。

　　「你賣左果兩隻泰菲利咪有錢收地（果度差唔多成千蚊），有錢收鳳凰囉。
　　我地個群度長期都有人收。

　　不過如果想砌副平Ｄ嘅牌嘅話，Mono Blu（純藍）會平好多，唔洗收雙色地，除左隻Tempest Djinn之外大部份卡都係ＣＵ。」
　　不過都係要賣左隻泰菲利先有錢砌新Deck。
　　話雖如此，如果我強化左副野，返去同老豆打又會噤住佢黎打。
　　所以，要唔要賣泰菲利砌Deck呢？都係諗清楚先，話唔埋果千蚊可以做更有意義嘅野。


＊註：目前故事時間為二零一八年十二月，所以藍白，紅黑，紅綠，藍綠同埋黑白Shock Land要係一月尾出左Ravnica Allegiance　嘅重印版本先用得(即係而家一九年三月係用得嘅)

不過而家Standard上位純藍Tempo好平
大部份都係CU

2019 Mythic Championship1 冠軍戰
72美金(而家應該升左)嘅純藍Tempo打爆 值542美金 嘅藍黑白控制


https://magic.wizards.com/en/events/coverage/2019MC1/tournament-results

LM

呢場event我有睇，巧緊張

玩卡嗰part完全睇唔明
不過好似skip咗都唔影響劇情

+1
玩卡個度只係知道有唔同色既卡 砌deck 完

Live 左加油樓主

還有Magic真的很貴

這樣就可以了

外行看熱鬧，內行看門路
寫太詳細會有太多硬資料要消化
畢竟這個故事不是遊戲王，沒必要逐張卡介紹

　　過左一陣五六點幾，開始有Ｄ客入黎Magic鋪玩。
　　今次係三個著校服嘅中學生，睇落去中五中六左右。
　　雖然話Magic主要任大人玩居多，不過都係有學生玩嘅。
　　畢竟TCG係「你有朋友玩，你就會陪朋友一齊落坑」嘅野。
　　就正如你身邊嘅人玩遊戲王，隻Game幾垃圾都會繼續玩；你身邊嘅朋友玩Magic，Ｄ卡幾貴你都會繼續玩。
　　不過平有平玩，貴有貴玩，無Shock Land 咪搵張Tap Land代＊住先。
　　一兩張Key卡收唔到咪用張垃圾卡＊代住先，之後再慢慢收。
　　當然，又唔可以太誇張，如果你成半副Deck都係代紙，無人會同你玩。
　　果幾個中學生人每人囉住唔同主題，佢地大概係兩三個人夾份開盒，然後每人各自要不同顏色省錢。
　　同佢地打果陣，我見佢地代卡，我又開始代下Ｄ雙色地同埋鳳凰。
　　代完卡之後副野同佢地互有來往，不過對慢速牌型需要用備牌針對，而我目前還未有準備十五張備牌所以打不了。

　　同班中學生玩左陣之後，老豆就黎左。
　　「喂大Ben哥，又會係度見到你嘅。」
　　「老馮，估唔到間卡鋪係你開嘅。」
　　原來，卡鋪老細係老豆嘅同事。
　　「無，為興趣姐。」
　　畢竟卡鋪零售收入唔多，就算係老細都要有份正職支撐住個鋪位，維持個竇口比自已同埋班Friend一齊玩。
　　跟住佢地吹左陣水，由十幾年前老豆玩緊嘅Magic，到公司嘅八卦都有講。
　　「帶個囡出去食飯先，一陣過黎打Friday Night」

　　而家六點半左右，的確係時候食飯。
　　我放低個書包係間鋪度就同老出去食飯。
　　天悅果邊食野有好多選擇，平價嘅有M記，亦有一堆茶餐聽；中價嘅有手作漢堡，扒房，特色餐廳等等；想食貴Ｄ嘅有西餐廳，甚至酒樓都有。
　　我就快快手手咁揀左間雲南米線鋪，間野食車仔麵式嘅「雲南米線」鋪，所以唔會有譚仔果種酸辣（四川湯底）米線。
　　人地果邊嘅湯底係有味道嘅清湯，要食辣算已落辣椒油。
　　當然，檔野唔算太好食，但亦唔難食；平平地四十幾蚊食到一餐晚飯就唔好有咁多要求。


＊代卡——用一張卡代替另一張卡，喺收到卡之前暫時玩住先嘅做法（當然正式比賽唔會比，但圍內自已人玩基本上無咩所謂）

所以而家我盡量係寫個環境多過寫個人實際玩緊咩
例如我會講多Ｄ價錢，玩家風氣，遊戲風格等等容易理解嘅野