返到屋企之後,我九秒九入廁所沖涼,然後換左條M巾。
好幸阿媽都叫識買多包M巾比我帶返學用,如果唔係我真係要九秒九衝落街買
我返入房WhatApp學校水彩班個阿Sir,諗住同佢傾下點樣夾。
等等…Lee個唔係Cax Sir個電話咩?
點解佢會比校長話係Hea教?
"Cax Sir,你係咪我學校嘅水彩老師?"
"你讀邊間學校?"
跟住我將校長叫我去學校水彩班指點學生嘅事同佢講。
"哦好啊,多個助教幫我睇住D細路,咁我就可以做少D野。"
吓?
"你唔覺得咁樣好唔尊重你咩?"
"反正上到去都係睇住D細路,囉份人工姐。
家長只係想細路畫到幅水彩畫返屋企。"
果個學校畫班,一個導師睇住十幾個學生,然後所有人畫同一主題,畫同一幅畫。
老師畫一筆,學生就會跟住畫;畫唔到出黎就會向老師求救,跟住老師就會幫佢畫埋佢。
總之一堂之內點都畫到一幅畫出黎,不過學生有無學到野呢?唔知。
Lee個生態之下,強如Cax Sir都會變成一個教畜。
畢竟教畫收入唔多,學校要你點教,你就只能夠咁樣教。
"如果搬返畫室果套教法去學校畫班會點?大家囉D參考圖過黎畫自已想畫嘅野。"
"叫佢地印幅參考圖返黎,佢地肯定會唔記得帶。
即堂比電話佢地搵,佢地一定會掛住玩電話,搵畫搵成堂。"
"如果係學校嘅I Pad呢?我地可以問DIT借I Pad用。
裝個Pinterset,叫佢地用自已個學校Gmail logic in入去搵圖。"
"Pinterset無兒童保護,佢地隨時會搵到D祼體畫,加上Pinterset要13歲先用得,佢地用學校AC係用唔到。"
所以,大環境係無辦法變嘅。
"不過,如果校長真係想谷人出去比賽,畫班入面的確有個細路係比較叻嘅,我比個角落頭你帶住佢啦。"
跟住Cax Sir比左幾幅佢畫嘅水彩畫比我睇。
個細路嘅水彩技巧純熟,但畫嘅主題太幼稚——因為Cax Sir為左就班細路所以特登揀D最易畫嘅主題比同學一堂畫曬。
跟住我睇到幅水彩嘅名——4A賴星舟,我就知道奶野。
條友擺明搭我糖,再同佢單對單教授我驚真係出事。
不過無咩野值得驚,反正我擺起個助教款,憑一個小四細路應該搞我唔到。
跟住我開始係本畫簿入面畫聖誕主題嘅畫:咩野聖誕樹啊,雪人,雪屋,雪中小屋都開始畫下。
因為聽日係星期五,老豆話會帶我去天悅打Friday Night Magic,所以實際上得今晚可以畫畫。
一趕起畫,我個肚又開始痛啦,不過無今朝痛得咁離譜。
不過Lee D主題比起我平時畫嘅人體易畫好多,就算我真係第一次畫都輕鬆上手,不過雪地要係白色上面畫白色可能要用廣告彩支援一下,聽日返到學校提下船長先。