是咁的，我變左做個細路女，然後嗱左個填色比賽冠軍

　　事後船長比人捉走左，好似係去見社工。
　　畢竟佢引起班上嘅哄動，訓輔都應該會去搵佢傾計。
　　幾堂之後佢返到課室，班主任叫佢調位搬到最前面近門口嘅位，同我個位啱啱好係兩個角落。
　　同佢調位嘅係女班長，也許之前佢同女班傳緋聞所以特登咁樣隔開佢地。
　　女班長見到我成塊面紅曬，不過佢又唔好意思拒絕班主任嘅調位。
　　我好肯定佢無同老師講「劉倩雯係廁所同我講佢鐘意女人」，如果唔係比人捉去見訓輔嘅一定係我。
　　所以其實佢本身都有意思想試下？
　　當然，上堂唔好隨便同同學講野，我跟番慣例繼續做功課，D Miss亦照舊教書唔理我。
　　小息果陣，女班長擰轉身望住我做功課，跟住佢幾個朋友亦圍過黎。
　　Lee幾個都係老師眼中品學兼優嘅乖學生，包辦左幾科嘅科長。
　　「點解你日日都係學校做功課？」女班長問我。
　　「慳時間，係屋企多Ｄ時間畫畫。」
　　原本我想講做功課無意義，不過咁樣會打亂佢地平日嘅學習嘅節奏。
　　「有無野唔識？可以互相指教一下。」我反客為主，問佢地要唔要一齊做功課。
　　佢地幾個女同學你眼望我眼，然後走開左。
　　*岑麗雲同*潘曦雯同班女同學係課室入面追逐，果幾個科長都加埋入去一齊玩。
　　「你要唔要跟埋佢地一齊玩？我係學校基本上淨係會做功課，去廁所同埋食野。」
　　「你唔覺得無聊咩？」女班長伏係我張枱上面望住我。
　　「功課係無聊，不過鬼叫Miss比咁多功課。」
　　「趁同朋友一齊嘅時候同佢地一齊玩，唔係仲有意義咩？」
　　「我鐘意玩Ｄ大人嘅遊戲。」

　　「咩野大人遊戲啊。」**周萬金借題發揮，然後成班男同學一齊起哄一齊笑。
　　「喂！唔好亂諗野啦。」女班長揮手噤住周萬金。
　　「卡坦島，Splendor，花磚Lee D要用腦諗野嘅遊戲，一般細路唔會主動去掂嘅桌遊。
　　另外Magic，Wixoss，魔法少女Caster等等TCG我都鐘意玩，同樣係大人先有錢玩得起嘅遊戲」
　　我解釋「大人遊戲」嘅意思，不過班細路已經唔理我啦
　　多講多錯，少講少錯，我都係繼續做功課算啦。
　　由佢地斷章取義繼續笑啦，反正我同班細路係溝通唔到嘅。
　　

*上次調位果對好嘈嘅女仔
**上次玩PKM 卡比人罰嘅其中一個男仔

正呀，lm

Lm

lm

未有

等緊你樓主

More

工欲善其事必先利其器

　　跟住班主任黎到班房叫左我出外面。
　　佢拉埋我過一邊問我今個禮拜放學可唔可以幫手整聖誕壁報。
　　話曬仲有一個禮拜就放聖誕假，跟住又有個濕尻班際壁報設計比賽。
　　其實即係玩Miss——小學壁報唔係都係班主任一個人搞曬嘅咩？

　　好啦，既然班入面有個出名畫畫叻嘅學生，拜託佢又好似好合理。
　　「你要我幫你釘壁報定叫我幫你諗點樣玩塊壁報？」
　　如果齋釘壁報嘅話，其實求其搵班乖學生做扯線公仔就夠，唔洗點樣組織同設計，亦唔需要我。
　　「唔係叫你玩壁報，係想你幫我諗個設計。」
　　「有咩要求先？有咩野報酬先？」
　　「做人唔可以咁市儈嫁！」
　　好多人就係Lee種心態，所以係香港做Design同乞食差唔多。
　　「Design係要錢嫁！如果唔係班Designer點搵食？」
　　「好啦好啦，贏左比賽請你食雪糕好唔好？」
　　「雪糕我自已都買到。」
　　「好啦好啦，成積表我寫你操行好小小，幫你Ｒ個優點返黎好唔好？」
　　「哦好啦，不過我禮拜三七點要去荔枝角返畫班。」
　　其實老師叫學生做野，基本上係推唔到嘅，頭先已經算勉強bargain左一個報酬返黎。

　　返到班房，女班長問我咩野事，我同佢講老師要我幫手整壁報。
　　跟住佢同幾個女科長都話想幫手一齊做。
　　所以老師先會大安旨意「叫你做」，因為大部份學生都以「幫老師做野」為榮，變相做了免費勞工。
　　原本我想放學之後慢慢flirt女班長，睇黎Lee排都唔洗搞啦。

是咁的
琴日in左份新工
聽日上去簽約,下個禮拜一開始返工

原本我想放學之後慢慢flirt女班長，睇黎Lee排都唔洗搞啦。

值得留意嘅係，時間一直都係上年聖誕前
點解會講到單地鐵撞車

變左sheshe

　　放Lunch果陣，我去左電腦室搵Reference，畢竟我唔可能光明正大咁用電話搵資料。
　　其實我心入面已經諗到點整，不過點樣同果幾個科長講我想點呢，就需要印小小資料佢地睇。
　　
　　我想標奇立異咁刷鞋，所以我打算用堆背景色紙砌教堂彩色玻璃。
　　當其他人都係整雪地，整聖誕老人果陣，我就整一個吹緊蛋糕嘅耶穌，仲同佢講生日快樂；咁係教會學校入面，仲唔係刷曬鞋，好有創意？

仆街，噤錯制，預覽變左回覆

　　放Lunch果陣，我去左電腦室搵Reference，畢竟我唔可能光明正大咁用電話搵資料。
　　其實我心入面已經諗到點整，不過點樣同果幾個科長講我想點呢，就需要印小小資料佢地睇。

　　我想標奇立異咁刷鞋，所以我打算用堆背景色紙砌教堂彩色玻璃。
　　當其他人都係整雪地，整聖誕老人果陣，我就整一個吹緊蛋糕嘅耶穌，仲同佢講生日快樂；咁係教會學校入面，仲唔係刷曬鞋，好有創意？

　　放左學之後，班主任黎到班房，囉左一堆顏色紙過黎。
　　「我睇睇你夠唔夠用，如果唔夠用嘅話可以去文具鋪買。」
　　我睇過堆紙，咩野顏色都有但每樣都唔多，最多就係藍色。
　　女班長同埋兩個科長留底幫我整壁報，第一件事我就叫佢地拆左壁報上面嘅舊紙，我就趁佢地拆緊野果陣畫草圖。
　　班主任坐係老師枱果度，一邊睇住我地一邊改簿。
　　不過Ｄ科長唔係咁識用釘書機，拆紙得好慢，最後班主任都要出黎幫手。

　　「好啦，你想個壁報點整？」拆曬Ｄ野之後，班主任問我個設計係點。
　　我Show張草稿出黎，中間有耶穌嘅半身，佢前面有個蛋糕，左右兩邊有對天使，然後寫住「Happy birthday Jesus」
　　「點解唔係Marry Chirstmax？」
　　「聖誕節係邊個生日？」我反問佢。
　　「我會用教堂彩繪玻璃嘅Style，叫佢地整碎Ｄ紙，然後按住圖案咁釘返去塊壁報度，然後跟據Ｄ紙痕畫黑線。」
　　「嘩，咁下次咪用唔返堆紙囉，唔環保WoW。」
　　壁報向來都係唔保嘅野，你走黎用環保問題黎Ban我？
　　「ＯＫ，環保…
　　聽日拎曬屋企堆廢紙返黎比我慢慢玩，今日拆住壁報先，係咁多。」

出門口先

最想睇呢樣玩百合

快快魔牙魔牙

lm

推

MarrY Christmax