是咁的，我變左做個細路女，然後嗱左個填色比賽冠軍

睇完個post等登去左轉天悅
真係好多卡店
以前最底個層有文具店同野食

　　所以我特登唔直接入地鐵站，行左入商埸想撇甩佢，點知佢都係死跟住我。
　　我步速唔夠佢快，佢點都跟到我。
　　「喂，你跟住我做咩野？」所以我直接掉頭鬧船長。
　　佢支吾以對，搵唔到理由。
　　「我只係想同你…」
　　老實講，我好想直接趕佢走，但我又唔想搞到件事太殭。
　　「我唔得閒同你玩，唔該你唔好跟住我。」
　　跟住我直奔地鐵站，點知佢都係追住黎。

　　佢同我排同一條隊，企係我後面；我換另一條隊，佢都跟過黎。
　　「你去邊姐？」
　　我唔想答佢。

　　我求其搵架車逼上去，算好最後一個空位逼入車箱。
　　點知佢明明無位都夾硬塞入黎，點知又比佢推推下搵到個位鑽入黎。
　　佢逼入黎果陣隻手好似摸到我個胸，唔知佢係有心定無意。
　　我真係好想一句「非禮」收佢皮，不過我唔想搞咁多野。
　　我計好閂門時間，係最後一刻跳返出車箱外面，留返佢一個人On99同人逼。
　　落返月台之後，我係對面月台搭另一個方向嘅地鐵去旺角，我擔保佢搵我唔到。

　　落車之後，我穿梭一堆行季喼同埋大媽，跟據Facebook嘅地址，係一間殘舊嘅商業大廈搵到間Board Game 鋪。

船長=痴漢

支持

船長好可憐

我覺得，船長原本係會比一啲重要信息出嚟，但主角無聽，結果出事

總結推測，比返包M巾主角
船長份人無嘜野，係太純同有點on9遮

留名留名 好耐冇啱口味嘅故

追故

　　間Board Game鋪放滿左一堆梯形嘅彩色枱，牆壁放滿唔同總類嘅桌遊，Lee種柔和嘅配色令我諗起學間果間成日都唔開嘅遊戲室。
　　堆梯形枱砌成一個個六角形，開左幾枱多人遊戲，肉眼所見至少有一枱狼人同一枱阿瓦隆。
　　「小妹妹，聽日先係親子桌遊團Wow。」鋪頭老闆叫停左我。
　　「唔係，我係黎玩你地今日果個大人團，唔介意Walk in嗎?」
　　「你問一問個搞手。」
　　畢竟，老闆亦只係借埸地比桌遊團搞活動，然後按人頭收錢。
　　「無問題，你點稱呼，我叫周文」個狼人ＭＣ係討論緊嘅時間招呼我。
　　「我叫倩雯。」
　　「玩開Ｄ咩野，果邊有枱猜猜畫畫要唔要Join？隻Game好易上手。」
　　猜猜畫畫係一個以訛傳訛嘅遊戲；第一個人知道一個詞語然後畫出黎，跟住下一個人跟據果幅畫畫下一幅畫；如此類推，最後一個人由最後一幅畫推段出一開頭果個詞係咩。
　　通常Lee種遊戲最後一定係答錯曬，然後笑中間Ｄ畫畫得好衰，胡胡鬧鬧咁玩，不過我唔係咁鐘意Lee種style。
　　「我想玩卡坦島，花磚，電力公司果Ｄ策略Game。」
　　「Splendor識唔識玩？」
　　「識識地。」
　　跟住佢帶我去果去枱Splendor（璀璨寶石），然後返去果枱人狼度啦。

　　隻Game其實好簡單，挖寶石，然後用寶石買礦埸，然後利用礦埸減費用買更高分嘅礦埸和招攬貴族，四個玩家睇睇邊個第一個到十五分就贏。
　　話雖如此，每種寶石數目係有限嘅，每個人都可以透過壟斷寶石或鎖定礦埸去干擾其他人發育，所以隻Game嘅互動都算多。
　　當然，隻Game話難唔難，但話易亦唔易。
　　好多時辛辛苦苦儲左一堆寶石想買個礦埸，跟住你上家就Keep起個礦埸唔比你買。
　　所以我儲寶石都係瞄著兩間礦埸去掘，就算一間被拿還有另一間，或者提早Keep起那間礦埸遲D買。

　　「嘩，唔覺唔覺你都幾快。」
　　買左一個礦埸之後，相應嘅寶石費用就會減一，然後其他礦埸都會更容易買，只要合理編配購買次序就可以不斷滾雪球。
　　係人地揸住五六個礦埸嘅時候，我已經買了八九個，最底層嘅基本礦埸基本上都已經可以免費拿，所以個雪球滾到完埸。
　　玩Lee種Game我都專注做自己嘅野，好少同其他人吹水。
　　「妹妹勁WoW，平時學校有玩開？」隔離個阿叔問我。
　　「以前有玩過花磚果類德式桌遊。」
　　跟住我地四個人玩左幾鋪Splendor，有一半係我贏嘅。
　　「既然你講開花磚，不如就開花磚。」
　　跟住我地就轉Game啦。
　　德式桌遊有個好處就係公平同透明，贏輸好多時都係策略問題。
　　就好似花磚物語咁，每個人都可以囉一個盤上面嘅一種顏色磚，按照規則去砌牆囉分，大家可以做嘅野係一樣嘅，選擇決定勝負。
　　「唔得啦，一連玩左兩隻燒腦Game，我想轉Game。」坐我對面果個哥哥癱左係櫈度透氣。
　　我無問佢叫咩野名，因為無咩必要問，畢竟大家也只係一個過客而已。

　　跟住我地就過去隔離枱玩阿瓦隆。
　　阿瓦薩係一個估身份嘅遊戲，好人要完成任務，壞人要破壞好人嘅任務。
　　好人果邊有一個叫梅林嘅角色知道壞人係邊個，佢要係唔比壞人知嘅情況下將資訊話比好人聽；如果唔係就算完成任務，壞人都可以透過「刺殺梅林」黎贏。
　　簡單黎講，除左討論同投票就無任何資訊。
　　相比係睇人做左Ｄ咩野去決定策略，我更唔擅長由其他人講嘅野判斷身份。
　　跟住我亦過去玩左陣狼人，我都係唔係太啱玩。
　　頭先班哥哥話玩策略Game係燒腦，我反而覺得由投票方向同埋占卜名單去搵狼更燒腦。
　　而且Ｄ人講野半真半假，唔知邊叫真邊句假，要係唔夠資料嘅對話中推理身份我真係好大壓力。
　　結果我只係係遊戲入面睇其他玩家熱烈地討論，其實同中學會考小組討論差唔多，分別就係狼人係逐次發言，阿瓦隆係自由辯論。

　　跟住六點幾要交返個埸比人地啦，我地每人比八十蚊周文。
　　不過周文話我細路女，而且好乖無搞搞陣，所以收我半價。
　　然後我順便入左個桌遊團嘅群組，得閒約出黎玩下BoardGame。

　　桌遊入面，通常女人會傾向玩Social Game，玩家人數比較多，比較多吹水，同埋要估其他人諗緊咩嘅遊戲。
　　例如頭先果枱猜猜劃劃有一半都係女仔，狼人同阿瓦隆亦有唔少女仔。
　　好似我咁鐘意玩策略遊戲嘅女仔，其實係稀有動物。

　　當然，你問我鐘意玩ＴＣＧ(集玩式卡牌遊戲，例如Magic)定Board Game，我會咁樣講：
　　只要你去啱卡鋪就一定會搵到人同你打Deck；但桌遊係要幾個人先約到出黎玩，仲要人人都鐘意玩唔同遊戲，其實要玩到自已想玩嘅遊戲其實唔係咁容易。

board game正
玩過avalon之後玩唔返狼人

睇得出樓主寫嘅嘢都係真心鐘意
繼續支持

樓主可以用一兩句就解釋到嗰款board game點玩，同埋有咩策略
真心勁
支持

Splendor正

囉寶石同買／搶地嘅時機好重要，特別你可以用地去買更地
不過買買下要開始追分

雖然睇完我都無咩動力玩呢類Game
不過可以咁簡單又易明介紹到隻Game點玩
真係真心佩服

　　返到屋企，屋企得阿媽一個。
　　「你去左邊！」佢好嬲咁鬧我。
　　「出左去玩桌遊。」
　　「玩？做咩唔同我講！」
　　我唔記得左細路仔出街玩要問過屋企人，畢竟以前唔洗同人交代。
　　「下次會WhatApp你啦。」
　　跟住我沖涼，然後同佢兩個人簡簡單單咁食左餐晚飯，見阿媽黑口黑面嘅樣，食完我就即刻入房睇Massage。

　　卡鋪群組有班老手係度傾緊Modern同埋legacy牌組，簡單黎講就係一Ｄ舊賽制嘅野，我唔係咁答到嘴。
　　畫班群組無人講野。
　　屋企嘅家姐群組見到老豆上左家姐屋企食飯，言談之間我覺得佢同家姐親密過阿媽。
　　桌遊群組有班人吹緊水，吹緊Ｄ無咩內容嘅野，然後有人Post左條Facebook link。
　　嘩，地鐵撞車。
　　一點幾有兩架去調景領嘅綠線地鐵係追撞。
　　我計計時間…等等，咪我頭先跳車果班地鐵！船長可能係上面。
　　於是我即刻係FaceBook搵資料，不過我始終無佢聯絡。
　　我驚佢姐，無話想佢死。
　　所以我係WhatApp搵Cax Sir叫佢幫我搵船長，叫佢同我地報平安。

　　睇睇下電話我聽到鎖匙聲。
　　「你又去果個女人度！」
　　「痴線架，果個係你個囡黎嫁！」
　　我聽到阿爸阿媽鬧交。
　　「我無Ｄ咁嘅囡！」
　　「我真係唔識點同你講野！」老豆好大力咁閂埋房門。
　　咁我只能夠縮係被窩入面，好驚咁逼自已訓著。

　　「你好驚？」漆黑之中我聽到自已把聲。
　　唔通係我精神分裂？我唔敢答佢。
　　「有Ｄ咩野令你咁驚？」
　　佢問完題，隔左一陣又繼續講。
　　「ＯＫ，我知道了，你好好休息一下，聽日就會無事嫁啦。」

ＯＫ，我睇咗文了，樓主好好休息一下

未瞓都出到來

主角反而比個十幾歲嘅女仔安慰返轉頭😂

　　第二日起身，我打開電話一睇。
　　「港鐵中環站有列車相撞　中環站來回尖沙咀站暫停服務」
　　琴晚凌晨地鐵試車果陣，有兩架列車係中環站相撞。
　　同一日撞兩次地鐵？
　　我睇番琴日桌遊群嘅Massage，果條綠線追撞嘅Facebook link唔見左，取而代之嘅係凌晨中環撞車嘅新聞。
　　好奇怪。
　　我查一查各大新聞網，如果真係同一日咁樣撞兩次車，報紙一定會寫得好大。
　　但我淨係搵到凌晨試車相撞嘅新聞。
　　我甚至係連登聽到一首改詞，將鄭伊健果首極速改左做「極速ＭＴＲ」，好撚好笑。
　　「頭搖又尾擺，車門笠曬」
　　我諗如果真係香港撞地鐵死一堆人，連登仔絕對唔會咁樣玩。
　　咁，琴日果單綠線撞地鐵唔通係我睇錯？

　　阿媽走左入黎摷我起身：
　　「喂，起身啦，一陣約左哥哥去飲茶啊。」
　　哥哥？我唔係得一個家姐咩？
　　「得啦，我換件衫就出黎。」
　　趕左阿媽出去之後，繼續睇WhatApp Massage。
　　果個我，阿爸同家姐嘅三人群組，「家姐」果幅相變左個個男人，而且阿媽都係埋入面。
　　一個三十幾歲，咸咸濕濕嘅肥仔。
　　然後昨日老豆同「家姐」係群組入面約左今日十二點出去飲茶，而家已經係十一點幾。
　　總總跡像話比我知「家姐」變左個哥哥，成件事好奇怪。
　　但我無時間思考太多啦，拿拿聲換衫刷牙出去飲茶啦。

劇情開始反轉