返到畫室,我囉左幅謠精油畫繼續畫。
其實只係淨底小小細節要執,所以油左一個鐘左右就搞掂。
跟住我囉返張水彩謠精,心諗其實水彩係屋企都畫到,不如係屋企畫埋佢。
所以我同Cax Sir講,想係屋企畫完幅謠精水彩,然後開幅新油畫。
跟住佢係畫櫃入面囉左幅全新嘅純白畫布。
「你想畫D咩?」
「我想…」
我想畫D咩野呢?
只能夠係畫室畫嘅野…
「祼女。」
「點解會想畫Lee個題材?」Cax Sir O左嘴打左個突。
其實畫室入面唔係無人畫過祼體,只係由一個十歲細路女講出黎會有D奇怪。
「靚囉。」
「有無D reference參考下?」
係無特別準備之下,我即刻上網搵,由「維納絲 祼體」搵到張「祼體的馬哈」
「知唔知道點解個作者會畫幅祼體?」
「抗議果時嘅西班牙唔比畫家畫祼體」我根據維基答Cax Sir。
「無錯,所以我都好鐘意幅畫。
只不過係大人可以承擔抗爭嘅後果,而小朋友就無能力承擔抗議嘅後果。
不過你畫完之後,你爸爸媽媽有可能會唔比你繼續學畫。
所以等你大過小小,成年之後先慢慢發掘Lee個方向啦。」
跟住Cax Sir搵左幅「著衣的馬哈」叫我畫。
「當時果個畫家因為社會壓力而重繪了一張畫,作為妥協。」
依然係好靚,但好似有D可惜。
不過衣服嘅紋理同埋光暗話唔埋比幅祼體畫更復雜。
我突然諗到一個鬼主意——「半脫的馬哈」
「好啊,就Lee個。」
「識唔識用油畫起稿?」
「識。」
一支筆用啡色頻料畫線同埋陰影,另一支筆沾滿洗筆水當擦膠用。
咁樣畫草稿比用鉛筆更快更方使。
不過時間實在有點不夠,我只畫左個雙手放後腦嘅少女骨架,其他就下當再畫。