是咁的，我變左做個細路女，然後嗱左個填色比賽冠軍

劇情開始反轉

返轉頭睇睇你應該會估到發生咩野事

究竟我睇緊啲咩

聽日就會無事嫁啦

If世界線

180度大跳躍

劇情暴走

　　梳洗過後，我地就出門口。
　　我地搭地鐵去美孚，然後係美孚新邨嘅酒樓度見到恩姐姐同埋個咸濕肥佬。
　　「仲有幾張枱就到我地，好快就到。」肥佬同我地講。
　　跟住佢係恩姐姐個手袋度囉左盒Switch遊戲出黎送比我。
　　「恭喜你比賽囉獎，送比你嘅。」
　　我一接上手，竟然係我一直都想玩返嘅「蒼藍雷霆」，我仲以為佢會比星之卡比或者係其他比較多女仔會玩嘅Game。
　　「點可以送遊戲比佢嫁，會玩創佢個心嫁。」阿媽哦肥佬。
　　「阿媽，難得佢咁乖，比佢打下機都得啦。」
　　佢Lee個「阿哥」都幾到位，但點解我心入面有陣無形嘅厭惡感？
　　望住Lee個肥肥地，三十幾歲嘅攝影肥宅，我寧願要番之前個SportGirl家姐。

　　等左一陣，就到我地入去啦。
　　一般飲茶公式，叫茶，跟住洗杯洗碗洗筷子，然後叫野食。
　　當然Lee D野唔洗我做，全部都係阿媽同埋恩姐姐做…而家應該要叫佢大嫂，畢竟佢地應該結左婚。
　　「想食咩？」恩姐姐問我。
　　「雞札同腸粉，仲有水晶餃」
　　茶樓點心最出名嘅蝦餃同燒賣我反而唔鐘意食。
　　因為酒樓會落勁味精落佢Ｄ重味道點心度，我食親都會勁口乾。
　　不過雞札有陣魚肚同埋雞湯味，仲有腐竹帶起成陣肉味，係我最鐘意食嘅點心。
　　以前我做野果陣，成日都會去茶居食雞札加碗公仔麵做一餐。

　　點知黎到份雞札，咬落去成陣粉…
　　我屌，原來係芋頭雞札，無落魚肚反而係舊勁難食嘅芋頭。
　　「做咩啊，係咪Ｄ野唔好食？」肥佬見我面有難色，主動慰問。
　　「我食開魚肚雞札，估唔到間野係落芋頭，然後仲要收大點嘅價。」
　　「無計啦，落魚肚成本貴阿嘛」阿爸插左一句。
　　結果隻芋頭雞札破壞左我成餐飯嘅興致。

　　話雖如此，好難得見到阿媽同我地咁樣一家人出黎食飯。
　　成餐飯入面，阿爸都無咩點出聲，反而係阿媽同肥佬講好多野。
　　我聽到佢同「家姐」一樣都係職業攝影師，同恩姐姐同樣係Coser+攝嘅組合，所有背景資料一樣，除左性別。
　　當然，見佢送隻Game比我做掩口費，我亦唔會過問太多。
　　畢竟我淨係「見」過「家姐」一次，無咩野可以過問。

　　返到屋企之後，我即刻問阿爸囉部Switch去煲隻蒼藍雷霆。
　　「唔好玩咁多啊。」阿媽見到我囉部Switch即刻哦我兩句。
　　「反正佢曬功課，咪比佢玩下啦。」係阿爸幫口之下，佢係床頭櫃入面囉部Switch出黎，然後駁電視比我玩。

　　「依？單人遊戲黎嘅？」阿爸囉住一個手制，仲諗住同我一齊玩。
　　「無錯，一隻類似洛克人嘅橫向動作遊戲，我係畫班畫果隻妖精係Lee個遊戲嘅角色。」
　　蒼藍雷霆係講一個超能力世界入面，一個雷擊使為左電子歌姬而戰鬥嘅故事，而電擊使嘅戰鬥方法係用槍鎖定敵人然後用超能力電死對面。
　　隻Game話易唔易，因為Ｄ敵人好多而且好難閃避；但話難唔難，因為只要唔攻擊嘅話，主角嘅電磁結界會一直保護佢唔扣血。
　　話雖如此，係高難度模式下，如果觸發左電磁結界就會扣分數，歌姬嘅歌亦會中斷。
　　所以我先會話，隻Game其實係包裝成動作Game嘅音樂遊戲。
　　當然，我唔係太追求分數，淨係想一邊聽歌一邊跑關卡，所以就用最低難道模式讓我可以靠電磁結界硬闖。
　　所以就算我本身已經打爆過幾次機，對故事滾瓜爛熟，但技術依毫無寸進。
　　遊戲入面有好多對白可以慢慢細味，例如打打下交個Boss會同你吹下水，叫囂一下。雖然中文翻譯好似譯錯左唔少野。
　　所以我慢慢打左幾關之後就準備上床訓教啦。

　　「咁樣你會唔會好過Ｄ？」係漆黑當中，我好清楚咁聽到倩雯嘅聲音。
　　我擘大眼睇一睇，我身處係一片白色嘅虛無入面，倩雯係我前面。
　　「Lee個係夢境？」
　　「明明你已經見過我幾次，點解你仲問Lee個問題？」
　　「到底發生左咩野事？點解家姐會變左做哥哥？地鐵撞車時間地點完全唔同左！」我質問倩雯，因為琴晚我清楚聽到佢會解決我嘅問題。
　　「你唔洗知太多，總之會威脅你嘅事我都會幫你解決。
　　你同我安心咁生活就得，因為你就係我。」
　　「咁樣亦太唔合理啦！點解家姐會變左做哥哥？」
　　「唔需要合理，我話ok就得there's no problem。」
　　倩雯直接講左左果句極速MTR嘅歌詞，雖然聽起黎好好笑，但我越諗越心寒。
　　我感覺到喺我面前嘅倩雯係有未知嘅超自然力量，如果講太多野激嬲佢可能會搞尻我。
　　「但如果日日都咁樣變一次，我驚我會適應唔到。」
　　「放心，我唔會亂黎。」
　　咁嘅答案我更加驚，一個奉旨亂黎嘅十歲細路囡話佢唔會亂黎。
　　不過我而家無任何選擇權，同香港人比MTR綁架一樣唔到我出聲。

留名

突然變得好快

其實係咪發夢

推

繼續LM

唔係批評樓主 但係啲口語字真係

　　第二朝起身，刷牙果陣睇到琴晚條Ｍ巾已經無血，睇黎Lee排都唔洗用啦，不過都係放定一包係書包穩陣Ｄ。
　　返到學校果陣，我見到訓導室坐住果個唔係果個姓王嘅大媽，而係一個阿Sir，睇黎倩雯用能力換左另一個訓導主任。
　　我唔清楚佢仲改左Ｄ咩，所有一切都要小心翼翼。

　　我返到課室，見到船長安然無羔咁坐係我前面。
　　到底佢記唔記得禮拜六果次尷尬嘅追逐？我應唔應該問佢有無撞地鐵？
　　係我唔知點開口嘅時間，佢主動出聲。
　　「倩雯，其實…其實…」
　　「我鐘意你。」
　　專家講過，愛情嘅主動權其實係女人度，男人要做嘅係令女人鐘意你，然後一步步令佢做一Ｄ「戀人之間先會做嘅野」；一但比女人知道你鐘意佢，只會令佢驚左你，對你處處提防。
　　尤其係喺咁差嘅時間點示愛，完全無氣氛同感覺。
　　「嘴佢，嘴佢，嘴佢！」周圍其他同學聽到船長示愛即刻起哄。
　　成班花生友痴曬線。

　　「我唔鐘意你，完。」我直接了當咁拒絕。
　　「點解！」
　　白痴，感覺Lee D野邊有得解釋！
　　「就算我接受你，你可以比到我Ｄ咩！
　　我鐘意畫畫，你可以買＊輝柏綠盒比我咩？
　　我鐘意玩Magic，你可以買一副＊＊廠比我咩？
　　你連咩野叫Magic，咩野叫『廠』都唔知啦。」
　　雖然愛情唔應該用物質衡量，不過講大小小嚇走佢無壞。
　　因為我唔鐘意佢，所以佢做咩都無用。
　　就算佢真係送到比我，我亦可以再叫高Ｄ，叫佢收副＊＊＊Legacy 比我，再唔係叫佢收Ｄ絕對買唔起嘅野，例如係＃武士道。
　　如果佢真係有錢到連大型遊戲公司都買得起，我嫁比佢做少奶奶算啦。

　　因為班房入面真係起哄得太勁，我衝左出班房外面，走入女廁冷靜下。
　　跟住女班長走入女廁同我講：
　　「你…你…快Ｄ同船長一齊，如…如果唔係Ｄ人又會繼續傳我同船長有野。」
　　女班長全名叫車月長，因為有個「車長」嘅花名所以成日比人唱同船長有野，而且佢地係男女班長，船長配車長，更加會比人唱大家都係老司機。
　　我更加估唔到女班長會咁樣衝入黎幫船長講野。
　　「無可能。」我直接拒絕佢。
　　「不如你試下。」
　　「如果我同你講，我鐘意女仔呢？」
　　我托住佢塊面，然後哄過去。
　　當我地越黎越接近，我嘅心亦越跳越快，咁先係戀愛嘅感覺。
　　佢推開我然後噤住心口，成塊面紅曬。
　　「我就鐘意Lee種感覺，所以我係絕對唔會同船長一齊。」
　　我知我衝動左，不過咁樣反而可能係好事。

＊頂級木顏色，一千蚊港紙百二色，就係上次中興係玻璃櫃入面果套木顏色
＊＊Tron Deck，Modern嘅主流Deck，造價一千美金左右
利用三張"Tron"為名嘅地快速製造大量無色魔力嘅牌組
因Tron和「廠」近音因而得名
＊＊＊Magic最古老嘅賽制之一，牌組平均要幾千美金
＃武士道，日本最大TCG製作公司之一，名下有Weiß Schwarz，Cardfight!! Vanguard等

10歲x百合
不得了不得了

開始有D亂，希望唔好暴走
樓主加油

Ok,唔該哂先