是咁的，我變左做個細路女，然後嗱左個填色比賽冠軍

Live

Btw 百合真香

推
今晚有無文？

　　「你有答案未？」
　　「咩野答案？」
　　我係一片白色嘅虛無入面，有棵樹掛住個困住倩雯嘅鐵籠。
　　我見到佢倩雯渣住個籠大嗌，好用力地嗌但叫不出任何一個音節。
　　今次Lee個空間除左多左梱樹之外，周圍仲飄浮著各色色樣嘅影像。
　　「係一切都未開始之前
　　倩雯係學校發生左咩野事；
　　倩雯係屋企發生咩野事；
　　點解佢想改變世界。
　　Lee３條問題。」
　　果個人係樹下面問我。
　　「喂大佬，咩野提示都唔比，仲有所有證據都可以隨意扭曲，咁點還番個真相比你睇？」我吐糟果個人。
　　「我地黎捉盤棋。」佢係樹下面變左一張棋枱，上面放左副無河界嘅象棋。
　　果個人好難捉摸，所以我亦只能應承同佢捉棋。
　　點知佢一開局就打橫行卒。

　　「喂，你隻卒未過河WoW。」
　　「邊個話同你捉中國象棋？」
　　然後我先見到兩邊嘅將軍係放左係九宮格嘅正中間，而唔係一般中國象棋嘅最後一行。
　　「OK，無河嘅象棋。」
　　跟住我諗住行中炮，點知隻炮點都唔肯喐。
　　「炮唔可以就咁行一定要有炮台先可以喐，仲有唔可以用炮做炮台。」
　　「我屌，仲有Ｄ咩野特殊規則，講曬佢先好繼續玩。」
　　佢講左Ｄ同中國象棋唔同嘅棋例之後，原來我捉緊嘅係韓國象棋。
　　象係行「用」字，車炮同將軍可以行九宮格嘅斜線等等。

　　雖然棋例有Ｄ奇怪，但策略同方向大致同我玩開嘅中國象棋有Ｄ似。
　　只不過Ｄ卒勁左，隻炮廢左，隻象變左做攻擊棋而唔係防守棋，戰略上我都要用最少嘅棋將Ｄ棋推過去對面將死人。
　　對面果位「超自然嘅存在」棋力亦唔算太好，就算我第一次玩韓國象棋都殺到佢一僕一碌。
　　當棋局就尾聲的時候，棋盤突然變返以前中國象棋嘅樣！條河出番黎！
　　我有隻象周圍田字位都塞住左自己嘅棋喐唔到，然後佢直接行炮，用隻象做炮台將死左我。
　　「喂，唔好咁好唔好？你咁玩好奸矛姐，捉捉下就轉規則。
　　下次唔同你玩嫁！」
　　「咁我問你，由個棋盤度睇，到底發生左咩野事？一開頭係捉緊咩野棋？」佢似乎另有所指，似乎暗指要由倩雯扭曲左嘅世界還原佢原本發生左嘅事。
　　「有條唔識捉中國象棋嘅ON9仔亂咁擺棋，將隻象擺左係對面岸。」我由個荒謬嘅答案反諷佢條題目係無解。
　　「你唔係應該話，有班公園阿伯係度玩＊揭棋咩？就盤面完全可以推論出一個合理嘅結果，點解你唔去試下？」
　　「如果你中間又轉左做國際象棋呢？可能玩玩下又變左做日本將棋，規則由你定，你又可以隨時改寫。
　　所以你根本係唔會輸，成件事完全係唔合理。
　　我同你講，我唔玩啦！」

　　佢嘆氣。
　　「好啦，我同你講你之前推論出黎嘅野，有關屋企嘅部份估中左七成。
　　你唔估埋落去Ｄ惡夢會追住你，就咁。」
　　跟住我札醒左，時間係八點幾。
　　我又係時候諗下今日同小月去邊啦。


＊樓下阿伯捉嘅象棋變體，除左將軍以外嘅棋洗好並覆蓋
然後暗棋行第一步之後就揭開，以後就按照棋上面嘅字黎行
揭棋嘅士同象都可以過河

實際上我應該叫佢做盲棋，不過會同小學雞捉開嘅盲棋混淆

推推先

我記得我中學同班fd講捉盲棋
我話盲棋咁玩比佢地屌柒我

兩種香港人都係叫盲棋
揭棋個名我都係google返黎

大家回覆嘅時候可唔可以唔好quote文文

可唔可以落好亂推po
仲以為有咩有意義的留言可以睇下

一兩個鐘推一推算唔算好頻？

12hr 先推喇
留左名入親都冇文
咁樣好咩

好好睇