是咁的，我變左做個細路女，然後嗱左個填色比賽冠軍

　　琴日世伯話我地可以試下玩下Ｄ戶外活動，不如今日約佢出去踏下單車。
　　不過東九龍Lee頭邊度有單車徑可以踏？新界果邊就比較多。
　　仲有小月識唔識踏都係未知數。
　　「你想出去踏單車？老豆陪你去啊，今日我放假。」
　　「其實係想約小月出去玩姐，不過未諗到去邊。」
　　「無問題，不過…你識踏單車咩？上次教你踏你喊咁口話唔踏WoW」
　　下？
　　倩雯你亦太廢啦掛…
　　「咁…」
　　「一陣同你搭車出去九龍灣果個單車公園啦，可以叫埋小月一齊出去。」
　　老豆講到咁又好難去拒絕佢，所以我直接打電話同小月講老豆叫我去踏單車，問佢一唔一齊去。
　　佢應承左之後，我地就係樓下集合然後一齊搭地鐵去九龍灣。
　　無錯，單車係到時先借。

　　我地係九龍灣站落車，經觀塘道行去麗晶花園，食小小野之後再行去阿離個單車公園。
　　單車公園附近有單車鋪，所以我地三個人一人租左架車。
　　「小月，你識唔識踏單車？唔識嘅我可以叫佢比個輔助轆你。」租車果陣老豆問小月。
　　「識。」小月騎左上架兒童單車上面，三爬兩撥就踏左一段路，然後拆返番黎。
　　跟住我都騎左係架單車上面。
　　作為一個踏左廿幾年單車嘅人，無理由踏唔到嘅。
　　點知我一腳踏落腳疊成架車就向左飄，最後踏左落地下。
　　下，唔通我要由頭學過踏單車？

玩game果啲文我飛哂，皆因睇唔明

我都係 對隻驚冇咩興趣

係

但係題材吸引 作者係寫得好睇嘅 我知道佢好想人認識佢隻驚 其他位都超正架
加油呀

me is 凌風

其他位真係超正，個人認為隻game有啲悶，有陣時好似睇緊說明書咁，btw樓主加油

　　數學嘅基本運算，基本上就係要不斷練習同運算先會識，如果一開頭就比佢抄答案，咁佢成世人都無機會用腦計條數出黎，永遠都學唔識。


平時私補教𡃁仔都係咁諗！

咁有文彩都冇女

冇事嘛

終於追曬
快d更新好期待wow

我都係
追左幾日 好好睇

終於有樣野係主角本身識但又做唔到

做運動做得好要有肌肉記憶
個細路女無踩開單車，肌肉協調唔到

加甜
我要純愛

Lived

Push

推
真係好好睇
不過一出現玩game果part就有d睇唔明

LIVE撚左 屌

　　跟住我將架車推去初學者單車埸，大約有半個藍球埸咁大嘅圓形單車埸。
　　果度有Ｄ家長教緊細路踏單車，而小月就不停係埸地入面圍踏。
　　我記得單車輕輕踏一下就可以行得喐，跟住喐緊嘅單車就會自已平衡。
　　點解我而家踏極架車都係跌落地？
　　老豆係後面推我架單車，然後放手比我踏。
　　但我每次都係跌落地下。
　　明明單車就係兩隻腳不停交錯咁踏腳踏，轉動個齒輪然後推喐架車。
　　點解我好似…唔記得左點踏…
　　唉，又跌啦，落地果下隻手輕輕咁擦損左。
　　我個腦明明記得要點踏，但身體跟唔上個腦。
　　也許倩雯本身無踏單車嘅肌肉記憶，所以咁急住去衝反而協調唔到。
　　如果我嘅動作會受到倩雯本身嘅經驗影響，咁點解我由一開始就可以隨心所欲咁畫畫？
　　由我一開始接手倩雯嘅身體，無論係水彩同油畫我都畫得番以前嘅水平。
　　除左畫畫之外，一Ｄ純粹用腦嘅活動同遊戲我都做到大人嘅水準，但我發現叫我做運動我就會慢幾拍。
　　雖然可以解釋做「女仔唔擅長做運動」然後避免做體能運動，不過而家我自已話要出黎踏單車完全係自己搵黎搞。
　　跌多幾下，我手仔腳仔都損曬。
　　小月即刻將架車停係我隔離，囉幾塊膠布出黎。
　　「你地去廁所洗下傷口先，跟住先好黏膠布啊。」老豆提醒。
　　「我去單車鋪幫你加個輔助轆啦。」
　　「唔得，我今日要學識踏單車，無論跌幾多次我都要學識。」唔知係邊而黎嘅勇氣，也許係唔服輸嘅心態，無論跌幾次我都要識番踏單車。
　　因為我無理由做唔番我以前識嘅野。
　　痴好膠布之後，老豆就繼續推我車，教我踏單車。

　　原本，我以為可以同小月佢兩個人踏啟德公園，跟住係碼頭坐下，吹下畫風。
　　點知我而家要困住係個細埸度由頭學過踏單車，我唔忿氣。
　　我越踏得急，架車跌越快，到最後連小月自已都唔踏啦，走過黎幫我打氣。
　　「單車唔係輕輕一踏就會去啦咩？點解踏極都唔喐…」
　　「不如咁，你唔好咁急住去踏。
　　我推你一下，架車就黎唔喐果陣你刹停架車，然後伸隻腳出黎停車。」小月同我講。
　　「啊好呀，小月你試下推下佢。」老豆都聽到佢講野。
　　佢坐係長櫈度抖，睇住小月推我單車。
　　佢放手之後，我唔急住落腳踏，反而落剎車整停架車。
　　係架車失去速度果下，我應該要打側小小個人然後企腳落地。
　　但係…我隻腳好似伸得太慢，結果成個人炒左落地下。
　　小月扶返我起身再黎過。
　　我今次落腳要快小小。
　　每次跌倒，我都調整我嘅反應時間，盡可能同Lee個細路身體協調。
　　跌左三次之後，係失去平衡之前我終於企得到隻腳落地。
　　帶住Lee種感覺，我終於踏到一腳，兩腳，三腳…架車終於喐啦！
　　以前我從來唔會對踏單車Lee個代步工具有任何感覺，但而家架單車行到幾步我竟然開心到想跳起！
　　同小月一齊係新手埸踏左幾個圈之後天色開始變暗，所以我地要返屋企。
　　雖然跌到成身損曬，但Sofar都係開心嘅。
　　「唔好意思啊，明明踏得叻都要陪我去新手區。」
　　「唔緊要啊，下次同你去踏上面條高架單車徑啊。」
　　小月指住公園嘅主要單車徑，一條８字型嘅高架單車徑。
　　「好啊，下次再一齊踏啊。」老豆回應小月。
　　「到時你唔好淨係係埸外教人啦。」小月吐糟老豆，睇黎佢地兩個都算投契。
　　還左車之後，我地再返麗晶花園食下午餐，然後搭地鐵返屋企。
　　我地送到小月去佢屋企樓下，跟住我問佢要唔洗沖個涼換件衫過黎食飯。
　　老豆話唔好打搞人地休息，所以就無約成。
　　雖然佢自已講過歡迎小月隨時上黎黐餐，不過大人對細路講嘅野有八成都係大話。

　　係返屋企途中，老豆問我：
　　「你同小月係咪真係拍緊拖？
　　你一開頭講笑咁話佢係你條囡我都唔係咁信，不過我見你地Lee排成日兩個人出去我就覺得怪怪地。」
　　「呃…」我唔知點答佢好。
　　「咁睇黎應該係啦，雖然應該係細路仔玩泥沙果種。
　　不過點解你會想同女仔拍拖？」
　　「由一開始我都話我係一個三十歲嘅成年男人轉生過黎嫁，咁我鐘意返女仔都好正常。」
　　老豆停左係度。
　　「咁你覺得自己係男仔定係女仔？」
　　「我好清楚Lee個身體係女仔。」
　　「咁你自已想唔想做女仔？」老豆好嚴肅咁問我。
　　「係香港地，做女仔永遠著數過男仔；
　　男仔除大力小小之外，有好多工唔請，仲有樣樣都要LadyFirst就曬女仔。
　　我而家做女仔做得幾開心。」我好誠實咁答佢。
　　「但係做女仔就應該鐘意男人。」
　　等等，老豆嘅表現同我印像中思想開明嘅佢完全唔同。
　　「一個人鐘意邊個，同佢本身係咩野性別係無關係嘅。
　　拍拖都只係為左兩個人共同生活而建立嘅愛情關係。」
　　嚴格上黎講我算係向老豆出左櫃。
　　「睇黎你知道你做緊咩，我唔反對你。
　　不過你仲細個未定性，唔好咁快認定自已嘅性向先。
　　話唔埋你第二時會搵到你鐘意嘅男仔。」
　　「咁第二時先算。」
　　「而家我只會將小月當左做你嘅一個好好好好好好嘅朋友，到你地大個啦，真係定性啦先講係咪真係拍拖。
　　當然我唔會特登拆散你地，或者你地玩玩下會學到真正拍拖果陣應該要點同對方相處。
　　仲有，唔好做Ｄ你負唔起責任嘅野。」
　　老豆講完Lee句之後，我地就繼續行。
　　途中佢問我同小月有無做過Ｄ咩，我就同佢講有錫過。
　　佢就同我講，除左錫錫之外唔好再做再進一步嘅野。
　　當然，我聽唔聽係另一回事。

聽晚有可能出街唔出文

負唔起責任既野
又冇奔周 點做到負唔起責任既野

支持

live