是咁的，我變左做個細路女，然後嗱左個填色比賽冠軍

主角搵返自己真身，發現俾人送左去弱能學校

加甜
畫室呀sir呢

Btw 主角叫左屋企人all in 700未？

　　校長比左兩個比賽我畫，我兩幅都打算交水彩。
　　不過我而家無上任何水彩班，靠學校MISS去指點完全係死得。
　　如果Cax Sir可以提點一下會好好多，Lee個Cax Sir唔係指上次係兒童畫室試堂果個阿SIR，而係以前係畫室教我畫畫果個畫畫老師。
　　我以前係荔枝角嘅私人畫室學水彩同埋油畫，個阿SIR除左夠勁之外，我仲係果邊識左一兩個吹到水嘅人，落堂之後會一齊食飯嘅畫友。
　　講開畫班，上次試完堂之後阿媽係唔肯比錢我繼續上，佢覺得每個月比幾百蚊去畫畫完全係嘥錢。
　　面對個咁市儈嘅阿媽，我更加唔敢同佢講我想報一個差唔多成千蚊個月嘅私人畫室。

　　所以我就嗱左幅畫返屋企畫，就算得我自已一個都應該畫到野。
　　只係無老師幫我檢查構圖，我可能間唔中會有Drawing問題而已。
　　「我們這一家…這個主題應該畫Ｄ咩…」
　　我望住廚房入面整緊餸嘅阿媽，簡單咁畫左佢嘅背影。
　　老實講，佢除左每日煮飯比我食，同日比廿蚊零用錢之外，其實我唔覺得佢同我有咩野關係。
　　當然，為左比賽咁緊係要將阿媽畫到成個女神咁，後面仲有個細路囡扯佢衫角睇住佢煮餸。
　　然而，當我落水彩果下，我發現個女扯住阿媽果隻手畫得太長。
　　因為我一開始畫隻手掌決定左個女扯住邊度，之後畫個身體，最後再將佢地畫埋一齊，然後就出事了。
　　由於已經落左水彩，所以發生Drawing問題基本上係沒救的，一係由頭畫過，一係夾硬畫落去。
　　當然以一個小學生黎講，小小Drawing問題係可以原諒嘅，但如果要囉黎打比賽就係另一回事，所以只有重新開始這條路。
　　我將成幅畫係水彩畫簿上面撕落黎，默默收起水彩，用鉛筆重新起稿。

　　跟住老豆返黎啦。
　　「畫得幾好WOW，做咩半途而廢？」
　　我用鉛筆圈起畫錯嘅位，一隻同腳差唔多長嘅右手。
　　「洗麥咁嚴格WOW，其實你已經畫得好好。」
　　「我係用黎報比賽嫁，個評審見到隻手即刻唔會想睇。」
　　「唔洗比咁大壓力自已，知唔知？」老豆摸摸我的頭，然後坐係梳化上面。
　　「既然就黎食飯，不如食完飯先繼續畫，我地黎打陣Deck先？」
　　「等等…老豆你繼續坐係度。」
　　我囉住本畫簿坐係老豆前面，畫佢坐係梳化度睇電視嘅動作。
　　當然，我唔係真係素描，我只係大約畫左骨架，畫左個卡通外形。
　　跟住畫個阿媽依偎住老豆，然後畫個囡係伏係梳化後面仲指住出面。
　　這個主題比之前那幅廚房生動好多，可能我鐘意老豆多過阿媽。
　　話唔埋同老豆講我想去荔枝角上堂佢真係會比錢我去報。

幫樓主推推

支持

lm

Push

　　食完飯之後，我唔畫畫走去同老豆打Deck，因為頭先佢話想玩。
　　對於阿媽這個局外人黎講，餐枱面上只有一堆牌。
　　不對於我地黎講，這個餐枱上面係一個戰埸。
　　老豆召喚出一隻隻小生物進攻，而我就用一個個咒語燒死那堆小怪物。
　　佢果副牌可以不停復活生物，所以殺怪咒語會越來越不夠用，但這些使用過嘅咒語會化做龍獸嘅力量，係後期可以一拳打爆老豆。
　　然而老豆亦有幾隻生物可以殺死我嘅龍獸，所以必須扣緊反擊咒語，去阻止老豆殺死我嘅龍獸。
　　所以大家你來我往，有時候我會被他的小生物打爆，有時候我的龍獸一拳十幾攻爆佢頭；有時候老豆會殺到隻龍獸，有時候會比反擊咒語阻止到。
　　阿媽由頭都尾都睇唔明我地玩咩，不過見我地兩父女玩得開心就不太干涉我地，直接走入房訓教。

　　「老豆，我想去荔枝角學水彩。」我抓緊機會問老豆。
　　「樓下間畫室唔好咩？」老豆問我。
　　「荔枝角間畫室阿Sir識多Ｄ野，唔會當我係細路咁教。
　　頭先果幅畫如果比Cax sir睇過，佢一眼應該會睇得出個囡嘅手出左事，而唔會等我落左水彩先發現。
　　佢講過，『學好Drawing，輕鬆painting』。」我差Ｄ講埋我以前係上佢堂。
　　「幾錢個月？」
　　「的確有Ｄ貴…九百幾。
　　樓下五百蚊阿媽都唔肯比，九百幾嘅堂我連提都唔敢提。」
　　「間野係邊？」
　　我囉左老豆部電話，即刻search比佢。
　　「大人畫室黎嫁wow。」
　　「我想畫到唔止細路嘅野。」
　　「好啦，我搵日帶你去果度睇睇。
　　就算買少盒卡，我都會比你學到你想學嘅野。」

好老豆

睇睇我咁樣寫卡會唔會易入口小小
雖然有Ｄ　Key word係錯錯地

形象化左
ok的

加油

強烈要求大家推到個post係老師心聲出現

其實佢本身就識畫，點解仲要去學?

咁樣寫卡會好好多，易明做緊乜

世上只有爸爸好

　　第二朝，老豆同我講放學係學校等佢，唔通佢真系約左去畫室上堂？
　　我要落左堂先知道。

　　不過今日小息果陣有Ｄ特別野發生左。
　　有個叫做張任常嘅男同學囉左張Pokemon TCG閃卡出黎。
　　以前叫做寵物小精靈或者神奇寶貝，而家老任夾硬將兩個名夾埋一齊逼大家食…那是大人嘅我眼中所知道的ＰＫＭ黑歷史。
　　作為一個細路，「精靈寶可夢」係其中一種主流興趣，因為最近那隻Pokemon GO 有很多家長會陪小朋友一起下街捉精靈。
　　扯遠了，佢只係囉張閃卡出黎炫耀，話佢隻比卡超好勁，有百幾攻擊力。
　　跟住另一個叫周萬金嘅細路囉左張噴火龍出黎，話佢有二百幾攻好勁。
　　Ｄ細路係文具鋪抽下卡包（唔知係咪正版），跟住開到一兩張閃卡就係度炫耀，我唸佢地應該連隻精靈Ｄ日文Text都唔識睇。
　　當然，作為一個TCG player，PKMTCG 點都會聽過，只要有Deck要一齊學亦唔係一件難事，不過見佢地咁樣「玩」堆卡，我亦無興趣陪佢癲。
　　算啦，我繼續玩我的Magic，佢地玩佢地嘅鬥大細遊戲。
　　點知個張任常竟然走去搶周萬金果張噴火龍…然後周萬金一野推左佢黎我腳邊！
　　「唔好打架，會整爛你地Ｄ卡！」咁我亦只好勸架。
　　當然，如果我比人當街搶走張泰菲利（一張價值三百至四百蚊嘅核心卡），我唸我都會去打佢一身。
　　張任常爬番起身打還手，不過比我拉住。
　　好彩小學時期女仔發育係快過男仔，我竟然扯得住佢。
　　「一張廿零三十蚊嘅廢紙姐，洗咩爭？」
　　雖然我無玩PKMTCG，但比得細仔亂咁舞嘅卡，貴極都應該得幾廿蚊。
　　「條友日日囉Ｄ勁卡黎大我！」
　　「大條毛，你地連Game都唔識玩，得張ＧＸ打條毛。」
　　跟住兩個阿Sir衝入班房將兩個人分開，然後請出班房。
　　我唸，攜帶遺禁品同係班房打架Lee兩條罪應該夠佢地每人食一個缺點。
　　講起遺禁品，小學環境係絕對不允許任何卡牌遊戲係班房出現，比老師見到係會沒收，我真係唔知點解佢地會有勇氣帶返學校Show比人睇。
　　唸得明嘅話，我唸佢地已經唔係細路。

　　跟住阿Sir返轉頭拉埋我出課室！

新年期間，我可能唔會出文
除左拜年之外，因為有野要趕住畫
整緊隻桌遊Demo要係初三同初五玩

留名