是咁的，我變左做個細路女，然後嗱左個填色比賽冠軍

究竟仲有幾多人睇緊個故呢...
個主題幾有趣
好吸引我繼續睇落去

之後嗰兩個學生家長唔會投訴學校屈佢哋仔女咩

挑 就算主角依家去band 3尾讀再考DSE 都ok 啦

睇咗兩個鐘 由頭睇到尾 故事唔錯
但係細路女嘅行為唔夠成熟畢竟本身嘅身份都係一個成人嚟
而且本身由男人變成女仔多多少少都有啲生活上嘅唔同
生理反應等等 可以講多少少
同埋唔夠屈機 想睇佢屌打其他小朋友
仲以為佢會叫爸爸去卡鋪 買張勁卡屌打其他小朋友

推呀 我仲睇緊架

應該分享去老師心聲
但有人話貼咗上去無出現過被滅聲

主角起碼叫有一技之長
都唔算太屈機，最多叫成熟啲，有機心既細路未必差太多

但我呢啲廢人變番童年都無用

講真，吓吓攞DSE嚟講，成熟極有限
出到嚟做嘢就知DSE根本唔太重要，尤其畫畫勁，洗理DSE幾多分咩

　　對於細路黎講，一個大人大聲夾惡咁樣嚇佢，佢就會驚，就會屈服。
　　對於大人黎講，除非你用實際嘅利益或者威脅作為籌碼談判，如果唔係就咁聲大夾惡無Point咁樣鬧人，絕對會比佢大返轉頭。
　　Lee個就係大人同細路最主要嘅分別，亦係校長同其他老師對待我嘅分別。
　　所以我決定係訓導室入面嘅事保持沉默，反正校長已經幫我諗好理由。
　　當然，為左唔好令件事轉折得咁奇怪，返到病房之後我繼續堅持要訓導老師親自同我道歉。
　　至於追究訓導老師判錯案嘅野就直接不了了之。
　　校長亦爽快咁應承左。
　　
　　跟住果幾日，有幾個同學黎左醫院探我。
　　有個女同學摺左一百粒紙星星放左係玻璃瓶入面祝我早日康復。
　　至於果兩個細路，學校淨係罰左一個缺點，連學都唔洗停。
　　無錯，只要佢地肯食左隻死貓，承認係佢地撞跌我，聽講仲可以參加更新計劃洗缺點。
　　當然，處於學校嘅立埸，緊係希望大事化小，小事化無。
　　同大人嘅世界一樣，真相係點根本唔重要，一切都只係我記錯左姐。

　　不過，果兩細路都知衰，入黎探我第一件事就係同我道歉。
　　雖然佢地錯嘅根本係另一件事，不過我都接受佢地嘅道歉。

一張勁卡
係玩落去先知道好勁

睇落去好勁嘅卡，通常玩落去都係出唔到嘅廢紙

就好似

一個無玩Magic嘅玩家見到有個黑人，仲有成堆字都唔想睇

要出街玩Board game
聽日先繼續打

小學生覺得勁咪得囉

好黑暗呀

呢個條件唔錯,再係學校打橫行收兵坐大勢力佢

推呀
好耐冇返黎睇了

　　幾日之後我個頭嘅紗布就拆左落黎，之後亦拆左線。
　　我嘅頭髮因為開腦手術而被剪短，不過睇落去短頭髮都OK。
　　護士話一個禮拜後返去覆診，有咩特別頭痛，嘔吐就要即刻去急症室。
　　果然，拆左線之後阿爸阿媽就直接帶我出院啦，畢竟香港嘅醫院係好繁忙嘅。

　　出左院之後，學校比我放兩個禮拜病假。
　　畢竟我開過腦，醫生話我唔好咁急用腦諗野，睇電視同玩電腦亦盡量避免。
　　咁我可以做咩野呢？就係繼續畫畫。
　　不過，畫Ｄ咩野呢？張「我們這一家」已經畫完，仲有個「助人為快樂之本」嘅比賽畫可以畫。
　　不過為左比賽而畫畫…除左要諗點樣討好評判，仲要諗貼唔貼題…都係不了。
　　放假緊係做Ｄ開心野…
　　開心…

　　有Ｄ咩野可以令我「開心」呢？
　　落樓下遊樂埸跑跑跳跳？而家落樓恐怕只有我一個人…而家Ｄ細路就算放學時間都唔會係遊樂埸玩「何濟公」。
　　就算佢地落到遊樂埸，極其量都係坐埋一齊玩手機食雞。
　　手機遊戲我唔係唔鐘意…但係手機遊戲根本唔好「玩」
　　正確黎講就係你會為遊戲入面的「老婆」付出幾多心血培養嘅另一件「工作」，大部份手遊都只係為農而農，為肝而肝。
　　作為大人嘅我也許可以花時落落去，但作為細路嘅我完全唔想接觸。
　　當然，亦有Ｄ手遊只係電腦遊戲嘅downgrade版本，例如而家堆小學雞好鐘意玩嘅食雞，仲有Minecraft；能夠發揮手機嘅獨特性，但又唔會逼玩家係咁農嘅良心遊戲，我唸都係得Clash Royale一隻，不過我又唔係特別鐘意玩。
　　如果可以約一班朋友去桌遊鋪玩下BoardGame應該唔錯；不過都係果句，邊度搵班枱腳一齊玩。
　　
　　禮拜三下午老豆突然早收工返屋企，佢同阿媽講帶我返畫班。
　　跟住老豆執好背囊同我兩個人出去。
　　「我地係去荔枝角畫室？」我問老豆。
　　「會去，但唔係第一時間去。
　　幫你配個電話先，畢竟以後可能要自已坐車去荔枝角。
　　仲有畫室都幾近家姐屋企，有時間嘅話可以順便去探下佢。」
　　順帶一題，家姐好似係住係美孚新邨，同間畫室差一條至兩條街嘅距離。
　　因為阿媽唔係好妥家姐，所以阿爸就咁樣偷偷摸摸咁帶我出黎。

　　電話果度，其實我無咩Say。
　　因為唔係我比錢，我甚至連款都無得揀。
　　老豆買左個舊款Sony電話比我，型號我唔多熟，仲幫我出左張電話卡。
　　算啦，有得用就算，追款會死人。
　　「你大個啦囡，我唔打算用咩家長管理去管你部電話。
　　總之，機可以打，要讀嘅書讀好，要做嘅野做好就可以。」
　　因為阿爸都係一個打機人。
　　「Whatapp，Line嘅訊息唔好信曬，如果你見到Ｄ唔舒服嘅野要同老豆講。 」
　　跟住我係電話登入用黎做功課嘅Gmail（Google）帳號，部電話就正式屬於我啦。

　　整左電話之後，我地搭地鐵去荔枝角畫室。
　　間畫室係荔枝角工業區樓上鋪，隔近有一堆茶餐廳，亦有不同種類嘅工作室。
　　而畫室就係云云咁多間工作室嘅其中一間。
　　我地搭貨𨋢上樓，Lee種要拉鐵閘人手閂門嘅舊式貨𨋢，真係得工業大廈先會有；但實際上大部份樓上卡鋪，桌遊鋪，甚至係私竇都要搭Lee種電梯先上到去。
　　老豆叫我噤𨋢，然後拉閘閂門。
　　「閂門之後，唔好伸手出去鐵閘外面，會夾斷手嘅。
　　你大個囡啦，應該要知道咩野係危險。」
　　雖然有Ｄ危險，不過老豆係會比我去試嘅。
　　當然，我經常出入這種舊式貨𨋢當中，所以一早已經習慣了。
　　上樓之後，老豆叫我拉開鐵閘。
　　出了去第一個單位就係荔枝角畫室，外面掛滿一大堆示範畫，地下亦放左一堆廢畫。

　　我地入左去之後，坐係櫃位嘅老板娘叫我地入去課室入面坐低等老師。
　　Lee間畫室有兩間房，一入黎嘅接待處其實有張枱同埋畫具可以開一枱四至五個人嘅兒童畫班；另外有另一間大班房，可以容納三十至四十人，中間亦有幾塊布簾可以分拆做三間小班房。
　　這個大班房入面嘅布簾沒有拉上，只有兩個小學生係擺滿左畫架嘅大班房入面上課。
　　畫班老師不是Cax Sir，而是畫室老板，一個染了金色頭髮，身形略胖嘅藝術家。
　　Lee兩個小學坐係其中兩個畫架前面，係卡版上面畫塑膠彩。
　　Lee兩幅小童畫既不合比例，也沒考慮調色，只是按照自已的印像而隨意塗上顏料。
　　以我的角度來看是十分醜，但以小朋友畫的角度來看，至少她們畫了一些東西，也有嘗試按照參考圖畫她們想畫的東西…也許這就是兒童繪圖班的課程，要求不高而且十分隨意，似是托兒班多於學習繪畫。
　　所以，我地報嘅應該係七點半嘅成人畫班，而唔係五點半嘅兒童畫班。
　　老板娘叫我地填份問卷，問一下我地嘅水平同埋想畫Ｄ咩。
　　「等等…老豆都收到問卷？」
　　「無錯，我都想學下畫畫。」
　　簡單填左Ｄ資料，話我本身學過油畫同埋水彩，想畫Ｄ大人畫嘅野。

　　之後有Ｄ大人陸續黎到，果兩個小學生亦有家長黎接走啦。
　　班大人係櫃入面囉番自已幅畫，係畫架或者係枱上面開檀畫畫，完全係自動波。
　　班大人嘅程度其實有Ｄ參差，有Ｄ頹到畫緊範例畫，有Ｄ勁到連參考圖都唔洗要直接畫女體。
　　「Lee個係新同學Lion，仲有佢個囡倩雯，佢地會一齊上堂。」老版娘向同學介紹我地。
　　「兒童畫班唔係五點至七點咩？」有個著紅色褸嘅眼鏡書生講笑咁問老板娘。
　　Lee個眼鏡書生叫做Jeffrey，係我以前嘅畫友，做畫圖（AutocCAD果類）嘅。
　　以前我就係一邊飲酒，一邊畫囡囡，一邊同佢吹水，上完堂會一齊去食宵夜。
　　「我個囡話唔想報細路班，所以就跟我過黎大人班啦。
　　其實佢畫畫仲叻過我。」
　　跟住佢係背囊入面囉左我本畫簿出黎比大家睇。
　　「你畫嘅？」有個ＯＬ問老豆。
　　「唔係，我個囡畫嘅。」
　　入面有我果張「我們這一家」，仲有幾張係醫院畫嘅塗鴉。
　　「第一張係比賽畫，為左擦評判鞋特登畫成咁。」我解釋張我們這一家。
　　「其他就係係醫院亂畫嘅，手邊無參考圖，畫到有Ｄ求其。」
　　「唔係啊，都好靚啊，好少細路畫得出咁嘅野。」
　　因為清一色都係著好少衫嘅女人。
　　唔通老豆睇左本畫簿，所以知我想報大人班畫大人野？

　　跟住Cax Sir趕住入黎課室。
　　「唔好意思遲左小小，係咪有新同學？」
　　「係我地早到姐，爭取時間畫畫嘛。」有個畫緊祼女嘅阿叔答Cax Sir。
　　Cax Sir係一個高瘦嘅不羈男人，戴著粗框眼鏡同埋留有鬍鬚，經常會著成身灰色咁樣出黎。
　　「Ｄ畫係你畫嘅？」Cax Sir問老豆。
　　「唔係，係我個囡畫嘅。」
　　「你個囡畫嘅？」Cax Sir望住我。
　　「完全唔似係細路女畫嘅。」
　　「咁我的確想畫Ｄ大人嘅野」
　　「咁Lee幅呢？」Cax Sir揭返第一張畫，果張「我們這一家」。
　　「比賽畫，題目係『我們這一家』。」
　　「技巧用得好好，我覺得直接囉去交都無問題。
　　但如果你想囉獎嘅話，我覺得你最好再畫多次再出黎。
　　因為以評審嘅角度睇，你個背景係純色，有Ｄ太單調。
　　你最好係背景再花Ｄ心思，例如屋企客廳會有Ｄ咩野，最好可以畫多小小出黎。」
　　所以，Lee個就係我想搵Cax Sir指點嘅原因。

跟住Cax Sir比左我地人一張木漿紙，然後開始教老豆點用水彩。
　　不過係教之前，Cax Sir問我地有無帶自已嘅水彩顏料同埋筆。
　　無錯，Lee度學水彩顏料同埋畫筆係自費嘅，而油畫同塑膠彩畫室會提供畫具，因為學水彩嘅人比較少。

　　老豆囉左我盒墨水筆，同埋用開果幾支畫筆同埋顏色盤出黎。
　　「Lee D唔係水彩黎，實際上係Ink，更適合用濕色畫法。
　　不過都係水溶性顏料，用翻水彩果套技巧應該都OK，但你要先係紙上面落水，如果唔係好易食曬落張紙度。
　　今堂你用住我果Ｄ水彩先，先教你最基本畫漸變色嘅技巧。」
　　Cax Sir點左一點紅色，跟住畫左一個正方形；然後洗一洗支畫筆再印走小小水，係正方形尾部推出去做漸變色，推到佢想個漸變色停嘅地方；之後再洗左次畫筆，完全抺整乾支畫筆，抺走漸變色最後接近透明嘅水。
　　「你先試左幾個先，有問題再問我。」
　　以前Cax Sir第一堂教我水彩都係咁教，一開始學漸變，識控制水份之後講三原色同埋點溝色，之就由最簡單嘅野開始畫起。

　　Lee班有十個同學，有六個係畫布畫油畫（或者塑膠彩），有三個畫水彩，有一個畫緊素描，而Cax Sir係同時教曬兩邊（實際上係三邊）嘅。
　　咁樣有好有唔好，好就係你可以嘗試唔同嘅顏料同埋繪畫方法，但如果你唔主動問野，阿Sir唔會主動過黎救你。
　　「好，你Lee邊想畫咩？頭先果幅比賽畫？」
　　新同學佢會坐底慢慢教技巧，當Ｄ同學識左Ｄ技巧後佢會指點畫畫嘅方向，同埋有野唔識可以問佢。

　　想畫咩…
　　我記得以前我一開頭就想畫遊戲角色，然後畫到鬼五馬六。

　　Lee個係Switch嘅遊戲「蒼藍雷霆」嘅電子謠精(歌姬)
　　至於點解我係之前個兒童畫室唔畫Lee張…
　　因為果陣我無電話可以搵張圖出黎，同果個阿Sir講謠精佢應該會一頭霧水。
　　講起Switch，屋企部機阿爸淨係買孖車炸彈人同埋一堆Party game，幾時先可以買Ｄ可以一個人鑽研嘅遊戲呢？
　　之後叫老豆買隻蒼藍雷霆返屋企玩都唔錯，不過平時佢部機鎖係佢間房，我根本玩唔到…
　　講番畫班，我係人地個官網搵到張圖話想仿畫。
　　Cax Sir打左個突，因為以前我第一堂都係要畫Lee張。
　　「無問題，你用鉛筆起左個稿先啦。」
　　Jeffery都留意到我果張圖。
　　「我以前有個朋友好鐘意畫Lee個角色。」
　　「蒼藍雷霆個歌姬嘛，唱歌好好聽嘅。」
　　我就住謠精Lee個話題同Jeffery講左兩句。

　　「開始畫到漸變啦，只係你拉得太長。」
　　Cax Sir係阿爸張畫紙上面用鉛筆畫左個正方形。
　　「首先填滿個正方形，跟住由Lee度開始化開，去到Lee度停」
　　佢係正方形嘅一半開始畫條線，指示老豆點樣做漸變。
　　然後隔離有個畫貓嘅ＯＬ同Cax Sir求救。
　　佢唔係太清楚點樣係油畫畫毛神神嘅野。
　　「由後面開始，用支硬小小嘅筆挑佢，有Ｄ深色，有Ｄ淺色。」
　　就咁用口講係唔明嘅，所以佢係果張畫布上試左幾筆。
　　大人畫畫，唔會追求好快畫完，係會追求畫到自已想畫嘅野，所以佢願意用幾個月時間慢慢畫Ｄ毛毛。
　　細路畫畫，好有可能係比家長要佢籍著畫畫黎「訓練耐性」，咁自已對幅畫唔會有任何追求。
　　而我想要嘅，就大人果種對作品嘅追求。

　　起好稿之後，我走去問Jeffery我畫得似唔似。
　　「差唔多啦，你問下阿Sir啦。」
　　跟住我囉住幅草稿走過去問Cax Sir，佢亦話可以開始。
　　「日本動漫主要係用色塊黎表達顏色，同埋油完顏色最後先鉤返條黑線。
　　你由最淺色嘅野開始油，同埋唔好係未乾嘅野附近再上色。」
　　如是這，我就開始上色啦。

有文

推J緊

加油

其實樓主本身係未識畫畫？
會唔會個故講講下有實物睇