是咁的，我變左做個細路女，然後嗱左個填色比賽冠軍

LIVE
唔該樓主快D出文

留名

　　我的事終於驚動了校長了嗎？
　　這樣也好，可以直接面對問題。

　　校長把我請進校長室，然後關上房門。
　　他是個五十歲左右的成年男性，而這間房沒有任何閉路電視，如果談判破裂的話我可以扯爛自已衣服誣蔑他，所以我是立在不敗之地。
　　「我係梁老師度聽過你嘅事。
　　你好叻囡，識好多野，然後覺得學校Ｄ先生好廢，係咪？」
　　你想直接答「係」，但咁樣就會踏入「不尊重老師」嘅圈套。
　　「老師嘅知識唔係問題，只係佢地嘅教育方法唔適合我，令我無辦法係佢地身上學習任何野。」
　　「可唔可以借我睇睇你果份ＤＳＥpast paper？」校長知道你係數學老師果堂做數學past paper，所以你囉出黎比校長睇。
　　「你有無睇過答案，或者問過其他老師？」
　　我搖頭，我捻就算校長囉另一份past paper出黎我都識做。
　　「雖然我唔相信你係某個人嘅轉生，不過你的確有中學的數學水平，其他學科知識都有相當的造詣。
　　不過學海無涯，你也不能夠就此驕傲。
　　如果你一直維持在這個水平，不進步，就會浪費了你的才華。」
　　「所以我才尋求正確嘅教育，而不唔係被無謂嘅默書同抄寫塞滿空閒時間。
　　重覆抄寫係老師嘅上一代流傳落黎嘅教育方法，用上上一代的方法又怎能夠教育出能面對下一代問題嘅人。」
　　校長係學校最高權力的人之一（其實上面仲有校監同校董會），佢一定係最能講理嘅人。
　　「小朋友係最有創意嘅人，而大人係應該教佢地如何將佢地嘅創意實現出黎，而唔係要佢地復製原本已經運行得好好嘅野。」
　　「我知道你想講咩。
　　但老師同一時間要指導三十個學生，所以只能夠教固定嘅課程，給佢地盡可能多嘅工具去創造新野。
　　而默書同抄書，係確保佢地已經牢固地記得點用果Ｄ工具嘅方法。」
　　「不過同時扼殺左佢地使用，甚至係創造其他工具嘅方法。
　　為左一棵樹而燒左成個森林。」
　　「要溫Lee Ｄ默書或者抄我原本已經識嘅字，我寧願畫多幅畫，甚至玩多幾個比賽，為學校爭光。」
　　「ＤＳＥ考試就算唔記得點寫果個字，寫潦一Ｄ一樣可以過骨。」
　　「我明白默書抄寫對你黎講未必有用，但對其他同學可能會有用。
　　如果得你一個唔洗抄寫，咁對其他同學唔公平。」
　　「Lee個世界有公平過咩？每個人都有一Ｄ優勢，一Ｄ劣勢。
　　如果要齊頭式要所有人都一樣，咁先係真正嘅唔公平！」
　　係我地討論嘅時候有人敲門，睇黎阿媽同班主任已經係門口。
　　雖然我唔同意校長所講嘅野，不過佢亦唔算太仆街，佢只係講左一個正常校長會講嘅野姐。
　　大家只係觀點唔同姐，我也無謂人格謀殺佢。

　　校長叫佢地開門入黎。
　　「校長，阿囡唔係犯左Ｄ咩野事嘛…」阿媽真係想鞠躬道歉。
　　「無事，我地只係傾下閒計姐。」
　　「你個囡係我面前展示左高中程度嘅學識，我覺得直接比佢讀中學都係無問題。
　　如果你地希望嘅話，我可以安排佢下學年跳級小六。」
　　「不過，就算你識曬所有野，你都唔可以係課堂上搗亂，功課要認真咁做。
　　最多我叫MISS比你上堂做功課，省番Ｄ時間可以比你報多幾個比賽。」校長特別同我講Lee句野，因為佢知道我會特登玩野。
　　「總括而言，我建議你比佢發展自已嘅興趣，咁樣佢嘅成就會更加高。」校長同阿媽講完Lee句之後，就送我地走。

別出心裁

終於有文

push

推

每日一篇

出未呀

小妹妹叫咩名啊

　　因為校長果句「發展興趣」，阿媽就開始叫我畫畫
　　Well，畫畫唔係問題，問題係畫咩。
　　基本上以前我有87%時間係畫囡囡，因為毒撚溝唔到囡所以自已畫黎Ｊ。
　　仲有屋企堆畫具真係學生（垃圾）級難用，所謂比學生練習基礎，只係用最平嘅價錢比學生體驗一下技法而已。
　　以木顏色為例，專家級的色粉比學生級厚實，亦更易上色。
　　我寧願買少Ｄ顏色嘅專家級，都唔好買一堆垃圾學生級顏料。
　　仲有，為練習而畫畫一直都唔係我嘅宗旨，所以阿媽叫我畫畫，我一張都唔畫比佢 。

　　咁我係屋企做咩野呢？
　　Well，以前就要趕住做功課，溫默書。
　　也許校長同老師講過我嘅情況，而家老師默許我上堂做即日功課，我亦乖乖咁坐定定做野唔搞事。
　　所以我只需要稍為讀一下默書範圍隨意應付就可以，而家係屋企有好多時間做想做嘅野。
　　阿爸間房有部電腦，我成日都想玩，不過阿媽只會係我成積好果陣「獎勵性」咁比我用十幾分鐘
　　而我係無手提電話嘅，所以連手機垃圾Game都無得打
　　
　　間唔中，阿爸放左工會返黎打機，我就係佢後面睇佢打。
　　佢主要玩MTGA（Magic: The Gathering Arena），間中仲見到佢課金開卡
　　然而佢玩得唔叻，間中仲見到佢MissPlay。
　　有一日我終於忍唔住出聲吐糟佢。
　　「你留住張Eldest Reborn去殺佢張Carnage Tyrant啊嘛，咁你咪唔會比佢打爆頭囉。」
　　＊Carnage Tyrant是一隻無法被對手指定的大型生物，而Eldest Reborn則可以強逼對手犧牲一隻生物；在對手只有Carnage Tyrant的情況下用Eldest Reborn可以逼使對手犧牲牠
　　「係wow你咁叻囡嘅，我都諗唔到要扣牌。」
　　「你教壞細路啦，唔準偷睇老豆打機！」阿媽即刻拉走我。
　　「唔係阿，玩英文遊戲睇下學下生字幾好。
　　反正佢做曬功課又溫曬書，比佢玩一陣都可以。」老豆即刻辯護。
＊MTGA目前只有英文版本
　　「嗱，一陣好啦，老豆同我睇住佢。」
　　老豆幫我爭取到小小打機時間，我就坐左係佢個位果度玩佢個ＡＣ啦。

　　其實Magic，甚至係Lee隻MTGA我以前一直都有玩開，玩左半年左右。
　　雖然我麻麻地鐘意隻Game，但總比起無野玩好得多，最重要係，我本身識玩
　　Magic係一隻比較古老TCG，基本上就係每回合放一塊地，然後用地牌生魔力做招或者回應對手嘅咒語。
　　當然，用文字去講卡Game嘅遊戲過程係有D on9，不過我唔洗老豆教都已經識玩。
　　我睇過佢嘅牌庫，整左副純紅Aggro(快攻)出黎打。
　　基本上就是放滿一堆小生物和可以打臉嘅咒語，然後視乎埸面把傷害灌在生物或是對手的臉上，一副便宜但易學難精嘅牌。
　　我一邊打，一邊同老豆傾牌經。
　　原來，佢十幾年前有玩過一排Magic，不過無一直玩落去，最近係電腦版（MTGA）開始玩返。
　　跟住我打蛇隨棍上，問佢可唔可以搵個禮拜五或者放假帶我出卡鋪打Draft，然後順便出去買顏料。（因為油麻地間中南附近有間Magic鋪）
　　佢話要同阿媽商量，但我覺得佢一定會Negate（反對）

呢篇真係幾吸引

　　點知阿媽係𦧲飯應嘅，可能因為我肯陪老豆掛。
　　雖然阿媽唔知道我地會玩咩，但畢竟都算係親子活動嘛。
　　所以禮拜六我地就出左油麻地啦。

　　我地上卡鋪之前，去中南買過批啱用嘅顏料。
　　lee度就算係木顏色都有好多種，有街邉十零蚊嘅垃圾木顏色，亦有百零蚊嘅輝柏同埋施德樓入門級木顏色，甚至亦有幾千蚊嘅木盒裝高級木顏色。
　　當然，木顏色係最容易接觸但最難用嘅顏料，我本身麻麻地想用，因為要填大面積相當麻煩，而且好難油得勻循。
　　只不過好多時小學勞作或者畫畫比賽都預設我地係用木顏色填色嘅，所以一套入門級嘅木顏色係必須嘅。
　　所以我入左套接近二百零蚊嘅施德樓４８色藍盒，至於果盒放左係玻璃櫃入面嘅專家級綠盒裝我就真係用唔起，大拿拿千幾蚊嫁。

　　嗱左盒施德樓之後，我地開始行過去水彩果邊。
　　當然，係投資係水彩顏料之前，首先要一堆可以食得起水彩嘅水彩紙，起碼都要係百零磅嘅Cold press木漿紙。
　　不過其實最簡單嘅係買一本大約七十蚊嘅水彩畫簿，因為有一本有幾十張水彩紙可以比你粗用，只要唔係太跨張嘅濕式畫法都應該食得起。

　　水彩方面，我可以買盒UMAE紅盒水彩，百零蚊十八隻色，可以玩Ｄ好基本嘅效果。
　　不過，我志不在此，因為我見到堆Color brush。
　　我以前的確有用開UMAE水彩，不過我更加成日用Pentel嘅Color brush。
　　佢係一套墨水筆，可以直接畫出好濃嘅顏色（因為佢係墨汁），不過我通常會當佢係水彩咁溝水用，比起套UMAE鮮色好多，最重要係佢嘅粉紅色真係好粉，用黎畫Iin頭會好靚；
　　當然價錢係四倍幾，唔知老豆會唔會買比我呢。

　　「Lee D唔係水彩黎嫁Wow，你唔係話要買水彩咩。」老豆見到我係度睇Color brush。
　　「不過佢嘅用法同水彩差唔多，但係顏色鮮同濃好多。
　　因為直接用Lee支筆會好難控制，所以多數都係滴幾滴係顏色盤度，再用畫筆開稀佢再畫落張紙度。
　　或者一開頭打到張紙好濕，畫幾筆落去再推散佢。」
　　我指著玻璃櫃入面果盒Color brush。
　　「可以既話我想要果盒一套十八色既Color brush，水彩可以唔洗買。」
　　「五百幾蚊Wow，好似有Ｄ貴，不如你買住幾支散裝嘅試下先。」
　　「咁我要紅色，橙色，黃色，淺綠色，綠色，粉紅色，天藍色，紫色，藍色同埋啡色」
　　以一支三十幾蚊黎計，其實咁樣單買同買成盒無分別。
　　最後老豆計過條數，的確買原盒平過咁樣買一堆筆。
　　雖然貴小小，但我的確講得出點用，而我又真係畫過Ｄ野出黎，所以老豆亦信我係識用Lee堆筆。
　　「買左返黎要用啊，唔好曬我Ｄ錢。」
　　佢最後亦同意比我買果盒Color brush。
　　水彩筆方面，我地買左幾支纖維筆，一支000號用黎畫線，一支２號用黎畫細位，一支８號用黎畫大件野，一支１０號用黎畫背景。
　　最後比左差唔多成千蚊落樓，跟住先過隔離大廈上三樓間卡鋪玩牌。
　　不過相比起Magic，其實成千蚊都未必起到一副Deck。

留名

留名

　　我地係中南買完畫具，跟過行過幾步路，係一個殘舊嘅門口搭lift上樓。
　　門口果張Magic招紙話比我地知，我地無黎錯地方。
　　Lee間鋪淨係做Magic一隻Game，見到牆身有幾張ＰＷ(Planeswalker)
既海報就知道Lee間係一間傳統嘅Magic鋪，幾乎淨系得Magic一隻Game。
　　當然，果堆ＰＷ靚唔靚就真好好見人見志，我對果堆對眼發光嘅人麻麻地，畢竟以卡圖黎講我比較鐘意日系Game；不過以遊戲性黎講，Magic做左廿幾年點都唔會太衰。
　　「Hi，你好，請問有Ｄ咩野可以幫到你？」
　　聽老闆嘅語氣，佢好似覺得我地上錯樓…畢竟我地係一個老豆帶住一個細路囡
　　「我地啱啱開始玩Magic，想問問你地今日會唔會開Draft。」所以我主動答佢，以表示我地無黎錯地方。

　　聽到有個細路囡話想學玩Magic，後面打緊Deck果班人即刻望過黎伯下，然後老豆即刻啤住佢地
　　「後面果枱Draft就黎打完，我問下佢地繼唔繼續。」
　　「佢地兩個話想打Draft，你地繼唔繼續？」
　　老闆問後面打緊Deck果堆人，有兩個話繼續。
　　所以老闆就趁佢地未打完果陣問下我地玩左幾耐，之前玩左Ｄ咩野GAME咁樣。
　　Lee間鋪嘅人大多數都係年紀大我兩至三倍嘅阿叔或者阿哥，畢竟香港女Player唔多，小朋友Player更加少。
　　「十幾年前玩過一排，不過堆卡搬屋唔見左lu。」阿爸答老闆。
　　「之前睇過老豆打MTGA ，所以想玩下實卡。」
　　「既然係咁，咁趁佢地未打完果陣，借副Standard同你打。」
　　「有無伊捷Izzet（紅藍） 龍獸。」
　　「有，你嗱黎睇睇；Sideboard都係埋入面。」
　　老闆嗱左個卡盒，入面有副藍色卡套嘅Deck，卡間後面就係十五張Sideboard；而佢嗱左另一個卡盒，嗱左副紅色卡套嘅Deck出黎。
　　副牌係全英文，不過我基本上都睇得明
　　「你知唔知副野點玩先？」老豆問我。
　　「過牌，堆Instant sorcery入墳然後整大隻龍獸衝爆對面。」
　　「有野睇唔明就問我啦，我睇住你玩。」

　　接收左副Deck之後，我將副牌分成十份，一邊大洗，一邊數副牌夠唔夠六十張。
　　大洗完之後，我再將副牌分開一半，然後把一疊的牌打側切入係另一疊牌入面，然後重覆幾次直至副牌洗勻。
　　雖然我的手比較細，洗得唔係咁就手，但我依然記得點樣洗牌。
　　「以前玩過其他卡牌遊戲？」老闆看到我的洗牌手法看出我係熟手。
　　係Wow，我唔應該咁自動波，應該等老闆教我洗牌或者等老豆幫我洗。
　　「都係日系遊戲。」
　　「遊戲王，ＢＳ果類？」
　　「你唔識嘅。」
　　唔通同人講我玩左兩年Wixoss，五年Weiβ Schwarz咩
　　「通常洗完牌之後，對面會幫你Cut牌，不過我地casual play就唔洗啦」＊Cut牌為對手幫你把卡組重新隨機化的手續，提防洗牌疊（故意洗牌出Cheat）
　　「首先，各自抽七張牌，如果唔滿意起手嘅話，可以mulligan。
　　即係洗返入Deck然後抽少一張。
　　通常如果得一兩塊地或者成堆地就要Mull。」
　　「唔洗啦，ＯＫ。」
　　「唔係Wow，好似唔多夠地Wow。」老豆睇完我嘅手牌覺得要Mull。
　　「我手牌成堆Draw牌，應該會抽到地。」
　　不過遊戲依然繼續開始，由我先攻，放地然後結束回合。
　　老實講，張櫈對我黎講有Ｄ矮，我要跪係張櫈上面先可以打到牌。
　　隔離枱嘅人開始走過黎睇我打Deck，睇到我跪係張櫈上面打牌托嘅樣都應該有Ｄ搞笑。

　　「你turn尾(回合結束時)，Opt一下。」
　　Opt係一張Instant，可以係人地回合用，所以我留到係對面回合結束果陣先用，睇一張Deck面，看看放Deck面還是底然後抽一。
　　Lee個操作亦表示我識得留Mana做Instant，畢竟電腦有唔少柒頭成日係自已Main phrase(主要階段)做Instant同人地講你手牌無Counter。
　　接著下一個回合依然是放地過turn，就算我可以用chart a course過牌，因為我見到佢上回合放左塊紅白雙色地，知道下一回合有一隻怪必須要Counter。
＊chart a course係一張sorcery，抽兩張牌，如果你本回合沒有攻擊過就要棄一張手牌
因為係一張sorcery，所以只能夠係自已回合嘅Main phrase用。
　　「Adanto Vanguard」
＊Adanto Vanguard係一張兩分1/1嘅怪，攻擊時+2攻，可以支付4點生命讓它「不會被消滅」直至回合結束
　　「Count」我丟出一張Essence Scatter，Count掉一張Lee副牌無辦法處理嘅生物。
＊Essence Scatter係一張２分Counter生物嘅Instant

　　「嗱Winnie（以白色小生物為主嘅牌）打龍獸會唔會過份左小小，劣勢對局wow。」你吐糟老闆蝦新手。
　　「無，波洛斯Boros Angels（紅白天使）黎姐，你Ｄ龍獸應該打得死我。」

　　跟住幾個回合，我慢慢出龍獸，然後堆果龍獸嘅攻擊力會根據墓地嘅Instant同埋sorcery加攻（有隻仲會計埋Outgame）
　　之後我開始一邊出龍獸，一邊用唔同嘅Instant同埋sorcery抽牌，順便堆墓養大堆龍獸。
　　大家打得有來有往，佢亦用幾種唔同嘅解牌去殺龍獸，但後面果堆龍獸始越來越大隻，佢亦開始解唔曬，最後比隻十幾攻嘅龍獸爆左頭。
　　「其實一開頭果張Essence Scatter留黎Count佢隻大天使好Ｄ，因為你隻龍獸可以接住佢隻細怪，逼佢扣血保怪。」旁觀的肥宅好心提點我，不過老豆一直都望住佢怕佢抽我水 。
　　「好，而家開始Draft，你地想Draft邊Set」
　　「Draft GRN（Guilds of Ravnica）啦，佢想玩Izzet龍獸。」肥宅一呼百應，結果大家就Draft　GRN啦。

推

睇到一頭霧水

已SKIP