是咁的，我變左做個細路女，然後嗱左個填色比賽冠軍

巴打有空先打文啦
當然最好就出多D

推

柯南?

lm

樓主你去左邊呀

爛左尾啦

樓主咪話左新年忙無時間出文

推

初七啦
係時候返黎啦

Well
要整的board game爆炸了
修圖軟件出了一堆bug,接近要由頭做過的程度
那個叫krita的軟件完全不能取代photoshop
修圖還可以,但處理文字和檔案之間的連繫就出了一堆bug

有沒有軟件可以取代photoshop+Indesign
現在PS不能買斷太麻煩

　　阿Sir拉左我去訓導室，有個大媽企係訓導室度鬧果兩個打架嘅細路。
　　無錯，果個大媽就係學生眼中「人見人怕」嘅訓導主任，因為佢成日鬧Ｄ學生。
　　舊式的小學制度下，訓導主任係要鎮壓住Ｄ學生令佢唔好「曳」，所以必須時常要擺起一款好惡嘅樣，佢其實私底下同Ｄ高年級學生都算係有計傾。
　　「你啊，女仔之家學咩人去打架？」訓導主任指住我個鼻黎鬧。
　　等等…我係拉開佢地兩個，阻止佢地打架Wow。
　　係咪有野搞錯左？
　　當然，而家即刻反駁又會比訓導鬧「駁嘴」，畢竟大媽潑婦罵街係唔會同你講道理嘅。
　　「王主任啊…為甚麼…」
　　喊…
　　我只能夠爆喊。
　　也許我真的被訓導那種嘶吼嚇倒，不過小女孩嘅眼淚係我最強大嘅武器。
　　畢竟搞喊一個細路囡係好大嘅罪名，但訓導主任除外——因為佢Suppose係要黎鬧人嘅。
　　訓導講緊咩我基本上聽不入去，我知道佢要打比家長。
　　咁樣落去真係會由「阻止人打架」變成「打架」咁樣罰。
　　冷靜少少，我必須要好好解釋清楚。

　　同房果兩個男仔基本上都比訓導鬧到變豬頭，喊到收唔到聲。
　　所以我絕對唔能夠同佢地兩個一樣反應。
　　我抺乾眼淚，挺起胸膛反駁訓導。
　　「王主任…我只係拉住張任常，叫佢唔好打架咋。」
　　「你仲駁嘴？」
　　「三個人點打架？你答我。
　　我點解要打佢？」
　　「我點知你，總之阿Sir見到你地三個人度打架。」
　　「如果我同另一個人聯手打人，兩個人圍毆嘅話佢仲可以企係度？好明顯我無旭手打人。
　　我只係幫手拉開佢地，叫佢地『唔好』打架！」我加重唔好兩個字，以防佢聽唔到。
　　「你咁樣同老師講野？」訓導再度無視我嘅解說。
　　「老師你鬧人之前可唔可以用腦諗下件事係點發生嘅？
　　張任常搶啊周萬金張卡，跟住周萬金一野推跌佢，張任常想還手跟住我扯住佢叫佢唔好打架。
　　如果我無出手，佢地一早打架入醫院啦！
　　你唔信問下班入面其他同學！」
　　我知道繼續同佢鬥落去，訓導嘅自專心會令佢落唔到台，所以等登我比左個落台階佢。
　　「我而家無時間同你慢慢查，總之你地三個人打架就係唔啱。」
　　痴線，個訓導完全係打橫黎講。
　　「你無時間嘛，我而家即刻拉個同學入黎！」我拉開房門跑出去。
　　跟住有人捉住我衫領，拉返我入房。
　　一個失平衡之下，我跌左落地下撞倒了頭。

教畜

　　唔知幾耐之前，有個懷才不遇嘅人跌左落路軌。
　　佢識好多人唔識嘅野，但對其他人無咩用途嘅野。
　　簡單黎講，佢就係一個憤世嫉俗嘅鍵盤戰士。
　　係佢跌緊落去嘅時候，佢宣告佢嘅遺言：
　　「點解，點解Lee個世界要咁唔公平！」

　　突然，火車係佢面前停低，而佢亦係空中飄浮緊。
　　「點解你會覺得唔公平？」一把莫名奇妙嘅聲音同佢講野。
　　「點解有人唔洗做野，可以日日坐係度嘆世界；
　　點解我地日日做野，Ｄ錢全部都要用黎交租；
　　點解有人唔洗點學都識曬所有野，我地就要死讀爛讀先學得識！」
　　「公平嘅世界，有趣嗎？
　　無非洲班飢民，你地會有豐富嘅糧食咩？
　　無左班勞動階層，有人可以享受世界咩？
　　無Ｄ平凡人襯托，點顯得Ｄ天才好勁？
　　不可理喻嘅人類。」
　　「最弊係，受苦嘅永遠都係我地呢！
　　你口中的有趣係建基於大多數人嘅痛苦。」
　　「唔係，最好嘅係平凡人點樣係社會入面掙扎求存。」
　　「你唔係神，你係惡魔！」
　　「隨便，反正人類將自已嘅罪責歸咎於魔鬼亦無助解決問題。」
　　「你睇到人類受苦，你會開心嗎？」
　　「既然你咁唔滿意，我睇睇如果將你輪迴成幸福嘅少數人，仲會唔會覺得lee個世界唔公平？

　　停止的秒錶開始轉動，那個人也被撞得四散。
　　火車係車站入面停左一個鐘比警察調查，同埋清理現埸。
　　當然係正返工繁忙時間，Ｄ打工仔要搵其他方法返工啦…不過係後話。
　　不過佢地就算打風冧曬Ｄ路，斷曬Ｄ路軌都照樣返到工，所以唔洗同佢地擔心。
　　「雖然有D亂黎，但間唔中咁樣玩下都好似唔錯。」
　　

幼女戰記

完全相反嘅concept

感覺有出黎太好啦

推落路軌嗰下真係一樣嘛 好難估唔到

clip studio 有冇試過

有
Clip Studio用來畫圖沒問題
但沒有任何修圖濾鏡調色,想調個對比和色差都做不到

　　下一個意識，我已經訓左係醫院嘅病床上面。
　　老實講我係比阿媽嘈醒嘅。
　　「就算我個囡真係打架，你地都唔洗推佢落地！」
　　我…打架？
　　我成個人好攰，差Ｄ擘唔開眼。

　　擘開眼之後，我見到我老豆坐係床邊嘅櫈，阿媽應該係病房外面同學班老師鬧緊交。
　　我記得頭先發生咩野事啦！
　　「你醒啦。」老豆見我擘大眼就走黎。
　　「訓導屈我打架，然後拉跌我落地下。」
　　「知，我知道。
　　媽媽在幫你討回公道。」
　　「報警，同埋報料比蘋果。」
　　「慢慢黎，唔洗你擔心，而家你最重要係休息。」
　　所以我瞇埋眼再瞓過。
　　不過外面真係好嘈，有好多推車聲，儀器嘅嘟嘟聲聲，間唔中仲有Ｄ醫生同護士講野。
　　仲有阿媽一路都同個Miss潑婦罵街，不過而家道理係我地果邊，我真係想佢屌柒ＤMiss。
　　聽聽下甚至聽到有警察同埋記者上黎，因為我地絕對有條件搞大作事。

　　之後果幾日，我都訓係醫院。
　　我成個頭比紗布包紮住，後腦有Ｄ比刀割嘅痛楚。
　　除左個人攰小小之外，甚實我都叫做行得走得。
　　點解個人會攰呢？因為走廊Ｄ仆街搞到我訓得唔好！
　　眾所周知，香港醫院Ｄ病床長期都比上面落黎嘅人霸住曬，咁Lee個病房就塞滿曬病人，除左病房本身果六張床之外，走廊仲開左十幾張床。
　　咁Ｄ醫生同埋醫士周圍走，又成日撞到野，又成日有人尻Call護士，咁咪成日比人嘈醒囉。
　　話雖如此，我又唔可以即刻返屋企。
　　因為我個腦曾經出血，係後腦開過刀放血，醫生話我至少要訓一個月醫院，而且盡量唔好做要用腦嘅野，比個腦休息下。

　　間唔中，阿爸阿媽都會上黎醫院探我，甚至連一Ｄ我唔識嘅親戚都會上黎。
　　也許因禍得福，而家我先有時間梳理一下我，劉倩雯嘅親戚關係網。

　　我有個搬左出去住嘅家姐，佢帶左個女朋友一齊探我。
　　無錯佢係les嘅，所以佢永遠都唔會同阿媽同一時間出現，而佢同阿爸都算係有計傾嘅。
　　當然，家姐嘅性向對於我黎講其實無咩所謂，多個家姐咪仲好。
　　我仲講笑咁叫佢女朋友做二家姐

　　阿爸果邊有兩個細佬（即係阿叔）同一個家姐（即係姑媽），各自有Ｄ仔女。
　　相反阿媽果邊嘅親戚一個都無黎到，可能已經無咩聯絡啦。
　　有時候我會懷疑我阿媽係咪成日得罪人，佢好似同邊個都唔啱。
　　但的確係有時候的確需要有人做丑人，為左爭取正當權利而唔介意傷害別人。
　　就好似今次嘅醫藥費同埋日後嘅賠償都係阿媽搲爛塊面鬧返黎嘅。

　　訓左幾日醫院之後，我開始覺得無聊。
　　電視成日重播無聊嘅視劇，但又唔可以閂左佢
　　我又無電話可以玩（就算有都唔會比玩——因為撞傷過腦）
　　所以我索性問姑娘囉左Ｄ紙筆畫下公仔。
　　阿爸探病果陣見到我可以係病床上畫公仔，即刻係屋企囉左套墨水筆過黎比我玩，然後叮囑我唔好捱夜畫畫。
　　我見到畫簿入面果幅「我們這一家」嘅草稿，突然有Ｄ教科書式嘅感動 ；好啦，係醫院油埋佢啦…

樓主實係好憎小學教蓄🤔

唔算係
我只係用一個細路仔嘅角度
用大人嘅能力去寫

有人睇緊

　　訓左醫院三日之後，學校嘅人黎左醫院探我。
　　校長親自囉左個生果籃過黎，梁老師仲有幾個Miss都過左黎。
　　Well，道歉係必須嘅，但點解唔係個仆街訓導親自過黎？
　　「王主任係一個好錫學生嘅老師，今次佢只係唔小心推跌你，唔知道你可唔可以原諒佢？」
　　梁老師幫個訓導講好說話，然而她本人不出現顯示校方根本沒誠意道歉。
　　坐係隔離嘅老豆即刻幫多把口。
　　「既然老師都咁樣講，你就原諒佢啦。」
　　「第一，由一開始佢就唔應該捉我入訓導室，我係阻止學生打架而唔係打架果個人。
　　第二，我出去搵證人證明我無打架，佢更加唔應該扯低我。
　　第三，道歉唔係應該由本人親自上黎嘅咩？
　　我接受學校道歉嘅前題係，訓導老師同埋捉我入訓導室嘅老師承認自已判斷錯誤，然後親自上黎同我道歉。
　　生果籃請收回。」
　　我將個生果籃推翻比校長。
　　「倩雯，唔好任性！」阿爸竟然一反常態，逼我接受道歉。
　　「唔洗心急，可唔可以比我同你個囡單獨講幾句野？」
　　校長提議我同佢講獨講野。
　　「Lee度有其他病人wow」
　　「咁我地去後樓梯講兩句計啦，聽你老豆講你已經可以落床走動。」
　　我望望老豆，佢打個手勢叫我出去。

　　所以我跟校長走左去無咩人行嘅後樓梯傾計。
　　不過，有Ｄ咩野係必須要單獨同我講？
　　「劉倩雯同學，你係一個叻人，唔可以當你係細路咁樣睇，所以我亦唔會轉灣抺角。
　　係學校入面訓導主任係學生面前係有絕對嘅權威，佢唔會錯，亦唔能夠錯。
　　如果學生可以輕易動搖lee份絕對權威，咁Ｄ學生曳起黎就無人可以治佢地。」
　　「咁你地就可以隨便屈人嫁咩？」
　　「兩個頑皮嘅壞學生，講嘅野邊個會信？」
　　「咁班入面嘅學生呢？」
　　「件事係訓導室發生嘅。
　　我地會對外宣稱『你作為證人入去訓導室，跟住果兩個學生想衝過黎打你，然後係混亂之間王主任唔小心推跌左你。
　　跟住你因為整傷左個腦而記唔起成件事』」
　　「唔通你地就為左保護一個老師而講一個又一個大話？」
　　「唔好唔記得左，你嘅操行分，完全係由老師嘅主觀角度去決定。
　　我地話你係乖，你就一個乖學生；我地話你曳，你就係一個壞學生。
　　雖然小學生嘅操行分對考ＤＳＥ完全無幫助，但亦足夠影響你入唔入到心儀嘅中學，令你讀唔讀得好ＤＳＥ。」
　　校長咁同我講野…睇黎佢真係開始相信我係個轉生細路，所以用大人嘅角度去逼我Lee個細路…
　　唔係，Lee種咁深重嘅政治遊戲，完全係大人先會明。
　　「你只需要乖乖地跟住我地指示做，你就會咩事都無。
　　唔係，你會有更多特權可以用。
　　想唔想做少幾樣功課，多Ｄ時間畫畫玩比賽？
　　想唔想默少幾次書，玩多Ｄ課外活動？」
　　校長果然老奸巨猾，搞到我都有Ｄ心動。
　　「只要你唔堅持你嘅講法，有事嘅就只會係果兩個讀唔成書，又無可能幫學校囉獎嘅壞學生。
　　如果你再繼續講大話，我地就會用最嚴格嘅規距去管你。」
　　沒錯，這件事我只要沉默，就咩事都唔會上身。

咁對於果兩個學生黎講太唔公平了