詛咒遊戲
2019-01-21 17:32:17
放左學之後,中文Miss果然叫左阿媽黎見家長,因為佢本身係班主任。
佢地直接係操埸見面
「做咩又叫我過黎?阿囡又搞出D咩大頭佛?」
「你個囡好曳,中文抄書特登亂寫野,英文默書仲特登加段野入去。」
「阿囡,你係咪真係咁曳?」阿媽望住我
「阿媽,點解我地要抄書同默書?」你反問佢
「因為這是功課,是你的責任…」
「學生的責任不是考DSE嗎?無謂的抄寫只係浪費時間,對DSE沒有幫助。」
「你仲駁嘴?快D同老師道歉。」阿媽打左我一巴。
「出版社的劣質文章只係歌頌中國的偉大,同公開考試的範圍差太遠。」我繼續據理力爭,雖然大人係唔會聽細路仔講野。
「你字都唔識多個,同我講DSE?」老師開始發癲。
「睇多D書,用多D字就會識寫,抄同默書係最差的學習方法。
除左浪費時間之外,我想不到有任何用途。」
「你睇,你個囡就係咁樣同老師講野。」
阿媽想向我揮巴掌,但我側身閃開了。
「你咩野態度啊!
我係點教你嫁,要尊重老師阿嘛!」
「誤人子弟嘅老師,值得尊重嗎?」
聽到Lee句,阿媽開始追住我黎打,跟住校長就走過黎啦。
「Lee位一定係劉倩雯嘅家長啦,我有D野想單獨同你個囡講。
麻煩你地傾完之後黎校長室搵我。」
「下,我個囡曳到要見埋校長?」
「無咁嘅事。
你個囡好乖,好叻,只係用錯左方法表達自已姐。
等我同佢單獨傾兩句計先。」