是咁的，我變左做個細路女，然後嗱左個填色比賽冠軍

覺得畫室牙蛇睇到扯咗

好地地又變選擇故

　　第二日返到學校，老師話要Dictation。
　　係WoW，小學好興三日唔埋兩日就默書，驚死你唔識寫某幾隻字。
　　其實隻字只要用多Ｄ就唔會唔記得，上到中學根本唔需要再默書。
　　就算真係唔記得左點串某個字，只要你識嘅字夠多，隨便就可以用另一個差唔多意思嘅字代替，甚至寫字潦草一Ｄ一樣可以胡混過關。
　　真係唔識隻字仲可以Google，我唔知今時今日仲要默書仲有咩野意義。
　　不過好彩我仲聽得明老師UP麥春，串到幾個字。
　　不如玩多Ｄ野？
　　「Dictation is an ineffective way to learn or test English, it just a debt to pull us down. We should read more story book or some thing we interested.
　　Our English will improve if we use and enjoy English, not just copy death word from textbook.」
　　我用英文寫左成段野激MISS，順便Show off下自已的能力。
　　當然，我英文唔係真係咁勁，不過有成十幾年時間再學一次英文，煲多Ｄ故仔書應該會學得更好。

藝術畫無咁易扯，要畫到那種感覺唔係咁易
其實係佢比張野嚇親

推

　　係學校只有兩個時間係有意思。
　　唔係，三個先真。
　　一係小息，可以用第一身角度睇下Ｄ小學雞點樣玩。
　　第二係體育堂，可以玩下ＤON9 Game 伸下筋骨。
　　最開心係美勞…而家叫視覺藝術堂，完係係比我屈機Ga地方。
　　當然，我唔會理MISS教左Ｄ咩野，我只需要知道今堂個主題，然後盡可能用視藝室的材料玩藝術。

　　好似今堂咁，老師比左堆粉彩我地，主題係海洋。
　　我唔會理MISS個Power point教左Ｄ咩野範例，我只需要知道堆粉彩溶唔溶水，同埋可以點樣疊色，捽散，整勻循Ｄ色。

　　首先，Lee堆係油粉彩，不溶水，而且好易甩 。
　　係樓下文具鋪可以買嘅垃圾顏料之一，平但係難用。
　　當然，易甩亦代表可以用手捽開Ｄ顏色。

　　我用鉛起稿，畫一個線代表海岸線，在上面畫半個圓圈代表太陽，上面加隻船的剪影，咁就係一幅簡單直接Ga黃昏海景。
　　雖然我一分鐘就捻到點畫，但Ｄ顏料真係鬼死咁難用，我搞左一陣先識得用。
　　我用橙色同黃色係個天空度畫一條條弧，然後再用紙市捽勻Ｄ色。
　　「嘩，好靚啊。」隔離個女同學見到我做到漸變效果，都讚不絕口。
　　隔離Ｄ同學為整一個純色平面大大力咁壓Ｄ顏色，除左搞到出曬界之外，仲整爛曬Ｄ筆
　　「比我睇過。」然後有個男同學搶左我幅畫，我噤都噤唔切。
　　然後佢係我張畫上面亂畫亂塗，我差Ｄ想屌佢老母。
　　「MISS，黃俊龍搶左佢幅畫啊。」好彩個女同學幫我告佢。
　　之後個男同學比MISS捉左去罰企，不過就算罰佢企成日堂，幅畫都係救唔到。
　　跟住MISS比多張紙我再畫過。
　　當然，原來果張紙就比我嗱黎做試筆紙。

　　我見到隔離位嘅女同學畫左隻人魚公主，果然係小四學生的傑作
　　粗糙嘅線條，整到好污糟嘅顏色，仲有歪黎歪斜嘅眼耳口鼻。
　　不過佢本人畫得開心，呢樣野最緊要。

　　所以我亦都有樣學樣，畫左隻人魚。
　　不過我畫佢背面，係石灘準備跳落水，咁就可以避左Ｄ無辦法用粉彩畫出黎嘅細節。
　　雖然用油粉彩做出黎嘅線係粗糙左Ｄ，不過亦因此比左石灘上的石頭更好嘅Texture，我點左幾點綠色做青苔令佢睇起黎加真。
　　人魚方面真係無辦法，呢度Ｄ肉色點都係灰灰地，不過你加左小小橙色同啡色做漸變，然後用乾淨紙巾捽散堆顏色令到成件事乾淨小小。
　　於是Ｄ同學亦開始有樣學樣走去捽顏料，當然，無漸變色同溝色概念佢地亦只會溝到堆污槽色。
　　然而，一堂時間唔夠比你畫曬成幅畫，不過有唔少同學都畫唔曬，所以下個禮拜再返黎再畫過。
　　不過那怕只有半幅畫，我果張畫已經可以嗱黎貼堂。
　　因為油粉彩連老師都未必好識用，果半張畫甚至比老師Ga教學示範靚。

　　落堂嘅時候，中文老師走左視藝室要捉我去教員室。
　　睇黎佢改簿果陣見到我果篇「抄書」啦。

輕輕一推

爛尾？

樓主真係識畫畫

你d 英文咁差
默多幾年書先啦

又幾好睇
lm

可唔可以貼埋d 畫上黎睇下

柯南

好好睇，追到 live!!

　　Miss拉左我去教室。
　　佢嗱左我本抄書簿出黎，指住我篇改文問我：
　　「你咁樣係咩野意思？我叫你抄書，唔係叫你作文。」
　　「老師，我想問抄書對投考DSE有幫助嗎？」我反問佢抄出版社的劣質課文有咩意思。
　　「駁嘴？」
　　佢把聲大到成個教員室都聽到，但大家已經見怪莫怪，因為大家都會捉人入去教室鬧。
　　因為MISS無Point反駁，所以只能夠加重語氣，盡可能打斷學生思考。
　　通常小學生都會被老師的權威嚇倒而求饒，就算學生啱，老師錯，道歉的永遠都係學生。
　　然而佢無可以嚇到我。

　　「DSE中文考試有閱讀理解，寫作，聆聽同埋說話。
　　無任何一份卷需要考呢本教科書嘅課文。
　　相反，呢本教科書作為閱讀材料應用係自已的文章上面，唔正正乎合寫作同埋閱讀卷嘅要求咩？」
　　「你仲駁嘴？」
　　「請問你除左話我駁嘴以外，仲有咩野理據證明我錯嘅？」
　　「抄書係要你識字，你字都唔識寫一隻點考DSE？」
　　「作多Ｄ文，用多Ｄ字就會識寫，唔通你會考都抄返黎嘅？」
　　小息鐘聲響起，MISS亦只能放走我。
　　「今日你唔準走，叫你家長黎見我。」
　　小學老師永遠只會用權威壓人，永遠不能夠為學生啟蒙。
　　畢竟做小學老師的人，是會考成積不好的一群。
　　佢地係教育大學學到的也只是管理課堂，亦即係點樣鬧細路的方法。
　　教育？教辱先真。

認同
作者本人ＵＥ　拿Ｕ
求指教

摩牙

十卜

連登仔？變細路女？

G持

留名