是咁的，我變左做個細路女，然後嗱左個填色比賽冠軍

個故事發展已經超出想像

重甜

星期二啦
有文未

可唔可以唔好quote成大段文呢， 講緊你啊上面

　　禮拜一返到學校，我發現課室個壁報板又變左樣。
　　雖然都係果種求其Hea做壁報，但三個上課天之內變左兩次樣的確值得稱讚…
　　但係真係有必要咁頻繁咁換壁報咩？
　　不過關我鬼事？

　　我一入門口見到船長。
　　佢換左個粉紅色星光學園書包，換左個小丸子筆袋，成個人陰聲細氣成個乸型咁。
　　Ｄ人由唱佢同我或者小月拍拖，開始唱佢搞基，仲話係因為比我刺激到佢變基。
　　雖然我無咩點理同學之間嘅流言，但見到船長變成咁嘅樣我都覺得有Ｄ內疚。
　　甚至我覺得佢果日果句「如果我做女仔嘅話…你可唔可以同我一齊？」應驗左。
　　雖然「果日」發生嘅所有野都被修正，只係「所有人發左個惡夢，實際上咩都無發生過。」，但我又何嘗唔係追究緊Ｄ係所有人眼中「無發生過」嘅野？

　　我坐返埋位，我見到小月個書包放左係櫈上面，佢應該行開左去廁所。
　　跟住四個科長走過黎，似乎係衝住我而黎。
　　因為佢地嘅表情，同平時係小月身邊做跟班嘅佢地係完全唔同，來者不善。
　　「喂，你成日覇住船長究竟想點？」中文科長劉永霖拍我枱。
　　睇黎佢地趁小月行開左，同我分開果陣先審問我。
　　「無，想識個朋友姐。」我求其搵個理由耍佢地。
　　「我地同車長先係朋友，你係邊位？」英文科長周佩儀哄埋黎掘住我。
　　「你搞到我地五個人無得一齊出去。」數學科長張維雅直接講出佢地質問我嘅理由——因為小月成日單獨搵我去玩，所以無同佢地一齊。
　　「你地會去邊，不如下次帶埋我去？」
　　「今日放學之後去隔離個公園，我地一齊溫書做功課玩男人。」常識科長麥慧玲講佢地平時去嘅地方，叫埋我過去。
　　真係估唔到「玩男人」Lee三個字會係個乖學生口中講出，不過小四學生口中嘅「玩男人」，好有可能係另有所指。
　　「不過我放左學之後要幫校長釘壁報WoW，趕住要係聖誕聯歡果陣用。」
　　「總之，今日車長黎我地果邊，你唔準夾走佢。」劉永霖警告我。

有文

Live

百合大法大好

原來諗住出門口前打一篇
點知返頭訓到而家
要趕住出門口啦

Live
見到玩男人就要加甜啦

早左返黎
而家出返文

待睇主角撚小學生狗

定抑或毒撚主角廢到輸比小學生

　　今日班主任上中文堂果陣，有成班老師走黎睇堂。
　　校長同我Say個hi之後就坐係最後一行後面，亦即係我隔離睇住班主任教書，佢隔離仲有個ＩＴ影住班主任。
　　當果堆觀課老師抄緊一堆筆記果陣，校長淨係望住班主任。
　　當然，校長坐我隔離，我亦比下面扮下聽書啦，其他同學亦扮到好乖好聽話。
　　捱過左無聊嘅中文堂之後，之後班主任上嘅常識課班觀課老師都照樣跟住黎！
　　雖然觀課係正常程序，但一日之內觀同一個老師兩次課亦有Ｄ太針對啦掛…
　　話雖如此，班老師係度神仙打架又似乎唔關我事。

　　小息果陣，我問小月有關果四個科長，同埋佢地放學之後要約佢去公園嘅事。
　　原來佢地四個科長一人做一科功課，然後比其他人抄佢果份功課，慳返Ｄ時間可以係公園坐下玩下。
　　「唔好睇佢地好似乖乖女咁，佢地有幾個都已經拍緊拖。」
　　跟住小月講左一堆我平時唔會理嘅八卦野，班上面有一堆女仔已經同高年班甚至係隔離中學生拍拖，再無拖拍就會比人笑做處女。
　　「下？你之前唔係話過唔想比人唱同船長拍拖咩？」
　　「果個傻佬太白痴啦，咪玩。」
　　我地講多兩句之後，果四個科長亦加入埋講緊Ｄ同學是非。
　　畢竟女仔比較早熟，小月睇唔起船長又好似幾有道理…不過班入面都有幾個女仔係同同班同學拍拖嘅…咁又好似唔太講得通。
　　可能倩雯改動過人際關係，令小月好憎船長——因為我係夢入面見過車長同船長係埋一齊。

　　我係小息完結前去左個廁所，打鐘果陣見到班主任入左３Ａ班房準備上堂。
　　跟住有個ＩＴ囉住攝影器材走左３Ａ班房！
　　睇黎觀課行動真係針對班主任！


　　放學果陣，小月去左陪班科長，而我去校務處搵書記幫我開果塊壁報車，準備一個人釘果個「玻璃彩繪」耶穌。
　　書記幫我推左架壁報車去操埸之後，比我一個釘書機，仲有一堆釘同埋壁報紙。
　　「可唔可以比支釘書機槍我，用個咁細嘅釘書機釘到出年都釘唔完。」
　　「釘槍危險啊，我地係唔會比學生用嘅。」
　　我嘆左一口氣。
　　「總之我唔會借釘槍比你，就咁多。」書記走開左。
　　無釘槍，用釘書機打壁報每次都要拍多幾下先釘得入，真係釘到出年。
　　我需要器材多過人力，所以就算小月甚至果四個科長係度都幫唔到太多。
　　不過野都係要繼續做，睇下釘到幾多得幾多。

　　我用肉色剪左塊面出黎，畫左個人樣然後釘左係三份一嘅位。
　　跟住我用啡色剪左頭髮嘅外形，冚喺額頭上面。
　　之後我將白色同紅色嘅紙撕成不規則嘅長條形，然後係塊壁報上面砌返件衫出黎。
　　砌砌下果陣，我見到一個著西裝嘅高層經過操埸，果個人高級到連校長都要親自接待，而且後面跟住幾個跟班或者保鏢。
　　果個高層停左喺我後面，搞到我唔知點算好。
　　「Lee個學生叫劉倩雯，係基金會嘅畫畫比賽囉左幾次大獎，所以我叫佢整塊聖誕節迎賓壁報。」校長向高層介紹我。
　　「點解你要撕爛Ｄ壁報紙？」高層問我。
　　「我想做Ｄ比較organic嘅紋路，模擬彩繪玻璃。
　　不過我發現無釘槍要拍成日釘真係釘到下年。」
　　我唔覺意將「我想要支釘槍」嘅需求直接講左出黎，咁校長好有可能會搵頭先果個書記麻煩。
　　「你對手太細，未必控制到支釘槍好易整親。
　　不如咁啦，你訓底架壁報車，然後鋪Ｄ壁報紙係上面。
　　之後影底幅相，我叫校長搵Ｄ書記姐姐幫你用釘槍釘上去。」
　　佢地走左之後，即刻有兩個書記出黎幫手訓底架壁報車。
　　我拿拿聲鋪好件衫，仲有出面個藍色天空，跟住佢地兩個書記夾手夾腳用釘槍釘好左成塊壁報車。
　　個高層多口講左句，結果造成校長同埋班書記嘅工作負擔，搞到我都唔好意思。
　　當然，堆碎紙釘左係壁報車上面，只係代表塊壁報完左成一半，之後我仲要畫Ｄ玻璃線，甚至係堆碎紙上面打陰影。
　　不過聽日先理，而家我去公園睇睇小月佢地搞成點。

小學女仔同中學生拍拖
仲要做愛這些機會不是屬於我的

幼幼白合大法好

星光樂園書包邊度買,我搵咗幾年都唔覺眼有得賣

推推先

我都想要
到依家仲喺A0

Push

sorry
係我老作出黎 因為我唔知而家有咩幼女向動畫

其實啲細路女唔識諗
好難溝通 似做老豆多啲(不過我幾享受