是咁的,我變左做個細路女,然後嗱左個填色比賽冠軍

979 回覆
1444 Like 39 Dislike
2019-01-25 09:47:51
樓主咁好心機一口氣連出幾篇
G持下先
2019-01-25 10:14:36
Draft即係即刻搵老細買包?咁佢咪好賺
2019-01-25 14:09:51
個遊戲冇聽過
睇到一頭霧水
2019-01-25 17:47:57
其實係Magic: The Gathering (魔法風雲會/萬智牌)

我明
睇人玩遊戲同自已落埸玩係兩回事
尤其係卡牌遊戲,因為有一堆Text要睇
而且規則話難唔難,但唔係三言兩語可以解完,而且玩家亦習慣中英夾雜咁講野,導致寫出黎會有D怪

講返點解我會擇Magic作為兩父女嘅共同興趣
因為要搵一個比較多大人「玩」,但細路仔都可以「挑戰」嘅活動其實唔多
而且可以係屋企觸發劇情,基本上得番卡Game

當然,也可以用運動黎做共同興趣
但成件事會變得太健康,好教科書
你唸唸而家有邊個大人放左工返屋企仲係可以Keep住做運動
就算可以亦唔會隨便帶個細路出去,成件事會好難trigger

另外我亦唸過會唔會係玩Board Game
不過香港屋企咁細,好難成團玩Board Game
不過就算真係寫Board Game,一樣會寫到大家都好難睇得明
因為Lee個世界唔係淨係得三國殺,UNO同啤牌
我嗱隻卡坦島,鐮刀戰爭出黎寫,都要用一堆字黎講規則,寫完又未必個個都睇得明


所以我擇左全世界第一隻Trading Card Game作為主角同老豆嘅共同興趣
你可以當佢係鬼佬嘅「遊戲王」或者「決鬥大師」咁睇
當然,用文字表達遊戲過程的確有D on9,所以我就蜻蜓點水咁講一下就算,後面我都會著重點樣「以卡會友」,多過實際點玩隻Game


唔明隻Game點玩都唔緊要,Lee幾篇大約可以理解做
1阿女見到老豆上網玩Magic,跟住話搵日去玩實卡
2去卡鋪之前,係樓下間美術用品公司買顏料
3去到間卡鋪,係開埸之前同老闆借左副Deck黎玩,用一D技巧贏左老闆,當然老闆亦特登用一副比佢剋嘅牌黎讓佢
4開埸玩Draft,大約就係「即時開包,再輪流嗱自已要的牌去組牌」嘅賽制
5老豆同其他人都鬆章比阿女拿佢要嘅牌,跟住佢砌到一副好勁嘅牌大殺四方
6比賽獎品仲開到一D有用嘅牌,而且老闆住比埋一堆無咩價嘅基本牌比佢成Deck
7兩個人得一副牌係唔夠嘅,所以老豆亦即埸砌左另一副牌可以返屋企同阿囡玩
2019-01-25 17:50:45
咁佢都紮住左堆貨係度,咪當比佢交租

另外Draft係一個正式嘅比賽format
有D大賽正式比賽用自己嘅deck打上八強
跟住八強之後就係打Draft
2019-01-25 18:14:43
  講番學校,上堂老師基本上唔會理我做咩,所以有87%時間我都係做緊即日嘅功課。
  但係D同學有時候真係好煩。

  坐我隔離果個岑麗雲,成日撩我傾偈。
  傾偈唔係問題,問題係我同佢根本無野好傾。
  佢成日講D同學點點點,或者佢件文具點點點,我除左「哦」之外唔知點應佢。
  唔理佢呢,佢又會舉手投訴我上堂做功課
  理佢呢,老師又話我地上堂傾計

  當然,我知道佢本性唔曳嘅,只係好鐘意社交。
  佢有好多朋友,小息果陣成日係課室走黎走去同朋友玩。
  然後因為成日嘈,成日走黎走去而比老師罰。
  尋求社交同活動係小朋友嘅天性,不過香港嘅老師永遠只想佢地坐定定係度聽書;畢竟小學淨係會教一件事——無條件地遵守規則。

  我認同「遵守規則」係一件好重要嘅事,因為無規則就唔會有任何有意義嘅野發生;
  就算係畫自由畫,畫紙同唔同顏料之間都有唔同嘅物理規則,一旦違返了成幅畫就會搞到好污糟,甚至係整爛張紙。
  只不過,人係應該有選擇規則的權利,正如你想做運動但唔擅長跑步,你可以去游水或者踏單車;你想係畫布畫畫但唔鐘意有機溶制,你可以玩水溶塑膠彩。
  而係學校入面,學生只有乖,靜,停這些選項,老師在控制學生,而不是教育學生。

  以我這種局外人來看,其實這些小朋友的處境是十分可憐的,不過我無從置啄;因為我現在亦係一個細路,而且我同班老師處於一個微妙嘅平衡入面。
2019-01-25 18:16:11
只係一個相對地健康,細路仔玩得嘅大人活動
以前我真係見過有個老豆帶個8歲嘅仔黎玩Draft

不過係鬼佬
2019-01-25 19:35:34
所以拿拿聲sping返去講學校
2019-01-25 20:57:18
樓主真係玩好多board game
2019-01-25 23:00:44
巴打寫得太入肉,我有睇都未必明哂
2019-01-25 23:05:05
新讀者lm
2019-01-26 00:38:51
唔好意思我想問「嗱」Lee個字點讀
2019-01-26 01:24:06
2019-01-26 01:45:27
其實係“螺”
口語入文係好撚煩
2019-01-26 02:01:33
我打開"攞"
2019-01-26 13:28:31
OK原來係剔手邊
2019-01-26 14:26:42
  小息果陣,果個岑麗雲拎左盒小食盒出黎比我,話想請我食野。
  「好啊」我放底我抄緊嘅書,攞左一塊薯片放左入口。
  廉價嘅味精令我有D口乾,即刻嗱左支水比黎飲。
  對於零食,我基本上係完全唔食嘅,極其量都係去小食部買件三文治食;阿媽見我次次帶返學嘅食物盒都係原盒攞返黎,最後亦唔幫我準備啦,直接比多十蚊零用錢我洗(因為小食部一件三文治十蚊 )。
  「咁你同我就係朋友啦。」
  朋友…這個字已經好耐無出現係我字典入面。
  自從讀完中學出黎,人同人之間距離就遠左好多;小朋友可以請粒糖就識到朋友,但大人可能要做好多野先識到人,甚至只係識到一班只係想係你身上攞著數嘅「朋友」。
  所以,就算岑麗雲有幾煩膠,我都願意同佢做個朋友。
  「咁,做左朋友,你就要借份工課比我抄啦。」
  唉,世風日下,仲唔到細路仔都識搵人攞著數。
  「你有咩唔識,我可以教你。」
  「Lee題,Lee題,lee題同LEE題!」
  基本上係成份功課,佢只係想搵人幫佢做份數學功課。

  今日份數學功課係除數,我五分鐘就做完五題練習啦。
  但佢好似一題都唔識做,算在朋友的份上盡可能幫下佢啦。
  「好,第一題,三百四十五除十二;係張算草紙上面寫條直式比我睇。」
  「首先唔好理個位住先,睇百位同十位,三十四除十二,可以除幾多份?比埋個餘數我。」我遮住後面個5字。
  佢寫到係商數2,仲寫埋餘數係10。
  「無錯,12乘2等於24,34減24係10。」
  好彩佢仲識得兩位數除法,咁一切都易教好多。
  「跟住,將後面果個位寫落去個餘數後面。
  105除12可以除幾多份?」
  佢答我唔到,因為係三個位。
  「12乘9係幾多?」雖然我知道答案係8,但我特登問佢乘9係幾多。
  跟住佢係算草紙上面計左條乘法,好彩無咩大問題。
  「108。」
  「無錯,但108大過105,所以我地搵細一個數字。
  12乘8係幾多?」
  跟住佢係算草紙上再寫一條直式,計到答案係96。
  「咁寫個8係個2隔離,咁我地就計到個商數啦」
  「好,105減96係幾多?」
  「9」
  「9可唔可以比12除?」
  「好似…好似…唔得」
  「咁9就係餘數。
  345除12就係28剩9,你係練習簿上面再做一次。」
  Lee D四則基本運算於於大人黎講係好容易,一瞬間就計好,不過對於細路黎講就可能要花好長時間先計好,今次起碼食左我大半個小息。
  所以我教完佢之後就嗱嗱聲衝去廁所痾尿,因為頭先飲左成半支水
  不過,大人就算唔識計都可以噤計數機,老師驚學生用計數機噤個答案出黎抄,所以就要大家係練習簿上面寫埋條直式比老師睇。
  數學嘅基本運算,基本上就係要不斷練習同運算先會識,如果一開頭就比佢抄答案,咁佢成世人都無機會用腦計條數出黎,永遠都學唔識。
2019-01-26 14:55:52
留名
2019-01-26 17:03:18
好正
2019-01-26 19:42:00
lm
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞