是咁的，我變左做個細路女，然後嗱左個填色比賽冠軍

又Live

　　救護員黎到之後，我想跟車去到醫院但係Ｄ救護員話唔比。
　　佢地反問我係佢地邊個。
　　「我係佢女朋友！」
　　「下？女朋友？你講真嘅嗎？」
　　結果我同班救護員嘈左一陣之後先比我跟車去醫院。

　　係坐救護車去醫院果陣，我望住小月迷迷糊糊嘅樣有Ｄ內疚。
　　有一個八十年代嘅心理實驗話比我地知，其實吸毒嘅原因係逃避壓力。如果我地可以解決到吸毒者本身所面對緊嘅問題，就可以帶佢行返出黎。
　　其他人我唔理得咁多，但小月嘅問題好明顥係由我引起嘅。

　　係小月去緊洗胃果陣，警察係病房門口幫我落口供。
　　「我放學比老師捉左去傾計所以遲左到，一去到就見到佢地搞成咁。」
　　「咁你地平時會唔會一齊玩？」
　　「小月同佢地四個科長平時會去公園一齊做或者抄功課，我就比較少；上次見到佢地有人帶左男朋友過黎，果次金毛係度派煙我即刻鬧爆佢。」
　　「咁點解你今次要跟過去？」
　　「今日上堂我見到小月嘅精神有Ｄ問題，驚佢出事。」
　　「咁平時佢地係點嘅？」
　　個警察問我小月同其他人嘅日常生活，我就答小月同果四個科長時係學校嘅表現，同埋我同小月拍拖然後鬧架嘅事。
　　筆錄完之後，學校幾個老師黎左醫院，我講番我見到嘅野比佢地聽。
　　「我懷疑佢地Ｄ男朋友帶左Ｄ毒品比佢地吸。」
　　Ｄ老師聽到之後Ｏ左嘴。
　　係，著住校服吸毒係好大鑊，唔單止影響學生本身，仲嚴重損害學校校譽。
　　我諗Ｄ老師應該會一野打死佢地，超碼都一個大過嘛…
　　「老師，可唔可以比次機會車月長，其實車長係因為同我鬧架先同佢地玩…」我求個訓導放過小月。
　　佢Ｄ科長朋友點死我都唔理，最重要小月無事。
　　「而家唔好討論懲處，救返佢地先講。」訓導冷靜咁答我。

　　果四個科長，甚至離學校果兩個男仔嘅家長都黎到醫院幫佢地嘅仔女做入院手續。
　　我地嘅老師亦同果Ｄ家長討論後續嘅處理，例如係有關禁毒嘅教育。
　　學校老師亦代小月阿媽辦理小月嘅入院手續。
　　再等多一陣，有個著住茶餐廳白Ｔ恤嘅阿嬸黎到醫院。
　　佢係小月嘅阿媽，日打一份工夜打一份工，也許佢要同茶餐廳請假先可以出黎醫院探佢個女。
　　我估唔到要係咁嘅情況先見到小月個阿媽。
　　佢聽到佢個女索ＫＯＤ入左醫院，嬸嬸情緒激動，自責掛住做野疏忽照顧個女。
　　訓導聽到就安慰佢，話會同佢一齊教番個女。
　　訓導同佢講左一Ｄ之後會跟住嘅野，仲話會比機會小月改過。
　　聽起黎好似幾好，作為「同學」我完全無立埸係小月嘅事上面講任何野，我甚至連留係度嘅資格都好似無。
　　老豆打番黎催我返屋企食飯，睇睇時間已經七點幾。
　　我話小月出左事入左醫院，我係醫院睇緊佢遲Ｄ返。
　　雖然我無立埸講野，但係我始終想留多一陣。

　　訓導同小月阿媽講完野之後，我走上去同小月阿媽講野。
　　「對唔住伯母，我無好好照顧小月，令佢識左班損友。」
　　「你係邊個！」佢情緒仲好激動。
　　如果我同佢講我係小月嘅「朋友」，佢會以為我都係果班損友。
　　所以我只能直接同佢出櫃。
　　「我係小月嘅『女朋友』，係我報警送佢入黎醫院嘅。」
　　「女…女朋友？」
　　「係我無為意佢朋友有不良嗜好，係我無係放學之後送佢返屋企…係我同佢鬧交所以先搞成咁…」
　　唔跳「女朋友」身份我根本無立埸講任何野。
　　「伯母你可唔可以比多次機會我，幫你係學校照顧小月？」
　　「閘住。
　　睇你個樣，應該都係佢嘅同學，你何德何能同我講要照顧佢？」
　　冷靜過後佢終於理解我頭先所講嘅野。
　　「你日返一份工，夜返一份工，邊有時間了解你個囡嘅需要？」
　　「你估我想嫁咩，唐樓Ｄ租咁貴，唔打多份工點夠錢交租？」
　　「你去社署搵社工申請『在職家庭津貼』或者『綜援』啦。」
　　「我食鹽多個你食米，洗鬼你個細路囡教我？」
　　「其實倩雯講得無錯，經濟需要支援嘅話絕對可以同政府囉資助。
　　倩雯雖然年紀比較細，但佢比起班上面其他同學都成熟，所以先勇於向你提出建議。」
　　校長走過黎加左把嘴，撐我嘅理論。
　　「如果返工時間太長嘅話，亦可以考慮課餘托管搵人睇住月長。
　　不過最重要係你要有時間照顧你個囡，知道佢講Ｄ咩野人。」
　　跟住校長再同小月阿媽傾計，又係我無從置喙嘅地方。
　　不過我願意再等多一陣，就算返到去比阿媽鬧都好。

　　小月阿媽同校長傾完計之後，注意到一直等待嘅我。
　　「雖然我唔同意你所謂『同我個女拍拖』，不過睇你個樣都應該唔會衰得去邊。
　　既然你話過會照顧我個囡，咁唔該你幫我好好地睇住佢，唔好再比佢學壞。」
　　「好，我應承你。」
　　我同小月阿媽再講下一Ｄ小月係學校同Ｄ科長嘅互動，仲有放假帶佢出去踏單車嘅事。
　　佢竟然連小月識踏單車都唔知…睇睇佢有幾失敗。
　　不過香港嘅高租金之下，大家亦無可奈何。

　　同佢傾完，交換左電話之後我返到屋企。
　　返到去果陣已經係九點，阿爸阿媽無鬧我，只係問小月發生左Ｄ咩野事，我就照直咁答佢。

劇情開始暴走
到底小月同主角幾時會頂唔住壓力呢

咩係「索KOD」？
索k ?

索K (索到)OD左

OD係服藥過量

小月直接爆炸左

Live

Overdose

原來Draft 係英文，細個聽啲人讀一直以為係中文“揸虎”
真係好懷疑十幾廿年成日係學校同去咭舖打deck。副deck仲係度變左回憶唔捨得掉

...

　　今日係禮拜五，聖誕前嘅最後上課天，亦即係聖誕聯歡會。
　　而我地果級同學係聯歡會之後會直接去三日夜嘅成長營，所以我地班學有同學都好興奮，除左無返果四個科長同埋女班長。
　　除左佢地之外，我地嘅班主任都無返學，帶隊嘅係體育阿Sir。
　　「徐老師佢她今天請病假，所以她今天和之後果幾日嘅成長營都唔會黎。」點名果陣周Sir同我地解釋班主任嘅去向，然後再話無返果五個學生都請左病假叫我地為佢地祈禱。

　　係聯歡會開始之前，成間學校所有學生先係禮堂做聖誕崇拜。
　　基督教學校嘛，唱下聖詩同搵個牧師講道亦係正常嘅。
　　不過我留意到，果個Eric竟然坐左係嘉賓席，並且以「校董會主席」身份向我地學生訓話。
　　一般而言唔係應該由校長或者校監為同學勸免嘅咩，校董會作為幕後權力核心正常係唔會出現係學生面前。
　　不過佢講Ｄ野都係正常師生同學生講嘅野，叫大家珍惜時間，趁假期發掘自己嘅興趣，唔好沾染不良嗜好。
　　仲有佢特登講埋食煙同吸毒對身體嘅害處，就算係假期都唔應該去試。

　　Eric訓話完之後，我地唱左幾首聖詩，之後教會有個牧師講道。
　　牧師講新約耶穌降生嘅經文，然後叫我地記念耶穌基督嘅降生同埋救恩。
　　雖然係廢到無得再廢嘅廢話，但對於無聽過嘅細路黎講就係一種救贖。
　　聽完道之後，我地就係課室搞大食會。

推

push

徐老師有古怪

Live

　　我地拉開Ｄ枱，將Ｄ櫈圍成一個圓圈，中間砌一張放野食嘅長枱。
　　因為小月同班科長都唔係度，所以船長特登坐我隔離。
　　我無特別去彈開，因為佢已經好慘。
　　佢無形中受我影響而變乸型，結果成班男仔都開始排擠佢，針對佢，話佢ＯＮ９仔。
　　我叫過佢幾次叫佢死心，就算佢真係變左女仔我都唔會理佢，但佢都係繼續維持佢嘅女性特質。
　　雖然船長著女裝做偽娘應該都可以話可愛嘅…但我唔想毀人三觀。
　　Ｄ同學係大食會玩埋Ｄ大風吹，大電視Lee D ON9game，我除左食，食同食之外真係無咩好做，索性點下行季。
　　兩日嘅替換衣物，有。
　　電話嘅後備電池，有。
　　為左解悶而帶嘅畫簿同顏料，有。
　　基本上我入到營就算我諗唔到做咩都應該可以自閉畫幾日畫。

　　「你有無帶ＵＮＯ？」船長問我。
　　「無，我想玩嘅牌你地應該唔會識玩。」
　　就算有都唔會同你玩…我直程想咁答佢。
　　睇住出面Ｄ同學唔知點解係度傻笑，突然覺得佢地都有索到野…
　　當然，佢地只係玩緊一Ｄ我不屑去玩嘅ON9 Game姐。
　　時間不經不覺咁過去，「愉快」嘅大食會又完左，我地孭埋背囊出發去渡價村入營。

　　坐車果陣，我望住隔離嘅空位，如果小月佢地無出事嘅話佢地就可以一齊入營啦。
　　就算無野做都好，佢地都會玩ＤON9野，點都唔會無聊。
　　而家得我一個我驚唔知點過果三日夜。

直覺話比我知 哥3日應該會發生大單野

　　我地到左營地，所有人按照埸刊嘅分配去自已房間擺野。
　　睇睇份埸刊，我間六人房有小月同埋兩個科長，而家我只能望住三張空床同埋兩個唔多熟嘅女仔…

　　擺好野之後我地去活動室玩ＯＮ９破冰遊戲，主持人係學校社工。
　　咩野「收買佬」，各種意義不明嘅鬥快比賽等等。
　　好無聊…但又唔可以做其他野。
　　我望望周圍，唔同班級都有幾個人對破冰遊戲無興趣，但佢地都比老師踢出去玩。
　　而我果班帶隊嘅係體育老師，所以對我地無咩責任，亦無逼我去玩。

　　玩過一堆經典ON9遊戲之後，主持人開左個新遊戲。
　　主持人叫大家係自已張櫈上面搵貼紙，然後同人握手。
　　如果你嘅貼紙係紅色嘅話，你握手就要噤一下對面掌心，如果比人噤過掌心嘅話，以後握手就要噤其他人嘅掌心。
　　我非常記得Lee個遊戲，佢實際上係模擬愛滋病嘅散佈，一開頭中紅紙嘅人就係源頭。
　　我可以預期跟住會有一堆人「中招」，然後個主持人就會用愛滋病黎嚇細路叫佢地婚前禁慾。
　　我應唔應該起身反駁佢呢？不過基督教學校鼓吹禁慾又好似好正常咁，同埋係「實驗」結果面前又好難好有效果反駁。
　　睇睇個社工會唔會淨係講半套，淨講愛滋病而唔講埋安全性行為。

　　係堆同學瘋狂握手嘅時間，我注意到我櫈底有張紅色貼紙。
　　通常Lee個遊戲係有兩至三個源頭，而家少左一個嘅話結果會好有趣。
　　結果「中招」嘅人得三份之一，無想像中咁多；但係個社工都係接住講要維持單一伴侶和進行安全性行為。
　　至於咩野叫安全性行為呢？社工只係簡略咁講兩句就算，然後就講愛滋病嘅危險。
　　要唔要起身駁佢呢？追問有關「安全性行為」嘅野？
　　算啦，我個心根本唔係Lee個活動，由尻個社工點講都唔關我事。
　　社工說書式咁講左一堆性行為嘅害處，同埋性病嘅後果。
　　嚇到大家好驚之後，就放我地出去食下午茶，然後就自由活動。

　　自由活動時間，Ｄ同學三五成群咁玩唔同歷奇活動，有人玩繩網，有人玩攀登，亦有唔少人走出外面打波。
　　而我…我想做Ｄ咩呢？
　　得我一個人，有Ｄ咩野可以玩呢？歷奇活動需要組隊參加，同埋我亦唔想跑跑跳跳。
　　雖然詢問處可以租借各種棋類，甚至連足球機同氣墊球都有，但無腳係玩唔到嘅。
　　同埋就算我真係搵到Ｄ同學陪我玩棋，我都驚Ｄ細路唔服輸反枱。
　　係梳化坐坐下我係埸刊睇到有個手工藝班係副翼，雖然位置有小小偏僻但還是可以行過去嘅位。

　　當我行過去側翼之後，係一個課室入面見到個手工藝老師，佢收拾緊膠片同埋焗爐。
　　雖然我遲左到，但我係第一個到嘅學生…手工藝班少人到連阿Sir都想收野走。
　　不過因為我Lee個唯一嘅學生黎到左，所以個阿Sir繼續搞番個手工藝班。
　　雖然個手工藝班只係教好簡單嘅熱縮膠——用木顏色係膠片度油顏色然後放入焗爐入面收縮硬化。
　　簡單而言就係畫畫，又開中我擅長果樣。
　　我畫左「蒼藍雷霆」隻電子謠精係塊膠片上面，個阿Sir讚我話我隻「妖精」畫得好靚。
　　我也不吐糟佢啦，反正都係同一類野。
　　亦因為我獨佔左成個興趣班，所以我想玩幾多塊熱縮膠就有幾多塊可以玩。
　　不過我都整唔到咁多塊，因為與趣班只有一節時間，亦即係半個自由活動時間。
　　咁我好唔好直接返房呢？我還是想係Lee個無咩人行嘅側翼探索一下，行一下唔會有人行嘅位。

　　我係後樓梯向上行，見到外面大部份嘅戶外設備，例如各類球埸同埋繩網陣。
　　樓梯嘅盡頭唔係天台，而係一道不透光嘅漆黑玻璃門。
　　我試探性咁推下佢，心諗如果係鎖住嘅就返轉頭。
　　點知度門係推得入去嘅。
　　門入面有個私人吧枱，仲有幾張高級梳化。
　　Lee間房仲有個露台，有個人訓係張太陽櫈上面一邊曬太陽一邊飲紅酒。
　　「點解…點解你係度嘅？」
　　我認得果個人就係果個Eric，果個基金會嘅主席。
　　「間渡假村係我嫁嘛，我當然可以日日上黎飲酒。」
　　「咁我唔打擾你嘅雅興。」
　　當我諗住走果陣，我嘅電話突然響起，係小月打比我。
　　「你聽埋個電話先。」Eric指住我個電話。
　　「雯雯…我好辛苦…快Ｄ出黎探我！
　　去副翼頂樓搵主席…快Ｄ…得佢先可以放到你出黎！」
　　聽到小月好深同辛苦嘅呼吸聲，我覺得佢情況危急。
　　「你對車月長做過Ｄ咩野！」我質問Eric。
　　「無，斷癮症狀係咁辛苦嘅，我只係想同你一齊出去探車月長姐。」佢放底酒杯行過黎。
　　「唔洗咁猶豫嘅，學校嘅記錄我幫會你解決，總之你Lee三日嘅成長營都跟住我就OK。」佢拖住我隻手，帶我行出佢Lee個「私人房間」。

一開始睇到依家只係覺得有一條友無啦啦變咗個女仔，但預期同我所諗嘅真係好大出入，唔知幾多人冇諗過巴打係咁樣寫呢一個故㗎呢

睇故都咁黑暗 有啲想棄
小朋友就比佢地純真啲啦

反而寫寫下同預期諗嘅嘢太大出入，又真係好想睇落去

真係會緊張架wor

話説，故事進度到達3/4未？

究竟有乜陰謀

幾時出文