【我每晚都會發比呀哥追殺嘅惡夢】

臨瞓都有文睇 正

推一推先 晏啲會有文

道友明一步一步逼近我的方向，

我緊貼著身後的一棵大樹，沒有後路可退。



地上佈滿巨型的樹葉，遮蓋地上濕滑難行的泥土，

道友明沿著樹葉向我走來，



「我最鍾意就係咁樣慢慢將人折磨到死，你仲記唔記得你隻手？」



「你個變態佬....」



道友明對打算對我展開攻擊，提高步速向我走來，



剎那之間，

他向下墮墜。



巨型樹葉下隱藏了一個黑暗蟻洞，

「啊！！呢到點解會有個洞？！」

道友明發狂似的不斷向上抓，

但蟻洞深不見底，

他抓到的只有大把空氣。




最後他的聲音逐漸消失在蟻洞的藍色光下。

「今次，應該係我笑到最後。」我鬆了一口氣。




綁起Marla和Gary的束帶被我解開，




「點解你估到會有個蟻洞？」Marla問。




「因為喺一開始你地引開佢注意力嘅時候，我已經一路舖蓋樹葉，設計好呢個陷阱。」我說。




「咁嗰d擲唔中佢嘅果實係？」Gary問。




我指向那些掉在地上的果實，




「咦，d果實好似圍牆咁，圍咗一條路出嚟。」Marla恍然大悟。




「冇錯，為咗令佢跌入呢個蟻洞，我特登用果實限制佢行呢條路。」


和我計劃的一樣，道友明順利地上了當。




「呢d就叫做自食其果。」我用諧音開玩笑。




「好爛呀...本身仲覺得你幾型...」Gary摇著頭說。




「你係都要喺到窒我架喎！」我紅都面哂。




Marla在旁也跟住笑起來。

翌日，

是學校的假期，

我打算回到貨場看看有沒有出現甚麼變化，



「Peter你做咩仲返嚟嘅？漏咗嘢冇攞？」貨場的主任問我。



「係呀，我去locker搵一搵嘢....」我急步走開了。



看起來沒有出現甚麼改變....

難道我們的推理錯了嗎？



「Peter！！！求下你幫我啦！！！」

道友明在我面跪下，與他昨晚在夢的態度完全相反，像是被拔了牙的老虎。



「你.....你喺到做咩？你要我幫你d咩？」我很疑惑。



「我跌咗落個洞之後，畀一堆好大隻嘅藍色蟻咬死咗，之後我試下再瞓返，結果都係一樣！無限重覆！」

道友明苦苦哀求我。

「就算喺夢我都覺得好痛....你幫下我啦！」



「哈！幫你？我都係第一次畀變態殺人狂求我幫！」

幫你.... 我根本不知道解決辦法。

不過...「咁樣啦，你同我講哂你知道關於發夢嘅事，我就同你講解決方法！」



「好好好！我咩都同你講！

　有個神秘男人同我講話殺咗你就可以保得住份工...不過要係喺夢入面。

　而且佢強調一定要用束帶將你隻手扯斷，同埋要親手將你殺死。

　佢仲教我同你連夢嘅條件，教我增強自己嘅想像力，可以喺夢入面使用。

　我知嘅嘢係得咁多炸.... 」

道友明把事情和盤托出。




「個神秘男人係個點嘅人...？」



「佢帶住黑色口罩，黑超，黑色大褸，總之成身都係黑蚊蚊啦！」



「咁即係你唔知佢咩樣...」



「係呀！你可以講點幫我未？」



「你只要用半斤黃京、半斤北芷、半斤田七、半斤蘋果、半斤橙、兩碗水煮成半桶水，唔使飲，倒咗佢就得。」



然後我頭也不回就走了，

這種人，總要給他一點教訓。

笑咗

大大力推一推先

瞓前一推

補償

在回程的路上，


我打開手機，


在whatsapp群組中把得到的情報告訴他們，



「神秘男人？你係咪得罪過d咩人呀？ 下午 1:02 」Marla問。




「係囉，可能你太樣衰，人地睇你唔順眼呢？下午 1:03」Gary又開始他的賤嘴。




「冇可能掛...我平時都冇乜點同人接觸嘅 下午 1:04」

我在輸入途中突然想起

「會唔會...可能係Hugo？下午 1:04」



「係喎，佢之前都試過喺你夢到出現 下午 1:05」

Gary附上一張樹熊口咬樹葉抱著樹幹的圖，

圖中有四隻大字，唔撚係掛。



「我地星期一再搵佢問個明白啦！下午 1:06」我說。




阿橙傳來一則訊息，

「係呢，咁你份工點呀？下午 1:10」



我看到這則訊息時，差點嚇得把手機摔在地上，


手一邊發抖一邊回覆，


「佢地都係炒咗我呀，結果冇改變到 下午 1:12」




Marla傳送了一個驚訝的表情符號給我。


「咁你點算，有冇諗住搵份新工呀？下午 1:14」

輕輕一推

會唔會係peter 呀哥

我蓋上筆記本，



自從其他人開始出現後，哥哥就沒再在夢中追殺我。

「唔知呀哥仲會唔會係夢到再出現。」

他沒有追殺我反而有種落寞的感覺。



看一看手錶，下午3時05分。



這手錶是哥哥送給我的禮物，想不到一戴就戴了這麼多年。



我腦海裡冒出了以往的回憶，




「細佬，你做咩匿喺到喊呀？」




那年，我還年幼，


在家中的某個角落，正躲起來偷偷哭泣的我。


被哥哥發現了，


「嗚....我...好掛住爸爸媽咪....」我泣不成聲。



「嗱，送樣嘢畀你。」


哥哥拿出一個方形盒子，把它送給了我，


我好奇地打開了盒子，是一隻全新的精工錶。



「細佬，你聽住喇。」哥哥指著手錶說

「當隻錶嘅指針轉咗１圈嘅時候，你仲未抹乾你面上嘅眼淚，咁連我都會消失架喇！」



「我... 我唔喊喇，你唔好走啦！」

我馬上收起眼淚。



「咁你要記住，以後每一次跌低，想喊嘅嗰陣，就望一望隻錶，諗返起呢一刻你只係用咗指針嘅１圈就可以唔喊嘅勇氣。」

哥哥摸了摸我的頭，露出一個溫暖的笑容。



這是我小時候對哥哥依稀的印象，

但這句說話直到現在我仍然銘記於心。

我地一齊同Peter仔查出真相

大力一推

推

推

這晚哥哥並沒有出現。



我伸一伸懶腰，

「嗯，今日要去Marla到見工！」



穿起通常在重要場合才出現的有領襯衣，

卡其色的窄身長褲，配合一雙經典的NB球鞋，

我對著鏡子欣賞自己的帥氣外型。



「做咩呀？去溝女呀？你老豆當年都係咁著嚟同我去街架。」

老媽冷不防的出現在我房門前。



「做咩喺到偷睇我！都同你講咗要敲門先好入嚟！」

我帶著怒氣就走出門口，

真是的。



我查看手機的地址，

「應該就係前面轉左.... 」

Marla打工的地方在一條寂靜的巷子裡，



我走進店內，

裡面裝修骨子，有數張木製的小圓桌和椅，

桌上有不同的花瓶作為裝飾，牆上有不少吉卜力的擺設，

燈光柔和，空氣間漂浮著烘焙咖啡豆的香氣。



「歡迎光臨。」

招待我的是位留著亮麗黑色長髮的姐姐，

她有一雙優雅的眼神，帶著敏慧氣質，

臉上的淡妝就好比一朵茱莉花，如此雅致平淡。



「呃... 我係Marla介紹嚟見工架...」



「喔～原來就係你，你跟我過嚟啦。」



我跟著她走到了員工休息室，

雖然店內正播放千與千尋的いのちの名前，但我的心情仍然是驚慌不定，

因為我對咖啡一竅不通，不知能否通過面試。

live咗
加油

「嗱，呢套係你嘅制服，試下啱唔啱身啦。」

她拿了一套新的員工制服給我。



「吓？唔係要見工咩？我對咖啡....」



「得啦，有邊個一開始就咩都識架，我會叫Marla好好咁教你架喇！」

她露出一個似乎知道些甚麼的笑容。



換上制服後，

我膽怯地走出店面。




叮鈴～



「咦，Peter你咁快換好衫嗱 ?」Marla走進店內。



「係呀，等緊你教我要點做。」我笑說。



「咁你等我一陣，好快換完衫出嚟，唔好諗住偷睇我呀～」



Marla很快就換好制服出來，

「首先要教你嘅第一樣嘢，就係先洗乾淨對手！」

接著她向我介紹那部意式咖啡機的操作方法，

第一步是就將咖啡豆磨成粉未，

然後將濾杯上的粉未壓平，

但我因為緊張手抖，把咖啡粉灑了部分出來，



「乜你咁論盡架！」

Marla抓住我的手細心教我整理好粉未，

和只有她不到５厘米的距離，


很近，


很近！！


我甚至能清楚嗅到她身上的橘子香味，

嗯，

只是靠得近才嗅到，我絕不是變態！

歡迎

呢位巴.....劇透左呀！

不過，夢入面搞野會點

個故寫得幾好 樓主又勤力出文，劉個明支持下