【我每晚都會發比呀哥追殺嘅惡夢】

遲啲會揭曉

預知未來

呢張啱啲

「係你....！」楓看見是阿輝，便發出極強敵意。


「唔好咁激動住，我唔係嚟搞住你。」阿輝表示自己並無他意：「你見我一個人就知啦，對付你點可能得自己一個。」


「你地...你地全部人都想對付我！冇個信得過架！」楓情緒變得波動。


「全部人？你班朋友呢？你個Vincent呢？」阿輝聽到楓這樣說，覺得事情並不單純。


「唔好提佢，我唔想講佢住。」楓說。


「佢....做咗啲咩令你咁嬲呀？」阿輝問。


「冇，佢冇做任何嘢，我亦都.... 冇嬲。」楓回話。


「.....喔....」阿輝用測謊機能力，見到他頭上的數值變多，已經知道楓在說謊。見楓情緒稍定，便坐在他的身旁：「其實唔怕同你講，我一早覺得佢份人好虛偽。」


「......」楓沒有回話，只是彎著額上那八字眉。

「你覺唔覺佢成日都係你面前讚你？」阿輝繼續利用言語誘導楓，他知道哄這種瘋子，就跟哄小孩子沒兩樣，只要兩句合心意的，便能打開他心房。


「....佢唔只讚我一個....」楓想了數秒，便繼續說：「佢仲成日讚其他人....」


「咁咪係囉，佢就係知道，讚多啲你地，講多啲你地啱聽嘅嘢，就可以玩到你地氹氹轉。」阿輝說。


「佢....啱啱仲話我係個危險嘅不定時炸彈！」阿楓又激動起來。


「咁呢點無可否認，假設佢地唔信任你嘅話。」阿輝繼續給楓下迷湯：「話唔定一開始維護你，都只係怕你發癲。」


「我...！我唔係發癲...我只係....」楓哽咽著，說不下去。


「如果係我，我都會驚你，但係我覺得呢點先係你嘅真正長處，你嘅能力就係最好嘅武器。」阿輝再說：「如果係用嚟幫我，我仲會好開心添。」


「我嘅...長處....」楓慢慢靜下來。

「冇錯，我可以將你嘅長處最大化咁使用，我唔會好似佢地咁呃你，我真係覺得你幫到我手，先至拉攏你。」阿輝一字一句都擊在楓的心中：「我唔會講假話，擺到明係利用你能力，不過睇下你想繼續畀班虛偽嘅人利用，定係畀我利用。」


說罷，阿輝便起身離開，沒有看過楓一眼。


因為他知道，楓已經是屬於自己了，心裡數著一、二、三、四....


「咪走住。」第五秒，楓一定會投進自己陣營。


「點呀？諗清楚喇？」阿輝問。


「係....比起佢地，我寧願跟你。」楓說。

卻發現據點內紛紛說著藍火蟻毒素這一事，阿輝便好奇，捉住其中一人來問。


一問之下得知是阿森把消息發放出來，便知道他已經把毒素拿到手，於是趕去找阿森問個明白。


「阿森，你係咪有藍火蟻毒素？」阿輝進去阿森的房間，見到他和Hugo都在。


而楓是跟在阿輝身旁，Hugo看過大為震驚，二人對上眼後，楓並沒有揭穿自己，方才安心下來。


本來已經因為阿森的大嘴巴煩惱不而，現在阿輝終於找上門來，要先專心對付此事，其他容後再想。

「係呀，你咁快知道咗喇？」阿森得意洋洋地說。


「有咩可能唔知，你個大喇叭四圍同人講，你係點知有呢樣嘢？」阿輝問。


「呃....」阿森看了Hugo一眼：「係雨仔同我講。」


阿輝看到阿森頭上的數值沒有變多，知道他說的是真話，便問Hugo：「雨仔，咁你又係點知有呢樣嘢？」


「嗯.....」Hugo流下冷汗，心知不妙，只能婉轉地說真話：「係我朋友同我講，佢有一次係森林發現呢種生物。」


「咁你朋友又係邊個？」阿輝盯著Hugo。


「佢....佢一直都覺醒唔到能力....所以.....」Hugo緊張地嚥下口水，發現走進了死胡同，於是聳聳肩，打算蒙混過去：「所以你明啦。」


「一句講哂，你係咪Hugo？」阿輝不再轉彎抹角。

「Hugo...？」在旁的楓聽到，看看Hugo的臉：「我記得佢唔係咁嘅樣... 」


而Hugo也是連忙搖頭否認。


「唔係你答。」阿輝繼續逼問Hugo：「你，係咪Hugo。」


Hugo被逼得山窮水盡，只能繼續搖頭否認。


「答我呀！」阿輝開始急起上來。


「咪答咗你囉。」Hugo回話。


「你....！」阿輝的能力其實需要對方說話才有測謊能力，他不想把自己的弱點暴露，尤其是在阿森這「大喇叭」面前。


「嗱，呢個係畀你架。」Hugo從身上拿出了幾個小瓶，裡面都盛著毒素。


「........」阿輝接過小瓶，看著Hugo。


「呢種毒，可以令人喺夢入面無限死亡。」Hugo解釋。


「.........嗯。」阿輝發現Hugo並沒有說謊，自己也想利用此毒，於是拿著毒素，離開了房間。

「呼.......」Hugo目睹阿輝離開後，方才鬆一口氣，整個人癱軟在沙發上。


「使唔使咁緊張呀你，見頭領啫。」阿森說。


「咪多得你囉。」Hugo不屑地說。


「阿輝用完之後，我仲唔升職加人工，到時大把女畀我....嘻嘻嘻.....」阿森猥瑣地笑著。


「嗯嗯嗯。」Hugo隨便打發阿森。


因為，他心裡正為別事煩惱，自己的身份有可能已經被阿輝識穿，阿輝會問他是否Hugo，其實已經證明楓背叛了自己陣營，只是一時認不出變裝的自己。


同時，Hugo也發現了阿輝能力的弱點，就是對方不說話，他就使用不了能力測謊。


最重要的是，千辛萬苦得來的毒素，竟然落在了敵人手上，想不到任務不但止失敗，更害自己陣營陷入危機。

加速

push

推下

Push

在阿輝的房間中，他正與露仁夾商量事情。


「我覺得嗰個雨仔，好有可能就係卧底。」阿輝說。


「要唔要我去搞掂佢？」露仁夾問。


「唔使，留住佢，我地會有著數，難得多隻棋，點解唔好好利用？」阿輝笑說。


「點利用？」露仁夾再問。


「好快你就知。」阿輝接著說：「依加我地需要嘅嘢已經七七八八，跟住落嚟就係削弱對方嘅戰鬥力。」


「係咪要開戰？」露仁夾揮出他的武士刀：「我隨時可以出發。」


「仲有對方嗰個阿淵，我曾經聽過佢嘅能力係透過打code製造物件，所以應該會有個基地畀佢打code。」阿輝再解釋：「佢地冇咗楓，剩低最強戰鬥力就係阿淵，我地要搵個地點出嚟....」


「破壞佢。」露仁夾接話。

同時，Hugo也趕回Vincent方。


Hugo把現時的危險情況匯報給守護軍的人聽，包括藍火蟻毒藥落入敵人手上，還有楓叛變一事。


「不如咁啦，Hugo唔好再去做卧底，身份已經被人懷疑，好危險。」Peter提議。


「我同你一樣意見，再翻去只會送死。」阿淵說。


「佢地仲要有藍火蟻毒素喺手，隨時一去冇回！」Marla說。


其他人都紛紛和議，建議Hugo回到安全地方，不要再去掠奪團冒險。


「Hugo，我想你繼續去做卧底。」Vincent說。


「吓，但係好危險喎，你有冇諗清楚架？」阿淵反駁。


「本來做卧底就有一定危險性，本質都一樣。」Vincent回話。


「但係佢都知道哂情報啦，再去已經冇價值，點解仲要冒險？」阿淵說。


「可以同我地裡應外合，敵人即時嘅行動情報都係必須。」Vincent說。


「值得用呢樣嘢去冒中藍火蟻毒嘅險咩？」阿淵不明其解：「Hugo，你自己又點睇？」


「我都明白你地想做嘅嘢，不過Vincent應該唔係蠢人....」話到一半，Hugo沉默了一會：「倒不如，我想聽下Peter意見。」

「我....？」Peter認真思考片刻，回答：「我....選擇信哥哥。」


「咁好啦。」Hugo決定了：「我有半條命都係Peter救翻嚟，既然Peter都咁講，我就繼續做卧底。」


「係咪痴線架你地一個二個，個Vincent啲橋屎到仆街都照做？」阿淵不滿結果。

「唔好再嘈啦，係咪想搞到四分五裂先安樂？」就在討論其間，小秋突然在旁啜泣起來。


「哥哥佢....真係同我用能力睇嘅一樣.....」小秋淚珠在眼眶打轉：「假設一切都冇辦法改變....」


「小秋，你用能力睇到啲咩？」Peter好奇。


「我...可以預知到會發生嘅事...」小秋眼淚不斷溢出：「我已經好盡力去改變，唔想畀呢啲事發生....」


「雖然識楓唔係好耐，但我覺得佢本性唔壞，只係畀人唆擺。」Hugo說。


「佢緊係唔壞啦，你地完全唔知哥哥佢...佢係....」小秋已經泣不成聲。


「佢離開都算係好事，擺個炸彈喺身邊只會對自己不利。」Vincent說。


「你係咪人嚟架？佢因為你先去咗掠奪團嗰邊咋！」小秋激動地說：「點解所有人都要咁對佢....唔得，我要去帶佢走。」

「唔好呀，你自己一個去好危險架！」Marla拉住小秋。


「我要救翻哥哥呀....我唔想佢淪落成壞人嘅工具呀....」小秋邊說邊哭。


「咁我同你去啦。」Peter挺身而出。


Peter看到那個急切找回哥哥的小秋，看到那種心碎無助的感覺，彷彿跟自己當年的身影重疊一起。


為甚麼明知道是充滿危險，明知道是九死一生，也能如此決堅出發呢？


因為當中有種不可抗力，就是那個人是自己的哥哥。


原因就是這麼純粹，世上人打從出生起就密不可分的關係——親情。


「自己一個咁危險，咁我跟埋去並肩作戰啦。」Peter走到小秋身旁。


其他人看見都沒有作聲，與其說沒有作聲，其實是看到為人弟妹的那份勇敢，不知該如何回應而已。

「你地傻架咩，一個冇戰鬥力嘅女仔，同一個未有想像能力嘅人去敵人據點。」阿淵接著說：「預埋我啦，我實幫到你地手。」


「阿淵.....」小秋和Peter都大受感動。


「不過係我嘅分身。」阿淵再補一句。


「都估到你喇！」眾人齊聲。


於是，阿淵（分身）、小秋、Peter這對組合便出發去勸楓回頭。


Hugo都回去掠奪團據點繼續卧底任務。


另外Vincent、Gary、Marla和阿淵（真身）就留守在守護軍據點。


「係喎，阿藍係訓練房練咗好耐都未出嚟，唔知係咪有咩事。」阿淵問。

文呀 仲有冇

樓主一嘢出咁多，睇到好爽