【我每晚都會發比呀哥追殺嘅惡夢】

隻手個number?

「喔，我認得你隻手個號碼。」職員指住我的右手。




「係...係喎...」


３８６，


我竟然忘了這個顯眼的烙印。




「咁你一路順風喇，小心d。」職員以親切的態度迎送我出去。




我也沒多想就走出閘口，也被歡送我出去的這個舉動嚇怔了一會，


說起上來他們也沒有提及過我不能自由出入，


枉我還在想辦法逃脫，穿上一身小丑戲服，真是個傻瓜！


離開一段路後，脫下一身笨重的裝束，


馬上拔腿就跑，用全速希望盡快遠離這鬼地方。




跑到一個勉強看不見遊樂場的地方才停下來，


在夢中，不會饑餓，也不會犯困，但疲勞卻是實實在在，


「嗄...嗄，跟住落嚟，應該點做先好...」


我無力的坐在地上，可以做的只有等待夜幕的來臨。

等待期間我不斷整合和思考所發生的事，


崔翼望把那些植物人帶進夢裡是有甚麼目的？


更建立了這個瀰漫著一股邪教味的社會....


還有就是，把我困在夢境的原因到底是...？


我該如何回到現實世界。




良久，


我把所有回憶都仔細解讀，但都無法得出結論。




這個夢境是沒有黑夜與白天的區分，天空長期都掛著太陽，


我也不知時間流逝了多少，只有漫長的等待。




一道門在我前方慢慢出現，


門縫緩緩打開，是一個熟悉的身影，




「Hugo….」看見他就有種說不出的感動。




「喂，做咩咁抑鬱咁坐喺到呀？」


背後出現的這把聲....！


我馬上回頭把她抱緊，牢牢的抱緊！




「Marla....你終於到....」


是一直沒有傾訴的對象，一個擁抱就把這天發生的不安和壓力都釋放出來。




「你個淫蟲吖，係到乘機抽Marla水！」


Gary也到了，實在是太好。




「Peter你做咩呀？你又好似有d唔妥咁，發生咩事？」Marla問。

我把他們離開後發生的事，以及我在「極樂」的所見所聞都全數說給了他們聽。




「真係估唔到個醫生竟然會做呢d事。」


Hugo用姆指和食指托著下巴，作出一個思考的動作。




「即係原來你一直都冇醒過？我仲以為你要留醫所以先繼續唔返學..」Gary說。




「咁你而家點算？」Marla問。




「唉，我都唔知呀....又困住喺個夢到...」我苦惱地抓著頭。




「你醒唔返嘅呢個情況其實好危險，你嘅肉體有咩事都冇人知。」


Hugo嚴肅地看著我，


「況且我地係個夢到苦惱都唔會有用，要係現實世界解決，唯一可以做就只有報警求助。」


他繼續說，


「你同我講醫務所嘅位置，到時我帶警察上去，同埋我會通知你父母，呢d係我地幾個中學生可以做到嘅事...」




我把醫務所的地點和媽媽的手機號碼告訴了他們，


「有時我都分唔清，係我地太蠢，定係你太醒，哈哈！」


同伴的出現，讓我又能重拾一點希望。




「咁你就留係安全地方等我地救你返現實世界啦。」




「好。」




等待的時間漫長，相聚的時間短暫，


我又要開始漫無目的的等待。

翌日，現實世界——－




Hugo他們三人首先通知了Peter的父母，




「我知呀，Peter佢同我講咗啦。」Peter母親在電話另一頭回應。




「但情況唔係咁簡單，佢而家隨時永遠都醒唔返...」


Hugo嘗試向她解釋事情嚴重性，但話未說完就被打斷。




「得啦得啦，係有危險先會留醫啫，點會留醫反而有危險，同埋佢個病係咁麻煩架啦，我地都習慣哂，唉唔講住啦，返緊工仲有嘢忙緊，係咁啦拜拜。」




嘟嘟嘟.....




莫講要相信Hugo，顯然Peter母親對此事更是毫不在意。

但也無阻他們決定報警求助的心，起初警方也對他們的話半信半疑，


在三人的多番請求下，還是心軟跟他們上去醫務所搜索一番，


結果也是只有一場空，根本沒有任何病人在進行臨床測試，


就連那間醫務所都找不到，餘下只有一間等待出租的舖位。




「嗱，同你地上嚟搵埋，咩都查唔到，玩還玩，唔好浪費阿sir時間。」


警察也只當他們是小孩玩遊戲，完全沒有認真處理的意思，


說罷，他便轉身乘撘升降機離開。




「可惡，呢到點會連cctv都冇。」Hugo向牆上揮拳。




「唔好咁啦....我地都盡咗力...」Marla試著安慰Hugo。




「唔會真係開口中，Peter畀人捉咗去改造掛？」Gary說。




「當然唔係改造啦。」


後樓梯的門被打開，一把陌生的男聲說話。

推

推 唔係改做 係hehe

「喔～好彩唔係改造，嚇得我吖。」


Gary鬆了口氣，然後看一看那名男子，


「咦咪住先，你係邊個呀？！」




「我叫崔翼望，相信你地都已經聽過我個名。」


他把一隻手插進醫生袍的口袋，另一隻手則拿著點燃的香煙，


「想唔想知Peter去咗邊？」




「你究竟係咩人...你想將Peter點！」Hugo沉著的看著崔翼望。




「難得咁齊人，就同你地講下。」


崔翼望用一個銳利的眼神掃過三人，


「反正你地知道咗都係咩都做唔到。」




「........」三人沉默不語，等待他開口說明。




「你地有冇諗過點解世界需要醫生？因為有疾病，有傷亡，有人要醫生幫去治療。」


崔翼望吸入一口香煙，再把煙緩緩呼出，


「但點解會有咁多傷亡？就係因為呢個世界冇一個完美秩序，人類任意犯錯，戰爭、貪婪、破壞、嫉妒，咁多年嘅歷史都印證住人類有幾咁愚蠢。」


他露出一個令人發寒的笑容，


「所以我地需要一個新世界！一個冇罪惡，冇傷害嘅完美世界！而我就係呢個新世界嘅醫生！唔使再治療班冇用嘅人，而係治療世界！」




「你身為醫生仲食煙，一樣係傷害自己身體嘅愚蠢行為。」


Hugo對崔翼望冷嘲熱諷。




「好快你地就再見唔到你地嘅好朋友，聽朝之前就會令他嘅肉體消失。」


崔翼望用一個輕藐的眼神看著三人，


「都唔係，住埋入我嘅「極樂」世界咪見到囉，不過未必畀你地入，哈哈！」




「肉體消失？！你想做d咩！」




「好快你地就會知。」


崔翼望扔下香煙頭在地上，離開了現場。




「咪走呀！」


三人打算追上，不讓他就此走去，


但再打開樓梯門時，崔翼望已經消失得無影無蹤。

造*

點消失

推

係故到答你

推

崔翼望坐在他的辦公室，


默默看著桌面上的一個營養液瓶。




「翼望哥，今晚就將個細路分解？」


在崔翼望面前站著一位成熟女性，身穿一件牛仔外套夾帶白色背心，展露出完美腰段，也披著一把長曲髮，顯現其獨特的野性魅力。




「冇錯，今晚之後，我地就正式擁有「極樂」世界。」


他舉起那瓶營養液，


「咁大個世界，就會放喺呢個咁細嘅容器入面。」




崔翼望把椅子一轉，牆上印上一幅巨型的建築構圖，裡面入遊樂園的出現，還有形形式式的不同設施和建築。




「而家仲差阿淵嘅構成部份，咁就大功告成。」崔翼望說。




「但萬一我嘅能力有咩出錯....」那個女性說。




「你放心啦皮皮，我已經安排阿蓮入夢好好咁睇住，確保事情萬無一失。而且你知道，阿蓮毀滅之花呢個能力係我地嘅最終手段。」


崔翼望從口袋拿出香煙，把它點燃，


「首先要做就係帶返Peter入遊樂場，唔好畀佢有機會同佢啲朋友會合。」

「點算呀，佢話Peter嘅肉體會消失係咩意思？」Marla擔心地問。




「我地要入夢去通知Peter呢件事，同埋照常理推斷，逢係毒藥就必然會有解藥。」


Hugo繼續論證他的推理，


「我諗佢地都唔想困係夢入面出唔返嚟，一定有解決辦法。」




「咁我地今晚就一齊去搵辦法救Peter出嚟啦，雖然唔知會發生咩事。」Gary說。




三人約定在夢中相見開始拯救行動。

夢境方面———




「仲要等幾耐.... 」Peter無聊地坐著。




「你唔使等啦，可以同我地一齊返去。」


跟Peter說話的是一名皮膚黝黑，高大的男性，他的氣勢就如同他那結實、凹凸有致的肌肉一樣，磅礡逼人，就憑他那兇悍的外表，絕對能把小孩嚇哭。




「阿蓮，你咁惡會唔會嚇死個細路架？」


另一個全身穿著不同潮牌衣物的年輕男性站在肌肉男的背後說話。




「阿淵你專心搞好建築構成嘅事就得，唔使跟埋嚟。」


崔翼望也一同出現。




「崔翼望....！點解你會搵到我。」Peter震驚地說。




「仲記唔記得你個單杖蛇記號？呢個係我想像力嘅能力，可以隨時都搵到你喺邊。」


崔翼望指著Peter的手臂。




「翼望哥真係幾時都咁叻，可唔可以都畀個記號皮皮呀？等你隨時都搵到皮皮<3」


皮皮強行挽著崔翼望的手，用嬌嗲的聲線說。



「你地係咩人.....利用呢個夢嚟創造世界究竟有咩好處 ?」Peter問。




「夢？皮皮話呢到係現實。」皮皮直直看著Peter的雙眼。




「點解....你地可以毫不猶疑咁講出呢句嘢.....」


Peter開始思考一直以來這個如此真實的夢，真的是夢嗎？




「起行啦。」




阿蓮用他強壯的臂彎捉住Peter，與其餘三人，並肩走回「極樂」遊樂場。

自推一波

推

入夜，三人如同計劃般一起連夢。




「Peter佢....去咗邊？」Marla在與Peter分別的地方不知所措。




「冇理由，連夢唔係會喺佢附近出現架咩？」Gary問。




「有可能因為某啲嘢阻礙我地嘅連接。」


Hugo指向遠處的巨型遊樂場，


「Peter有機會入返去嗰到。」




「唧係我地要闖入去....？」Marla問。




「冇錯，我已經諗到入去嘅辦法。」Hugo說。




他們三人步近樂園的外牆位置，




「嘩，道牆咁高我地點入去呀？你估我地係蜘蛛俠咩。」Gary苦惱地說。




「你唔記得我地有想像力呢個武器喇咩？上面入唔到，咁咪中間入囉。」


語未，Hugo把手放在外牆，靜待了一會，再把看似堅固無比的混凝土輕鬆挖穿。




「嘩，你咁快就咁純熟運用到想像力。」Marla對著牆上的洞目定口呆。

「道牆變到咁脆弱，好似威化餅咁...」


Gary一馬當先，興奮地衝向牆的洞，


「等我做先鋒睇下咩境環先！」




「喂，唔好咁大力呀！」Hugo想喝住他。




殊不知那道牆受不住Gary衝擊的力勁，裂縫越漸擴張，開始瓦解。




「今次仆街喇。」三人一同愣怔在原地。




轟隆———！




他們眼前的大片圍牆崩盤倒塌，本應是驚惶失措的三人，眼前的光景卻令他們注意力馬上轉移。




圍牆內的高處有一場館，在地面通住場館的長樓梯上站著崔翼望和他的羽黨，但實際吸引三人的是被抓住了的Peter。




雙方在此刻對上了眼，


Hugo三人死盯著Peter不放，欲動又止，有上前的衝動，


崔翼望等人則用居高臨下，藐視弱者的眼神回敬，


兩邊就這樣死死的對峙著。

「你地負責解決呢幾個麻煩細路，我仲有嘢同佢傾。」崔翼望帶著被綑綁的Peter繼續前行。




「你仲想帶Peter去邊到！」三人按捺不住，準備一擁而上。




「唉，你地一人揀一個帶走啦，我唔想用想像力嘅時候牽涉埋你地。」皮皮說。




「我揀個女仔。」阿蓮說。




「你個大隻佬都識揀架啵，揀個嫩口嘅嚟玩！」


阿淵思考數秒，馬上決定，


「咁我揀著到成個磨碌咁嘅四眼仔啦，要好好咁調教下佢啲時尚觸覺。」




「你兩條友....留返個咁醜樣嘅畀我，不過唔緊要，我個心已經係屬於翼望哥，就算畀個靚仔我都冇用！」


皮皮又開始沉醉。




話音未落，阿蓮三人便開始行動，




咻——


「唔好尖叫，耳仔會痛。」


阿蓮跑到Marla面前，用純熟的手法把她捉住，一把放上他雄厚的肩上。




「Marla！！」Hugo想上前制止。




咔啪—！


一個鐵制陷阱發動，把Hugo的腳給上鎖了，而鎖頭連接著一條長鐵鏈，鏈的另一頭是輛在半空高架橋中行駛中的樂園火車，




噠噠噠噠，




剎那，鐵鏈開始被回收，Hugo擋不住力道，整個人隨鏈被拋至空中，一直與火車的車卡收窄距離，直到撞上，並滾進車廂內。




「磨碌，你嘅對手係我。」


阿淵安然地坐在車廂的座位上，玩著他的掌上遊戲機。




「你.....！」Hugo擺出應對戰鬥的姿態。




「死火啦，佢兩個都畀人捉走哂。」Gary臉色慘白。




「乜你好驚咩？」皮皮出現在他的背後。




「嘩，你想點呀，雖然喺夢世界，但我都係對大過我嘅女人冇興趣架！」Gary馬上退後幾步。




「發生咗咁多事，你仲覺得呢到係夢咩？皮皮話呢到係現實。」


皮皮直看他的雙眼，


「你一直所認知嘅現實先至係夢境。」




「現實.....？」Gary心中產生動搖，質疑他一直所認知的感覺。

D文筆同concept有D似夢巴