【我每晚都會發比呀哥追殺嘅惡夢】

好鐘意呢篇文啊 樓主要加油

多謝支持

好緊張呀 樓主加油

多謝支持

支持

多謝支持

好耐冇見 咁夜啊

岩岩發完呢個夢
唔睇喇 留個名就出番去

多謝支持

時間回到現在—



「冇耐之後，忍無可忍嘅情況下，媽媽都係決定同爸爸離婚。」小秋接著說：「但好景不常，哥哥佢跟住為咗我....」



忽地，樓下傳來大量的汽車響安聲。



「咦，下面嗰個係咪楓？」Gary指著樓下。



紅綠燈馬路中心，楓和一名小孩相撞，小孩被撞得倒在地上，而楓手上的書則四散在馬路上。


交通燈已轉成紅燈，但他們仍然待著沒有移動，引來巨量的汽車響安聲。



「啊！哥哥！」小秋驚訝。



楓開始行動，徐徐走近那小孩前面。



「楓佢...想點？」Peter再次想起昨晚楓在夢中的屠殺，心中開始不安起來。

「你睇下。」Gary望著楓的舉動。



楓抱起了那小孩，把他安置好在路邊，原來小孩的膝蓋跌得血流不止，無法忍痛站起來，楓便去抱走他。



「我地落去幫手！」Peter說。



趕到現場後，發現楓和小孩已經離開，他們幫忙拾起四散在馬路的書本。



「呢啲書....全部都係佛洛伊德.....」Peter猛然發現。



雖然書本已經被汽車碾過，封面頁變得有點破爛，但仔細觀察的話，作者名也能看見。



「喂，Peter你睇下嗰邊。」Gary指向商場的入口。



「嗰個係.....露仁夾？」Peter憶起昨晚的對決：「鬼鬼祟祟咁，跟住佢睇下佢做咩。」

「好，小秋你都一齊嚟啦。」Gary叫上小秋：「反正今晚入夢都會見到佢地。」



「今晚入夢？」小秋未明其意。



「你唔想知你阿哥係夢到做啲咩咩？」Gary說。



「嗯....都想嘅。」小秋回話。



「想就得啦，我地行下，陣間跟甩佢架喇。」語未，他三人便跟蹤露仁夾，來到商場的後方。



露仁夾站在了逃生牌的下方，四處張望有沒有被人察覺他存在，可惜他發現不到故意躲藏起來的三人。



經過檢查後，露仁夾便從他那風褸口袋裡拿出一枝白色筆，把逃生牌上的人形公仔塗掉，只剩下一個白色的四方形。



本來的逃生牌是以綠色作為底色，襯托白色字體，多數為橫置的長方形，左邊是Exit字樣，右邊是指示箭咀，而中間是人形公仔往門逃跑的姿勢。



奇怪是，不知把人形公仔塗掉的用意是甚麼。

基於是屬於屋邨的舊式商場，平常只有住戶往來出入，沒有嚴格的保安監控，露仁夾方可進行如此行為而無人發現。



「條友又會咁鬼無聊，仲細咩玩埋呢啲嘢。」Gary輕蔑他的行為。



「係囉，呢種惡作......」Peter話到一半，忽地想起某些事。



Gary似乎也想起同樣事情，馬上和Peter對上眼，同一時間說：「Marla講過個奇怪標誌就喺呢啲逃生牌上面，唔通..... 」



「捉住佢嚟問清楚！」話音一落，他們馬上衝到露仁夾背後。



「喂！點解要整呢啲標誌出嚟！咁多人入夢同你有咩關係！」Gary一口氣發出多條問題。



「頂！畀你地嚇死。」露仁夾在做虧心事時被發現，當場嚇了一跳。



「你講！你究竟係咩身份！」Peter追問。

「咩咩身份呀，都唔知你地講乜。」露仁夾再解釋：「如果你問塗白佢係咩意思，我可以答你，呢個係夢嘅入口。」



「夢嘅入口？呢塊逃生牌？」Gary看著門上的逃生牌，感覺匪夷所思。



「唔只呢塊，我仲塗咗好多塊。」露仁夾笑說：「一開始應該只係得一塊塗咗，係我不斷將個入口傳開去，先至有咁多人連夢入嚟玩！」



「原來係你條友！」Peter動怒：「你知唔知個夢有機會影響現實世界？唔可以咁隨便畀人亂入去！」



「我知呀！就係知先會咁做！」露仁夾再說：「喺夢到殺咗人，就可以喺現實奪取嗰個人嘅嘢，咁所以多啲人入嚟畀我殺，我咪可以得到更多嘢囉！」



「你痴線架？有冇諗過嗰個人嘅感受？如果佢唔知情，無端白事畀你殺，都好無辜喎！」Peter回駁。



「咁又點，總之我係唔會停，由一開始十幾二十人，去到而家過百人，都係我嘅功勞！大家都因為我先有得入夢玩！點解我唔可以攞翻回報？」露仁夾繼續堅持己見。



「歪理。」小秋忍不住發聲：「你根本就係自私鬼。」



「唔同你地講咁多，總而言之，我唔會放棄。」說罷，露仁夾便轉身離開。

「究竟點解呢個標誌會令人連到入夢？」Gary問。



「我都好想知，今晚連夢我會問我哥哥。」Peter說。



「你又知你哥哥會知點解？」Gary好奇。



「係作為細佬嘅....直覺？」Peter回話。



調查結束後，三人各自回家。



而Peter說想借楓的書回家一看，之後再還給他，於是就捧著一疊書回到家中。



「嘩，你發燒呀？都未見過你借咁多書嚟睇。」Peter母親揶揄他。



「係呀係呀，你鍾意點講就點講。」Peter猛然想起夢中見回哥哥的事：「係喎，我琴晚發夢見到阿哥。」



「你五年開始就成日都講發夢見到佢架啦。」母親不而為然。



「今次唔係....佢個感覺好真實，好似復活咗咁。」Peter一臉認真地說。



「.........咁睇多啲書都係好事嚟嘅，唔使咁多幻想。」說罷，母親便回到房間中。

「弗洛伊德.....呢個人所認識嘅夢，其實係咪我地認識嘅夢。」Peter翻著手上的書，越看越著迷，不知不覺已來到晚上。



「差唔多時間，今晚應該有好多新衝擊要面對。」


..................
...........................



RPG城———



「你個白臉仔！憑咩要我信你，無啦啦出現，講埋哂啲冇人明嘅嘢！」一進夢，便聽到阿淵與人對罵。



「我係最熟悉呢夢嘅人，呢點你絕對可以信我。」Vincent正與阿淵討論：「睇你都係聰明人，你知道我講嘅嘢係真定假。」



「.......」阿淵未能相信Vincent的片面之詞：「證據呢？冇證據你話你係我老母都得架啦。」



「你想要證據？好簡單。」語未，一隻機械臂從Vincent身後伸出，架住了阿淵的頸部。



「呢隻係！？」阿淵怒問：「你喺邊到得翻嚟？死賊仔！還畀我呀！」

各位平安夜快樂呀

推

「呢隻機械臂係我整出嚟。」Vincent說明來歷：「整佢出嚟嘅時間大約係５～１０分鐘，用嘅code係第五頁嘅第十三條，屬於主動對物型想像能力。」



「你....！連我用code能力嘅書都知？我明明一個人都冇講過...」阿淵非常驚訝。



「放心，我冇偷你嘢，只係學咗你嘅嘢，雖然冇你整得咁完美，不過用我嘅能力都學到七、八成。」Vincent再說：「順便一提，我嘅能力都係主動對物型想像能力。」



「吓，又主動又對物，你講緊咩呀？」阿淵問。



「我都明白你地好好奇我係咩人，所以畀小小時間我準備下，陣間大家集合齊人我就會喺比賽場地一次過解釋。」Vincent說完，便走向Peter的方向。



「哥...你做緊咩？」Peter問。



「陣間會再解釋，我廢事講完一次又一次，所以你都聽埋啦。」Vincent回話。



「大家都好唔信你....包括我...你實在有太多謎團，真係有信心說服我地？」



「說服係講求技巧，人可以防禦他人攻擊，但對讚美就無能為力，你唔見讚多個阿淵幾句佢就放低戒心啦咩？」Vincent接著說：「更何況，我所講嘅都係事實。」


「.......」Peter眉頭一皺，感覺面前這個哥哥非常陌生，跟以前親切的他判若天淵。

「Peter，你係咪想知我點解消失咗咁耐？」Vincent問。



「本來係，而家唔想知。」Peter離開了Vincent附近範圍。



Peter對眼前的哥哥並不信任，感覺實在太不對勁，彷彿說多兩句都會被他的鼓舌拉扯進某個世界一樣，那個他口中所說的世界。



「Peter！」Gary向Peter揮手。



「小秋都入埋嚟？」Peter看見Gary身旁的小秋。



「仲有我！」一雙手調皮地掩著Peter眼睛，散發出令人安心的橘子香味。



「好耐冇見啦Marla！」Peter回頭說。



「咩好耐，琴晚先見完！」Marla說。



「係喎....但感覺好似好耐咁，哈哈。」Peter回話。



「你地有冇見過我哥哥，楓呀？」小秋四處張望。



「佢喺比賽場地嗰邊，坐低等緊Vincent講嘢。」Marla指向楓的方向。



「咁我地都過去聽下啦。」Peter提議。

比賽場地那邊，已經聚集了不少人，大家都正在等候Vincent發表他的說詞。



「畀呢個人一齊聽會唔會冇咁好呀？」阿藍望著楓。



所有人都似乎被楓昨晚的屠殺行徑嚇壞，沒有人願意靠近他，但也無阻楓聆聽Vincent說話的意欲，楓仍然坐在最前，雙眼發亮地期待著。



「大家稍安無躁，係咪因為佢琴晚嘅黑氣，所以大家都驚咗？」Vincent擺出自信的表情，用洪亮的聲線說話：「其實呢啲能力，在座各位都有機會做到。」



「點做到呀？就咁講我都識講啦。」露仁夾反駁。



「所以，今晚我喺嚟進行教學，將使用呢啲能力嘅方法教導畀大家。」Vincent繼續說：「學嘅過程可能會非常辛苦，但得到嘅嘢會超乎你地想像。」



「有冇咁好呀？你自己知道唔教我地咪仲著數，都唔知你有咩陰謀。」阿淵質疑Vincent。



「我真係冇睇錯你，識得咁諗都好聰明，你嘅話應該可以發揮得更加好。」Vincent再解釋：「大家都喺夢世界嘅一份子，我都想公平啲，唔會虧任何一位，呢個係我嘅原則。」



眾人見Vincent說詞信誓旦旦，表現得瀟灑自如，看不出一點破綻，再加上心裡都有欲望想學會想像能力，便選擇相信Vincent。

「你阿哥...講嘢成個演講家咁....」Marla說：「但我對佢用唔到能力，每次我想佢睇個腦嗰陣，都只係睇到一遍空白。」



「........咁奇怪？」Peter對Vincent的疑心變得更大。



在場的人都圍成一個圈，圓圈的中心就是進行教學的Vincent。



「首先，要教大家嘅第一課，就係覺醒自己能力。」Vincent雙手放後，緩緩圍著圈內步行：「要覺醒能力，就必須要自殺，而且越殘忍越好，雖然係自殺，但最緊要就係要有生存意志，個矛盾感越大，你嘅收獲都會越大。」



「挑，喺夢到自殺有幾閒呀？又唔係真係死。」露仁夾擺出不屑態度。



「咁請你用琴晚把武士刀自殺一次？切腹又得，劏頸又得，最簡單割脈都得，你又做唔做到？」Vincent質問露仁夾。



「.......冇嘢啦，你唔使理我。」露仁夾想起那把鋒利無比的刀，要在自己身上開洞，不禁退縮。



「很好。」Vincent看著阿淵和楓等人說：「已經有想像能力嘅人今晚就唔需要自殺，等待其他人覺醒之後再繼續教學。」




「咁即係我要覺醒嘅話....都要自殺？」Peter喃喃自言。

「其實呢件事唔係強制性，唔想要能力嘅人大可以唔自殺，但係所有人都有能力，得你冇嘅話....」Vincent淺淺一笑：「咁呢層你就自己諗喇。」



「一時之間叫我自殺，我都唔知點死好。」阿藍說。



「嗯，都係嘅，阿淵，可唔可以借你嘅能力，做啲刑具出嚟畀佢地用？」Vincent問阿淵。



「你都識用我嘅能力啦，自己搞啦。」阿淵回答。



「我充其量只係整到機械臂呢啲低技術嘢，最在行都係你。」Vincent說服阿淵。



「你知就好啦，我盡量整啦！」阿淵聽到Vincent稱讚便開始飄飄然。



「阿哥佢...幾時變到咁識講嘢。」Peter再始擔心起來。



「唔使擔心喎，始終都係你哥哥，唔會有事嘅～」Marla安慰Peter：「而家盡試，睇下覺唔覺醒到能力仲好啦！」

咁多位聖誕快樂