【我每晚都會發比呀哥追殺嘅惡夢】

自己推下先

今日有冇？

有 夜少少出

文呀

Peter聽到楓的完整經歷後，內心百感交集。


有人常常說你不是非洲難民已經身在福中，有飽飯吃，有暖床睡，何不樂乎？


亦有人可能會說，一個人痛苦的定義很難說準，失戀、失業、喪親，每種原因都可以令人身在水深火熱之中。


而打從出生就好像是個錯誤，生存就好像罪過，不斷被世界拒絕，他的感受又是如何？


想像不到，也不敢去想。


原來這就是Marla當初看到的東西。


「楓....我一定會幫你....就算條路幾難行都好，你依加有我地陪你一齊行。」Peter也幫忙勸回楓。


「係呀哥哥，你唔再係得自己一個！」小秋說。


「...... 」楓內心開始動搖。


啪、啪、啪。


「好感人，好感人，一齊行呢啲懶對人好嘅說話，我都識講啦。」露仁夾邊拍掌邊走過來。

「你....！」Peter、阿淵、小秋都作出戒備。


「楓，唔好再畀呢班人呃多次。」露仁夾對楓說。


「我......」楓在兩難之間，決擇不到。


「既然你揀唔到，咁我幫你趕走佢地啦。」露仁夾拔出武士刀：「放心，我唔會傷害你阿妹。」


「阿淵，有冇嘢可以同佢打？」Peter問阿淵。


「我係主要功能係負責搜尋，戰鬥唔係我強項。」阿淵分身說。


「仆街仔，派個冇戰鬥力嘅分身畀我地托炮呀？」Peter著急起來。


Peter四處張望，找找有甚麼能利用的物資。


「嘔...嘔—！」怎料此時露仁夾口中忽地吐出一隻未知生物。


仔細一看，那生物體型細小，頭上長著兩雙角，形態恰似狼與熊的怪獸混合體。


「你食錯啲咩.....？」Peter被嚇愣。

「我冇食錯嘢，呢個就係我嘅能力。」露仁夾拭去嘴邊的唾液，衝向Peter。


「嗚！」Peter走避不及，只好架起雙手抵擋。


一刀揮下，Peter的手臂被斬得皮開肉綻，鮮血開始湧現。


隨著Peter受傷，那怪獸體形漸漸變大，開始蠢蠢欲動。


「我叫佢做嗜血獸，因為每次我把刀接觸到鮮血，佢都會成長。」露仁夾撫摸著嗜血獸的皮毛：「佢比起我更加兇殘。」


「.......」Peter處於一遍空地之中，眼見並無武器可以利用，心想這次應該都兇多吉少。


「Peter，你係個好可悲嘅人，現實係個咩都做唔好嘅失敗者，連入到夢都係咩能力都冇。」露仁夾嘲笑Peter。


「你想點講就點講，如果係公平條件之下，我絕對唔會輸畀你。」Peter回話。


「公平？人生出嚟本來就係唔公平，有能者居之，英雄做時代，就係咁簡單。」露仁夾再攻擊Peter。


「我始終相信，世界係可以由人改變，依加所有規則係由人類創造，咁人類一定有辦法去改變！」Peter也擺出反擊姿勢。

碰—！


楓站在二人中間，發出強烈的重力黑氣，擊碎地面，制止了二人動作。


「放咗佢地。」楓對露仁夾說。


「楓？點解，你想背叛我地？」露仁夾問。


「唔係....佢係好人...我由心感覺得到。」楓接著說：「放咗佢地，我會聽哂你地話。」


「......哼。」露仁夾心想，若楓發起瘋上來，自己都不是對手，難得他肯乖乖聽話，就讓步算吧：「你地走啦，唔好再畀我見到你地。」


「......」Peter仍然站在原地瞪著露仁夾。


「走啦，仲喺到等死咩。」阿淵急忙拉走Peter和小秋。


「哥...我一定會....帶你翻去架。等我。」小秋臨別對楓說一句。

同一時間，阿淵和Vincent正在打code的工作室進行密談。


「你點入到嚟？」阿淵問Vincent。


「你知我能力係咩架啦。」Vincent說。


「你想點？」


「我想你幫我做一樣嘢。」


「又要我陪你癲呀？咪玩啦，你啲屎橋仲累我地唔夠咩。」


「你聽完我講，再決定幫唔幫我，你應該分得出係好橋定屎橋。」


「憑咩？」


「今次只係得你幫到我。」Vincent堅定地看著阿淵。


「.........」阿淵嘆了一口氣：「信埋你最後呢次。」

這晚完結，所有不利因素都倒向了Vincent方，眾人帶著不安從夢中醒來。


Peter他們如常回校，上午的課堂結束後，三人一邊交代事件，一邊商量對策。


「我諗到個絕世好橋。」Gary一來便興奮地說：「個個都係夜晚先連入夢，咁我地日頭連入去咪得囉！」


「咪玩啦，佢地咁多人，實會派人守住，況且冇人喺夢，我地都唔知藍火蟻毒素收埋咗喺邊度。」Peter馬上反駁Gary的主意。


「Peter，你做咩有啲躁咁嘅？」Hugo感到不尋常。


「我...一時語氣重咗，唔好意思。」Peter一想到所有事都困難重重，自己又冇能力幫上忙，便感到煩躁不安。


「我地出去食咗晏先啦。」Hugo提議。


一路上，他們發現越來越多人在討論有關夢的事。

「你呢排都有發惡夢呀？」

「係呀，個夢好真實，仲係咁畀人追殺....」

「我有個朋友打電話畀我，話佢發惡夢畀人殺咗之後醒翻就睇唔到嘢！」

人們的對於夢的話題都是圍繞著在夢被人殺掉後，在現實中都失去某些東西。


「件事好似變得更加嚴重，好多人都因為掠奪團而受害。」Hugo說。


「再咁落去都唔知會發展成點，一定要盡快阻止佢地呢啲行為。」Peter回話：「而家唔只係我地幾個嘅事，已經關乎到所有人。」


他們準備好開始一場硬戰的心。

樓主乜你叫peter咩?

pish

推

bookmark #201

大力推

人手置頂

今日都係會夜少少出 呢兩日有啲嘢做 不好意思

入夜後，各人再次連進夢中。


進夢後，Peter看不見其他人，一找之下，發現阿藍等人在訓練室。


「你地聚哂喺到做咩？」Peter問。


「咦，楓呢？你地唔係勸佢翻嚟咩？」Gary反問。


「.......楓，佢暫時都翻唔到嚟....」Peter回話。


「點解？連小秋都勸唔到佢咩？」Marla追問。


「哥哥佢應該有自己諗法...唔通夾硬逼佢翻嚟咩...」小秋灰心地說。


「唔好講佢，你地喺到做咩？」Peter再問。


「我地訓練緊想像能力。」阿藍回答。


「係，成效都唔錯。」Marla把聲音傳遞至各人的腦中。


「Marla而家可以一次過傳聲畀咁多人。」阿藍說。


轟—！


外頭傳來一陣破壞聲。


「咩事？出面無無啦咁大聲。」阿藍問。


「出去睇下。」

各人趕出去看個究竟，發現用來進入RPG城的城門被人破壞掉。


「唔通掠奪團班人翻咗嚟？」Gary問。


「仲以為佢地唔會諗到我地會匿翻喺一開始嘅地方。」阿藍說。


「佢地有咁多同伴，唔排除有啲人嘅能力可以追蹤到我地。」阿淵都趕到現場。


「但佢地嚟有咩目的？」Peter問。


「佢地好可能諗住用人海戰術制服我地，而家又有藍火蟻毒喺手，一舖收我地皮都唔成問題。」阿淵回話。


「講得啱，完全中哂我地想做嘅事。」幾個身影從用來連接城門入口的可製大橋走過來。


「你地！」阿藍看見那幾張臉後，變得緊張。


「我地七色極光，少咗一色，真係幾唔慣。」原來是七色極光眾人。


「不過有樣嘢你地估唔中，就係我地要破壞埋阿淵打code嘅基地。」七色極光說。


「咩話？！」阿淵轉頭一看自己基地的位置。


「阿輝！佢真係中計喎，睇嚟基地就係嗰邊啦！」七色極光對遠處呼喊。


「你地陰我！！」阿淵瞪著他們。

阿淵被七色極光唬爛一下便暴露了基地的位置，幸好他們只是知道方位，並不知道阿淵有把基地藏在地底的習慣。


「係你傻咋，白痴！」話音一落，七色極光便猛然襲來。


「呢度交畀我，你地快啲過去守住。」阿藍預備戰鬥架勢。


「得你一個，得唔得架。」Peter問。


「擔心下阿淵個基地仲好啦。」阿藍對Peter說：「阿淵整咗把新武器畀我，放心信我。」阿藍展示了掛在腰間的一雙鐮刀。


「.......」其他人馬上往基地方向奔去。

一到入口，卻發現阿輝和露仁夾已經帶了大批人馬埋伏Peter等人。


「歡迎各位。」阿輝手上拿著藍火蟻毒瓶，發出不懷好意的笑容。


「咁快又見面。」露仁夾的身旁帶著嗜血獸。


「今次仆街....」Gary看到至少過百人圍著自己。


「人地話，用最爛嘅牌打低對手咁先贏得精彩，我就覺得手上都係最好嘅牌，完美咁壓制對手咁先贏得痛快。」阿輝一聲令下，所有人開始發動攻擊。


「你地真係當我流架喎。」阿淵也不甘示弱，召回自己的分身，拿出各種武裝準備反擊。


幾枚炮彈轟在人群之中，人們急忙走避，有人的能力可以暫時抵擋攻擊，雙方僵持在這膠著狀態。


「雨仔，到你出場。」阿輝指示從後的Hugo出來：「聽其他人講你嘅能力好實用，幫我搞掂佢地。」


「.....好。」Hugo聽從指令，向Peter等人發出攻擊。


「Hu….」Peter想起Vincent的決定，無可奈可之下就預備反擊。

同時在RPG城門大橋前，阿藍與七色極光正在開戰。


七色極光六人散開並在不同方位衝向阿藍。


阿藍不慌不忙，在他們馬上要碰到自己的時間，合上眼睛。


連強風都來不及感受，眨眼之間阿藍就消失在六人眼前。


「佢...唔見咗？」六人驚詫。


「我喺呢邊。」阿藍在大橋的另一端說話。


「哈....！嚇鬼咩！你能力係瞬間轉移？」六人冷笑：「不過能力係咩都冇用，你睇下阿輝畀咗啲我地？」


其中三人拿出藍火蟻毒素的小瓶：「我地已經落咗毒係武器上面，只要你一行近就實死無生！」


他們接著說：「念在你曾經係我地嘅同伴，而家畀多次機會你，棄暗投明啦。」

「同伴？」阿藍回話：「你真係當過我係同伴？」


「唔係同伴會畀你跟住我地搵食？」


「你地都幾好笑，每次有好嘢就你地圍埋分享，有衰嘢就我出去頂。」阿藍反駁：「嗰一次Peter放箭，你仲諗住攞我嚟擋，原來呢啲叫同伴？」


「咁一隊人就係有高有低架啦，唔係好似個Vincent咁，連個癲佬都包容埋呀？」


「至少佢比起你地有翻多少少良心，掠奪團只係一個自私鬼嘅集中營。」


「咪玩啦，人本來就係自私嘅生物，我地只係順應本性去做，有咩問題？」


「呢啲係咪阿輝同你地講？」


「係又點唔係又點，總之呢句嘢就係正確。」


「唔怪之得你地可以埋到堆。」阿藍拿出藍色長布，綁在額上。


「當初你會跟住我地，證明你都係啲咁嘅人咋，依加想扮清高洗白自己呀？」


「我係佢地身邊....感覺到嘅唔單止係利益輸送，而係真正嘅朋友。」阿藍把布拉下，蒙住雙眼，再拔起放在腰間的一雙鐮刀。


六人見狀，各自手執武器：「六個打一個，仲有毒素喺手，邊有可能..... 」


話音未落，其一人已先倒地，身體被鐮刀開成兩半。

「邊有可能咩？」阿藍站在了五人旁邊。


「你...！」他們馬上反攻。


剎那之間，阿藍身影再次消失於空氣中。


就在五人不安惶恐之時，咻咻兩聲，二人應倒地，死狀與第一人相同。


六人只剩下三人，他們背對背保護著大家後方。


「點都好，希望你地有一日明白我講嘅嘢。」阿藍瞬間現身在他們眼前。


三人已經慌得聽不進阿藍的話，只是本能反應馬上作出攻擊。


但結果顯然易見，阿藍以壓倒性的實力擊潰了七色極光。


面對捕捉不到的對手，他們連反擊都沒辦法做到。


阿藍拉起蒙眼布，看清楚六人死相，嘆了一口氣。


轟隆一聲，RPG城內發出巨響。


「要快啲過去幫手先得。」阿藍便奔向阿淵等人的方向。

咁夜都仲有文睇 辛苦樓主

唔辛苦呀 知道有人等緊我啲文 反而會好開心
btw多謝支持

加油樓主
如果可以比peter快啲發現自己能力就好 依家越望越覺得佢無用 好難頂