【我每晚都會發比呀哥追殺嘅惡夢】

有冇預幾時完

推

計埋呢篇，應該仲有兩個篇章就完

加速

努力中

咁少

Peter回家後，開始製作他要送給Gary和Hugo的禮物，專心過程中不知不覺夜已漸深。



「唔經唔覺搞咗咁耐，聽日放假，瞓醒先再整。」Peter想起七色極光的事：「今晚都要留時間入夢調查。」


................
…………………


在RPG城的中心，聚集了不少人，Gary和Marla也參與其中，Peter今晚姍姍來遲，也好奇發生甚麼，便馬上過去查問。



「你地喺到做咩呀？咁多人嘅。」Peter問Marla二人。



「阿淵話要搞夢世界嘅淘汰賽，特登整咗個場地出嚟畀人玩。」Marla指著冠軍寶座上的一塊板子：「獎品係阿淵親筆簽名板.....」



「吓，獎品係啲冇用嘅嘢都有人參加？」Peter難以置信。

「仲有，再加埋我特製嘅激光劍，就係上次救你用嗰把。」阿淵突然搭話：「名額未爆，你有冇興趣一齊玩？」



「哈哈.......」Peter心想，簽名板他固然沒興趣，說到激光劍，雖然有些微吸引力，但也不足以要自己勞動參賽。



「好似好好玩咁。」Marla對Peter嘻笑地說：「你喺呢個夢同人戰鬥都有哂經驗，我諗你實會贏～」



Peter看到Marla對自己充滿期望，現才臨陣退縮，實在有失面子：「好，咁我就去玩下啦。」



「好好好，咁參加咗淘汰賽嘅人就去休息室準備下先，請過嚟呢邊。」阿淵為參賽者帶路，猛然想起未提醒Peter：「係喎，未同你講規則。」



「呀，原來有規則。」Peter說。



「上場可以用武器，已經放哂喺休息室畀你地挑選，比賽內容會喺你地出場再講。」阿淵瞧了瞧其他人：「呢度大部分人都唔識想像能力，所以都唔好用啦。」



Peter聽到後點點頭，心想，其實自己都還未發現想像能力，阿淵是不知道，還是故意譏諷自己。

「喂！乜你都一齊玩咩？」Gary也在參賽者中出現。



「係呀，見冇咩做咪玩下囉.....」Peter回答。



「係咪因為把激光劍呢！我都勁想要囉，一定好有型。」Gary發出一個充滿敵意的眼神：「你唔好同我爭呀，就算你係Peter我都照同你死過架。」



「咁你可以放心....」Peter說。



進入休息室後，發現房間都擠滿了人，數十餘人正在挑選自己的武器，當中有七色極光和一些素未謀面的人，令Peter意外的是，今天那個名叫楓的男子也在。



「嘩，真係超級多人，呢個夢係幾時變到咁熱鬧.....」Peter驚嘆不而。



「鬼知咩，有得玩你就玩咗先啦，成日都諗咁多嘢會變禿頭。」Gary眼角瞄到某幾個熟悉的臉孔：「佢地咪係我地啲同班同學....」



「唔好同佢地講嘢，陣間又畀佢地狗眼看人低。」Peter說。

在擠擁的房間中，某些人專心的測試武器，某些人到處搭訕互相猜度對方。



「細路，你由幾時開始連入夢？」一名陌生男子過來探話。



「呃....一個星期前左右？」Peter回答，心想，如果說已經有五年之長，而且經歷過不少戰鬥，肯定會惹起眾人注意，多一事不如少一事，撒個善意的謊話罷了。



「嗯.....」那陌生男人點頭以示了解，眼神帶有小覷之意，轉頭就向他身旁的楓同問：「咁你呢憂鬱男，你又連咗幾耐？」



「我呀....今日先連入嚟....」楓回答。



「哈，咁你都幾偉大喎，又會特登入嚟陪跑都有。」男子不住對楓揶揄一番。



其他在場人士聽到，都不禁嘲笑作為新手的楓，一人一句冷言冷語，令楓無地自容，他知道那男子故意奚落自己，便在背後對男子怒目而視，只有Peter對此舉看在眼內。

Peter把握時間，選好自己的武器：「揀嚟揀去，都係搵唔到弓箭，唯有用呢個啦。」他拿起了一把回力鏢便坐下等待。



「好喇好喇，今晚時間無多，我地開始淘汰賽啦！」阿淵利用咪高峰把聲音覆蓋全場：「第一場，Peter對七色極光嘅—阿藍！有請佢地出場！」



經過休息室的通道，一踏出場地，便看見數以百計的現場觀眾，歡呼聲如雷貫耳，場面盛大。



「痴線....」Peter被人群嚇得目瞪口呆。



「加油呀Peter！」Marla對Peter呼喊。



Peter還未回神，聽到只好連忙點頭。

「咁關於比賽內容呢，見唔見到你地腳下面有個魔法陣嘅光圈。」阿淵接著講解：「你地唔可以走出呢個範圍，圈後面有三杯水，打跌哂對方嘅水就為之勝出。」



Peter看一看腳下的光圈，直徑只有一隻手臂的長度，和對手也是相距了五個光圈，阿藍選擇的武器是一雙長搖搖，剛好兩邊使用都是中距離的武器。



其實阿淵是根據雙方選擇的武器再定出比賽內容，這是為求公平，不會出現某邊佔盡優勢的情況。



「咁了解之後，比賽而家正式開始！！」阿淵宣佈。



一開始，阿藍先發制人，迅速把搖搖甩出，撲的一聲，把Peter身後的一杯水打翻了，比賽開始不到１分鐘便佔了上風，觀眾都不禁為阿藍喝采。


Peter的確是反應不及，被對手先攻成功。



「喂細路，唔係咁快就玩完呀？」說罷，阿藍再次極速把搖搖甩向Peter。



Peter已進入狀態，專注捕捉到搖搖擊來一刻，立即用身體強行擋住，但搖搖始終有一定力度，再擋幾次身上就出現多處瘀痕，不過未至於難以忍受。



「繼續擋囉，你知唔知其實呢場睇落公平嘅對決，你係處於嚴重劣勢？」阿藍停下來，指著Peter的回力鏢說：「你嘅武器只能夠使用一次！你飛過嚟嘅時候我只要將佢擋住，咁你連武器都攞唔翻！」



話音一落，阿藍便繼續把搖搖甩向Peter。



「攞唔翻....好一句攞唔翻.....多謝你提醒我。」Peter臉上全無怯意，反是微微一笑，似乎已有對策。

推

好好睇

多謝

自己推下

推

就在搖搖擊來，最近自己身體的那刻，Peter一手把它抓住，令阿藍收不回他的武器。



「而家係邊個攞唔翻？只要我用力扯，除非你放棄武器，如果唔係你就會出圈。」Peter說。



「你！咁我都可以扯翻你！睇下邊個大力啲！」阿藍回駁：「同埋，唔係咁天真以為回力鏢真係識回力嘛？你以為自己睇緊漫畫呀？你以為係連登寫故呀？就算我唔擋你都收唔翻武器！」



「睇下點，順便提提你，我扔嘢叻你見識過架啦。」說罷，Peter便把回力鏢投了出去。



「！？」阿藍想起那次Peter用高難度姿勢也能射中他的同伴，心裡便開始慌了，自己正處於兩難局面，若去擋住回力鏢，武器就得捨棄，若不擋，便很大機會被打翻三杯水，直接落敗。




「你已經畀我將軍！」Peter說。



「嘖！」阿藍到最後仍趕不上作出對策，啪嗒幾聲，三杯水便被回力鏢擊中，應聲倒地。



「第一場嘅勝者係—Peter！！！」阿淵隨即宣佈。



Peter用計贏得甚是精彩，在場的百位觀眾都看得目不轉睛，勝利宣言一出，便是換來極大的鼓舞歡呼聲。

「Peter你有啲料到喎，一定係平時跟得我多！」一回到休息室，Gary就上前搭話。



「ok啦.....叫做有驚無險。」Peter回話。



「第二場！Gary對露仁夾！！請參賽者出場！！」阿淵宣佈。



「竟然係你？！」露仁夾看到Gary出現，異常驚訝。



「上次你係班房咁串，而家就話畀你知我識唔識玩呢個遊戲！」Gary說。



原來露仁夾是Gary、Peter的同學，上次給露仁夾他們故意刁難，Gary知道對手是他，夠能藉此反擊，心裡何其高興。

露仁夾選擇的武器是武士刀，一邊揮舞一邊擺出各種架勢：「好彩我一直都有學開劍道，總算可以大派用場。」



露仁夾把武士刀耍得有模有樣，每次揮擊都彷似劃破空間，在場的人都看得猛地嚥下口水。



「睇你都係得個樣架啫，我呢把先係真正最強嘅武器！」Gary舉高他的手：「各位觀眾，攞你命三千！！！」



攞你命三千，集十多種武器於一身，包括有西瓜刀、鐵鏈、火藥、硫酸、毒藥、手槍、手榴彈、殺蟲水等，每種武器也能獨當一面。攞你命三千雖然不便攜帶、難以使用，但勝在容易製造，改造性強，故亦成為七大武器之一。



所有人看到Gary的武器都呆苦木雞，不懂反應，阿淵也極度震驚。



「點解你會搵到呢把嘢....我明明已經將佢收到好隱蔽....」阿淵喃喃自語。



「點呀，驚嘅話而家投降都未遲架。」Gary洋洋得意地說。

「唔好咁多嘢講啦，快啲開始啦主持人！」露仁夾對阿淵說。



「好，咁比賽內容呢....就玩捉羊達陣啦！」阿淵指指場邊的紅色線：「每段時間都會有羊放出嚟，你地捉到羊同時又到達紅色線內，時間到嗰陣邊個捉得最多就算贏啦。」



比賽立即開始，羊從地下升起至場面中心：「咩咩咩咩～」，牠表現得非常從容，殊不知背後已埋伏兩名要捉拿自己的惡魔。



「咁簡單？我兩三下就搞掂佢啦！」Gary衝向那隻羊。



「你過到我呢關先講。」話音未落，露仁夾便手起刀落，往Gary的臉劈去。



千鈞一髮之間，Gary及時反應過來，彎下身體，只有頭髮給他削去幾攝，更順勢抱起了羊。

「哈，辣殺！秒殺你啦！」Gary用左臂夾起羊，右手拿著攞你命三千抵禦露仁夾的攻擊。



但羊那有可能如此溫馴，夾緊牠便是換來一番強烈掙扎，隨後逃脫在場內到處亂跑。



「一隻手係捉唔實佢....」Gary看著從自己手上逃走的羊。



「哈，咁即係話我地要捉實羊，就要雙手並用，武器等於冇得用。」露仁夾說。



「你笑咩呀，你都要用雙手捉架啦，我地嘅處境係一樣！以為笑就佔上風呀？」Gary說。



露仁夾把武士刀收回腰間的刀鞘，對Gary笑而不語。



「........」Gary不明露仁夾在得意甚麼，回頭便問觀眾席上的Marla：「佢究竟笑乜呀，我唔明喎。」



「佢有得帶住武士刀喺身，你就要放低咁大抽嘅攞你命三千先得，點睇都係佢著數啲...」Marla回答。



「原來係咁，唔怪之得佢笑到咁淫啦。」Gary點頭以示明白。

「首先達陣嘅係露仁夾！！」阿淵宣佈。



就在二人對答其間，露仁夾已經捉住羊抵達紅線內。



「好彩對手係個蠢材，先可以咁輕鬆～」露仁夾又對Gary得意傲慢地笑。



「阿淵，我要投訴，條友成日對住我淫笑，好影響我表現。」Gary說。



「你唔好咁多幻想啦，你咁嘅樣，最多而家出隻金羊畀你地，一隻當兩隻，自己拆掂佢啦。」阿淵回話。



緊接出現的是一隻金燦燦的羊，顯然不可能是正常生物，這時大家才明白，那些羊是阿淵的機械羊。



「吓，咁我頭先咁辛苦捉隻羊為咩呀？」露仁夾問。



「你話輕鬆嘛，咪睇下而家仲輕唔輕鬆。」說罷，Gary立即動身去搶金羊。



「你就想！」露仁夾見狀，搶先跑到紅線前，擺出架勢阻擋Gary。



「哼，係時候用我隱藏已久嘅絕招。」Gary雙手抱緊金羊，準備衝刺。



「絕招？唔通Gary仲有咩招數係連我都未知？」在休息室透過電視直播觀看比賽的Peter流下冷汗。



「惡魔蝙蝠幽靈！」Gary邊喊出招式名，邊用雙腿以極快速度Z字型的奔向露仁夾。



露仁夾不慌不忙，把腳向前一伸，碰的一聲，Gary便被絆倒在地。



「.......咩咩咩咩~」金羊踏過Gary身體逃走了。

推

「頂你個肺，kick我？」Gary立即站起身，與露仁夾一同跑向金羊。



「你走開！」露仁夾拔出刀，向Gary斬去。



「......！！！」Gary正在全力奔跑，閃避不及，被他直接命中前胸，痛入心扉，曲下身體。



「哈哈哈！時間仲有唔夠十秒，今次真係贏得輕鬆喇！」露仁夾抱起金羊就跑向紅線。



但就在起步那刻，Gary一把抓住了他的腿，用力拉向後方，令露仁夾倒在地上。



Gary就像沒受傷般，馬上搶去金羊，跑到了紅線內。



「時間到！」阿淵猶豫了幾秒，接著說：「今次係Gary勝出！」



話音一落，阿淵就跑到Gary那邊，把他拉到一旁：「喂，你係咪用想像能力，咪講咗唔畀用囉。」



阿淵見Gary被砍中，傷口深度本應血如泉湧，但他卻突然相安無事地站起來，傷口更是已經痊癒，便猜想Gary是動用了想像能力。