【我每晚都會發比呀哥追殺嘅惡夢】

聖誕節快樂

聖誕快樂

聖誕快樂

未有想像能力的人開始嘗試不同的自殺方法，但許多都舉棋不定，想撞牆死的站在牆前猶豫，想用刀刺死自己的拿著刀久久未能下手。



有些人則說等待阿淵的自殺刑具，或許能死得比較殘酷，盡快覺醒能力，但大家心裡都知道，只是沒有勇氣自殺罷了，才把時間一拖再拖。



而已經覺醒能力的人，除了阿淵外，一共四人—Vincent、Gary、Marla、楓，都坐了在比賽場地的觀眾席上。



「睇唔出你兩個都覺醒咗能力？你地嘅能力係咩？」Vincent問Gary、Marla。




「.......」Marla沒有回答，只因Peter說過對Vincent不能信任，自己用能力又未能看穿他心思，所以選擇暫時不作聲。



「咁你呢，問人之前唔該自己講咗先。」Gary反問Vincent。

「我？我嘅能力係神通說明書。」Vincent擺出招牌的友善笑容：「即係好似神一樣，通曉關於呢個夢一切嘅說明書。」



「所以你先知道咁多嘢？」楓興致勃勃地發問：「咁我呢，我嘅能力有咩特別？」



「你嘅能力只係啱啱覺醒，力量就咁強大，我睇到你係前途無可限量！」Vincent稱讚楓。



Vincent看見Gary、Marla臉上依然滿臉問號，便說：「即係我地嘅想像能力，係可以不斷昇華同進步。」



「喂，如果佢係咩都知嘅話，咁使乜問我地能力。」Gary在Marla耳邊說悄悄話。



「我覺得佢個人好假。」Marla回話。



「自殺用嘅刑具已經準備好喇！要嘅自己嚟攞啦！」阿淵大聲宣佈。



但結果是，所有人都猶豫不決，看見刑具都未能踏出一步。

不過出乎意料地小秋首當其衝，第一個出去選取刑具，並立即挑了一個名為斷輪的刑具，本來所有刑具都需要別人操作，但經過阿淵改良後，可以靠個人進行。



小秋躺好在木制的車輪上，手腳自動被鎖上，大字形的被綁在上面。



「鎖好十秒之後就會發動架喇，唔使擔心。」阿淵對小秋說。



「喂死喎，係叫人唔使擔心咩？」阿藍說。



砰—！



一把巨鎚砸在小秋的腳上，把她的小腿骨敲碎，場面瞬間變得令人惶恐。



「啊，我話就話十秒，但其實set咗三秒，個感覺好似痛苦啲，嘻。」阿淵笑說。



「嘻你老母呀！」眾人都罵起阿淵。

小秋在木制車輪上，四肢輪流被巨鎚敲碎，過程痛不欲生，慘叫連連，她雖然痛苦，但心中想到是為了楓，便咬緊牙關繼續堅持下去。



「痴線架，真係要咁樣虐待自己？」

「我接受唔到，寧願唔要能力。」

「連用刀插自己都唔敢，呢啲你叫我點算呀。」

不少人目睹小秋的慘狀，都不忍心繼續看下去，甚至放棄覺醒能力。



話雖如此，但仍是有些人去嘗試，當中例如有阿藍，阿輝，露仁夾等人。



「佢地好多都開始放棄...」Marla看到眾人情況。



「冇錯，呢個位其實係分水嶺，分翻啲有心學，同冇心學嘅人。」Vincent搭話。



「你地嗰陣係點覺醒能力？」Peter問他們。



「其實都係被逼上絕境先發現到自己有能力。」Gary再說：「你估人人都好似Hugo呢個天才咁自己學識咩？」

「咁即係自殘係無可避免，好啦，咁我揀呢個啦。」Peter選擇了一個名為酷刑架的刑具，準備自殺。



Peter躺上了木制床架，雙手向下，雙腳向下被自動綁上，三秒過後便身體便開始被拉扯。



用來操控拉扯強度的把手自動轉動，一圈、兩圈，Peter胳膊的關節開始斷裂，盡管他拼命死忍，仍是痛得流下淚水。



手臂被扯斷，令Peter想起了當初道友明用樣方法殺死自己，那時候多想有能力可以救下Marla，如果能生存的話，一切就有機會去改變，這也是他貫徹的信念。



小秋已經被酷刑弄至慘死，過了沒多久，她再次連回夢裡，並衝去抱著楓。



「哥....我見到你...我見到你....嗚嗚....唔好離開我....」小秋抱著楓痛哭。



「小秋佢做咩？」Gary好奇地問。



「佢嘅能力已經覺醒。」Vincent說。

其他人聽到後，紛紛奮力自殺，死一遍不夠死兩遍，，兩遍不夠死三遍，直到成功為止。



有些人屢次死況慘烈都不成功，精神變得散渙，雙目無神，再也無法繼續，喊了一句瘋子便離開了。



最後有堅持的人都已經覺醒了屬於自己的能力，五個、四個、三個、人數逐漸減少，餘下還未覺醒的只剩下數人。



「點解....點解我唔得.... 」Peter喪氣地跪在地上。



「你地唔使灰心，唔得嘅可能性係你地嘅能力已經覺醒咗，只不過係被動屬性。」Vincent對他們說。



「咩係被動？」Peter不懂這詞句的意思。



「想像能力其實有分主動同被被動，仲有對人同對物呢兩種屬性。」Vincent聲音再次變得洪亮，向已經覺醒能力的眾人說明：「第一課覺醒能力已經完成，呢樣就係要教大家嘅第二課。」

Lm

推

自己推一推先

主角係咩都用到既神

推

Vincent清清嗓子，開始向眾人說明：「主動對人嘅能力，例子係Marla嘅心靈感應，係要人手發動，而且只可以對人使用。」



Marla和Gary對上一眼，原來Vincent果然知道他們的能力。



「主動對物嘅能力，例子係阿淵嘅造物能力，都係人手發動，不過只可以製造死物。」

「被動對人嘅能力，例子係Gary嘅自我重啟，自身控制唔到，一觸發就會自然發動。」

「被動對物嘅能力，例子係楓嘅霧氣，一樣都係觸發條件就會自然發動，只不過佢係對環境使用。」

Vincent把四種屬性的能力都解釋一遍。



「咁你話我地嘅能力係可以進步，即係點？」Gary問。



「講得冇錯，想像能力同人一樣，可以不斷成長，視乎你點學習同點應用。」Vincent接著說：「所以，實戰係最快成長嘅方法。」



「咁即係我地又要再打過？」露仁夾問。



「講得啱，呢個就係第三課，你地用啲時間去了解下自己能力先，最好就唔好畀人知道自己用咩能力，戰鬥嚟講，邊一方有最多秘密就最有利。」Vincent話畢，眾人便四散，去嘗試自己的能力。



「仆街！咁你做咩講我地啲能力出嚟呀！」阿淵說。



「你地比較有經驗，所以算係平衡翻。」Vincent答。

「咁我地呢？你話我地係被動，咁點先觸發到條件？」阿藍問。



「等我睇下先，阿藍，阿輝，Peter，你地三個係被動能力.....」Vincent思考數秒：「你地三個可以互相搵下對方有咩觸發條件。」



「又話你嘅能力係咩都知，你直接講畀我地聽仲好啦。」阿輝不耐煩地說。



「咁呢層我都無能為力，冇發生過嘅嘢我係唔會知道。」Vincent回話。



「唉，算數，我自己去練，你地唔好煩我。」說罷，阿輝便獨自離去。

「咁....我地一齊發掘下對方？」阿藍對Peter說。



「好，但試下唔好講得咁Gay。」Peter尷尬一笑。



說就說互相發掘，但二人其實都毫無頭緒，對覺醒能力一事束手無策。



「不如我地一人講一個方法畀對方試，可能會有效。」阿藍提議。



「都好，咁我講先啦。」Peter想了數秒：「不如原地轉三個圈，然後大聲叫一下！」



「.........」阿藍呆了看著Peter，心想這小子是不是捉弄自己。



「哈哈....諗住咩都試下嘛....」Peter說。



阿藍聽到後想想也對，其實現在的情況至好甚麼都試一遍，於是跟著Peter說的做。



「啊啊啊啊—！！！！！」阿藍轉完三個圈後大叫一聲，可惜沒有任何變化，只有四周的人用奇怪目光看他。



「出現喇！！被動對人能力！！大叫就可以吸引視線！」Peter興奮地說著。



「屌你係咪玩我呀！！！」阿藍怒吼。

peter串過碼頭咕喱

玩鳩人

「........」Peter靜了下來：「好啦，到你指示我。」



「頂你做咩唔答我！！」阿藍立即說出指示：「你衝去除人地條褲！」



「.....講真架？」Peter不願行動。



「係你自己講，咩都要試下。」阿藍盯著Peter。



「好啦....」Peter見阿藍都跟著自己提議做，也沒理由拒絕他。



話音一落，Peter便看準時機，以極快速度衝過去獵物方向，他的獵物正正就是露仁夾。



Peter把他的褲子一把脫下，在那黑色運動褲內，露出了粉紅色豹紋內褲。



「喂你做乜鳩呀！！」露仁夾抓著那條脫到一半的運動褲，拿起武士刀追著Peter來砍。



「唔好意思呀！！我做緊訓練咋！！」Peter邊跑邊解釋。



「原來佢會著粉紅色豹紋底褲....」在旁觀察的阿淵泛起了謎之笑容。

經過一番追逐後，Peter便帶著傷痕回來：「點解你要叫我咁做....」



「諗住睇下你畀人追打會唔會觸發到能力啫。」阿藍說。



「唉！算啦！我地繼續！」



二人便開始各種奇怪試驗。



「Vincent，我有啲嘢想問下你。」阿輝回到Vincent方向。



「嗯？咩事？」Vincent回話。



「其實呢度咁多人，你逐個教，浪費哂自己啲時間，對你有咩好處？」



「呢點我已經回答過，我係想....」



「呢個我知，我係想問，你到底有冇其他目的，有冇嘢瞞住我地。」阿輝打斷了Vincent說話。

「咁....你覺得會有咩瞞得住你地？」Vincent答。



「哼，我就係唔知先問你，點知你會唔會連嗰個所謂咩都知嘅能力都係呃我地？」



「既然你覺得我教你地嘢都係害人嘅話，咁我都冇嘢好講。」



「點解你要係咁回避我問題？我問緊你有冇嘢呃住我地。」



「我冇。」



「唔該哂。」阿輝狡詐地笑了一聲。



Vincent聽到後臉色一變，凝重地盯著阿輝，神通說明書能力開始發動，得悉了他的能力。

「無可否認你好多嘢都係講緊真話，我本來都諗住放過你，但你始終都露出馬腳。」阿輝解釋自己的能力：「我嘅能力係測謊機，只要人地一講大話，顯示喺頭上嘅數值就會變大，應該係屬於...被動對人？」



「就算你知又可以點，你片面之詞有邊個會信？」



「你咪睇下啲人信唔信囉。」語未，阿輝轉身帶笑離開。



Vincent睽著阿輝的背影，心中懊悔著沒有更小心地提防別人，以自己對心理戰暸如指掌為傲的他，內心已經暴跳如雷，居然栽進了這個小滑頭手上。

「啊....好攰呀...點解仲咩都未發生架。」阿藍和Peter累得躺在地上。



「唔好放棄呀....仲有機會架.....」Peter垂氣地坐起身。



「你睇下你幾頹先得架，邊有說服力。」阿藍躺在地上，瞄了Peter一眼便合上眼休息。



「唉，快啲起身！時間冇多啦！」Peter呼叫阿藍。



「得得得！而家起。」阿藍繼續合上眼伸一伸懶腰。



「嘩！！！！！」Peter看著阿藍驚呼。