【我每晚都會發比呀哥追殺嘅惡夢】

多謝支持
Peter能力係主角光環

講下笑 遲啲會揭曉

RPG城內，阿淵派出了二十多名分身去應付人數眾多的掠奪團。


掠奪團內多半數人當初只是覺醒了能力，沒有聽Vincent建議去訓練能力，所以對能力都是一知半解。


面對阿淵分身的強硬武力攻擊，只是防禦已經很是吃力。


「班人真係好食懶飛，咁多人都唔夠佢打。」阿輝對露仁夾說：「你應該應付到呢個軍火佬啦？」


「咁當然啦。」露仁夾回話，再看看身邊的嗜血獸幼體。


「露仁夾出手，我地就可以輕鬆贏啦！」其他人開始歡呼。


「唔好咁講，都要你地幫手。」露仁夾對他們微笑，然後一刀刺進身旁的人：「都要靠你地啲血嚟進化嗜血獸。」


一個接一個的掠奪團成員，隨著露仁夾的笑聲之下陣亡。


此刻Hugo把地轉化為彈性結構，衝向Peter。

由於Hugo速度極快，Peter走避不及，硬生生吃了一記重拳。


「嗚！」Peter被擊中，向後急步卸去衝擊力。


Hugo沒有留手，繼續追擊Peter。


「Hugo！唔好咁重手啦！」Marla把聲音傳送到Hugo腦中。


但Hugo仍然不為所動，運用能力一次又一次地攻擊Peter。


「點解佢完全唔留手，唔通佢真係背叛咗我地？」阿淵說。


「冇可能，Hugo唔係啲咁嘅人。」Gary說：「佢咁做實有原因，雖然我唔知點解呀，但配合下佢啦。」


「咁你地帶埋呢把嘢畀Peter用啦，係我為佢度身訂造。」阿淵交了一把狙擊槍給他們。


說罷，Gary和Marla便去幫Peter抵抗Hugo。


Gary一下從旁撞擊Hugo，當然，Hugo反應敏捷，馬上跳起避開。


「你想玩？我地一齊嚟陪你玩！」Gary說。


「..........」Marla嘗試對Hugo用讀心能力，但只是看到他滿腦子都是攻擊Peter的畫面。


Peter本來被Hugo按在地上瘋狂猛打，現在他被Gary使開了，二人站在Peter前方，與Hugo對峙著。

「Peter，阿淵叫我畀呢把嘢你。」Marla把狙擊槍交給了Peter。


Peter一拿上手，手型恰到好處，重量也不多不少，就好像為自己度身訂造一樣。


Gary也從褲袋拿出一把短柄，按下開關，變成一把激光劍。


「呢把咪係阿淵把激光劍？」Peter問。


「係呀，我終於攞到嚟用！」Gary興奮地說。


咻—！


就在三人對話其間，Hugo向他們擲了一記長矛，正好刺在了Gary的大腿上。


原來Hugo利用能力，把RPG城隨處可見的騎士雕像手持的長矛拆下來，對他們展開攻擊。


「死仔，都未講開始！陰我？」Gary忍痛把長矛拔了出來，他的被動能力很快就治癒了傷口。


「小心，佢仲有第二把長矛！」Marla用能力讀取到Hugo的下一步行動。

「佢應該睇穿咗我能力嘅弱點....」Marla說：「雖然傳遞訊息可以遠距離，但就算對方喺附近，我都要見到人先至讀到心...」


三人聽到後都不禁用力嚥下口水，Hugo原本應該只是純粹推測，卻漂亮地利用了敵人的能力去引出自己的弱點，把自己的優勢最大化。


Hugo已經不是當初那個初次入夢，被Peter胡亂打死的文弱書生，靠著自己的智慧成長和戰鬥。


「你地借開少少，我要開槍。」Peter準備扣下板機：「我地睇唔到佢，佢一樣睇唔到我地，佢亂拮，我就亂開槍，睇下邊個死先！」


砰—！


子彈極速穿過，濃霧也跟著散開。

Hugo把地板結構瞬間轉變兩次，一次與泥土脫離並拿上手，另一次把地板變得堅硬，防禦槍擊。


子彈正好命中變硬後的地板，原本子彈威力足以貫穿地板，Hugo也不得不佩服Peter及時的應變能力和射擊準繩度。


「咁就解開咗佢呢招。」Peter說。


「我以為你投擲叻啫，射嘢都咁叻架咩！」Gary驚訝地說。


「我都係第一次用槍，只係搏一搏，睇嚟我天生就有啲射嘢才能...」Peter回話。


「唔好傾計，佢又想嚟喇！」Marla提醒二人。


Hugo把幾塊地板連接起來遮擋自己，一來當成盾牌，二來防止Marla讀心，其間不斷接近三人。


「Gary，諗辨法令佢喺空中，咁樣佢就冇得擋。」Peter悄悄地說。

「吓，無啦啦點整到佢喺空中呀。」Gary回話。


「呢樣我有發現，頭先我讀取Hugo心嘅時候，佢遇到攻擊好多時第一想法都係跳起避開，你想撞佢嗰時，佢都係用彈跳避開。」Marla說。


「而且Hugo仲有個致命弱點，佢唔知有咩物質係防禦到激光劍，如果唔係啲矛你就唔會砍得開。」Peter繼續推理。


「咁我就有計啦！」Gary說。


話音一落，Gary一馬當先，拿起激光劍，砍向Hugo的盾牌，如三人所料，Hugo無法防禦激光劍，於是棄掉盾牌。


這次輪到Gary乘勝追擊，馬上用劍揮向Hugo，無處可逃之下，只好利用彈力跳起，避開攻勢。


「估中哂呀！」Peter趁Hugo跳在空中時，對準Hugo的腿扣下板機：「我唔會殺你，只要令你失去活動能力就得。」


砰—！

文

peter: 你會輸嘅原因只有一個，就係激嬲左我

Peter講呢句都幾型

一口氣追到live

呀藍

多謝支持

混亂的戰場中，能夠吸引小秋注意力的只有楓。


楓無助地站在阿輝的身旁，沒有動靜。


只是看見人們互相廝殺，他那八字眉彎得更是厲害。


小秋把今晚進夢的唯一預知能力，用在了唆使楓離開守護軍的阿輝身上。


預知的內容和時間是無法控制，原本只想看看那阿輝有甚麼弱點，好便對付，但卻看到了一個令人震撼的畫面。


RPG城中，將會一片死寂。


「楓，你真係唔去大顯下身手？」阿輝問。


「我....我唔想傷害佢地....」楓回答。


「....好。」阿輝淡淡地回應。


本來以為楓能成為掠奪團的一大戰鬥力，沒想到居然如廢物般地呆站，不過也算撇除了對方能夠使用的棋子，對自己方不算損失。


「搞咁耐，都唔見Vincent出現。」阿輝笑說：「可能驚得濟，扔低哂啲朋友就走咗。」


「...... 」楓沒有回話。


「喂！畀翻哥哥我呀！」小秋衝到阿輝那邊。


「畀翻你？我都冇攞過，你地對佢唔好，佢自自然就願意跟我啦。」阿輝再補一句：「講到佢成件貨咁，你又好冇意思呀？」


「你...！」小秋終於知道阿輝的鼓舌有多狠辣：「我用能力見到，呢度將會變死城，肯定係你搞出嚟！」


「你話係就係？有咩證據？」阿輝說。


「哥呀，你跟我走啦，唔好痴住呢啲衰人！」小秋想拉走楓。


阿輝見狀，想出手制止小秋，但又生怕傷害到她，楓會發起飆，到時自己也會受到牽連。


原本在指揮戰場，又要監視Hugo的阿輝，被小秋過來打擾，一心未能三用。


於是三人就在這個場面僵持不下。

轟隆—！


「餵血都餵到差唔多，應該可以打得。」露仁夾說。


露仁夾的嗜血獸成長到極大程度，猶如電影中的巨大怪獸那般，驟眼看也有至少十層樓高。


用牠那強而有力的掌爪一掃便破壞掉一棟建築物，瓦礫散在一地。


RPG城內煙火瀰漫，各人吃盡塵灰，廝殺與嗜血獸的吼叫聲成為了這場戰爭的背景音樂。


「Shit…..」坐在工作室的阿淵真身脫下耳機，向上看著那巨型怪獸。


就在被破壞的那棟建築物，底下就是阿淵發動能力的基地，想不到嗜血獸隨意一掃就把收藏中的工作室揭露。


「呵，原來收埋喺地底，你而加冇得匿啦！」露仁夾使喚嗜血獸攻擊基地。


阿淵當然另有一手準備，馬上開啟防護罩抵禦猛擊。


但嗜血獸也不是省油的燈，一掌一腳暴烈地猛攻半圓的防護罩。


「損毀10%、損毀27%、損毀42%......」警報系統發出防護罩損毀提示。

9成Peter搞到一片死城

阿淵要繼續控制分身就要留在工作室，要不然就得放棄大量戰鬥力，基地更會被破壞，同樣死路一條。


鍵盤上噠噠作響聲未曾間斷，阿淵心裡著急，不停發出指令用武器攻擊嗜血獸，但牠皮厚肉硬，受到多重攻擊都未能傷到分毫。


一陣影子瞬間飛過，啪噠一聲，嗜血獸的雙眼被割開，發狂地痛苦吼叫。


「唔好意思，嚟遲咗，但應該時間啱啱好？」阿藍站在半圓的防護罩上。


「如果可以早啲就仲好。」阿淵急忙地說：「我而家諗緊辨法解決隻騎呢怪，你幫我一齊搵下，佢實有啲地方係致命弱點！」


「好，交畀我。」話音一落，阿藍合上眼，對嗜血獸猛攻。

但一打之下，卻發現怪獸的外皮異常厚硬，即使用極鋒利的鐮刀都做不到太大傷害，利用加速能力又看不見位置。


就在阿淵和阿藍雙管齊下，合力攻擊嗜血獸的時候，露仁夾一刀砍在防護罩上。


「你條友又嚟搞住哂？」阿淵對露仁夾說。


「你放棄啦。」露仁夾繼續破壞防護罩：「我地咁多人，打消耗戰，會輸嘅都係你地。」


「收撚皮啦，人多蝦人少，仲要打唔贏，想我投降？好難呀！」阿淵回話。


「其實我地有咩分別？你今晚殺咗幾多人？仲想扮清高。」露仁夾說。


「我地唔係為咗利益而殺人，同你地班自私撚唔同。」阿淵雙手手指極速敲打鍵盤，幾名分身趕來解決露仁夾。


「到底有咩值得你地咁樣堅持？」露仁夾問。


「唔知呀........良心掛。」


阿淵心想，自己要應付露仁夾，同時要兼顧找出嗜血獸弱點，是極困難的事，只好把希望放在阿藍身上。

peter條廢物快手啲做下野好冇
快啲用無敵嘅白金之星諗下辦法

會唔會主角未覺醒就死晒啲人

死晒d人先會覺醒

輕輕一推