【我每晚都會發比呀哥追殺嘅惡夢】

「簡單d講應該就係一流血就好難止血嘅病，因為平時只要唔流血都唔影響生活，所以我都好少提起....」我試著向他們講解。




「但係臨床實驗聽落好危險咁....會唔會有咩事？」Marla一如以往的替人擔心。




「我諗冇事，個醫生都話好安全，而且我都同阿爸阿媽交代咗件事。」


我對他們說，


「如果我有咩事，我信你地都會嚟幫我嘅！」




「咁都係，我地是但一個出咗事，我都信你都會盡全力救我地嘅。」Marla對我露出一個笑容。




「係架，值得保護嘅人都會出盡全力，係咪呀Hugo？」


我對Hugo打了一個謎之眼色，


「你同Stephy有冇咩進展先。」




「咩話！！Hugo同Stephy…..估唔到，原來你上次問我係有原因嘅！」Marla大吃一驚。




「係咪上次ig嗰個排球女仔？？」Gary跟著追問。




「咳咳，Peter你個死仔....」


Hugo面紅耳赤，想不到才子也有這含羞答答的一面。




「但講開呢件事，我又發現到一樣奇怪嘢。」


Hugo臉色馬上變得凝重，


「我曾經嘗試過同Stephy連夢，但每次都係失敗收場，冇一晚成功連過夢。」




「唔係應該諗住對方就連到架咩？」我問。




「奇怪嘅地方就係呢到，我同其他人單獨連唔到夢。」


Hugo看著Gary和Marla，


「甚至係佢地我都測試過係單獨連唔到，但只要諗埋你，就會成功一齊相連。」




「咁奇怪....？」我對此現象摸不著頭腦。




「所以我又作一個大膽嘅推測，Peter你，應該就有可能係令呢個夢發生嘅關鍵人物。」Hugo指著我。




「關鍵人物....？我.....？」


到底是？

lm

血友病係連夢嘅條件

此時，Hugo、Marla和Gary的身影開始逐漸消失，




「睇嚟今晚嘅時間只係去到呢到，我地聽晚再繼續練習幻想力啦。」Hugo伴隨著聲音消失了。




「聽晚再見啦Peter。」Marla也跟著回到現實。




「小心畀人拎咗去改造呀！拜拜！」Gary也抽離了夢境。




我還停留在夢裡安好無恙，


看來副作用真的令我睡得很香.....


也沒有外界的影響讓我醒來。




如果這次真的能夠一勞永逸，把血友病治好，


那就不用每次流血都大費周章，更遑論要去醫院治療。

說起血友病，小時候就因這病在我心中留下一根刺，


那時候適逢農曆新年期間，剛好親朋戚友都到家裡作客。

基於我和哥哥都不是愛好熱鬧社交的人，


這情況多數都會一起躲在房間打發時間，


但為人弟弟的都知道，遊戲機只有一部的話，就永遠也輪不到你玩。




「哥哥！！畀我玩下啦，淨係玩一舖得唔得呀？」我哀求哥哥給我玩遊戲機。




「你邊到識玩呀？等你睇我玩多陣再畀你試下啦。」哥哥繼續他的遊戲。




「呀呀呀！唔得呀！！我要玩呀！」我開始不停地鬧彆扭。




在房間中到處跑跑跳跳，企圖可以藉此騷擾哥哥，

砰！




我卻在床邊踏空了，剛好把頭撞上枱角，


有點暈厥的我更絆倒，整個人摔在地上，


我只感到疼痛，接著便是放聲嚎啕大哭，


哥哥不知所措地站在旁邊，看著頭部流血不止的我。




「咩事係到嘈交呀？」媽媽與其他親戚到房間查探。




「嘩，做咩你個仔流咁多血架！」


「一睇就知嘈到打交啦！」


「乜個呀哥出手咁狼死嘅，打到個細佬咁。」


「都唔知係咪有暴力傾向添呀，都唔知點教出嚟。」


來八掛的三姑六婆正在趁機起哄。




「哥哥！你係咪打到個細佬咁！你明知佢有血友病都咁做？」


媽媽使勁扭著哥哥的耳朵，大聲訓斥他。




可是哥哥卻沒有作一句聲去為自己辯護，只是默默接受媽媽的責罵和體罰。




「衰仔！你以為唔出聲就冇事？」


媽媽也打得喘不過氣來，開始停手，


她罕有地對哥哥進行如此嚴厲的打罵，


現在回想，也對，在那麼多親戚壓力之下，媽媽也只能有這舉動。




「你打夠啦嗎？」


哥哥走到我面前蹲下，示意讓我被他背著，


「唔該借借，我想送細佬去醫院止血先。」

哥哥不介意我當時滿身血液會沾污他的衣服，


更沒有把是我自己鬧彆扭導致意外發生，跟他沒關係的事實說出來，


任由其他人對他指責，任由媽媽對他打罵，


親自背上我送到樓下坐計程車到醫院。




那是我第一次感覺這個病會對別人帶來很大麻煩，


也是我對哥哥感到愧疚的一段回憶，


那時年紀還小，怕被懲罰不敢把真相說出來，


但我想那時我心裡對哥哥內疚的痛，早已經比肉體的傷害更痛。




我欠哥哥的，還可真多。




回憶結束，時間一分一秒的過去，


我仍然沒有一點要抽離夢境的狀態，


感覺比起平時在夢境的時間還要多出一倍。




「唔通我係現實世界出咗咩事？」我開始焦急起來。

佢地係夢成晚第2日會唔會好似冇訓過咁好攰

Lm

如果夢入面活動量大 應該係精神上疲勞

pish

出唔到夢鳥 現實係畀醫生麻醉咗瘋狂肛交緊

加油呀樓豬 寫呀哥嗰part幾好

「你發現到啦？」


一把男性聲音從我背後發出。




「崔醫生.....？」


為甚麼他能在夢中出現。




「係咪好奇怪點解咁耐都醒唔返？」


崔醫生慢慢向我走近，


「等我同你解釋。」




崔醫生一改他本來的陽光氣息，


那種笑容蕴藏著一股陰險.....不，


要更貼切說的話應該....是邪惡！


每一下的腳步聲都把我震懾住，身體僵硬不敢動彈。




「你以後....都會繼續留係呢個世界，唔會醒返。」


崔醫生把他的手搭在我肩膀上，在我的耳邊說話，


「但你放心，你係呢個世界一定會活得比現實世界更美好。或者咁講，呢到先係我地嘅現實世界！」




「你.... 究竟想點！」


想不到這個崔翼望也不是甚麼善男信女。




「我只係，用統治者嘅身份賜予你永生。」


崔翼望發狂似的笑著，把雙手張開，


「歡迎嚟到我呢個名為「極樂」嘅世界！」

「極樂？！唔通我已經死咗？」




「你可以咁理解，但只要喺呢個極樂世界你就擁有永生。」


崔翼望向後打了個手勢，


「好快你就會愛上呢到嘅生活。」




他身後出現兩名陌生人，


我感覺不太對勁，打算向後逃走，


不幸地，後方也同樣出現兩名陌生人。




我無處可逃。




「崔翼望.... 」我一路被那些人押走，看著崔翼望的身影逐漸遠去。



「你地係咩人？」我試著向那些人打探情報。




「我地係「極樂」嘅居民。」




「你地都會被困住喺呢到？點解會幫崔翼望做嘢。」




「唔係困住，係醫生將我地救返，賜予我地新生！」




他們是甚麼人，竟然對崔翼望如此著迷？


崔翼望說這是他的「極樂」世界又是甚麼意思？


在這個夢世界背後的一切似乎絕不簡單。

有文

我被他們押到去遊樂場的入口，


一個貌似售票處的地方。




「請出示你嘅印記，證明你有資格成為極樂嘅居民。」


售票處的職員對我說。




「咩印記？」我疑惑他的意思。




其他人掀起我的衣袖，把我上臂露了出來，


我的上臂外側多了一個不知名的印記，


它是一個奇怪的圖案，一條蛇纏住一根木杖，


我有印象在曾經看過類似的圖案，但我不知是甚麼意思，


猛然回想，崔翼望那封信上也有此圖案！




他們捉住我的右手，放上售票處的櫃台上，


那職員拿出一部仿如條碼掃瞄器的東西，


放在我手背的上方，突然有一股灼熱疼痛的感覺，


仿佛要把我的手背烤熟，我一度嘗試掙脫，


但礙於其他人的限制下，整個過程都動彈不得。




「３８６....」這串數字烙印在我的右手背後。




「恭喜你已經成為極樂第３８６位居民。」職員興高釆烈地說。




「太好喇，我地又多一個居民！」


「醫生一定會好開心！」


「多謝醫生賜予我地係極樂居住嘅權利！」


「多謝醫生賜予我地新嘅生命！」


其他在場的人都開始熱烈歡呼，為此而慶祝，互相擁抱，


雖說他們臉上流露的是滿足愉快的表情，但這種高興氛圍，


在這情境下顯得格外詫異恐怖。




就好像是進入了某個邪教的聚會一樣，


他們就是被寫入程式的機械人，進行這種指定動作，


要形容得更明確的話，他們應該是被「洗腦」了。

話咗出唔翻去㗎啦

我慢慢步入遊樂場的閘口，


遊樂場目測面積不小，就在外觀察也可媲美一個標準的大型樂園尺寸，


有一道如同岩壁的圍牆聳立在它的外圍，恐怕要侵入也不是易事。




不知是否受到緊張心情影響，裡頭的氣氛總讓我覺得異常，


遊樂場裡有著用來居住的房屋，房屋有條不紊地排列成井字型，


每間都是純白色的設計，就像醫務所的那個房間般，


那種白得令人窒息的感覺。




走過的路上只要途經有人出現，注意到我存在的話，


他們都會馬上放下手上的任何事情，向我微笑點頭示好，


每個人都是那張眉歡眼笑的臉，有如複製表情一樣......

樓主考哂mid term 啦？出文咁密嘅

終於解脫啦

你就好啦 我今晚仲有mid term

加油呀

「你地點解會係到.....有咩目的？」


我按捺不住內心的惊悸不安，想知道那個崔翼望到底對他們灌了甚麼迷湯。




「既然你都已經成為我地嘅一份子，咁同你講都冇所謂。」


一位男性居民率先回應我，


「我地都曾經發過一個好可怕嘅惡夢，夢入面我地都係植物人，呢一世可以活動返嘅機會近乎零。我地嗰陣叫天不應，叫地不靈，好想開口講嘢，但個口點都打唔開，想死又死唔到，掙扎係痛苦邊緣入面。」


他再把雙手合十緊扣，滿懷希望地抬頭看上天空，


「但係呢個時間醫生就出現咗！將我地救返去現實世界！仲安排好哂地方畀我地住，更加訂下完美嘅規則制度！為我地帶來新生！！」




其他人見狀也把雙手合十緊扣，抬頭看上天空。


「感謝醫生！」


「醫生就係我地嘅聖人！」


「醫生。」「醫生！」「醫生。」「醫生....」




「你地係咪誤會咗...？呢到先係夢世界...」我嚥下硬如石頭的一坨口水。




「呢到係現實。」他們停下歡呼讚美，一副目無表情的看著我。




這裡是現實。




這五隻字，既駭人又心寒。

瘋了，


這群人真的瘋了！


我是到了一個怎樣的世界，一看到他們這德性我就不寒而慄....


必須要想辦法逃，此地不宜久留。




「我明喇，原來呢到先係現實世界！醫生萬歲！Yeah！」




他們聽到我這樣說後，又變回那張虛假的笑臉，各自繼續自己的事。




我立刻觀察四周有沒有可利用的東西作為逃跑工具，


在離開民居不遠處的遊樂場攤位，正擺放著好幾套小丑戲服和化妝品，


其他的攤位檯面上還有種類不少道具，


附近還有一個大型的吊鐘，用彩色繩索作為連接懸掛在一座樓前面，


腦海中已經有對策開始浮現。




我靜悄悄走到攤位旁，拿起一把連同刀鞘的飛刀放在褲袋後，


然後步近到合適的位置，在旁人看不見的死角，


嗖——！


我用力把刀甩了出去，


砰！！！


我的投擲技能果然不負所望，成功把繩索切斷。




在眾人被摔下來發出巨響的吊鐘吸引其間，


我用極快速度奔向小丑戲服的位置，


直接套上連身衣，戴上爆炸頭假髮，把白色化妝品塗上臉上，


再加上一個紅鼻子，變妝完成。




我低著頭，小心翼翼的走到出口，


為不露出馬腳，以正常步速掠過道路，


眼見出口就在前方，成功在望！




「咦，Peter你換哂衫準備出去邊到?」


剎那間，入口的職員叫停了我。




「唔撚係掛，我化到咁你都認得我？」