【我每晚都會發比呀哥追殺嘅惡夢】

「你...好特別，明明幫我嗰陣係個好聰明嘅人，但另一面又咁笨手笨腳。」Stephy俊忍不住，對著Hugo笑了一口：「我叫Stephy呀，傾咗咁耐，都未知你叫名？」



Stephy的笑容非常燦爛，滿滿的陽光氣息，與平日冷漠孤傲的她大相徑庭，彷彿就是從冰雪中融化的太陽一樣，而吸引Hugo的正正是這個笑容，令他一見傾心，但誰又料到，聰明伶俐的他會因愛情又淪得這副模樣？



「我叫Hugo。」Hugo回答。



「你就係.....Marla同我講嘅嗰個男仔？」Stephy既驚又喜。



「係呀....嗰日你冇嚟到...」



「哈，我講過我係好怕麻煩嘅人，即係懶，嗰日只係我瞓晏咗，本身都想嚟架，不過又廢事出門口....」Stephy接著說：「講你講翻聲對唔住先，今次請你食飯當無數好冇？」



「都好！哈哈！」他們打破尷尬，繼續飯局。



Gary見狀，知道Hugo已經漸入佳境，豎起手指公便轉身離開。



二人一直聊個不停，並說好下次再約，與Marla、Peter一起外出遊玩。

推！ 幾時再返主線呀

舖排緊架喇

Gary步出茶餐廳，心中正為朋友的愛情進展順利而感到喜悅，但走到半路時，驟然聽到巷子裡傳出爭執聲。



「點解你要去書店偷嘢？」一把女聲說：「咁做係唔啱架。」



「你唔使理我，我想做自己鍾意嘅嘢。」另一把男聲說。



「你同我翻屋企，重新.....」話音未落，那女生就被推倒在地，另一位男生就揮袖而去。



Gary在後偷偷八掛發生何事，只看見那女生穿著運動外套，頭戴上外套帽子，把自己包得密實，坐在地上發了瘋般抓著自己身體。

唯獨看見的半臉和雙手都血跡斑斑，亂抓過後便是一場痛哭，目睹一切的Gary不忍這女生如此可憐，也好奇她的身體為何留下血跡，就上前關心。



「你冇事嘛？」Gary拍了拍她的肩膀。



「嗄！」那女生明顯異常驚慌，馬上就向後移動，和Gary拉開距離。



「使唔使咁驚.....我睇下你有冇嘢要幫手啫。」



「我....冇....」女生把帽子拉得更低，想要遮擋自己的臉。



「但你成身都係血喎？真係冇受傷？」



「呢啲....呢啲係......」女生結結巴巴說不出話：「你唔好望啦....」

「呢啲係濕疹...？」Gary凝視著她：「我好似係電視見過。」



「嗯....我好醜樣....你唔會想見到....」她用雙手擋住自己的臉。



「講咩呀你，你點睇都似有問題喎。」



「你唔好理我啦，如果你睇清楚我個樣，一定唔會咁講....」



「你又會咁自卑嘅....我覺得幫一個人唔需要理佢係咩樣。」



「個個把口都係咁講架啦，當見到我真面目嗰陣，結果咪又係走夾唔抖，掂都唔想掂到我，你唔使再扮好人啦！」女生激動地說，露出了一直遮擋著的臉。



驟眼看下去，果然是充滿著一道道由濕疹造成的疤痕，有些還是鮮血淋漓，說真的是有點令人驚駭。

駭人場面相當諷刺 你及時遞上餐紙

支線? 等睇樓主兜返去主線

去為我清洗襯衣

算係一啲舖排

「嚟，唔好坐喺呢到，好污糟架。」但Gary絲毫不介意，二話不說捉住她雙手，把她拉起身。



「吓，我...我地去邊呀？」女生被他拉到了大街上。



「我送你翻屋企啦。」Gary再望望女生：「順便，同你傾下心事啦，我做樹洞好叻架。」



Gary自己沒有想，也想不明白，為何要去幫助一個素未某面的濕疹女生，可能最近幫人的經歷多了，自自然然就成了一種習慣，他卻不知自己已變得好人好事，只是單純的做想做的事。



「點解.....你唔驚我傳染你咩？」女生問。



「唔好玩啦，濕疹點會傳染架，雖然我唔係話十分聰明，但呢啲常識都係有嘅。」



「如果其他人都好似你咁就好喇.....可惜呢個世界....每人都只係偽善，內心都係醜陋無比。」說罷，女生又把帽子拉低，擋著半張臉。



「嗯......」Gary思考數秒：「我叫Gary，你叫咩名呀？」



「我叫小秋...」



「想唔想去一個好好玩嘅世界？」Gary突發奇想。



「好好玩嘅世界...？」小秋疑惑地看著Gary。

屌 gary啲對白咁似啲變態阿叔呃小妹妹

好好玩嘅世界

一座規模龐大的遊樂園，中間夾雜著一些色彩豐富的房屋，每人都忙著自己的工作，雖然辛勞，但臉上都是掛著真實而又幸福的表情。



這裡不再是昔日的「極樂」，不再是那種機械式的規律，而是一個精彩的新樂土。



「原來人係可以一齊發夢架.....」小秋驚喜地看著四周：「呢度好靚.....」



「唔只靚，呢度仲可以免費任玩，而且仲冇啲大陸人逼住哂同打尖添！」Gary拉起小秋的手：「行啦，我地快啲去玩。」



「我都未試過去樂園玩......平時根本唔敢去多人嘅地方。」小秋淺淺一笑：「而家....好開心。」



二人興奮地同行出發，小秋嘗遍了以往想要遊玩的機動遊戲，跳樓機、過山車、海盜船，每種都會令人腎上腺素飆升。



Gary雖然有些沒膽去玩，但為了哄小秋，只好硬著頭皮上，有想嘔吐的感覺就被想像能力重新啟動自己。

最後，他們去乘坐摩天輪，在高處觀賞這世界的壯麗景色。



「我都未試過係咁高睇呢個世界。」Gary也驚嘆這絕色。



「如果係夜晚，可能會更加靚。」小秋雖然盡興，但臉上始終抹不掉跟隨自己已久的悲傷神情。



「話時話，今日同你嘈嗰個男人係邊個嚟？」Gary問。



「嗰個....係我哥哥，佢叫楓。」小秋臉色明顯變得黯然：「佢成日都試好多嘢，想搵一個鍾意嘅嗜好，但次次都半途而廢，最近佢試嘅嘢仲越嚟越奇怪，好似今日咁，就去書店偷書。」



「......竟然有啲咁奇怪嘅人？」Gary追問：「你地關係好差？」

「咁又唔算好差，只係我唔想佢再咁落去。」小秋接著說：「佢咁大個人都冇穩定工作，又成日搞啲麻煩出嚟，咁樣遲早出事。」



「咁你都幾為佢著想喎.....」Gary看著小秋。



小秋被眼前這個待她如此親切的男生吸引住，平常戴著整身濕疹的她莫說是男生，根本連任何人都不願靠近一點。



「Gary。」小秋叫Gary。



「做咩？」



「你真係唔介意我.....咁樣？」



「點樣？我唔覺你有咩問題喎。」



此時，摩天輪來到了最高點，在半空中，視平線中再看不見其他建築物，眼內剩下對方，彷彿這世界只容得下他們兩人。

「不如去湖嗰邊坐下？反正未醒。」在摩天輪轉動時，小秋看到不遠處有遍淨湖。



「好呀，我無所謂。」



二人來到了湖岸。



「呢晚，真係過得好開心，多謝你。」小秋邊走邊說，漸漸靠近湖邊。



「唔使，我都係受人感染，無啦啦變到想幫下人。」



就在Gary說話的時刻，湖面上映照出令小秋極為震撼的畫面，她馬上摸一摸自己的臉，再蹲下看清楚湖面。



「點解會咁....」小秋驚訝地說。



「咩點解會咁？」Gary問。



「我啲濕疹冇哂。」



「係呀，咁又點？呢個夢係咁神奇架啦。」



身上濕疹已消失了的小秋，皮膚變得光滑潔白，輪廓也比以前突出美麗，本來就應該是擁有花容月貌的她，在夢裡回復了那種嫵媚，那種健康的姿色。



小秋心中大受感動，Gary在看見她變漂亮後態度也沒有半點改變，就如他在現實中對待自己般，一視同仁。



「原來你....真係唔介意我個樣變成點.....」

Pish

翌日Gary如常回到學校。



路上，Gary回想起經過昨晚與小秋的痛快遊玩，驀然發覺上次Hugo說過曾嘗試和Stephy單獨連夢是不成功，需要連Peter同想方可，自己是怎麼單獨連夢成的呢？



想著想著，就憑自己的石頭腦袋是想不通，直到回去班房，看見Hugo的臉，更為大驚，馬上把事情拋諸腦後。



「嘩，你咩事呀？」Gary問Hugo。



「吓，我會有咩事呀？」Hugo春風滿臉，嘴角不禁上揚，和平日的文靜模樣迥然不同。



「睇佢個樣都係十月芥菜啦！」Peter知道Hugo的愛情路現正一帆風順，雖然嘴上嘲弄他，但內心也是替他高興的。

在三人討論之際，旁邊的男同學們都討論得興高彩烈，聲勢更是蓋過其他人，令人不禁仔細八掛他們的話語內容。



「琴晚又畀「七色極光」打贏！佢地七個夾埋真係好奸！」

「佢地搶咗七把神器，每人揸住一把，根本冇得輸！」

「今晚我地再睇準機會，同佢地搏過！」



原來話題也依然循環在之前的熱門遊戲，是甚麼新穎的玩法，同學們都如痴如醉，教這遊戲勢頭一時無兩？於是Peter便試試向他們提問。



「你地講緊嗰隻....係咩遊戲嚟架？」Peter搭話。



「咩遊戲？」男同學們聽到遊戲二字愣了愣，便相視而笑，眼神頗有小覷之意：「好～複雜，好～難玩架啵個遊戲，你唔識架啦。」



「咩遊戲咁巴屎閉呀，連你地都玩到，我地更加冇理由唔識啦，講啲玩法嚟聽下？」Gary見他們態度惡劣，便率先挑釁對方。

「哈，首先呢，你就要畀人抽中先玩得嘅，同其他人連線玩都好講技巧，生存系統都非常真實，冇咁上下技術嘅人就可以收皮先。」那位男同學再補一句反擊：「呀，你地應該都冇抽中隻遊戲啦，如果唔係就唔使求我地講啦～」



聽到他們的話如此無禮，Peter和Gary都感到不滿，打算再說話駁回對方，但卻被Hugo制止了他們。



「喺到同佢地嘈都冇用，蝕底只會係我地，翻去搵下個遊戲仲好啦。」Hugo阻止他們，不想他們在班上惹起事端。



二人都聽Hugo的勸告，當下忍氣吞聲，開始上課。



入夜，Peter回到家中，對今早說的那款遊戲念念不忘，不時上網搜尋資料，可惜都一無所獲，只覺自己猶如廢物，想知道的事都查探不到，越憶起各種迷團，越是氣憤，於是蓋起被舖，倒頭睡了就算。

...............

..............................

「呢度，我仲未見過，唔通又有新區域？」Peter再次連進了夢，看到一個陌生的新地方。



這裡天空一片灰濛濛，到處都是中世紀的英式建築，大街小巷，建築不時貫串著大草地，不遠處還有些巨型古堡，恰似設定於中古時期的RPG遊戲世界。



「琴晚殺得超爽，起身又得到啲著數，發現到呢個遊戲真係好彩。」一個男子說。



「啍，每晚都有啲傻仔不知好歹走嚟挑戰我地，明知我地執到武器架啦，係要送死。」另一名男子回話。



隨行的人有七個，他們衣裝奇特，每個人都明顯有不同的所屬顏色，彷似一道彩虹活現在眼前，Peter想起了今早同學們的討論，其中有提及過「七色極光」這奇怪稱呼，所有線索頓時連接在一起。



「點解佢地都會連到入夢.....？」Peter驚訝著這新消息。