【我每晚都會發比呀哥追殺嘅惡夢】

Lm

推

有文啦

G持

「Peter你其實就係構成呢個夢世界嘅伺服器。」Hugo覺得Peter需要知道此事：「崔翼望就係想培養住你個腦，等佢可以永遠掌握呢個世界，所以先用計捉你。」


「我....？點解會係我....」Peter聽到後大驚。



「呢層真係唔知，只係崔翼望咁講，佢唔係蠢人，佢自己一定有資訊確實到先會行動。」阿蓮說。



「睇嚟我又多一樣煩....」Peter看似迷團已逐步解開，但其實反之是越來越多不明其解的事繼續出現：「點都好，叫做告一段落。」

其後，時間過去，事件完結有一個星期，Peter也已經出院，回歸正常的校園生活。



父母嘮叨幾句，似乎對他的生死沒太大關心，同學們得息此事都寒暄半句，然後就像沒有發生過此事般，一切回到最初的模樣。



而校園中正在熱烈討論的話題，乍看是某款新興的遊戲？



「喂，今日連唔連線一齊玩？」



「好喎，琴晚都仲未玩夠！」



Peter聽見不禁好奇，是甚麼遊戲令同學們如此興奮難奈。



回頭便問問Hugo和Gary，二人都答覆不知，推斷應該是最新的連線遊戲罷了，他們都不以為然。

「Peter，你過一過嚟，我有啲嘢想搵你幫手。」Hugo在下課後把Peter拉到一旁暗角說話。



「咩事咁神秘？」Peter問。



「仲記唔記得上次約Stephy打排球....」



「啊....！係喎，冇問題，我搵Marla幫手約佢！你放心啦。」Peter拍拍心口保證。



「唔好咁大聲！」Hugo這個才子對情愛回事真是沒徹。



Peter回到家後，一通電話，把事情原委告知了Marla，二人在話音中為此事無所不談。



說說男女雙方的趣事，發現兩邊都是善男善女，就決心把Hugo和Stephy攝合成一對。

Live啦
大推！g持樓主

「咁我就約Stephy同Hugo一齊玩下排球喇！」Marla說。



「好，揀定個日子我就同Hugo講啦。」



「就咁話。」



接著Peter便把相約日期告知了Hugo，叫他如期到該地點與意中人會面。


「嗱，幫就幫你約咗喇！跟住睇你造化啦。」Peter和Hugo再次到暗角。



「唔該哂，我會把握好機會！」Hugo表示感謝。



過了約定當天，翌日回到學校。



「點呀？順唔順利呀？」Peter拍了拍Hugo肩膀。

「佢....冇出現到.....」Hugo雙目無神，雙手垂下頹然而坐。



「吓！冇理由架，約啱哂時間地點架。」



「我信你呀....佢可能...純粹唔想識我....」



「我諗唔會嘅，聽Marla講佢都係個好女仔嚟。」



「佢的確係。」Hugo嘆了一口長氣：「算啦，等我沉澱下先。」



一直到了放學，Hugo獨自前去書店閱讀散心，他不敢妄自揣測女孩的心思，只望自己對她的這份心意能夠在某日傳遞，現在受了挫折，唯有找找事做，把思緒淡忘。



「這個世界容許了太多自作多情，有人被女人斜著眼睛瞟了一眼，就覺得自己是萬人迷」Hugo手中正翻著一本由夏目漱石著作，名為《我是貓》的書。



他心中暗想，其實有時候就是一個眼神、一個笑容便足以令對方著迷，就好像自己當天初次遇見那個她這般。



而意想不到的是，Hugo在這地方重遇那個令他如痴如醉的眼神，Stephy正正就在前方閱讀書本。

推

推！ 終於有文啦

btw 係得悉

講故台錯字王

Stephy看書看得入迷，她的烏黑髮絲扎成一把清爽的單馬尾，與社交平台上的照片有所差別。



照片上的她看起來像是陽光正面，有著健康體魄的運動少女，但現實中卻給人一種冰冷高傲的感覺，散發著不可隨便靠近的氣場。



Hugo手上的書本已沒有比這女孩更大的吸引力，已把所有注意力轉移到她身上，不過看見Stephy邊走邊看，快要步近書店的防盜器。



嗶—嗶—嗶—嗶—！



「喂小姐，你做咩？你知唔知偷嘢係犯法？」書店職員立刻上前截住Stephy。



「吓，唔好意思，我睇得太入神，而家會去畀翻錢。」Stephy解釋。



「唔使講咁多啦，你地班𡃁仔𡃁妹成日係到打書釘死都唔買，而家仲想偷書走？」職員似乎已對年輕人有很深成見。



「我真係一時唔記得，唔係想偷嘢呀。」Stephy有氣沒力地說。



「你唔好側側膊，有咩同警察講啦。」職員決意把事情鬧大。

「等一等。」Hugo看見意中人有危機，自然就想辦法幫忙解圍，跟著上前說話：「佢都未走出書店範圍。」



「我唔理，我懷疑有人偷嘢已經可以報警！」職員不聽勸告。



「既然佢未走出去，咁點解防盜器會響？會唔會係反應過敏，定抑或偷嘢嘅係另有其人？」Hugo把極具說服力的推理說出來。



「............. 」職員一時回駁不到：「最近防盜器就係佢！唔係佢仲有邊個。」



「啊，唔好意思，係我。」一名男子捧著六、七本書，書本疊起來幾乎擋住了他的臉：「我最近練緊偷嘢，點知都係失敗。」



在場的人都詫異這個陌生男子的出現，竟然偷走了一疊書而無人察覺，那男子披頭散髮，皮膚蒼白，卻又不是病態般的白，最令人印象深刻是他眼上那雙憂鬱的八字眉。

「上網睇啲人話道閘係裝飾，點知真係有用，唔知係咩原理呢。」那男子說。



職員頓時反應不來，看著這奇怪男子啞口無言，而Hugo就趁機叫Stephy放下書本，二人抽身離開店舖。



「本書....我真係想買架....」Stephy說。



「我知，我信你唔係啲咁嘅人。」Hugo回話。



「唔係呀，我話做咩唔畀我買埋先就拉我走。」



「吓...呃....咁翻去買？」



「咁又唔使，我諗件事應該搞到好大，翻去一定好麻煩，我最憎就係啲麻煩嘢。」Stephy看著Hugo：「不過點都好，頭先唔該哂你幫我。」



「唔好咁講，我只係講個事實出嚟。」



「而家已經好少人會肯出聲幫人，除咗你，個個都只會當睇唔到。」



咕嚕嚕嚕—

Stephy的肚子發出一些腸鳴音。



「你係咪肚餓...？雖然有啲突然，介唔介意同我一齊去食啲嘢？反正我都有啲餓。」Hugo相約她。



「.......」Stephy沉思了幾秒，回想Hugo剛剛的挺身而出：「....好啦，不過最好去近啲，唔想行咁遠。」她依然保持高傲的態度，但臉上卻因腸鳴音而害羞泛紅。



二人走到附近的一間茶餐廳，揀了個雙人卡位就坐了下來。



「乾炒牛河唔該。」Stephy爽快地點了食物。



「你呢靚仔，諗好食咩未呀。」店員問Hugo。



「呃....」在Hugo思考途中，他忽見餐廳櫥窗外有一張熟悉的臉孔。



是Gary…..他向Hugo打出ok手勢，拍拍心口，笑意淫淫地走進店內，坐在了Stephy後面的座位，正好只有Hugo能看見他。

Hugo看見Gary的出現，已心知不妙，但一方面就猜測著Gary有可能是個情場高手，或許能幫助自己一把。



「咖哩吉飯唔該。」Hugo點餐。



「吉飯？吉雞定吉豬呀？」店員再問。



「.....係呀吉飯呀。」Hugo一時分心，說錯了話，但想著不能在心儀女孩面前失威，只好硬著頭皮照點。



「吉飯？你食啲嘢咁奇怪嘅.....」Stephy疑惑。



「我....我唔係咁鍾意食肉。」Hugo找理由搪塞。



坐在Stephy後方的Gary噗嗤一笑，伏在了桌上顫著身體。

「咳咳，係呢，頭先見你睇關於排球嘅書，你好鍾意排球？」Hugo問。



「我係呀，平時都有玩開。」



Gary從後舉起一本白簿，上面寫著「答你都有留意開排球　我會幫你！」。



「我..我咁啱都有留意開排球。」Hugo說。



「咁巧合？你鍾意邊個排球選手？」一提起排球，Stephy明顯比剛才精神抖擻得多。



「上原亞衣」Gary舉起的白簿上寫著。



「..............」Hugo看到這答案後，為自己竟然對Gary抱有期望而感覺羞恥，大力拍了額頭一下。



「你做咩？」Stephy問。



「冇，有少少唔舒服。」

「咖哩吉......吉飯到。」店員遞上食物。



Hugo也好奇「吉飯」到底會是怎樣的食物，一看竟然是上了一碟舖滿麵包糠並淋上咖哩汁的白飯，他只好找來一瓶茄汁調調味，希望能易入口些。



拿上手後，發現茄汁瓶口擠不出來，倒轉看看有甚麼堵住了，結果誤把醬汁四周亂濺，駭人場面相當諷刺。



Hugo在Stephy面前屢出洋相，慌張得手忙腳亂，完全失去平日那個行事聰明、冷靜的自己。



看著這一切發生的Gary笑得不能自拔，捧著肚子，眼淚水也掉了幾滴下來。



「.........」Stephy及時遞上餐紙。



「.........唔該。」Hugo尷尬道謝。