【我每晚都會發比呀哥追殺嘅惡夢】

推

透過Marla的能力，她、Hugo、阿蓮，三人成功聚頭。




「Marla，你過一過嚟先。」Hugo示意有話想跟Marla說。




「做咩事？」Marla和Hugo站在一個離阿蓮較遠的位置。




「嗰條友，真係信得過？」Hugo問。




「信得過呀，你都知我嘅想像能力係咩架啦，唔會呃到我嘅～」




「嗯....好。咁我就放心啦。」他們回到阿蓮身邊繼續討論。




「而家仲差Gary未嚟.....」Marla四處張望。




「我諗佢仲同皮皮戰鬥緊，嗰女人嘅能力係比較棘手。」阿蓮說。




「咁我地唔好浪費時間等佢，Marla你通知佢戰鬥一完就直接去劇院。」


Hugo提意，


「頭先同條IT毒撚戰鬥嗰時，係佢啲天眼見到Peter同崔翼望喺劇院。」




就這樣，三人快步前往劇院營救Peter。

「Peter！你而家投降現身嘅話刑罰仲可減輕，但等我親手捉到你嗰陣你就喊都冇用！」崔翼望一碰一跌地繼續接近Peter。




「條友真係痴線....畀佢捉到都唔知會點對付我。」Peter躲進了控制室裡的一個地下房間。




崔翼望的腳步聲逐漸變得清楚，他打開地下房間的門，想找尋Peter手臂上發光的記號。




嘭！


「唔係呢個。」

嘭！

「都唔係呢個。」


崔翼望摸黑把一個個在房間的儲物櫃打開，


「個訊號就停喺呢間房，你已經冇可能走得甩！」




「........」Peter躲進了其中一個儲物櫃中，汗流滿臉，屏住了呼吸。

「哼，呢個應該係最後一個。」崔翼望把櫃門打開。




「你食屎啦！」Peter向崔翼望揮出在舞台上撿到的長笛。




「！？」崔翼望的右肩中了重擊。




Peter確實感受到命中了他，心中回想剛剛定下的作戰計劃，


「呢個一係場賭博，以佢咁厲害嘅能力，根本唔使追住我，佢咁樣做只有兩個可能，一係佢發動能力有距離限制，另一個係佢需要見到目標先發動到能力！」


如果崔翼望的能力限制是前者，那麼現在擬定的計劃就會泡湯，幸好這場賭博的勝者是Peter，他更把手臂會發光的記號貼上黑布摭擋光線，在這漆黑環境更有優勢。




「你.....！」崔翼望掩著被打中的右肩。




Peter打算乘勝追擊，繼續攻擊他，再用長笛一棒揮下。




「咩話....！」Peter的一擊竟被崔翼望用手接住。




「你太天真，你唔知雙眼只要經過時間適應，就算係漆黑環境都可以睇到少少嘢咩？」


崔翼望把左手舉高，


「你已經冇棋！」




「嗄！」Peter拿起腳邊潛放好的滅火筒，向崔翼望直接噴灑！




「嗚！咳、咳！」崔翼望被Peter噴得滿身都是白色的二氧化碳，幾乎窒息。




Peter馬上奪門而出，跑回原本的劇院中庭。



「可惡！可惡！可惡呀！點解冇辦法打得低佢！」Peter在黑暗中跑跑跌跌，緊張得要哭出來。




「你仲有咩計？」


崔翼望一柺一柺的走出來，


「你好有頭腦，連我都幾乎畀你逼上絕路，但係呢一刻，所有反抗都要完結，我係「極樂」嘅話事人！」




他左手一揮，Peter頭頂再出現3個方格。頭、葵扇、１５。




「哈哈哈哈！係葵扇嘅１５分鐘！呢種痛，你會比死更難受！」

推

推

推

Peter一聲慘叫，抱著頭在地上一癲一癇，痛苦地抽搐，頭痛欲裂，像是被人用顆大石頭瘋狂猛烈敲打。




「好痛呢？你現實個腦仲有一陣就完成分解，你可以永遠都留係呢到。」


崔翼望輕藐著在地上抽搐的Peter，


「都唔知點解，偏偏你呢條契弟就係夢世界嘅伺服器。」




碰！牆身猛然破了一個大洞，一道光線穿透了原本黑暗的劇院中庭。




崔翼望用手摭擋刺眼的光芒，隱約看見幾個人影，其中一人身形龐大，心中猜想他是阿蓮。




「搞咁耐架！而家先搞掂啲細路，我講過除咗Peter，其他都可以隨便殺！」崔翼望一來就破口大罵。




「乜你以為我地已經畀人搞掂哂啦咩？」Hugo站在了Peter前面。




「竟然係你！？」


崔翼望突然瞄到了阿蓮，便問，


「阿淵同皮皮呢？佢地死哂去邊！點解你會同班細路一齊？」

「佢地已經全軍覆沒，我決定要幫呢幾個細路。」阿蓮回答。




「你個反骨仔！你唔記得係邊個幫你！邊個話畀你知有呢個夢？！」崔翼望氣急敗壞地斥訓阿蓮。




「我知係你，但去到呢一刻，你覺得自己仲係做得啱咩？」阿蓮用一個同情的眼神看著他。




「你老味！」崔翼望想衝上前對他下記號。




「停手！」Hugo把椅子改成可以拆下來的構造，擋住了他。




「走開，你地呢班二打六，我要收哂你地皮！」崔翼望充滿憤怒。




在計一再而三地被打亂，他已經失去平日的冷靜處事態度，失了控地追著他們。




Hugo、阿蓮、Marla，三人成功引崔翼望走出劇院。




「咁呢到就交畀你，我去準備我嘅能力。」阿蓮語畢就跑向另一頭無人的地方。




「又想走，你個仆街二五仔！」崔翼望想追上他。




「你對手而家係我！」Hugo把燈柱扔向了他。

就在剛剛三人趕路過來的時候，阿蓮就已經將自己和崔翼望的能力告知了Hugo。




阿蓮所擁有清醒之花的能力則需要時間發動，並不能受任何外界干擾，所以現在就交由Hugo和Marla兩人對付崔翼爭取時間。




「我記得個二五仔嘅能力係毀滅之花，食咗朵花就會戰鬥力大增，不過只要畀我掂到一下，落到記號，佢都係冇用！」




「咁係你以為啫，我地仲有大把時間同你慢慢玩。」Hugo當然心知毀滅之花是阿蓮欺騙崔翼望的能力。




「大把時間？哈，你地嘅好朋友Peter仲有唔夠１個鐘個腦就會永遠同身體分開！」




「你個衰人！」Marla讀取了他在入夢前安排人手去代替自己完成手術的畫面。




「Marla，唔好激動，幫我睇住Peter先！」Hugo擺出戰鬥姿勢。




「好！」Marla知道Hugo的意思，馬上奔去Peter的位置。



「你應該係佢地之中最聰明，只要打低你，其他人都唔會係我手腳。」語未，崔翼望快速跑近Hugo。




「邊有咁易打得低我.... 」Hugo把腳下的地改變成充滿彈性的結構，在跑動時利用彈跳力加快速度。




「你呢隻馬嬲，淨係識得走！」崔翼望只憑雙腿完全跟不上他。




「捉到我咪話你叻囉。」Hugo知道現在這樣爭取時間已經是唯一的辦法。

推

推

推

推

好文留名

一路追逐，他們兩人來到了樂園的範圍。




「我聽阿淵講，話你想將現實世界所有植物人變成居民，我聽完真係得淡笑，你覺得佢地嘅親屬同政府會同意你咁做咩？同埋佢地點會信你呀傻仔！」Hugo邊跑邊說。




「我有我嘅人脈幫手，你唔需要理！」




「你所講嘅人脈就係靠嗰個叫皮皮嘅女記者？」




「你點解會知....」




「阿蓮變咗我地嘅同伴，你覺得佢會咩都唔講畀我地知咩？」


Hugo繼續挑釁崔翼望，


「連你上新聞單嘢都係靠佢幫你吹出嚟，唔係皮皮呢啲屋企有權力人士嘅人幫你，你根本咩都唔係！」

「你收聲！我係實至名歸，好多醫學界舉足輕重嘅大人物都認同我嘅醫學實驗！」




「醫學實驗？唔會係嗰啲所謂嘅分解技術同特製培養液？」




「冇錯。」




「你真係吹得就吹，呢個世界根本就未有呢種技術！你只係一個冇實力，一味靠吹嘅痴線醫生！」





崔翼望察覺到Hugo是在用激將法誘導他把真相說出，便馬上沉默住口。

gchi 快啲出文

「講中咗？咁又係，你只不過係區區一個醫生仔，偶爾發現到呢個夢就以為自己大哂，可以做皇帝，而家畀幾個細路仔搞衰咗，緊係惱羞成怒啦。」




「如果唔係為咗永遠得到伺服器，我先唔會咁麻煩捉走個細路。」




「伺服器....？」




「反正都係，唔怕話畀你知，你個好朋友Peter個腦就係構成整個夢世界嘅伺服器！」




「原來件事真係咁，唔怪得你係都要捉走佢...」




「仲有，分解技術係真，我冇必要呃你。」崔翼望漸漸走近Hugo。




Hugo臉色沉了下來，希望阿蓮可以快點把能力發動完成。



「點呀？知道真相之後反而驚呀？」




崔翼望本來就已經籍著解釋慢慢接近Hugo，到了適當距離就以迅雷不及掩耳的速度碰到了他。




「弊！」被碰到的Hugo馬上拉開距離，但已經為時已晚。




「你知唔知我憤怒值越高，幸運值都會越高？」


崔翼望把左手拉下，拉出了７、７、７。


「呢個係最高嘅懲罰，只要拉到就會立即死亡，你玩完啦！」




「我一定會救到Peter...」




話音未落，Hugo的身影已消失在夢中。

在劇院中庭，Peter正受頭痛之苦折磨。




「Peter....我地盡緊力去救你喇...你要撐住呀！」Marla讀取到Peter的腦中只有痛楚。




Marla不知如何是好，便把他的頭安放在自己跪下的腿上，造了一個膝枕，用手溫柔輕掃Peter的頭，安撫被崔翼望能力弄得死去活來的他。




「Marla….？」Peter嗅到了熟悉的橘子香味，原本痛得要炸開的頭稍微緩和了一點點。




「係呀，你仲係好痛......我嘅能力可能感受到你有幾痛。」


Marla把頭貼上Peter的頭，


「而且，仲感受到你係呢到嘅孤獨感。」




「.....你嚟咗....實在太好....」Peter勉強說出。




「我知你慣咗自已面對所有嘢，但我地嚟咗，你唔使再自己一個...」




Peter在劇痛中，露出一個淺淺微笑。

推

加速

推

推