【多圖】‎【天文】‎NASA 影像導賞

淋完衫 · 2018-03-23T14:18:15+08:00

今次將會好多old news，飛黎飛去、九唔撘八，鍾意就同留言呢部係朱諾號 Juno 接近木星 Jupiter 嘅artist concept，我估係因為佢太低科技唔識自拍 Jupiter係借羅馬神話中朱庇特 Luppiter (同宙斯同LV)所命名。而神話中，即使Luppiter用雲霧遮掩自己，Luppiter嘅老婆Juno永遠都可以睇清Luppiter。所以Juno就係希望可以望穿木星嘅迷霧。 Juno之前，木星最清嘅正面影像，係由先鋒者11號 Pioneer 11 影低嘅。而最清嘅南北極影像，就係由卡西尼號 Cassini 嘅相片拼接而成。 Juno係2011年發射專門探測木星嘅，2016年抵達木星軌道就影左好多好清嘅相啦。木星同地球一樣都有氣旋 cyclone ，但就勁地球嘅好多。但因為木星比地球大嘅關係，所以氣旋睇落好細咁，大過地球都唔出奇而北半球氣旋因自轉關系，會比南半球氣旋大。雖然都係氣體行星，但土星 Saturn 北極有六邊型結構，木星就冇了。氣旋上，木星除左有著名嘅大紅斑 Great Red Spot 外，原來仲有好多好靚嘅氣旋。呢張相叫 Jupiter Blues 。調一調色，好似梵高嘅星空咁但比起極長壽、被觀測左二百年嘅大紅斑，真係蕓花一現。但科學家都係好想研究佢地，因為木星嘅氣旋系統比地球嘅更複雜。例如呢個由Jovian Infrared Auroral Mapper收集數據嘅合成相片，發現係木星北極有8個氣旋圍住1個氣旋轉。係咁多先，得閒再寫。 ------------------------------------------------------------------------ 舊文：宇宙結構(介紹)： https://lihkg.com/thread/531757/page/1 宇宙結構(解釋)： https://lihkg.com/thread/569997/page/1 平行宇宙： https://lihkg.com/thread/517106/page/1 黑洞： https://lihkg.com/thread/495716/page/1 超新星： https://lihkg.com/thread/484488/page/1 觀測原理： https://lihkg.com/thread/477662/page/1