【喪屍】《末日東方之珠--- 淪陷香港後花園》

今日早收工
出多篇俾各位巴絲過目

今日早收工
出多篇俾各位巴絲過目

24.

好彩而家係日頭。
行動緩慢既行屍拖住扭曲既身體湧入黎，向我既方向前進，唔識排隊既佢地逼黎逼去，睇落相當笨拙。有幾隻就留喺門邊，不斷拍玻璃門，睇黎係因為聞到阿文陣味。

我將十字弓架於肩上，拉弦，深呼吸，左眼閉上，右眼對準瞄準器。
經過五年既訓練，瞄準變得如呼吸一樣簡單。

咻———哧—咻———哧—

two down, nine to go.

咻———哧—咻———哧—

突然，其中兩隻行屍改變移動方向，向玻璃門後走去！
阿文左手用力捉實玻璃門，壓向自己，當作盾牌，右手拎實軍刀，隨時準備迎戰。
趁行屍轉移視線，我即刻將背袋入面既箭匣倒哂出黎，將空箭匣換成滿箭箭匣。

「噁啊！」一隻行屍突然加速，向阿文張開血盆大口。

阿文舉起右手，手起刀落，軍耳由行屍頭頂一劈而下，行屍頓時應聲倒下。
豈料此刀用力過猛，軍刀不慎卡於行屍頭殼之中，阿文只好彎下身子嘗試將刀拔出。
阿文一邊蹲下，一邊又要繼續拉著門，難以使力，軍刀遲遲未能拔出。

一隻行屍於距離阿文兩米處跳起，準備撲上阿文。
咻———哧—咻———哧—咻———哧—
浪費三箭始將行屍拿下。

「Thank you. 」阿文終於成功將軍刀拔出。

「嗚…嗚…」腳邊有一種沉重既感覺。

原來有隻行屍咬緊我隻鞋！

FUCK！掛住望阿文！

我一腳踢落隻行屍度，點知佢不但冇如我預想般跌落地下，反而捉實我隻腳，將我由櫃檯拉落地下！
我將十字弓上既箭射出，一箭擊中將我拉落地既行屍個頭。

四、五隻行屍向坐喺地下既我逼近。

「喀、喀、喀……」無論我扣下幾多次扳機，都冇箭從十字弓射出……

原來頭先嗰枝箭係上弦箭匣既最後一枝箭。

就算我而家企番起身拎新箭匣，未裝得切應該就俾啲行屍咬死咗。

一隻行屍撲上黎，我用盡全力將十字弓頂住佢既喉嚨同佢保持距離。
點解可以咁大力架！！！！
我轉頭望向阿文，諗住求救，點知佢都自身難保，唔知幾時開始，店裡面又湧入一批行屍。

我用力將身上既行屍踢開，但係第二隻好快又撲咗上黎。

第三隻、第四隻、第五隻……

突然，一道叫聲從店中傳出。

「埋黎啦！有肉食啊！過黎啊，死蠢！」係阿恆把聲。

所有行屍聽到阿恆把聲都湧埋去，我先有機會企番起身。

阿恆唔知幾時由房仔出咗黎，企喺木門外面。

「你係咪傻咗啊阿恆，番入去啊！」我一邊換新箭匣一邊講。

門邊已經冇乜行屍，阿文將玻璃門再次鎖上，過黎同我一齊解決店入面接近十隻既行屍。

「冇野喎，反正我都死梗架啦！你地快手啦！我唔頂得幾耐！」阿恆一路喊，一路好大聲咁講。

阿恆不斷敲打牆壁，不斷大嗌，企圖吸引所有行屍既注意。

我好心急，就算阿恆真係已經被感染，都唔應該被咬死咁慘。

咻———哧—咻———哧— 咻———哧—咻———哧—

一枝一隻。

阿文亦將靠近佢既四隻行屍一一拿下。

店內只剩下兩隻行屍。

「Don……」阿文突然目瞪口呆地望住阿恆。

眼前既阿恆同樣地一臉癡呆，無法理解行屍既行為，剩底既嗰兩隻行屍緩慢地靠近阿恆，但只係聞一聞就調番轉頭，轉身面向我同阿文，準備攻擊，好似對阿恆完全冇興趣咁。

阿文回過神來，將軍刀揮下解決一隻，而阿恆亦趁行屍唔注意，從後一刀插入另一隻行屍既後尾枕，腦漿四淺。

「出去…將度鐵閘拉落黎………房仔度…有後門……」阿恆慢慢跪底，有氣無力地講。

阿文聽到即刻，衝出去落閘。

剩底我一個，望住滿地行屍，百思不解。

點解…點解…啲行屍唔會咬阿恆……？

又喺呢啲位停

25.

訓喺地下既阿恆， 話就話係休息緊，但從佢緊皺既眉頭就可以睇得出佢有幾痛。

我將頭先發生既事全部話哂俾泳茹聽。

「即係話，啲行屍唔會再咬已經被感染既人？」泳茹一邊幫阿恆抹汗一邊問。

「嗯，我之前一路都覺得好奇怪，無論係影片入面見到既行屍、西九龍公路既行屍，定係啱啱衝入黎既行屍都好，我地沿路見到既所有行屍，都係屍身完整，只會有一至兩處咬傷既痕跡，亦即係話，啲行屍只會咬人唔會食人，阿恆既情況令我更加確定呢個假設。」

「阿恆？關阿恆咩事？」

「你諗吓，佢話遇到十幾隻行屍，佢跑得唔夠啲行屍快，仲跌低埋，所以先會被咬傷，假設佢冇講大話，如果真係有十幾隻行屍埋佢身，佢點會走得甩？我一個大男人，肉膊既話連三、四隻都搞唔掂，何況佢一個細路？」

「可能……因為佢有把刀喺手？」休息緊既阿恆仍然用力咁捉實把軍刀，泳茹溫柔地將佢既手指打開，拎起把軍刀黎擦拭。

「唔係，我地入黎嗰陣，佢手上面把刀係冇血既，佢根本就冇殺過行屍。所以唯一既可能就係，啲行屍係為咗咬人而咬人，而唔係為咗想食人而咬人，所以只要咬過，只要被感染，佢地就唔會繼續咬。」

「為咬而咬？點解要咁？」

「我都唔敢肯定，但係如果要用動物行為黎解釋既話，最有可能既原因係，加快傳播速度。為咗爭取時間，為咗提高效率，咬完一啖就即刻換目標。」

「嗯……」泳茹好似思考緊我講既說話。

「但係有樣野我點諗都唔明。」我托一托黑框眼鏡。

「咩野？」

「點解阿恆俾行屍咬傷咗，但係到而家都未變異？如果呢隻病毒傳播速度真係咁快，阿恆應該會好似我地之前睇到嗰啲片咁，一被咬就即刻變行屍。」我將眼鏡除低，一邊講一邊抹。

…………

我同泳茹都冇再講野，努力嘗試為呢個無解既問題諗出答案。

「執好啦。」阿文拎住四個滿一滿既背囊入黎房仔。

「四個？」我抬頭望住阿文。

「你唔係諗住將恆仔掉喺度阿嘛？就算佢真係會變做行屍，我地到時先搞掂佢都唔遲。」阿文又再次誤會我既意思，究竟喺佢心入面我有幾冇人性？

「我只不過係諗住佢受咗傷唔好拎啲咁重既野啫。抖多陣，準備好我地就起行。」我企起身，諗住出去睇吓阿文有冇執漏啲咩。

「收銀檯度有個櫃桶……」阿恆唔知幾時坐咗起身「入面有幾條腰帶…非賣品黎既……」

我行出去搵咗一搵，好快就搵度阿恆講嗰幾條腰帶。

我將其中一條腰帶纜上身，款腰帶有暗格亦有刀鞘位，非常方便。

拎起全部腰帶之後，我發現下面有張相。

相片裡有三個人，站著的一男一女，臉上都掛著幸福洋溢的笑容，年輕男子身材健碩，頭上綁著一條迷彩頭巾，手上拿著一隻嬰兒鞋子，年輕女子面容姣好，一臉溫柔賢淑的樣子，手上抱著一個初生嬰兒，嬰兒的額頭上有一塊形狀特別的紅胎記。

同阿恆一樣。

推

Sorry各位大佬
今日用唔到電腦
休刊一晚

Sorry各位大佬
今日用唔到電腦
休刊一晚

下次出返double

Sorry各位大佬
今日用唔到電腦
休刊一晚

下次出返double

即係4篇

Pish

Sorry各位大佬
今日用唔到電腦
休刊一晚

下次出返double

即係4篇

放我一條生路

今晚十點準時出
如無意外的話

今晚十點準時出
如無意外的話

好

阿恆其實係大boss？

阿恆其實係大boss？

你估吓

26-1.

「自救行動？咩黎架？」泳茹拎住差緊電既電話喃喃自語。

【喪屍侵港無能政府人間蒸發－倖存港人自救行動小組】

「咁長既個group名，join黎望望囉。」阿文又望埋一份。


【九龍居民交流區：聽講今朝機場有單大鑊野，好似話機場人員壓力太大發狂亂咬人？大家都係放鬆啲，用輕鬆既心情面對每一日啦～～～(2 days ago)】
【九龍居民交流區：咁多位街坊有冇食早餐啊，新聞報今日下午停班停課，恭喜各位！(yesterday 11:09 a.m)】
【九龍居民交流區：好似話有大型病毒所以先停課，大家快啲番屋企避一避，唔好周圍去啦。(yesterday 13:37 p.m)】
【九龍居民交流區：唔係拍戲啊！係真架！香港有喪屍啊！大家快啲番屋企唔好出街！(yesterday 14:00 p.m)】
【九龍居民交流區：親眼目睹有人一秒變喪屍……(yesterday 17:32 p.m)】
【九龍居民交流區：雖然新聞一路都冇消息，但係facebook同youtube上面都有好多有勇之士拍既片，大家可以上去睇，隨時留意外面既狀況！(yesterday 19:45 p.m)】
【九龍居民交流區：大家臨訓前記得鎖實門窗，將重既傢俬擋住門口！(yesterday 11:57 p.m)】
【九龍居民交流區：政府公佈會對九龍區徹底消毒！有救啦！(today 3:02 a.m)】
【九龍居民交流區：癡線架！原來呃人架！所謂既徹底消毒原來係見人殺人，見屍殺屍，差佬見人就殺，大家快啲走啊！！！！！(today 4:10 a.m)】
【九龍居民交流區：根據消息指出，政府對於亂殺人既行為無作出任何回應，好似話佢本人已經唔喺香港啦，睇黎，我地唯有靠自己！(today 7:20 a.m)】
【九龍居民交流區 更改群組名稱為 喪屍病毒侵港無能政府人間蒸發－倖存港人自救行動小組。】
【喪屍病毒侵港無能政府人間蒸發－倖存港人自救行動小組：估唔到終於有真．港人治港既一日，不過冇諗過竟然係喺咁既情況下……(today 8:00 a.m)】
【喪屍病毒侵港無能政府人間蒸發－倖存港人自救行動小組：我地召集咗幾個人一齊行動，準備出發去搵一個地方作為可以停註留守既地方，請仲生還既各位於下方留言自我介紹並提供地址，我地好快就會出發救援！手無守鐵既街坊記得留喺屋企唔好亂出街。(today 10:30 a.m)】
【喪屍病毒侵港無能政府人間蒸發－倖存港人自救行動小組：為方便行動，希望各位街坊幫幫手，將已知被封道路留言講低，方便我地知道邊啲路可以行車，THX ! (today 00:20 noon)】

「原來仲有好多人冇事架！！」泳茹好興奮咁講。
「我諗如果政府真係封路封得好徹底，話唔定，真係可能淨係得九龍有事。」再加上我每個鐘都打翻屋企，佢地都話屋企附近未見到有行屍，所以我諗新界地區應該都仲算安全。

「西九龍公路、青葵公路、葵涌道、青沙公路、龍翔道……睇黎可以離開九龍既公路都封哂。」阿文將封路個post啲comments全部睇過哂，再喺鋪面搵到既地圖上做標記。

「太子道呢？太子道有冇封？」我指住地圖問。

「好似冇，留個comment問問先。」

叮咚——
阿文部電話突然響起，係一封黎自facebook messenger既訊息。

『街坊你好！我係自救行動小組既管理員，知道仲有人生還實在係太好啦！你地嗰邊有幾多人？方唔方便講埋男女同年齡分佈？』

『你好你好，我地目前4人同行，三男一女，二十幾歲。』阿文手快快就覆咗佢。

『太好啦！我地目前喺沙田賽馬會游泳池留守，尚算安全，而且人力越黎越多，你地有冇興趣加入？大家聚埋一齊安全啲。』

『我地仲喺九龍。』

『仲喺九龍！？你地當中有冇人被咬傷？』

「答佢冇。」喺阿文回覆之前我馬上插話。

『冇人受傷。』

『咁你地當中有冇警察？身上有咩物資？有幾多食物？有冇武器？』

「阿文，你試吓答佢我地有幾個背囊，每個背囊入面都有好多食物。」

「吓？點解要呃佢？」阿文雖然有疑惑，但係一樣照打。

「我覺得佢地問既問題好奇怪，又問男女比例又問年齡分佈，好似想確定我地既條件先決定救唔救咁，佢話佢地人力好多，代表佢地需要既物資亦都更多，話唔定佢地係想瓜分落單既生還者啲物資。而且，距離佢地出post話要去搵地方留守，到而家先兩個幾鐘，咁快就搵到？仲講到好似好全面咁。」

「咁多心架你，話唔定人地係想了解清楚啲啫。」阿文講既亦都唔係冇道理，不過都係小心啲好。

『如果你地有需要，我地就喺廣播道度見面，因為九龍啲路封死哂，車出唔到去，我地會派人由沙田開山去獅子山隧道口接你地。』

『但係我地仲有其他地方要去。』我接過阿文既電話，親自回覆。

『我地真係好有誠意，好需要你地既協助！我地呢度有醫生、有廚師，再加埋你地年青人既體力，一定可以互相幫助，撐落去！再唔係，我地可以晏啲先會合？』

『好，三個鐘後見。』

「泳茹，阿恆，你地拎部電話出黎，去join呢個group。」而我亦都拎咗自己部電話出黎。

Join完個group之後，我地都陸續收到自稱管理員既人傳黎既訊息，訊息既開頭都係問一樣既問題，於是我就用三部電話，回答不同既內容。

我用自己部電話回覆有七個壯男，對方立即以空間不足以接納咁多人回絕。
我用泳茹部電話回覆有三名女護士被困喺沙田附近，對方二話不說就話要搵人去接佢地，連身上有幾多物資都冇問。
至於阿恆嗰部，我就話係一個中學生帶住一班公公婆婆，被困喺有大量物資既勰人院，對方即刻問地址，話要前方支援，不過提都冇提過自己喺沙田有個營地。但係當我提到，其實仲有四個警察，對方就即刻block咗我。

「咁睇落，又好似真係怪怪地。」阿文終於同意我既諗法。

「怪就係怪啲，不過都要去架啦，你睇吓阿恆個傷口，啲血再咁流落去都唔係辦法，佢地嗰邊有醫生，至少可以幫佢縫一縫個傷口。」聽完我既說話之後，一旁既泳茹點一點頭。

「不過，去佢地度之前，我地仲有兩個地方要去。」我將腰帶同軍刀交俾佢地三個。

「邊度？」阿文邊帶邊問。

「油站，同埋九龍灣運動場。」

阿文望住我，望到實一實。

「之前你去既時候，得湯豪同你兩個人，話唔定冇搵清楚，我想同你一齊搵多次。」張叔張嬸由細睇到我大，其實我都唔係唔緊張，只不過萬事以大局為重，有時候好難同時處理咁多件事。

阿文拍一拍我膊頭以示感激。

坐喺角落既阿恆突然舉手。

「我…有啲急尿……」阿恆有啲尷尬咁講，睇佢個樣好似忍咗好耐。

「我同你出去痾啦恆仔。」阿文上前將阿恆扶起，佢指既出去當以係講緊由房仔行出去鋪面，畢竟方圓百里都冇廁所。

霎時間，房仔內得番我同泳茹兩個人。

「泳茹。」我輕聲呼喚。
「嗯？」
「你有冇tissue？」
「有啊，等我一陣。」泳茹喺自己個袋度摷出一包tample，拎咗一張俾我。

我接過tissue，舉起手，輕輕擦去泳茹臉上的血痕，然後從銀包裡取出膠布，貼到泳茹臉上。

「係喎…都唔記得頭先俾恆仔介咗一刀添…唔該阿Don。你同以前一樣…一樣都係咁關心我…地。」泳茹紅都面哂。

「泳茹…我…」

「行得啦！」阿文既叫喚打斷咗我想同泳茹講既說話。

泳茹扶住阿恆，我同阿文一人揹住兩個背囊，由房仔既暗門離開行山鋪，行番去貨VAN。

lm

新毒者留名

目的好明顯啦

新毒者留名

歡迎～～