賈覓
2017-09-23 01:19:23
61.
「好野黎喎,等我黎啦!」阿文一個箭步上前,將我手上既酒杯搶走一飲而盡。
「你……」郭江龍一時唔知應該俾咩反應,就算係再鎮定既人相信都會被阿文突如其來既舉動嚇親。
「阿龍哥真係唔好意思,因為阿Don佢天生呢,就對酒精敏感既,一飲就成身起哂風癩,嚴重起黎仲會休克,真係一滴都唔掂得架!所以由細到大都係我幫佢頂酒既,多多得罪啦龍哥。」阿文揖手做咗個請既動作。
唔識既人真係可能會覺得阿文為我著想得黎又好醒,竟然為咗幫我飲咗杯酒而作咗個咁完美既大話。但事實係呢個並唔係大話,我真係對酒精敏感。
「唔緊要,唔飲得唔洗勉強。」郭江龍邊坐低邊向皓榮使咗個眼色,一旁既娜姐亦都跟住坐低。
「今晚咁開心,我地一於唔好俾佢停!直接進入大家最鐘意既環節,Striptease dance!有請一班靚女出場!」皓榮一講完,現場所有男人都歡喜若狂,不斷歡呼拍手,有啲甚至仲拎起浮板,不斷敲擊地面。
場面十分混亂。
一個又一個妙齡少女從小食亭步出,身上既衣物淨係得胸圍底褲同水泡,帶頭既幾個充滿自信、搔首弄姿,而後面跟住既幾個就手震腳震,頭耷耷眼濕濕。
「Music!」皓榮拍一拍手。
一眾女孩一聽見音樂就開始跳舞。
話就話係跳舞,實質就係行埋啲男人,喺佢地身上面磨黎磨去,就連本身震緊嗰幾個女仔都模仿前面嗰幾個既動作,黎到我地身邊,不停撩開我地件衫,用十隻纖纖玉指觸弄我地既肌膚。
本身坐喺我地身邊既幾個女仔都不甘示弱,利落地將上衣褪去,苙落我地個頭度,陣陣體香傳入鼻腔,加上佢地溫熱既雙唇不斷喺膊頭既周圍錫完又舔,舔完又錫,難怪班麻甩佬咁high。
我望住眼前正準備將熱褲除低既Bonnie,諗住示意佢停止手上既動作。
但係我從佢既眼神中,見到既只有「飢渴」。
並唔係對肉體既飢渴,而係對食物既飢渴。
一般既脫衣舞,如果觀眾睇得happy既話,可能就會攝啲銀紙落啲脫衣女郎既胸圍底褲度,但係喺呢個泳池,喺呢個末世,銀紙自然由食物所取替。
啲男人將一塊塊方包、火腿、午餐肉攝入啲女仔既胸圍、乳溝,而啲女仔一見到啲野食就興奮到不得了,一邊將啲煙肉塞入口,一邊同「賞賜」食物俾佢既男人舌吻。
場面非常恐怖……
我地當然好想救班女仔,但係出黎之前,我一再提醒阿文、阿恆同家明,無論如何都要忍。
「大家冷靜啲,冷靜啲!唔好將辛辛苦苦賺到既糧食用哂啊!好戲在後頭,我地今晚返咗件新貨,保證皮光肉滑,青靚白淨!我地有請,純情小白兔!」皓榮拎住大聲公好大聲咁講。
一個震得好犀利既身影喺如雷般大聲既掌聲之下步出。
Cosplay用既兔耳,雪白到好似新咁既胸圍,白天鵝造型既水泡,十粒葡提子曝露於空氣中既玉腿。
臉上既淚痕清晰可見。
水汪汪既大眼不斷向我投來委屈、懼怕既視線。
泳茹……