路蘭新作 Oppenheimer 劇透討論區 （2）

weekend imax同菲林場爆到好誇張
已經上左個禮拜
對上一次要搶飛係咪avengers

諗深一層，其實我明白ironman嘅動機，同埋佢點解咁憎oppenheimer（以下內容站係lewis strauss立場出發，唔代表本人意見）

Strauss作為政治家，直接幫總統杜魯門做嘢，當然考慮實際啲，適逢冷戰開始，美國對蘇聯關係咁敏感，軍備競賽，要顧及對家原子彈趕唔上自己之餘，又要繼續發展自家核武（H bomb）。

點知你個oppenheimer，啱啱先整完個原子彈出嚟，做咗原子彈之父攞盡彩咁威，而家忽然之間站上道德高地，話自己良心受到責備，竟然唔肯幫手整。

都不特止，我作為政治家唔太識嘢，但係聽到出口同位素畀其他國家，聽落咁助長人哋發展核武，當然反對啦。但係你持住科學家身分，係公開場合笑9我唔識嘢，鄙視我係layman，咁我實唔gur你啦。

你阻頭阻勢，又攬住道德光環唔為國家安全出力，我當然想搞死你。但係你係大拿拿原子彈之父，唔可以公開扯你落台，咪唯有用黑材料攻擊你，屈你係共產黨，甚至係叛國間諜。

我估strauss當時就係咁諗。佢關心嘅只係政治（唔代表錯，尤其係冷戰時期），注定同一班科學家唔夾，只係oppenheimer特別踩中佢心入面條刺。

有一幕全部科學家喺度飲酒開 party ，有個老老哋嘅人行咗入嚟跟住全場拍手，想問嗰嗰係邊個

Niels Bohr
一開頭都有出場 因為係猶太所以二戰走左去瑞典

之後又去咗英國


同埋Oppenheimer 有叫佢做說客 同羅斯福 同蘇聯分享曼哈頓計劃

玻爾？

其實唔只
佢本身係真係好崇拜Oppenheimer
結果一次又一次被自己偶像搞
同埋佢覺得搞鳩Oppenheimer除咗係為國家都係幫緊Oppenheimer挽回形象，成全佢做烈士拎貞節牌坊

有啲因愛生恨

Thanks

呢段關係感覺有啲似莫札特同薩里耶利

喺英國睇咗完全記唔到人名，淨係認得Edward Teller 好似係仆街嚟
但大致上都理解到個劇情發生咩事，我冇睇過劇情簡介就入咗去睇，唔明佢嗰啲物理名詞，我都覺得冇阻我理解個劇情，因為個劇情係探討個男主角嘅心路歷程同埋道德，天人交戰，開頭嗰兩個鐘有幾下差啲瞓着咗，但係試爆完之後果一個鐘我覺得好精彩。

屹鳩iron man 個助手係乜水嚟？

奧本海默真人係咪有焯鳩羅倫斯老婆？

好多interview rdj同nolan都係打呢個比喻

奧本嗰幾位科學家老友
拉比同埋Lorrence (個名好似係咁)都算深刻

果個作家最後點

Tom Conti，兩度見證日本帝國收皮嘅男人

因為佢食煙真係好撚型

Chevalier喺美國搵唔到工，最後去咗法國

最後做咗鐵路工人果個點？

其實佢都老咗
Peaky blinders型到

套戲講得清楚又算易明 拍得好好睇

真
故事緊湊
一啲都唔覺得長

IMAX睇完唔覺得浪費 無冷場 剪接清晰 oppie啲內心戲用IMAX呈現真係好震撼 不亞於啲科幻特效片