[書蟲］你最近睇緊咩書？12

真
中國人落嚟炒樓買水貨都已經屌到飛起
試下好似以色列咁起settlement會點

鬼都係鍾意送書 幾個鬼婆都係拎書出黎抽
都幾開心 好過抽到d垃圾返黎

建議睇埋我以前教授寫嘅 the ethnic cleansing of Palestine

外面盲反巴勒斯坦其實好不智，唔覺得巴勒斯坦啱哂，但就係純粹一堆冇讀過政治嘅人喺出面亂噏

atomic habits幾好啊，都幾容易實踐
我都想收到嘅禮物係書

Exeter

出面嗰班純粹「敵人支持我反對」
因為中共「支持」巴人 咪反巴人

以巴紛爭根本就係多年來 多個因素 (包括一啲西方國家 英法等) 累積 又解決唔到造成

hi 各位書蟲好耐冇見

今日想分享嘅書係由政治學家Jørgen Møller以及Jonathan Stavnskær Doucette撰寫嘅《The Catholic Church and European State Formation, AD 1000-1500》


今時今日講起「現代國家」嘅概念，相信唔少人都會諗起代議民主制，以及由一個個主權獨立嘅國家造成嘅國際社會。

呢兩個現象嘅出現，成因固然相當複雜，而今次呢本書嘅論點就嘗試指出其中一個比較少提到嘅因素：歐洲嘅天主教會。

快速recap一下

自從羅馬帝國當年分裂成東西兩半，西羅馬帝國畀日耳曼諸族入侵


一時間諸國林立
但係公元9世紀期間，曾經有加洛林帝國（Carolingian Empire）興起


領土幾乎一統西歐
後來雖然分裂咗做東西中三個法蘭西王國

（詳情見：
https://medium.com/%E6%B8%85%E6%B6%BC%E8%AA%8C/%E5%BE%B7%E6%B3%95%E5%85%A9%E8%AA%9E%E5%88%86%E9%87%8E%E7%9A%84%E6%9C%80%E6%97%A9%E8%A8%98%E9%8C%84-c8b73ca8c5f2 ）

但係東法蘭西王國實力唔差，一度有再次一統歐洲嘅氣勢
噉點解最尾無成事？

本書作者認為，正正係靠天主教會「從中作梗」玩大陸均勢
避免歐洲出現一個強大嘅世俗政權，此之為「外在平衡」 （external balancing）
同一時間，天主教會亦都促進政治代議制嘅發展，推廣城鎮自治，此之為「內在平衡」（internal balancing）

教會之所以做到呢兩樣嘢，就係因為公元9、10世紀嘅西歐公權力崩解
及後造成嘅社會混亂，就令教會有空間建立自己嘅獨立影響力

例如為咗阻止地方諸侯之間互相攻伐，教會就發起「上帝治世」運動（Peace and Truce of God），嘗試用中交力量平抑武裝衝突


【改革之先聲】

當時西歐地區，有唔少政教勾結嘅現象，神職人員嘅任免權仍然掌握喺世俗政權手中。去到公元11世紀既時候，改革風潮興起，希望教會可以維持自己嘅獨立性，對抗販賣聖職、神職人員不守貞潔等歪風


（留意最初改革派反對嘅世俗權力，只係地方領主，仲未上綱到君主。所以神聖羅馬帝國皇帝有份支持改革派教宗上台，結果搬起石頭砸自己隻腳就係後話）

支持改革風潮嘅人，包括唔少底層嘅神職人員 以及平民百姓。佢地認為只有噉做，先係真正嘅虔誠嘅宗教生活，噉樣佢地嘅靈魂先能夠獲得救贖

當時呢股改革風潮嘅重鎮，源自法國南部嘅克呂尼修道院 （Abbey of Cluny)。其於公元10世紀建立，草創時會旨就講明只效忠教宗，不受地方勢力控制


當時有啲市鎮，世俗及宗教權力都係掌握喺反對改革嘅領主—主教 (Lord Bishop)手中，又或者就算兩項權力名義上分開，都係由領主包庇反改革嘅主教

結果改革派就明白到，「問題喺個制度」
如果要推動宗教改革，就避唔開政治改革

(待續)

1073年，聖國瑞七世 (Gregory VII)就任教宗，原先已有嘅改革風氣更趨熾盛。


其中最出名嘅事件就係敘任權鬥爭(Investiture Controversy)
簡單講就係教宗同世俗政權之間爭奪神職人員嘅任命權


有少少似宜家梵蒂岡仍然同中共講唔掂數

當其時聖國瑞七世出咗一系列嘅《教宗訓令》（Dictatus papae），訂立教宗有權廢黜侵奪神職人員任命權嘅世俗君主


後來佢就以此為由，絕罰(excommunicate)當時嘅神聖羅馬帝國皇帝海因里希四世 (Heinrich IV)

（至於之後佢收回成命，過多排畀海因里希四世反cup，可以參考 https://cuphistory.net/holy-roman-empire-6/）

而聖國瑞七世呢項改革，影響相當深遠，同時埋下之後我哋講城鎮自治嘅基礎

【代議制之誕生】
點解噉講呢？
原來自此之後，政教之間嘅敍任權衝突不斷，令到教廷要處理好多司法紛爭
為咗應付呢啲訴訟
教會開始有系統噉整理教會法（Canon Law）
另一方面11世紀時候，東羅馬帝國嘅查士丁尼法典，畀西歐人喺某間修道院入面揾到，羅馬法因而喺西歐再次復興


上述嘅司法革新，帶嚟咗一啲好重要嘅政治概念，就係我哋宜家講選舉嘅基礎：代表制

有冇諗過點解一個立法機關嘅議員，可以「代表」到一個選區嘅人？
明明每個人都係獨立嘅個體，我又唔係投佢，點解佢可以代表我？？

呢樣嘢我喺另一個post講過
https://lihkg.com/thread/2856707/page/1

簡單啲講
當時嘅意大利以及法國大學，有啲法律學者喺研讀羅馬法嘅時候，超譯咗某啲法律概念
就誕生咗「社團法人」嘅概念：由好多自然人組成嘅團體 eg 大學 ，法律上可以睇做一個「人」
而羅馬法另外一條法律原則“quod omnes tangit ab omnibus approbetur” 「影響眾人之事，由眾人決議」亦都畀學者超譯

兩個超譯嘅概念結合埋一切，就變成一班人可以委派某個代表（proctor）全權（plena potestas）處理呢個團體嘅事務

聽落去係咪同選舉有87%似？

12、13世紀時候嘅神學家就係用呢種社團法人嘅概念，嚟想像基督徒作為一個共同體

【修道院之崛起】

翻番去上面所講，既然宗教改革要同政治改革齊頭並進
噉「政改方案」又會係啲咩呢？

中世紀嘅西歐人，同樣係喺天主教會度汲取靈感
準確嚟講，係人稱「黑衣修士」嘅道明會 (Dominican Order)


道明會於1216年成立，取名自其創始人（同期創立嘅仲有方濟各會，即係當今教宗嘅名號來源）。相對於聖方濟嘅個人魅力，聖道明擅長統籌組織。

組織架構上道明會屬下修道院嘅領導層，由隸屬相關修道院嘅修士選出，選出嚟嘅代表，具有上面提到嘅plena potestas，有權代表其社羣作出諸多決定。所以道明會（起碼喺創立早期）嘅管治作風上係相當民主

而道明會能夠發揮政治影響力，一大原因係因為同各地城鎮嘅政經精英交好。道明會屬下修道院不時提供場所，予議會或公會進行會議或聆訊；修士往往會為世俗政權執行行政職務，當中不乏主持地方選舉嘅經驗。

而數據顯示，有道明會嘅市鎮，轉型為代議制管治嘅比例，足足係無道明會嗰啲嘅三倍



作者認為
要有好似西方噉嘅城鎮自治
則既需要中央政府權力衰落，復有天主教會作為一股平行/平衡勢力

如果唔係的話
一係就好似原先嘅東羅馬帝國（即係俗稱拜占庭帝國）噉嘅政教合一神權統治
一係就社會單純動盪混亂，但係無法建立穩定嘅自治

上面講嘅就係天主教會點樣促成西歐政權嘅「內在平衡」——平民同統治者之間嘅分權

下面就要講「外在平衡」——歐洲分裂無法大一統，列國林立保持均勢

【帝國之分裂】

為咗維持自己對任命權嘅控制，教會儘量唔想有大一統政權出現挑戰自己嘅權力
亦都因為咁，佢地有誘因喺歐洲入面分裂國家
策略上，就係要扶立邊陲抑制中央

例如上面提到嘅聖國瑞七世，其實佢並唔會挑戰主流國家核心地帶以外嘅神職人員任免
佢喺北歐以及英國，就支持嫡長子繼承制；喺日耳曼帝國，就支持選帝制

為咗呢個目的
教會甚至今日的我打到昨天的我
公元9世紀加冕查理曼大帝嗰陣，就講政教合一千王之王君臨天下


但係去到13世紀嘅時候，教會就講“Rex in regno suo imperator”，自己國家自己話事

上述就係 羅馬帝國東西分裂之後，兩邊地域點樣走上唔同嘅發展路徑
畢竟東羅馬帝國屬土，雖然都有政教糾紛，但係並無道統與治統之間嘅分庭抗禮，拜占庭皇帝仍然有權插手教會嘅組織同管治
同樣重要嘅係，拜占庭雖然係查士丁尼法典嘅發源地，但係就冇「超譯」出社團法人、代議制嘅法律概念

整合版

【多圖】【書介】中世紀歐洲點樣逃過大一統命運，發展出代議民主制？竟然同天主教會有關！
- 分享自 LIHKG 討論區
https://lih.kg/3604037

今年渣打馬拉松啱啱曲終人散 就介紹一本關於香港長跑歷史嘅書《香港馬拉松的足縱》





睇書名同目錄 冇錯就係一本講關於香港長跑同馬拉松歷史與人和事嘅書內容就唔詳細介紹了

先講呢本書已經唔係新書 係2017年商務印書館出版
作者係時任香港田徑總會高層/香港體育界嘅高層 雖然本書「官方色彩」濃厚 但觀乎內容舖排 以及民間缺乏香港長跑歷史整理 (有都係一啲零碎嘅) 因此都值得一讀
由於係咁 所以建議大家可到公共圖書館借閱又或得閒去書店打書釘無謂花費去購買

由長跑及馬拉松歷史 可以睇得出呢種運動 由非常小眾變成今日嘅大眾運動以前一般香港人無甚運動嘅概念 諗諗當年歡樂今宵首主題曲「日抖猛做 到依家輕鬆下 食過晚飯 要休息返一陣……」香港工人以勞動藍領工人為主 做足一日體力勞動攰到死返到屋企食完飯仲會去跑步? 不如攤抖下睇電視休息

雖然田總聲稱成立後 「大力推動長跑運動」
係嘅 參與情況係比之前 (只有鬼佬/高尚華人) 普及咗啲啲
但五六七十年代初仍然小眾直到七十年代末八十年代 多個民間長跑團體成立 先真正更進一步推廣長跑運動

書中提及一啲長跑比賽 路線都幾有趣 例如元廟馬拉松攀登獅子山比賽當中亦可了解香港昔日面貌 (獅子山未植林前係禿頭山一個) 以前嘅人係點樣跑比賽 有咩穿戴裝備等

後部份講述香港長跑精英以前資源比而家更少 練習模式亦未有而家咁科學 裝備亦未科技化 所以佢哋得來嘅成績不易但由於咁 香港長跑精英水平 (民間都係) 亦提高咗前人嘅努力 希望可以化為後人嘅動力可惜嘅係 以前同而家都好少全職跑手 (冇改變過)

書中最後提到全民長跑熱除咗田總聲稱嘅推廣之外 其實工種轉型 人們多咗對健康嘅注重 社交媒體嘅興起等 先係長跑普及化嘅因素

今年渣打馬拉松又用人數去打飛機其實如何令新手/打卡fun run嘅人 繼續跑落去 先係重中之重

有冇人知邊到有the last kingdom 既小說買，睇完Netflix 之後覺得小說應該好吸引

留名

獅子山未植林前係禿頭山一個

好似係日佔時期畀日軍砍伐？唔知有無記錯

冇錯

from 漁護署
https://www.afcd.gov.hk/tc_chi/country/cou_vis/cou_vis_cou/cou_vis_cou_lr/cou_vis_cou_lr.html

Lm

睇緊Ｍichael Kulikowski嘅帝國的悲劇

原來基督教教爭同羅馬帝國衰敗係有原因

基督教為害不淺
破壞咗歐洲千年文明基石

其實基督教喺一世紀開始已經有教爭，只係未玩到上國家層面

啲阿伯拉罕宗教就係咁小器
羅馬一手破壞希臘咁多年遺產：多元神
將希臘嘅對宗教、對民主意義變質
甚至乎所謂野蠻人日耳曼人入侵都係pagan 嚟

羅馬第一個自告奮勇放棄多元，推舉宗教專政，開啟咗後尾就算法蘭克政權都為基督而尊嘅局面（發展成後期法國同神聖羅馬帝國），成個文化根本畀基督教搞到崩壞咗

所以其實神聖羅馬帝國係好神聖，神聖嘅意思就係佢好體現到基督教 就係破壞古希臘嘅遺產，令歐洲文化傳承唔到

lm

杜斯妥也夫斯基大家都睇邊個英譯 推薦下

Richard Pevear同 Larissa Volokhonsky 兩公婆譯本

大家有冇咩好睇嘅英文散文集推介？