[書蟲］你最近睇緊咩書？12

bram stoker dracula

比想象中好睇好多

前段高潮迭起

狼群 古堡 海船 lucy westernra renfield

中後段輕輕少拖 鋪排Mina Harker受襲 激勵主角團隊復仇

佢寫Dr Van Helsing 寫得最出色

甚至比伯爵更出色

Renfield 都好有趣 雖然少少拖

終於睇到戲肉打大佬 希望啲聖水大蒜十字架威化餅幫到佢

諗深一層 伯爵煮飯洗衫執床揸車洗厠所一脚踢 呢啲酒店服務邊度揾

正過曬宜家啲 bnb

我唔是呀
我係過度倚賴
好有愛既家庭
拍左拖過度感情倚賴另一半
佢講分手時想死 發晒癲 細佬仔咁

睇緊唐吉訶德，屌你西班牙白卡佬故事，笑到我

感謝分享好書，真係幾易搵到位代入，睇完會有啲得著。不過內容好短，兩三日就睇哂

Don Quixote 好撚正同埋佢既作者視覺好特別

但睇完part 1 放低左 成日想開part 2 都未成功

如果一個月睇得完一本書其實已經回到本，都幾抵玩

主要睇啲書啱唔啱你，啱又睇得快咪抵

有無人睇過 「窮查理的普通常識」？
係一本投資類別定係心理的書籍？

襯有折想入手，擔心如果講投資會覺得悶

未睇過，但你可參考下啱唔啱睇
https://www.books.com.tw/products/0010817729

如果想睇科普類嘅心理學，可以睇下
《思考的藝術》《行為的藝術》或者佢嘅英文版
the art of thinking clearly
仲有一本《生活的藝術》(我仲未睇)，呢本好似冇英文版

暫時睇咗三分之一
覺得似一本講跨領域思考的書多啲
強調知道同應用全部學科的重要理論的重要性
只不過呢一種思考可以應用在日常生活同投資
所以有時會歸類為投資類別

羅琳出嘅偵探系列都幾好，每一本嘅罪案類型同範疇都唔同。另外點解話係偵探而唔係推理，因為除咗推理之外兩個主角嘅生活都係一條主線，但我除咗第5本之外都唔嫌佢地長。而且佢破案之餘都會探討下唔同議題，尤其是女性議題，但又唔係hardcore feminist，係真係老母家姐都會complain嗰種。同埋角色方面係真係乜人（英國人）都有。

用字方面羅琳有時會用啲深啲嘅字，但都係幾廿頁先一個咁。唔使驚，因為連啲鬼佬都要查下字典。但佢真係寫得好有畫面。依家出到第8，每本都keep住好評嘅。長度方面第一本400左右，之後會逐本越嚟越長第5本開始攻破1000。節奏都安排得十分好，除咗第7本埋尾超級倉卒。

audible我冇聽，但係聽返嚟都係話好好，尤期是係英國人，所以你可以聽到好多口音。

你可以上youtube聽下羅琳自己讀新書chapter 1 覺得點

https://twitter.com/rowlingmore/status/1766099007552536820?t=69yBNYdapH2vinGjopo1yQ&s=19

https://youtu.be/9QDICtaZORE?si=D-P17rkzvNdWa-D3

多謝你你本身係閱讀呢套書而唔係聽？

我讀書，我冇聽audible習慣

同埋佢呢個系列都有拍劇嘅，我冇睇，不過兩位演員都幾悅目下

Lm

想問有冇推理小說推介

最近睇完本小說想分享下 叫巴別塔學院(Babel)
會搵呢本書睇最初係因為星雲獎單新聞
有啲好奇大陸點解要DQ呢本書
https://hk.news.yahoo.com/雨果獎首度在中國舉行-多位作家原因不明被-dq-被質疑政治審查｜yahoo-082552441.html
而且呢本書仲要贏咗雨果獎 上網睇口碑又好似好唔錯咁
所以就即刻開咗呢本書睇



本身我睇書就完全唔睇介紹
一開始我仲以為呢本書係科幻小說 (咁話晒都攞咗雨果奬)
大概睇到四分一我先確定自己係睇緊一本奇幻小說

小說簡介from維基：《巴別塔學院》以1830年代的平行世界的英國為背景。在故事中，銀具有特殊的魔法。英國透過使用銀條奠定了全球經濟和殖民霸權。為了利用銀條的力量，牛津大學創建了綽號為「巴別塔學院」的皇家翻譯研究所。而故事圍繞着巴別塔學院的四名新生展開。

咁個故事主要就係講一個廣東出世嘅細路
漂洋過海由清朝嘅中國嚟到英國牛津
點樣學希臘文 拉丁文 再學翻譯同發現帝國嘅運作模式

其實就咁睇個setting就好有趣：1.廣東 2.鴉片戰爭 3.翻譯 4.白銀魔法(貿易) 5.革命
所有原素都好似寫畀香港人睇咁
不過 唔知點解本書睇落又好似冇想像中咁引人入勝
可能係因為個故事有啲左膠大愛......
不斷重覆鴉片戰爭點唔公義 帝國主義應該快啲收皮
老實講呢本書係用亞洲人嘅角度出發寫畀白人睇
香港人睇應該真係冇乜共嗚
同埋有樣嘢搞到我好難投入：男主角明明係廣州人
11歲先移民去英國
但佢由頭到尾都係講普通話而冇講過廣東話
其實寫返粵拼有幾難 點解會搞到出晒戲咁

睇返作者匡靈秀個CV都幾屈機
現年27歲 4歲由廣東移民去美國
喬治城大學歷史系學士
牛津大學中國研究碩士
而家仲讀緊耶魯大學東亞語言文學博士
不過呢種背景都解釋到個故事點解咁左膠

評分7/10
頭10%同最尾10%精彩 中間就……

lm
之前都係因為河蟹嗰單嘢所以聽過本書

就噉聽你講，本書係用鴉片戰爭屌帝國主義
唔係錯，但係似乎浪費咗廣東人呢個角色設定囉即係現實之中都有班商家佬同埋本地精英食兩家茶飯同殖民者共謀，如果觸及到呢啲位會更加有趣
未睇過本書所以純粹9up

最近發現自己面對唔到死亡


有冇巴打睇過咩書係令人有所啟發？
睇咗好多本都係純陳述觀點 無咩領悟性

講河蟹，另一個華裔作家本iron widow 你有冇睇，個premise睇落都係嗰種好符合鬼佬對中國文化嘅幻想

真喎 佢淨係描寫到“漢奸”改邪歸正呢一個角色
明明有好多唔同面向畀佢寫 但係而家搞到勁單一
晒咗佢呢個故事囉
不過啲鬼佬好似好buy呢個作者
佢嘅處女作The Poppy War好似又係講鴉片定毛澤東呢啲嘢

冇喎 YA fiction對我嚟講好似已經太老
我記得以前啲鬼明明都唔係咁寫書
The Good Earth雖然係鬼婆寫 但係我覺得佢寫中國仲寫得好過啲中國人自己寫
近年啲華裔作家好似好多都寫唔出中國最真實嗰一面 (唔排除佢地自我審查嘅)

睇緊宮部美幸嘅模仿犯