[書蟲］你最近睇緊咩書？12

睇曬麥田捕手
幾精彩

但令我震驚既係，我睇外國啲人既分析

佢地話主角可能其實係隱性gay
佢可能鍾意佢室友同埋佢喺酒吧約嗰個學長

另外最後老師可能都係gay，摸佢頭想試探吓
但主角可能接受唔到而跑走

另外，佢個妹性格好好，又成熟又聰明

有冇人解釋點解主角最後入青山

Thanks

想問下大家多數點處理啲舊書
特別係唔會重睇既
如果想放或者捐贈有冇咩平台地方推薦

最近睇咗本書叫當女孩成為貨幣，睇咗中文版，不過建議想睇嘅人睇返英文好我諗住再睇多次英文

本書係講夜店、公關、「女孩」同客戶（勁有錢嘅人）嘅夜生活。「女孩」意思要好靚女、好高，好瘦，仲有分階級，平民、優秀平民同模突兒。

公關同女孩嘅關係好有趣或者甚至係似扯皮條同歧女，因為公關利用女孩嘅價值資本換取經濟上嘅利益，但同時佢地都會眨低呢啲女孩嘅性道德等等。公關透過帶一班好靚嘅女孩、模特兒去夜店，夜店透過呢啲女孩吸引啲有錢人嚟消費，啲有錢人又透過呢啲女孩表現自己嘅地位（睇下我身邊幾多靚女/模特兒），但3方都會覺得呢啲女孩性道德唔好，一定唔會同佢發展長遠關係，或者覺得佢地腦袋空空。

而呢啲女孩其實唔會有錢收，只會有免費嘢食、去旅行等等，除咗呢啲嘢之外都可以話佢地得到一股優越感，因為佢地知道唔係個個女仔都可以入夜店，佢地可以免費入其實代表咗佢地比一般女性優越，有更加好嘅外貌。

睇到呢度都有啲反省自己身為女仔，都跟住啲男仔一齊對女性評頭論足，覺得個女仔樣比自己醜或者肥啲都會有優越感，但其實咁樣係助長呢股剝削女性或者物化女性嘅風氣

款待女孩係VIP經濟經濟，女孩可以獲得免費飯、去玩嘅機會，所以都被期待要同公關去夜店，證明免費嘅嘢果然係最貴。如果想中途走係唔得，因為佢地食咗免費晚餐又有各種事俾公關幫手，所以會有「義務」要留低。

義務係因為女孩係夜店玩係冇錢收，收錢嘅係夜店同公關分佣。女孩唔收錢有兩個原因。第一個係收錢會改變咗去夜店玩呢件事嘅本質，由變成去玩變咗去做嘢，氣氛唔同咗可能女孩唔會玩得盡興，就會影響咗夜店同公關，因為佢地要啲女孩玩得好開心咁嚟吸引啲人去幫襯，所以公關都刻意唔俾錢女孩，如果要去到俾錢搵女孩係好失敗嘅公關。而且好得意嘅係，有啲女孩會真心覺得同啲公關係朋友，佢都知去夜店係幫公關賺錢，但基於親密關系所以唔收錢，佢地覺得自己係支持緊公關。第二個原因係如果收錢好容易會俾人覺得佢地係性工作者，本身佢地呢種關係都係灰色地帶，如果收咗錢更加似做雞，所以佢地唔收錢都係為咗自己形象等等。

仲有好多嘢都寫唔晒建議大家睇下本書

可free
精神書局
解憂舊書店

貮叄書房既話 如果係文史哲書 冇記錯可以係IG影啲書問佢哋係咪可以以書換書

thanks

書送快樂？

克理姆林宮的餐桌，用食物側寫十月革命到普京的歷史，其中烏克蘭大饑荒，列寧格勒圍城到切爾諾貝爾核災令人感觸良多

呢本喺fb成日見到好似幾得意

巴打指圖中第一本?
另外介紹圖中第三本《戰爭的滋味》都好睇
(其實圖中本本都好睇)

呢本之前mark低咗！仲未睇

好詳細嘅讀後感

// 第二個原因係如果收錢好容易會俾人覺得佢地係性工作者，本身佢地呢種關係都係灰色地帶，如果收咗錢更加似做雞，所以佢地唔收錢都係為咗自己形象等等。//

呢段有趣

第一，反映到性別同埋階級兩個dimension之間嘅互動
性工作者都可以按照工作者身處嘅社會階層、服務嘅客羣、以及聲稱嘅工作性質（係咪公開講明性工作）分上下品

第二，當某啲性工作者本身以性嘅商品化為恥，並且以此劃分高低，佢地本身亦都延續緊性工作嘅污名；同時亦都令到佢地更加容易受到剝削

eg無得中途走，難以直接以工作權益為由反抗呢啲無理嘅要求，畢竟你名義上係嚟玩，唔係嚟返工；情況就好似宜家啲「假自僱」合約，通過表面上撇除僱傭關係，實際上係迴避僱主提供保障嘅責任，但係工作上嘅剝削無減少到

（當然我並唔係話佢地應該公開披露自己嘅職業身份；而係講緊佢地基於乜嘢理由去隱藏/迴避自己嘅工作屬性，係會有唔同效果。
好多時候性工作本身會被社羣排擠，為咗避免呢種reperscussion所以低調，係好合理
之但係當呢種本身出於權宜嘅低調，變成對性工作本身嘅貶視，噉就形成成個問題嘅一部分
（當然公關、夜店、顧客對性工作嘅鄙視，喺成件事上面有更大嘅責任）

用另一角度去睇同一件事幾好亦有趣
好似圖中六本書 有四本都係講二戰 但完全係唔同嘅角度

等睇你下次讀後感

No More Mr Nice Guy
發現真係好中

原子力量係咪原力

睇過下原子習慣 都係解構習慣形成
好似明多左少少 但做唔到

書送快樂 係NGO
https://instagram.com/readcycling

以前中學嘅時候有睇過
印象不大