[書蟲］你最近睇緊咩書？12

想問個無聊既問題

新買返嚟啲書通常最底都有一’條‘紙包住書面同書背面，其實係有咩用？

另外，大家睇個陣會唔會將個書皮/封面掉埋一邊？

書腰？
多數係宣傳用途
e.g. 本書/作者拎過咩獎, 有幾多followers
或者書名太抽象嘅時候做少少解釋
呢d資訊唔適合印係封面
所以用書腰補充

不過老老實實
買咗書之後真係唔需要呢d資料
宣傳嘅目標(令人買書)已經完成
多數包書都剩係留封面

最憎電子書封面連埋書腰

一’條‘紙包住書面同書背面

覺得嗰條紙係促銷作用多買書後一手掉咗佢啦
睇書會將書皮收埋 睇完就還原返本書

係啦係啦

原來叫書腰

Thank you

習慣會將書皮拎開睇，唔會跣手書皮又可新淨啲
包住嗰一條叫書腰，我通常會留，爛左嘅話先會掉
書腰通常都係推介嗰本書啲資訊，或者好籠統講本書嘅範圍
都係出版社設計加上去
留定掉都係好個人習慣

原來電子書都有書腰

x2
而家先知嗰條紙叫書腰

巴打用邊種電子書?
我用google play books
自己啲「藏書」有書腰 但打開本書就會冇咗

新手想問下各位巴打有咩推介
自身對猶太文化好有興趣
想搵啲關於猶太人歷史 / 猶太人價值觀 /文化嘅書睇
想問下有無啲咩推薦 唔該晒

講開書腰，我會用嚟當書簽用

我用kobo
某d書打開會show完整封面
但ereader待機畫面都係有書腰
有d書剩係得有書腰嘅封面

我本身都係消極悲觀嘅人，依家個心境有好轉，唔會點諗埋一邊。
人如果揾唔到自己嘅定位，冇目標冇方向，就會好不安好迷茫，對自己嘅價值同能力產生懷疑。長此消極落去，個人變得越嚟越down，見到乜都覺得悲觀絕望。
呢個世界上有好多勁過自己嘅人，天外有天，如果一味同人比較，永遠都覺得自己廢物、垃圾，喺自己身上揾唔到認同感。但係如果一味依賴人哋嘅稱讚嚟肯定自己嘅能力，沉迷掌聲同虛榮，好容易變到唔似原來嘅自己，反而會迷失自我。如果成日俾人哋嘅意見左右，冇自己嘅諗法，容易變到四不像咁。所以，對於某事某物有自己嘅一套嘅思想好緊要，清楚明白到底咩嘢先係對自己最重要。有自己嘅判斷和價值觀，唔會俾人哋意見影響到，唔會咁在意人哋點諗，對自己有咩評價。
我覺得最緊要係揾到歸屬感，有自己一套價值觀，肯定自我價值，同埋有一啲支持自己諗法嘅人。就算個人幾自尊自信都好，有時都會懷疑自己所行嘅道路係咪正確，對於自己嘅前路以及目前嘅諗法感到迷茫。呢個時候，有一班同好嘅支持同鼓勵，就好似打咗一支強心針，有勇氣有動力去面對人生中嘅難關。
如果遇到一班志同道合嘅人，就算一兩個都好，就算只係網上嘅萍水相逢、互不相識都好，總會認知到自己唔係孤單一人，自己唔係奇奇怪怪或者一無是處嘅人，有足夠嘅信心對抗負面消極嘅諗法。同志趣相投嘅人來往交流，有自己嘅小天地、小圈子。
總之，唔好同人比較，唔好在意人哋點諗，唔好為咗遷就人而改變自己，有自己嘅諗法，肯定自我價值，最好揾到人一齊圍爐小圈子。個人定咗落嚟，揾到容身之所，就會產生歸屬感。
睇書可以啟發思考，影響自己嘅價值觀，同埋有一種心靈慰藉嘅效果。讀到好書就好似遇到久遠年代嘅故友，同作者有一種精神上嘅交流，認知到原來有同我差唔多諗頭嘅人，覺得親切到好似知心好友一樣，做到上面講嘅圍爐小圈子嘅效果。
每個人都有需要面對嘅難關，最緊要係對症下藥。睇心靈雞湯泛泛而談，只係一時嘅精神滿足同慰藉，治標不治本，冇解決到埋藏心底嘅難題。心結一日未解，都會有同樣嘅問題存在。針對個人嘅狀況，深究到底係乜嘢令自己對人生感到絕望？解鈴還須繫鈴人，呢一點我覺得純粹睇書幫助唔大。

睇緊呢本
應該有排先睇完

中文書世界先有呢啲嘢

日文書都有

日文書先係起源

其實好似你咁講，有書做自己朋友，有作者或角色身同感受，已經好好，起碼有種即刻可以有抒發情緒嘅地方。

我自己上年發生好多事，好多朋友已移民，無法時時搵佢哋傾訴，個段時間的確睇多咗書，令自己可以平靜咁渡過一啲艱難嘅時光。揀到好書睇，就係求一份安心呢。

再補充：我都係靠書提醒我要學識點欣賞比我叻嘅人，去學習佢哋值得學習嘅地方，同埋唔好格硬將自己同人比較，遠離同你價值觀差好多同會令你壓力大嘅人。

不過書嘅作用都係各人各睇法，始終每個人嘅經歷唔同。我覺得試吓睇先囉，即使係好老土嘅心靈雞湯，都可能會有好嘅takeaway

岩岩被分手 冇左自己
開始養成睇書習慣
見到巴打推薦E本書
又見到書店推薦
買左睇,好好睇 對自己好有幫助 了解自己
睇左一半已經覺得自己獲益良多
多謝巴打推薦

係咪大家都有同本書差唔多嘅童年