[書蟲］你最近睇緊咩書？12

通常科普/人文先會做筆記
一路睇一路記
理解完再用自己wording記, 我覺得最好, 印象會深刻好多

第一次喺個post寫讀後感

最近睇咗一半叫《最高學習法》嘅書，本書有講學完一樣嘢要有output (例如寫感想、summary、同人講學咗嘅嘢、教人 and etc.)，所以諗住攞依本書啲內容寫返自己一啲感想，takeaway同埋有啲咩action items。



簡單講一講啲背景，依本書係一位叫做樺澤紫苑嘅日本精神科醫生所著，佢之前出過一本叫做《最高學以致用法》，主要係講輸出（寫嘢，講嘢同埋行動）喺學習方面嘅重要性，喺日本amazon銷量幾好。而依本《最高學習法》係佢嘅續集，係講有關點樣喺輸入（讀，聽同埋睇）入手去提高學習嘅效率。利申：冇睇過《最高學以致用法》

而我本身睇依本書嘅原因係覺得平時自己好多時睇完唔同資料（網上或者書）好多時好快就唔記得，所以先睇吓本書會唔會提供到啲咩insight作為參考。

本書分為幾部分，首先介紹咗咩為之輸出同輸入，同埋研究發現學嘢嗰陣兩者嘅最佳比例係幾多（輸入3:7輸出）。然後講有關輸入方面嘅rules，而我印象比較深刻嘅有依幾個points:
1. 設立目標，睇自己真係需要/想睇嘅嘢
而家依個時代資訊爆炸，咩資訊都睇再作出處理嘅話好容易令人覺得攰，所以與其咩都睇，不妨考慮究竟咩係最重要，再揀相應嘅資料去進行深讀。

2. 重質不重量，同埋真係有記得睇過嘅嘢先真係叫做有Input
坊間而家有好多講有關速講嘅書，有啲人太追求量多而忽略咗質，同埋自己其實真係有幾多嘢入咗腦。例如有人一個月可能睇咗幾十本書，但問佢究竟啲書分別講咩嗰陣佢永遠都係一句起兩句止。咁樣就算睇咗好多書都好，將書嘅內容轉化成自己嘅知識嘅效率係好低。如果輸出=輸入嘅話，咁依個人實際輸入其實得好少。咁究竟點樣去提高效率呢？

3. 「以輸出為前提來輸入」嘅AZ（輸出前提嘅日文簡寫）方法
Basically就係講喺「輸入」一樣嘢嗰陣，會以之後係要去「輸出」為前提。例如睇一本書嗰陣，會諗之後自己點樣去講返本書嘅重點比朋友聽，或者點去講自己對本書有咩感想等等。咁樣嘅話會令自己學嘢嗰陣有返啲壓力從而增加集中力。本書亦都有提到2個星期內輸出3次或以上會對內容轉化為記憶會有大大幫助。

本書講完輸入嘅basic rules之後就每個chapter再詳細以唔同角度去講輸入法喺讀(read)，聽(listen)，看(watch)，活用網絡(internet)，學習(learn)同進階(advanced)上嘅應用。

我覺得佢啲points寫得比較零碎，例如喺讀嗰個chapter會講有啲咩方法去揀啲冇伏嘅書去睇。喺聽嗰個chapter講讀者可以考慮用零碎時間（例如搭車返工）嗰陣聽audiobook、點樣先為之傾聽、環境噪音同音樂對於學習/工作嘅影響。喺watch, internet等等都係講應用層面嘅嘢比較多，同埋我覺得有時啲內容都開始離題（例如講去旅行嘅優點‥‥‥）同零碎，所以我喺依方面就唔講太多。

我自己對於依本書嘅感想係本書有啲points係幾有趣。我本身都覺得學完一樣嘢輸出依一part係有佢嘅重要性，但本書提出輸出嘅重要性比我想像中要高。另外我覺得本書寫嘅範圍幾闊，講好多唔同方面嘅輸入，甚至包括有睇電影睇藝術嘢等等，有唔少topics都有少少離題，老老實實後面有啲sections我自己睇完都好快唔記得咗啲內容。

我自己比咗2個to-do items自己去做，諗住既然都睇完，點都要take返啲actions去實踐吓書入面講嘅嘢。以下2個（本身諗住3個，但第3個一時之間未諗到）係我暫時諗到嘅action items:
1. 快速咁設定目標同期限，再揀相關書籍/文章「以輸出為前提來輸入」去睇
2. 嘗試搭車嗰陣去聽audiobook

失敗者回憶錄 - 李怡



這本書（分上下兩冊）不單只是李怡的回憶錄，亦是香港的一部歷史書，精要地說出香港淪亡的過程。李怡的背景及閱歷，可以讓我們認識大陸文革的情況、台灣爭取民主的過程、共產黨與今日大陸人特性的關係。當然我們亦可以學到不少智慧的醒世名言。

分享些我覺得感受比較深刻的文字。

一些掌權者常說，「言論自由不是絕對的」。當然，世界上沒有什麼是絕對的。但在現代文明國家，言論自由的界線只有一條，就是不能導致明顯而立即的危險（clear and present danger)。除此之外，言論自由只對掌實際權力的官員有限制，因為他們的言論就是權力實施的一部分。言論自由的這條界線是1919年美國大法官霍姆斯（Oliver Wendell Holmes, Jr.)在一宗案件提出來的。

美國大法官布萊克（Hugo Black）說出一句經典名言：「出版自由的最大責任，就是防止政府任何部門欺騙人民。」

英國哲學家羅素說；「假如我們不想看到我們整個文明走向毁滅的話，一個偉大而艱難的責任有待我們來做，就是守護我們的心智，避免愛國主義的侵入。」

彭定康提出希望國際社會未來用一些明確的基準來衡量香港。他提出的部分基準是：香港是否仍然擁有一支精明能幹且能秉承一貫專業精神的公務員隊伍？身居要職的人員是否深得同事及廣大市民的信任？香港的立法會究竟是因應香港市民的期望制定法例，還是在北京的壓力下執行立法工作？法院是否繼續在不受干預的情況下運作？人民入境事務處是否繼續實施獨立的過境管制？香港是否仍然享有新聞自由？集會自由是否受到新的約制？香港民主會否繼續演進？是否會繼續公平和公開的選舉，選出真正代表民意的立法會議員？行政長官是否真正能夠行使自主權？然後他說：「我感到憂慮的，不是香港的自主權會被北京剝奪，而是這項權利每一點一滴地斷送在香港某些人手裡。」彭定康拿美國作家傑克倫敦（Jack London）一首詩來勉勵香港人：「寧化飛灰，不作浮塵。寧投熊熊烈火，光盡而滅，不伴寂寂朽木，默然同腐。寧為耀目流星，迸發萬丈光芒，不羨永恆星體，悠悠沉睡終古。」

對中國來說，實利比面子重要。面子可以用不同說法去掩飾。王方正的「王氏定律」，就是中國的經濟發展加政治自由等於一個常數。這說法，與西方一些人認為經濟發展可以促進政治民主的想法相反。

翻查人類歷史，一個地方的民主自由，從來不是靠遊行、請願可以得到的，只有靠革命才可以改變。什麼事香港精神？它就是在法治自由的保障下，立足香港，不怕困難、不求掌權者恩𧶽而自立志強的精神。

捷克作家昆德拉說：「人類對抗權力的鬥爭，就是記憶給與遺忘的鬥爭。」

真香港人，共勉之。

我都有睇呢本書，我覺得佢帶出最重要嘅訊息就係輸出重要過輸入。

以前真係無輸入輸出呢個概念，好似溫書好多時會以為坐係度睇住本書咁樣就叫溫書。後尾大個咗同睇多咗人講先知其實要self test、active retrieve 之類先叫成功溫書。所以睇完呢本書先發覺要想真正學習到書嘅知識係要靠同人分享、寫讀書報告等我等先做到。

不過好似你咁講佢中間講嘢都真係好散修修

中華英雄復刻版

睇完動物農莊覺得幾有趣同易入口

但一睇1984 同美麗新世界就好難消化咁，
唔知係翻譯問題定係難明d

呢本嘢我都覺得得你講嗰個重點
其他完全睇唔落，覺得係硬砌到一本咁長
但有因為佢而迫自己輸出多咗

後兩本係真係唔有趣同唔易入
成個氣氛都係有種怪異感

1984都譯得ok喎
你當自己睇緊戲咁
幻想下啲場景

有冇人鍾意睇反烏托邦小說
最近睇緊the road 覺得唔錯

以睇programming書嚟做例子嘅話，我覺得就係可以試下邊睇邊試，唔明就睇多幾次

原來本悲慘世界實體書咁厚

咁厚拎上手睇咪好辛苦
知唔知邊個版本譯得好？
最近愛上悲慘世界嘅音樂劇，都想搵返小說黎睇

美麗新世界唔推介野人出版個本,譯文仲衰過google translate. 見到樓主擺咗係starter pack幅圖到其他中譯本好好多

野人出版翻譯嘅1984都好伏又係譯得超差，差啲睇到棄書

根本唔係中文嚟三部曲得我們叫正常啲

覺得「反烏托邦三部曲」根本係野人作出嚟
英語世界冇見過人會話呢3本係trilogy

1984 我有用podcast 講過下

因為最近以巴嘅新聞，見到有人推介《哈瑪斯之子》，睇咗三分一，幾推介。
作者係哈瑪斯創辦人之一個仔，叛變去咗做以色列線人嘅故事。
佢由細個喺巴勒斯坦嘅經歷開始寫，好快代入到佢哋個世界，同埋都有提到巴解、哈馬斯，同其他伊斯蘭國家嘅權力鬥爭。
好似有套紀錄片，但未睇。

https://www.amazon.co.uk/%E5%93%88%E7%91%AA%E6%96%AF%E4%B9%8B%E5%AD%90-%E6%81%90%E6%80%96%E7%B5%84%E7%B9%94%E9%A0%AD%E8%99%9F%E5%8F%9B%E5%BE%92%E7%9A%84%E5%91%8A%E7%99%BD-Traditional-Chinese-%E6%91%A9%E8%96%A9%E2%80%A7%E5%93%88%E7%8F%8A%E2%80%A7%E7%B4%84%E7%91%9F%E5%A4%AB-ebook/dp/B081GXT69S

啱啱睇完Tara Westover嘅Educated
由一開始睇到尾，好似同作者一齊經歷晒咁多嘢
睇得出作者真係好重視屋企但係偏偏佢屋企係咁樣

1984 只係最後三分一好惡啃，頭三分二都好有趣，所以最後三分一我放棄咗

反而我同你一樣，美麗新世界真係攪唔掂，請問其他巴打有冇邊個中文譯本，想重新挑戰多次

呢本正到仆街作者真係好勁好叻
比較之下 睇返自己遇到嘅困難真係唔算啲乜

第一次入post
想請教下巴打有無關於dopamine既書推介
暫時見最出名都係dopamine nation 想問呢本算唔算易入口