[書蟲］你最近睇緊咩書？12

係呀咩都係嗰度揾，之前見過1500，順豐到付，本身諗住買嚟轉售不過信唔過唔係面交嘅方法

多謝

我通常自己包膠

之前喺依個post #427講過《最高學習法》，我上個星期睇埋嗰本前作《最高學以致用法》。


好老實講，睇完之後有啲失望，覺得最印象深刻嗰幾個points都仲係同#427寫嗰幾個points差唔多。

本身諗住上一本書講咗咁多有關輸出嘅points，諗住喺依本書睇吓有冇啲咩points係特別有用。

Anyways, 照寫3樣喺本書到學到嘅嘢。

1. 輸入 -> 輸出 -> 反饋 -> 輸入
依樣嘢相信對好多人都唔係咩新鮮蘿蔔皮。
本書有講輸入同輸出之後，要檢視自己嘅輸出結果。
如果淨係輸入 -> 輸出 -> 輸入 -> 輸出咁做，中間冇任何反饋依個step嘅話，咁嘅進步空間會冇咁顯著。

舉個例子，我諗大家溫書嗰陣都有試過做past paper。你可以當做本身睇textbook嗰陣講輸入，寫summary同做past paper係輸出，而review自己寫嘅summary同睇自己past paper做成點就係反饋。

如果淨係寫summary + 做past paper，但之後唔review自己錯咩同埋點解會做錯嘅話，咁其實做起past paper嘅effectiveness會相比起有做review嘅應該會有唔少嘅差別。

2. 寫摘要
本書有講寫摘要去訓練自己表達能力同思考能力，我覺得依樣嘢其實係一個唔錯嘅訓練（特別對表達能力同點畫出重點方面）。

例如睇完套戲，大家可以試吓用100幾字去講吓套戲講咩咁，如果發覺冇嘢講/好難用簡短一百幾十字去講嘅話，咁就真係可以多啲去嘗試吓去做依樣嘢。

3. 自我挑戰
老老實實依個point應該有唔少書講過，不過我覺得as a reminder（比自己同其他人）寫埋喺到。

唔知大家有冇發覺set啲目標比自己做嗰陣，好多時做做吓就會放棄，甚至對嗰樣嘢反感？我自己就試過好多次落入咁嘅情況嘅。

其實原因可以有好多種，其中幾個possibilities係：
(a). 個目標太唔清晰
例如個目標係「我要減肥」，但冇講要減幾多，比幾多時間自己去減，有咩計畫同埋有咩潛在難處。
(b). 個目標太離地，或者以自己現階段嚟講太難達成
唔知大家有冇試過睇一本過深嘅書，例如英文水平一般，但又攞本比較深嘅英文書去睇。咁嘅情況下好容易會變成一係好辛苦咁一頁一頁咁去查字典咁睇，甚至睇咗頭幾頁就頂唔順放棄，甚至開始對嗰樣嘢有恐懼感。
依個時候不妨考慮吓去將嗰樣嘢去拆細嚟做，或者先搵一啲簡單啲嘅目標去做，等自己做起上嚟冇咁辛苦，從而令自己唔會咁易對嗰樣嘢咁易產生恐懼。

依本書有個比較大嘅問題係佢同《最高學習法》一樣，寫咗好多個points，但好多樣嘢都係散修修咁，令人睇完冇乜太多記憶點。

話說上次我比咗自己2個to-do items自己去做：
1. 快速咁設定目標同期限，再揀相關書籍/文章「以輸出為前提來輸入」去睇
2. 嘗試搭車嗰陣去聽audiobook

最後到而家都仲未做(1)，發覺自己有時都唔知自己想做咩咁，睇嚟要重新去set aside啲時間去諗自己真係想要/做啲咩
至於(2)嘅話，最近申join咗audible membership, so far覺得audiobook唔錯，好啱搭車/散步嗰陣聽，同埋我睇英文書比較慢，聽audiobook仲易入口。未試過嘅巴打絲打可以去試吓，我相信應該有啲比用audible更實惠嘅方法，睇吓有冇其他巴打絲打講吓。

今次嘅話我個to-do items就比較簡單：
1. Journaling，本書都有講但我上面冇特登去寫。我諗住由簡單開始寫起算。即係就算寫一句都算寫咗。
2. 一個月內喺到寫多本書嘅讀後感（雖然未諗寫咩書）

好耐無入嚟了，呢排亦都冇乜睇書

想問吓大家點keep住自己嘅閱讀習慣？

做咩事冇乜睇?

戒手機
搭車冇嘢做就自動會睇書

多謝巴打推薦，己經睇左Travellers in the third Reich......都有少少感想。
不過我基本上係歷史盲來，所以d諗法都係好膚淺.....而且人名地名我都係完全記唔到。

呢本書，對於我呢個唔接觸歷史的人來講，我都覺得好好睇。佢果d旅居者，有d係學者，有d係其他國家的大使，或者係音樂家。的確係好多唔同的人的觀點。
Overall，我成個感覺係納粹黨的確係一班PK來，但係佢地的表面工夫同宣傳真係做得好好。而且可以感受到當時的德國，直至去到戰爭爆發，甚至乎爆發左之後都仍然係一個好有文化氣息的地方。吸引到好多人去旅遊，至於乎比人洗埋腦。或者有d人就完全唔理政治。

老實講，希特勒呢個人，我淨係從書入面睇。似乎佢係一個好有吸引力，好識做戲的一個人。但係根據書入面的形容，我更加真心懷疑其實佢係咪有少少精神病...... 我睇到一半，感覺上佢由一個笑面迎人的人，好似突然變到好嚴肅，同埋好喜怒無常。定其實佢真係一個演戲大師?

無論點都好，成本書，我都感覺到元首作為獨裁者的魅力，同埋好成功咁洗到一大部分人的腦。即係我即係聯想起中國依家果個獨裁者。成個感覺根本差天共地。當然，我亦覺得可能係當時德國多人反猶太人，變左大家有個對象去發洩，某程度上都係一種分散民眾對政府不滿的手法?

有輕微失望的係，似乎冇乜著墨嚮毒氣室殺人。唔知係咪我miss左，雖則都有好多猶太人被逼害的事例。

另一個感想係，一個恐怖政權的掘起，真係可以慢慢陰下陰下咁出現

「其實佢係咪有少少精神病......我睇到一半，感覺上佢由一個笑面迎人的人，好似突然變到好嚴肅，同埋好喜怒無常」

其實到佢最後嗰幾年 更加喜怒無常 非常神經質 極度狂妄 有證據顯示係受藥物影響 (道友一個) 亦有記錄片提及
書 Blitzed: Drugs in Nazi Germany
Netflix記錄片 How the Nazis lost the war (episode 3)

https://www.eslite.com/product/10012030392682414056002

有冇人睇過呢本？
創造力的修行: 打開一切可能

想鍛煉創造力？

真
好似我宜家咁就係睇睇下書上連登

留名待睇

但呢本都有啲「重口味」奇奇怪怪但好睇嘅
遲啲會介紹本易上手 角度特別 講二戰嘅書

lm

講起納粹
之前睇過幾本都可以介紹下

Richard J. Evans嘅Third Reich Trilogy係有口皆碑嘅入門
雖然厚度都有返咁上下（第一冊600+頁，第二冊800+頁，第三本900+頁）
睇過頭兩本，印象相當唔錯
涵蓋咗社會文化經濟唔同層面之餘，個敍事上大體都係按時序
唔算難啃

節錄下啲有趣嘅段落
宜家政府話派錢鼓勵生仔
但係睇下人地納粹點鼓勵繁衍亞利安血統？
答案係生完仔有特權買餸排隊打尖係咪好吸引呢

On Mother’s Day in May 1939, three million women who had given birth to four or more children each were invested with the title of ‘Mother of the Reich’ in special ceremonies held all over Germany. Their new status was signalled by the award of specially minted Mother’s Honour Crosses - bronze for four children, silver for six and gold for eight or more, an achievement considered sufficiently noteworthy for the crosses to be pinned on by Hitler himself. Wearers were allowed to jump queues in food stores, and Hitler Youth members were instructed to salute them in the street. Mothers whose performance exceeded even this, and who gave birth to ten children, were given the additional honour of having Hitler as godfather of the tenth child, which in the case of boys meant naming the infant ‘Adolf’

另外一本學術少少嘅係Ian Kershaw嘅The Nazi Dictatorship: Problems and Perspectives of Interpretation
側重多啲學術界關心嘅議題

例如話猶太人大屠殺嘅成因係點
係希特拉個人下嘅一盤大棋？
定係納粹德國官僚體制內在互動嘅結果？

呢個就係上世紀Holocaust studies學界嘅一大課題，即係意圖主義(intentionalism) vs 結構主義(structuralism）嘅爭辯
Kershaw本人嘅立場融貫兩派，提出所謂 “working towards Fuhrer”嘅理論（即係「上有所好下必甚焉」），成為當今學界主流

又例如話當今德國人應該點樣面對納粹嘅歷史
應該將佢「常態化」，睇成德國漫長歷史入面嘅又一階段
定抑或是依然有佢特殊嘅地位

呢個就係Historikerstreit

想KEEP住睇書習慣，首先要搵自己真心覺得有趣既野

(近排因為覺得自己好耐冇體會精神高峰體驗/靈性經驗，對宗教心理學有興趣，睇緊心理學之父william james本《宗教經驗之種種》)

主要係冇睇一排書 就pick up 唔返個習慣

搞到而家有時只係興起睇一本書睇幾十頁 下次興起又睇第本咁

時間係有的，不過攞哂嚟玩手機之類⋯

好難的 有時帶本書出街 結果成程冇睇過

得個帶字

比你講到好想睇 Carl Jung 的書也一直想睇但冇堅持

感覺營營役役返工蠶食咗好多創造力
書評有講：藝術是自我實現的最終形式，一種豐富靈魂的高等呼喚
本身冇接觸藝術 所以想了解藝術多啲

我以前都係, 最近換咗做電子書就冇問題
帶住實體書就唔會睇, 帶電子書搭車個陣就會睇

冇乜所謂嘅, 你可以一邊睇小說一邊留意自己有冇其他有興趣嘅類型
唔駛咁快逼自己睇未有興趣嘅書, 買咗唔睇都係浪費咗
培養咗閱讀習慣先, 慢慢嚟

以前睇村上春樹個陣見到有感覺嘅文字會記低係手機

留個名