[D348-] 抗俄衛國 152: 巴赫姆特三面被包圍, but it still stands

https://news.yahoo.co.jp/articles/23f0b466c627a053048d7fff462b1caaa0e02da4

唔關戰事，純粹笑料一則 -

蛾蟈食咗因為抵制而停產，法國雷諾車廠喺莫斯科嘅廠房，並改成自家品牌“莫斯科”後再喺蟈內出售

最後，喺過去嘅一月份，佢一共賣出咗 - 29部

又一千

其實我擔心烏個數都大
頂多個月先有坦克
頂住呀

https://twitter.com/new27brigade/status/1626767692962369537?s=20

我反而認為係普京似思覺失調，所有嘢脫嘢哂現實，只活喺自己的虛構現實中。

呢個係人類“逃避現實失敗“其中一個本能反應。

唔問責仲有得升官

https://twitter.com/new27brigade/status/1626549378705166336?s=20

冇期望，應該又係懶中立，責任在於西方之類的bulshit，最後造成反效果。

重點係：佢做緊的嘢同佢把口講的完全係兩回事。

俄中本一家，系出同源

唔知有冇其他巴打講起過，但我極力推薦Perun呢個YouTube頻道
https://www.youtube.com/@PerunAU/videos
呢位澳洲師兄主要用宏觀、實際嘅角度，去分析而家戰爭嘅局勢，同埋對於唔同方面嘅觀察
佢每條片都至少一個鐘，用PowerPoint慢慢同都大家講解呢場戰爭嘅各個層面，每條片睇完都獲益良多，學到同認識到好多唔同嘅嘢

不過，因為呢個係英文channel，可能有啲巴打睇嗰陣時會遇到困難
咁我見有時間，可以試下略譯下面呢條片
https://www.youtube.com/watch?v=V9xQf8LQgCU
呢條片主要就係講雖然俄羅斯有好多不足之處，同面對好多挫折，但依然係呢場戰爭中具有相當實力、同頗具威脅嘅對手

因為大家睇到既野唔同
我地睇西方同烏軍資訊

有好多地方
特別係歐美
其實充斥中俄propaganda
d內容完全係平行時空

呢d好多都僭伏左好多年
例如
假新聞網站
陰謀論/爆料網
LGBT/環保/勞工/政府政策
基本上可以傳播資訊既地方就有
最近例子係反疫苗
如果仔細睇
你會發現呢d野係中俄係完全唔存在

無得係中國做生意
所以中國唔敢制裁波音

識貨

俄羅斯信息戰——充滿「矛盾」？
- 有好多人成日取笑俄羅斯國營電視、各類俄方政治宣傳，指佢哋充斥好多離譜言論，例如要核平歐洲城市，而且唔同信息有時仲互相矛盾，從而得出結論俄羅斯信息戰非常失敗或者好「白癡」
- 確實，俄方論調充斥好多矛盾，呢點無容置疑
- 例如有俄方官員話，面對嚟自北約同烏克蘭壓境嘅威脅，俄軍火力不足、寡不敵眾，不得不先發制人攻打烏克蘭，但同時間，又會話俄羅斯比烏克蘭同西方陣營強大，西方國家向烏克蘭提供武器，只係延長戰爭，烏克蘭冇可能贏，仲話如果西方國家唔收手，俄軍坦克會直入柏林、華沙
- 咁俄羅斯對比起西方陣營到底係更弱定係更強？答案似乎係why not both
- 政治層面，俄方宣稱對抗帝國主義，但轉頭又有評論員話俄羅斯以前、而家、以後，都係一個帝國，俄羅斯需要捍衛戰略利益，掌控勢力範圍内各個國家嘅内政，所有以前帝俄、蘇聯嘅領土，所有俄羅斯嘅戰略利益，都必須由俄羅斯牢牢掌握
- 就咁睇，俄羅斯係一個反帝國主義，同時又周圍話要「統一」領土嘅帝國
- 就俄烏關係，俄羅斯同烏克蘭人稱兄道弟，話要從基輔政權手中解放烏克蘭人民，解釋呢個其實係一場内戰，係一場悲劇，但之後又有人講，當初Stalin應該要驅逐所有烏克蘭人，基輔應該被夷平，甚至質疑係咪要畀烏克蘭人繼續存在
- 最後，俄羅斯一頭話自己孤軍對抗成個北約，轉頭話俄羅斯並唔孤單，因為有國際支持，遲早會贏
- 睇到俄方自相矛盾，大家可能會笑，但呢個情況其實可以引用游戲界嘅一句説話概括，「呢個係feature唔係bug」
- 因為唔同受眾係會接收到唔同嘅嘢，尤其係而家社會有好多同溫層
- 反美嘅人會接收到反帝國主義的宣傳，從而支持俄羅斯；俄國境内嘅極端民族主義支持者留意嘢宣傳，會係吞併烏克蘭領土、光復帝俄
- 有啲宣傳針對國外，有啲針對國内，例如歐洲要面對嚴寒，呢啲宣傳可能對俄國境内有用，但對一個親俄嘅歐洲人就冇用，因為佢知歐洲人唔會凍死喺屋企
- 相反，呢個親俄嘅歐洲人可能會接收到，一切正按計劃順利進行，烏軍將會戰敗，俄軍將會戰勝，但俄羅斯人見到墓地越來越多十字架，又有被動員嘅憂慮，佢哋會知道呢一切並唔順利
- 而即使冇人接收到任何嘢，咁樣嘅宣傳亦都可以成功做到一個擾亂嘅效果
- 講一句説話係好簡單，但要證實或者駁斥同一句説話要用好多時間，如果你向信息空間投放大量謊言，可以令到好多人舉手投降，話「我哋邊有可能知道咩係啱咩係錯？」，大家就會想否定各方所有宣稱嘅嘢
- 簡單嚟講，如果真相對你不利，咁摧毀真相或者等其他人揾唔到真相，係對你有利，就好似電子戰入面嘅訊號干擾，等所有人咩都睇唔到，如果你冇任何感測器，而對方又有好多，咁啓動干擾器係對你有利
- 總括咁睇，片主覺得俄方嘅信息戰其實係幾有效

印度痴邊面
巴基斯坦就會自動去對面

無錯
因為親俄媒體一大堆
每個既受眾都唔同
只要唔係蠢到係同一個媒體短期內自打嘴巴
絕大部份人既記憶力同分析能力都唔會覺得有問題

呢樣野係連登其實都發生緊
除左支共想你睇既post
仲有好多無聊假膠充斥版面
就係要灌廢水覆蓋有用資訊
長遠令平台無力化
就好似舊登/香討/yahoo新聞咁

https://m.washingtontimes.com/news/2023/feb/17/pentagon-first-ukrainian-troops-finish-training-us/

據報第一批烏軍已經完成 M2 Bradley 訓練
同時 60 架 M2 已運抵歐洲 相信短期內會進場
坦克應該都唔會太耐

巴打夠清醒

Lm

反而有興趣知烏克蘭用美德坦克組隊後點用
會唔會主動反攻，定係先HOLD現有陣地再消耗俄羅斯多一陣
白俄都講到明會借道比俄佬，或者迫住烏克蘭撥部份新坦克過去

俄軍主力？
- 驟眼睇，網上好多言論笑俄軍得返啲動員兵，訓練同裝備不足，士氣低落，更淪落到要用二戰軍備，當然呢啲都有證據證實，大家相信都睇過俄軍生鏽嘅AK，士兵喺社交媒體抱怨食物質素差劣，缺乏訓練就直接上戰場做炮灰等等
- 確實，由動員兵組成、缺乏訓練、士氣低落，呢啲部隊固然存在，就好似之前烏軍喺Kharkiv嘅反攻，俄軍動員兵戰鬥初時就喺Balakliya潰敗，呢啲動員兵部隊嘅價值主要在於充人頭、駐守戰壕、守住防線；戰爭爆發初期，俄軍就派烏東動員嘅民兵前進，吸引烏軍開火，從而識別烏軍陣地；總結各方意見，呢啲動員兵嘅進攻能力有限，雖然無法擔任突擊部隊，但確實有助俄軍穩定戰線，而事實上，烏軍亦都有呢類部隊，缺乏裝備同訓練嘅士兵當然冇辦法執行複雜嘅進攻行動，但係守住一道戰壕應該仲係做得到
- 有時啲人可能錯誤認為，所有俄軍部隊都係咁，因為有啲由動員兵組成嘅部隊喺烏軍猛攻下潰逃，所以其他俄軍部隊都會係咁
- 俄軍其實依然有一啲常規部隊表現出一定嘅戰力同決心，特別標青嘅係俄羅斯空降軍VDV，戰爭初期已經承受重大傷亡，例如喺Hostomel機場；至此，VDV主要執行防守任務，大家可能記得烏軍成功解放Kherson，但過程其實非常艱難，烏軍要將俄軍補給線切斷，每個陣地都要經過猛轟強攻，逐一擊破，只係喺俄軍認為冇辦法維持有效嘅防禦，烏軍先得以解放Kherson，而當時負責防守嘅正正係VDV，烏軍士兵亦都證實VDV士兵極力抵抗，戰力同決心都不容忽視，而俄方嘅評論員亦成日埋怨VDV未有得到其他部隊配合；喺俄軍失守Kherson之後，VDV好快就被調派到其他地區，例如參與攻佔Soledar、協助防守盧甘斯克州（特別喺Kreminna地區），好明顯呢類部隊作出咗唔少貢獻，亦都會繼續作出貢獻
- 俄軍雖然有部分精銳部隊表現未如理想（如某裝甲部隊），但其餘嘅表現唔錯，烏軍好難先可以突破佢哋嘅陣地
- 另外，近期喺Bakhmut同Soledar嘅戰鬥，令Wagner部隊備受西方媒體注目，各方都同意Wagner有一定嘅戰力，而俄軍亦都有依賴Wagner擔任突擊部隊負責進攻；Wagner似乎分成兩個部分，第一部分由俄羅斯囚犯所組成，佢哋負責前進，刺探烏軍防線嘅弱點，過程中自然要承受大量傷亡；但一旦發現到防線弱點，Wagner另一部分嘅部隊就會出動，呢啲係專業士兵，負責執行滲透任務，烏軍士兵形容佢哋裝備精良、訓練有素、戰力甚高，更有夜視鏡、高階無人機等等，呢啲部隊負責滲透烏軍陣地，繞到烏軍後方，進行突擊；當囚犯部隊傷亡慘重，Wagner精銳部隊就以較輕微嘅傷亡達到目標；烏軍民兵部隊或者可以同訓練不足、裝備差劣嘅Wagner囚犯部隊一戰，但如果缺乏精良嘅裝備，遇到Wagner精銳部隊，烏軍可能會覺得吃力
- 呢度要強調，唔係話Wagner精銳部隊係好似西方特種部隊咁裝備先進，即使係其他俄軍精銳，佢哋嘅裝備都頗為參差，一方面佢哋可能有得用T-90M坦克，另一方面又有幾門二戰時期嘅大炮；呢個情況亦都適用於烏軍，有啲部隊配有最先進嘅北約軍備，但同時間有可能有一啲「豐田改裝神器」
- 總括而言，俄軍部分部隊依然裝備良好，擁有一定實力，對烏軍仍然構成威脅

呢個channel 正喎

嘩美國真係送M1
睇黎美國都開始想快快手完左場仗
順便研發新mbt

烏軍補給難
呢款唔方便去太遠

擺明權鬥
為左壓住wagner gp
廢人都要升上去俾臉色wagner睇
等班狗自相殘殺
布癲狗一貫作風