保險問題 理性討論 佛系你問我答(4)

當然可以

多數應該都會有㗎啦，只不過係用醫學名詞寫出來一般人睇唔明啫，或者報告已經顯示到有呢樣嘢

唔洗客氣

幫屋企人買左Cigna 有d失望
急病入院嗰下諗住試下申請出院免找數
點知要至少2日先批到
所以最後都自己埋左單先
9月頭交claim form, 一路都話等緊醫院資料
醫院嗰面話已經寄曬比佢
但佢索償進度仲係話等緊醫院資料
打去問又話因為私隱問題
要同屋企人一齊打電話上去先可以講詳情
千辛萬苦終於搵到時間同屋企人一齊打電話喇
之後又話係呀最少要8星期架 你再等下啦
其實claim 嘅金額唔係多 半年保費都冇
但呢次經歷令我有d後悔揀左佢

份保單新買 定 超過2年?
我上次大約3個星期 (Cigna賣盤前Claim)
希望你唔係因有新高層影響索償進度la
我都有點擔心之後Cigna會唔會怕成宏利

呢個又係正常喎
不嬲出院免找數都係要幾個工作天去做批核
我上兩三個禮拜幫個客做出院免找數都係兩三日就批，如果你係急病入醫院嘅都係需要自己比錢先，呢個係任何醫療計劃都係咁

咁另外一個就係私隱問題，正常就算真係親人都唔可以代表到你屋企人去睇資料，匯豐之前先有一單係類似。所以正常做法應該就係叫你屋企人直接打電話上去，又或者可能有人會認為你把聲好似你屋企人都係可行嘅做法

至於個賠償速度問題呢就要視乎你張單買咗幾耐，early claim 同正常索償個速度會爭好遠，因為太早claim 佢需要check你過去有冇相關醫療記錄，主要係政府拎記錄好慢。其實真係間間都係咁，係睇你張單一開始買嘅時候申報得多唔多，係咪屬於early claim，呢啲全部都係會影響個索償速度

我自己都係用佢，我好多客都係用佢，又真係so far都未有特別問題。佢賣咗人壽醫療盤(佔佢生意2.5%)但係佢一般保險醫療(生意97.5%)都仲係自己手，雖然佢而家內部混亂買新單有啲慢，但係索償佢都係仲有放人係到速度都仲有

都係應該要買嘅

買一啲自己盡可能負擔到又可以保障到可能發生嘅大病係對自己會比較好，始終連醫保最萬能都已經買唔到，就唯有退而求其次保一個最燒錢嘅疾病都係可取

你嗰個係保障癌症醫療定係有癌症就一筆過賠償嗰一隻？如果價錢唔貴嘅話真係可以考慮，正常應該好鬼平㗎喎，如果個價錢係太貴咁就真係要商榷，性價比未必值得

想幫屋企人買份保險 63歲
淨係得份細額危疾 唔煙唔酒 一直都無乜病痛
想幫佢買份醫療保

1. 咁大歲數會唔會唔受保？有無邊間易受d?

2. 想保大病時既支出 係咪買尊衛你最好？
追完post 見你都係建議買中高端醫療
但同屋企人傾完
佢話買返普通個隻都得
朋友推介佢買MSIG既精選計劃
每個病最高賠$500000 唔太差
又可以細病都有得claim 唔洗墊底費
保費仲應該平d
巴打點睇呢隻？

3. 有無其他建議？

另一個屋企人最近confirm 左cancer
得返細額醫療 每個病賠最多$100000

1. 佢好返之後 會唔會有保險受？

2. 預左唔賠呢次cancer 既器官 但會唔會係cancer 都唔賠？

3. 有無其他建議？

唔該晒巴打

新屋就入伙
想問邊間公司家居保險比較好？

唔交錢係你自己蝕底
你唔想跟佢買就轉agent仲好

如果咁買好唔好？

自願醫保（標準） + 自願醫保（靈活， 25萬 墊底費）

當有大事上黎， 用標準 cover 返 25萬墊底。咁買保費會唔會平d ？

想知保險agent會唔會呃人入行（吹到好好景）？
同埋初頭話唔會捽數咁好人係咪真？

標準點cover 25萬

要用靈活計劃

Sorry

Fwd 易衞您 (0墊） + 尊衞您 （25萬 墊）


有冇人咁買

就咁單獨買呢個就可以

你買充裕未來就係幫agent充裕佢未來

你真係想供斷佢你用其他野可能仲好

而家定期都有4 5厘
你自己諗吓係咪會有更加好選擇

1. 大把選擇，自願醫保去到80歲都仲買到，之後可以續保至100

2.我建議就係中高端為主，普通醫療幾十萬自己借錢都借到，幾百萬就真係想問人借都借唔到，咁你諗吓係邊一個風險最值得轉移

3.李澤楷同埋c記可以考慮吓，如果真係身體健康可以考慮吓加拿大太陽

1. 好返之後過五年就可以開始嘗試會唔會有保險公司可以買得返，亦都有啲保險係係比癌症康復者購買，但係價錢就比較貴自己要衡量值唔值得

2.多數就應該係會不保癌症，唔係用器官去量度

3.做公務員啦，公務員保險話知你生過cancer都可以走去買

有問題唔明再係到問啦，不過我呢排忙到傻我見到就會覆🥹

你買咗個一份係咩保險？
如果係消費形式嘅就咁斷咗就得
如果係儲蓄形式你就要考慮早期cut咗嘅現金價值會冇咗會有所損失

正路就應該係轉移去另外一個同公司Agent去負責跟進就可以，唔一定要cut單除非你好唔鍾意呢間公司

瑞士公司 意大利公司都係唔錯

可以睇睇呢兩間 都係屬於平靚正

食唔到25萬

標準嘅最多淨係食到16000 25000呢個位置

靈活計劃先食到25000 50000

兩個方向一係就一份中高端走天涯，揀個中間墊底費就可以。一係就兩份A B咁樣一齊買，你按照返我上面嗰個配搭就可以

大把 而家大把好多係吊命，特別係冇咗大陸水同埋保費融資呢啲

實際上收入係仲衰過打份工

佢都要做生意，又或者佢純粹係想要人頭，咁咪唔會捽你數