保險問題 理性討論 佛系你問我答(4)

佔你收入幾多先？ 如果吃力就應該壯士斷臂，如果唔係你中間壓力太大反而係得不償失。

你買份嘅呢個就係同閃耀人生一樣嘅ilas計劃，即係所謂嘅用保險去包裝嘅基金計劃，中間就會有唔同嘅保險費用產生，如果你真係想投資嘅其實直接買基金或者買股票會最好，因為唔需要比呢啲計劃中間嘅管理費蠶食你。同埋你揀咗每個月供款咁多，有冇預留應急資金同其他先，如果唔係你自己平時都冇儲備係手，面對突如其來嘅更加難處理，因為呢啲錢係Lock死咗係冇得攞出嚟住。
亦正正係因為冇呢個靈活性逼你儲錢，就會係話術嚟嘅，你覺得適合自己就會係適合自己，唔適合自己嘅話就證明呢個計劃其實都唔適合你，因為唔切合你嘅實際情況。

如果你驚嘅你可以再講多d你入面買咗咩，我地成班巴絲可以同你參詳下

請問有打疫苗前可以買既保險？

多謝樓主詳細分析🙏🏻

我月入16K扣埋強積金就得返15K，你話會唔會好大壓力，我覺得其實係可以接受嘅。但因為我個人都比較大使，每個月可能比完呢$5000，再加埋卡數可能都係剩返$1000-2000到。依家已經供咗$45,000，如果退保，佢就退返$15000俾我，所以我都好猶豫究竟要唔要繼續供落去。

個Agent幫我買左呢兩隻基金 各50%

駿利亨德森遠見基金-全球科技領先基金
貝萊德世界健康科學基金

你好，想問下醫療同自願醫保有咩分別？因為我見都係實報實消，但係保險公司2樣都有得買
感謝

你呢個真係啱啱好 我咁啱有篇文章準備出
喺度寫埋落嚟先

醫療保險vs自願醫保

現在購買醫療保險，自願醫保應該成日都會聽到？有得扣稅、保費更平，有政府監管，就咁聽都已經好處多多，點解仲會有人購買普通醫保呢？

第一，移民問題，因為現在自願醫保購買需要有香港居民身份，香港是承認雙重國籍的，哪怕移民去外國只要繼續持有香港身份證就可以繼續持有保單，只要申報新的居住地和接受有機會對新居住地作出的風險保費調整就可以了。但我們都會懼怕萬一香港有一日修改條例，不再承認雙重國籍，我已經人在外國想必也不會繼續選擇持有香港身份證放棄外國身份，就會出現保單失效的問題。普通醫保就沒有這個憂慮，因為定價的時候沒有限制居民身份，只要新居住地也是保障範圍內就可以繼續使用，就不怕買了有病歷在外國購買不了當地保險也能夠持有一個計劃有需要時可以回亞洲或香港醫治。

第二，保障內容分別。有些公司在保障內容上哪怕自願醫保和普通醫保都是高端計劃，也會有內容上的差別。以廣受歡迎的美國著名保險公司C記的專尚計劃和自願醫保優越計劃作為例子，已經會有幾個主要差別。自願醫保會限制每年住院天數和深切治療天數為180天和25天，專尚計劃就不設限制。自願醫保附送的身體檢查是三年沒有索償才會附送，專尚計劃是每年都會提供，驗身計劃是由大型連鎖醫療集團提供(市值大約千多元)。婦科妊娠疾病保障，自願醫保內容中並非受保事項，專尚計劃是能保障這方面，比較適合剛剛邁入人生另一步的夫婦。

第三，扣稅問題。自願醫保每年可以用最高可扣稅保費上限$8000元乘以自身稅階，就可以突出自己個人可以透過自願醫保扣減的稅項。以一位年繳保費達10000元和屬於最高稅階17%擁有三口之家的50歲先生作例子，他的保費最高$8000元可用作扣減，8000 x0.17 = 1360。這個就是我們個人能透過自願醫保扣減的最高上限，看似不多但聊勝於無。同一時間，他能作為保單持有人購買妻子和子女的醫療保險，假設妻子和子女的保費也是達到或者超過$8000，他每一年也能扣減4080稅項，也是令不少投保家庭心儀自願醫保的原因，這個普通醫保不能提供的優惠。

最後，剛剛提及的公司和計劃只是云云自願醫保和普通醫保的冰山一角。市場上有很多在保險平台評級高保費也相宜的高性價比產品。

有的 疫苗保障保險都會有 但你證實唔到係副作用都冇用

最多你可以打針之前買定醫療保險同埋危疾保險如果之後唔好彩身體發生咩事就起碼有得補償下

吓 點解唔會 我幾個鐘頭前都仲係跟緊個客

基本上人地問起問題咪會答 要用得着咪幫手處理 就係咁咋嘛

至於考試考完之後就會有段時間得閒咗嘅，不過應該就會繼續再考其他唔同嘅，暫時都有target cfa acca呢d

至於咩都考晒咪更加得閒可以答下問題，正正係因為考試先少咗時間

你呢個情況我有個建議嘅

首先你就睇吓你公司嘅公司醫療有冇個可轉換條款，可以俾你喺離職嘅時候無條件買返一個醫療保險，咁就算你中間有個醫療記錄都可以買到一個標準嘅冇任何不保事項嘅正常保險。如果呢個可以嘅話，咁你就唔急於一時購買，離職嘅時候再考慮都未遲。

其次如果公司冇呢個條款，咁你就可以考慮購買一份個人嘅醫療保險，你可以先買一個高薦底費嘅退休嘅時候行駛轉換墊底費權利，冇核保調低墊底費，咁相比起私家醫院嘅醫療開支，保費算係比得平既。

咁第三個問題就比較關鍵，因為你身體有啲狀況，血脂高同膽固醇問題，通常係會比較多出現加loading情況，呢個算係比較好。如果係出現嚴重三高問題，咁你就好難購買到份保險，因為好大可能係直接買唔到。

你呢個情況你可以嘗試做咗個pre underwrite先，睇咗個情況先，估估下係冇意思
同埋你個後悔係啱嘅，應該買咗過晒先開始check，而家咪捉蟲

你咪照send過嚟

有緣咪幫你做個pre un
之後如果你係公務員可以自己打電話上去買85折

唔該哂你啊 巴打你堅係好熟啲products

有答覆未

問咗喇

C記癌症同腎臟透析可以屋企處理，如果其他藥物治療就可以計落出院後門診入面，不過就有天數限制例如出院後90日咁樣，咁過咗90日就冇啦。

新世界就淨係可以計落去90日內6次出院後門診/15次中醫治療，其他就冇啦。

咁所以如果係長期服用藥物嘅情況出院後過咗一定天數就會冇咗，需要用其他方法去處理

正如我開頭所講冇一份保險係完美，你總係要自己負擔一部份風險

買d濕鳩自願醫保得8萬醫can個班出事其實點算
唔知點解出咗咁耐都未見有新聞

明明8萬點都唔夠